影片
朝早11點半打去book 1點拎外賣，準時1點到去拎。同我講因為怕客人要等，所以要訂。去到一收哂錢就冇聲氣，個個侍應你推我讓，冇人想同廚房講要出個外賣。見到張單收多咗$6.5，原來係外賣盒三個$6，膠袋五毫子。等咗一陣催個收銀，佢話可能同事頭先好忙唔記得漏咗單。另一個呀姐又走黎講唔同版本，話雖然訂咗但係啲嘢食通常等客人嚟咗先整，因為驚啲客人遲到(?)訂左1點拎，等咗20分鐘。嘢食不過不失，不過體驗極差。冇下次。
繼續閱讀
昨晚同朋友喺上環文娛中心參加完比賽，係附近覓食，被呢間餐廳吸引！ 中式裝修，睇落都幾乾淨衛生，坐落又幾舒服，食物更加有驚喜👍🏻竟然有寧夏灘羊，實屬難得😂店員介紹烤羊排是他們啲招牌，於是便試試啦，香噴噴嘅烤羊肉撲鼻而來，配上孜然粉味道好正啊😋肉質鮮美，香濃濃的羊肉味，果然同出邊平時食嘅唔同👏愛吃羊肉嘅我必須推薦，羊肉係冬季大補物，食完唔怕凍😂😂油燜大蝦啲蝦都好大隻，而且好入味食得過松鼠魚，啲魚炸的啱啱好，外層香香脆脆，內裡軟軟滑滑，味道酸酸甜甜……好好味嘅係附近算係唔錯嘅選擇，值得一試😊
繼續閱讀