中心點 (已結業)

昨天周日遇上職員態度惡劣，如果你不想在假日休閑不愉快，就避免去了。（不只一個職員態度惡劣。點心相片都算特別，但實際食品味道一般，價格比較同類茶樓高，而且坐位比同區茶樓窄，性價比低。

晚餐188套餐比较划算一条鱼加两个小菜。以前的中投饭比较便宜，现在比较贵一点。大家虽然菜菜的品种比较少。但质量服务都是特别好。非常喜欢，去他们家尝尝去。每次都喜欢带茶去那里喝。

每天早上都会在这里喝早茶，晚上会在这里吃晚饭，很少不来这里。好喜欢他们家的菜，新鲜服务又好。每次我都自己带茶过来喝泡茶喝。反正我每天都想来他们家吃饭。特别喜欢他们家的东西，又新鲜又好吃又便宜。

我從來都未寫個食評， 你是第一次就要我咁寫， 態度惡劣真係差無可差，態度惡劣真係差無可差，態度惡劣真係差無可差， 重要嘅事情真係要講三次， 首先食物一般唔在講， 我叫咗一個套餐59， 諗住都幾抵食， 不妨一試， 有飯有菜有湯， 點完都係要等㗎啦， 等了20分鐘職員 食物還有多久到， 他說整緊， ok我等， 30分鐘又問， 都是說整緊， 跟住隔離袋都係問同一個問題 ，隔離枱已經鬧緊， 到40分鐘再問， 佢哋先至肯去問廚房， 跟住行返出嚟同我哋講整緊好快等多， 跟住過再過多十分鐘 佢都依然未出到個飯 ，陣跟住我話唔要出去埋單， 同個職員講我唔要叫佢埋單， 我話你啲嘢太耐喇我唔要，我要返工， 佢竟然夠膽同我講要畀曬全數我話我飯都未到點解要畀全數？ 佢答我你個係餐黎嘅， 我話而家唔係我唔要係你出唔到個飯畀我， 蒸個飯要十個字都出唔到嚟， 仲要我畀錢？ 跟住佢就話分開嚟畀唔使我畀咗飯錢跟住計數， 一個59蚊嘅餐佢分開計個湯39 個菜 廿幾蚊， 計完出嚟夠膽死貴嗰個餐 ， 即係火都嚟， 做食肆做到佢咁真係失敗， 做唔切就唔好學人即叫即蒸啦， 蒸個飯要成個鐘

好少打差評，但今次真係要打出黎。希望老闆如果睇到唔好淨係聽員工一片之言，或者可以睇返當日錄影。下午茶時間，接近八成滿，店舖人手三人。其實三人已經很足夠，可能係人的能力問題，員工一直說好忙。下午茶時段，我哋叫咗$59蒸飯套餐加3款點心。$28.8選擇兩款點心，$46.8選三款。我哋揀咗鴛鴦蒸燒賣、蠔皇鮮竹卷、家鄉釀虎皮尖椒。店員打單之後，一位短髮（最短那個）過咗一陣過嚟講冇晒鴛鴦燒賣，我哋表示其他選擇都冇合適，麻煩改$28.8兩款點心。短髮店員即刻表示，不能改單，如果我哋唔選擇其他款都係會照收$46.8。 我們已經表示很疑惑。我哋堅持表示列表內沒有合適的點心想吃，如果冇鴛鴦燒賣，不用鴛鴦都可以。短髮店員說那麼改牛肉燒賣，全部都同一款。我們說好。點心出來了，變了鯪魚球。 我跟短髮店員說，不是牛肉燒賣嗎？為什麼變了鯪魚球？如果我不吃鯪魚球怎麼辦？短髮店員態度依然惡劣，竟然說冇鴛鴦燒賣咪隨便選擇一個給你，冇牛肉咪比魚肉你。事前完全沒有問過顧客同不同意。點解可以求其比一個點心顧客呢？真係好離譜。 短髮店員完全唔覺得自己有問題，態度表示自己正確。長髮店員態度友善，說給我換，一直說因為忙碌所以情況搞

專程到訪一嚐精品點心！套餐 $59 蚊好抵食！有飯有湯有菜，最衰不可以轉鯛魚飯，只有基本較平宜排骨肉餅滑雞。爸媽茶聚抗曲濕膠武肺，香港人加油！紅米脆皮鮮蝦腸粉，藏在內的不是鬆脆響鈴，再次遇上討厭微韌油味重的橙色薄脆。大大粒爽彈鮮味蝦仁被黏滑粉皮包著，滾上甜豉油味道蠻不錯。滋補藥膳鳳爪，處理細心不馬虎，有修腳甲的呢！清雞湯底混入少量清香藥材味，趁熱飲還好，越凍就越油越膩。雞腳爽彈有咬口，雞甜味亦不弱，啜得開心。蝦膠魚肚棉花雞，少見蒸完乾身的棉花雞，沒什麼的湯汁。幸好魚肚已吸盡雞柳精華，鳳脂及肉汁全部緊鎖在內，爽爽清甜水潤。鬆軟的蟹棒及彈滑冬菇亦有著少少雞甜味，中間的蟹子鮮蝦丸鶴立雞群，擺盤別出心裁，蝦丸鮮味濃厚彈牙醇美。蜜汁叉燒包，新鮮出爐軟塾無比，渣得好舒服，好有手感，熱辣辣愛不釋手。只愛爆汁爆餡叉燒包，濃濃甜甜叉燒醬抱著肥美叉燒粒加上軟綿綿包皮，那有不好吃的理由！老媽竟然投訴餡太多太濕，倒不如食饅頭啦，激死我﹗鮮鮑魚松草花走地雞籠仔蒸飯，非常靚仔飄著輕煙到來，香噴噴的鮮雞氣味直撲埋身﹗飯粒已完全吸收甘甜雞油，閃令令但不過濕不過油，入口飽滿嚥韌雞味濃，撈埋甜豉油搭件雞肉塞進嘴仔，色香味

價錢實惠，點心中規中矩，最出色係個流沙包，首先係個賣相已經好吸引（好型格嘅黑金色），然後流沙夠熱夠滑夠多，環境來講，真係有種喺茶餐廳食點心嘅感覺。空間感唔夠枱與枱之間距離太近。

今次去到大埔火車站附近嘅運頭塘商場，有間飲茶食點心嘅好選擇。點心選擇多，有我至愛嘅流沙包，佢係用黑炭做架🤩所有點心用材都有十足好新鮮，即叫即整，好味道，係一個不錯的選擇。

朋友住大埔所以順便去果度搵佢大埔一直都多野食，多選擇加上沙田去大埔好方便朋友話想食點心，係大埔見到呢間野見佢門口推介龍蝦木盒飯有特價見佢又唔洗等位，又唔算太少人食就入去啦但係入到去點點吓點心，已太多最後冇吖飯食點心為主👉🏻黑白蝦餃(皮簿嘅都有d 蝦味👍🏻）豬潤腸粉（外面都好少有呢樣腸粉,豬潤唔爽脆，唔多新鮮，如果加d 薑絲應該好d,所以普通）藥善雞腳（唔重藥材味，似普通湯底浸咁）咸水角（呢個算正宗味道👍🏻）蘿蔔絲酥（個皮太厚，冇咩蘿蔔絲👎🏻）鮑魚餃（不過不失啦，同蝦餃差不多）得倆個女人食係咁上下啦總結：冇驚喜味道，只可以止吓食點心引

我係個點心愛好者久唔久就會想去飲茶有日同朋友響街諗食咩好嘅時候就見到呢間「中心點」決定入去試吓我地點左1）黑金鴛鴦蝦餃王一籠有四粒其中有兩粒個蝦餃皮係黑色嘅睇落幾得意 但其實食落又好似同透明皮無咩分別不過係質素幾高蝦餃皮好軟熟至於隻蝦就幾新鮮彈牙2）牛油果蒜香蝦春卷呢個都做得幾出色蒜香味好惹味 蝦又爽口不過個牛油果喺呢度就被忽略左因為蒜香蓋過咗佢既味道但整體而言係好食嘅3）蜜汁叉燒腸粉呢個就有啲失望啦個腸粉皮做得超級厚食完第一啖已經唔係好想再繼續食4）本來叫咗個臘腸走地雞籠仔蒸飯後尾突然見到餐牌上有個新店開張優惠可用$64優惠價食到「生猛開邊龍蝦蒸飯」所以我哋即刻問侍應可唔可以加錢轉廚師本來已經蒸好個雞飯但是侍應話冇問題 即刻幫我地轉 超級好阿！用呢個價錢食到半隻龍蝦都算幾抵只不過食完之後個人覺得龍蝦同蒸飯嘅配搭唔係好襯下次都係會揀返最傳統嘅嗰啲蒸飯

今日返屋企嘅時候，途經中心點，見佢係一間可以飲夜茶嘅地方，而我又唔想食西餐，所以就入咗去食。入到去嘅時候，坐低，睇咗個餐牌。通常我去每一間茶樓，都會試佢嘅腸粉，因為腸粉嘅質素，好反映到一間餐廳食物嘅質素，腸粉皮太厚，質感就唔好，相反皮較薄，質感就比較好，亦都可以見到師傅嘅手勢。之前食過好多間茶樓，呢間鋪頭嘅腸粉，皮就相對比較厚身。另外仲試咗佢個牛油果春卷，牛油味不太突出，感覺只是一味花巧菜式。最後食咗佢個龍蝦蒸飯，蒜蓉蒸嘅龍蝦，味道較濃烈，龍蝦亦都有少少唔爽嘅感覺。唯一呢度嘅服務員態度比較好，感覺也挺舒服。

中心點新開張時 , 宵夜時段嚟食過 , 覺得新派點心吸引 , 食物高質 , 服務又好 今日午市繁忙時段黎食 , 食物同服務質素明顯下降 😟😟 黑金蝦餃皇 ($32) 賣相一流 , 蝦餃大粒 , 可惜餡料有啲黑色一粒粒 , 應該係黑色蝦餃皮染咗 d 色落去 , 見到唔係好開胃 🤢🤢野菌牛肉腸粉 ($24)冇乜特別 , 個皮唔算滑, 亦都唔算薄 北菇蝦乾雞籠仔蒸飯 ($39)雞柳尚算嫩滑 , 可惜冇味 , 個飯都係冇味 , 唔推介 灌湯小籠包 ($26)大部分酒樓嘅小籠包都會中伏 😣😣 , 今次都唔例外 , 食小籠包都係去返專做上海嘢嘅食店好啲 係繁忙時間 , 座位間差唔多坐滿都幾逼 , 服務亦因人手不足 , 明顯差好多所以建議大家最好揀非繁忙時段黎食 , 成個體驗會好好多 😀

終於有機會來試這家有賣大陸流行點心的食肆。進去後坐了超過10分鐘也沒侍應問過我們要什麼茶，待我們主動要求才提供。雖然這裏不是一般酒樓，不過點心紙上已寫明茶位多少，如果我們整頓飯也沒要茶，不知道結帳時茶錢是否會照收？我們共點了6款點心：黑金流沙包家人的都是一咬便流出奶黃餡，我的咬了2-3啖，才能見到黃色的餡料。高山菌冬菇包放到口邊便有一股很香濃的菇味，咬下去卻發現包皮沒有什麼味道。餡料目測有菇和粟米。鳳爪排骨籠仔蒸飯蒸飯拌有紅米，以葉墊底，算是有心思的蒸飯。蜆蚧鯪魚球 一碟四粒的鯪魚球在上桌時偏向碟子的一半，感覺份量很少。而且侍應端來時並沒提供蜆蚧。蜆蚧是這道菜的靈魂，我們當然立即向侍應追討了。蘿蔔絲千絲酥新鮮，鬆脆，可惜蘿蔔「絲」切得厚之餘，亦切得很粗，非「千絲』，而是「數條」。網紅沙皮狗比一般布甸、奶凍結實，有淡淡的朱古力奶味。由於對我們來說太像真，吃時有點不忍下「匙」損毀任何一部分。食物整體質素不錯，只是服務有待改進。

見到隻狗好似好得意咁就同老婆去試下，以為點心好小會唔好食，一句講晒極難食，服務態度差，只係得個樣，價錢仲要唔平，比出面洒樓食仲貴，又唔夠冷氣，一定冇下次😒😒😒

食物味道普通，價錢比同區酒樓貴，重點係職員態度十分惡劣，事源1/7同2個小朋友路過見新開張，就進去試試，9成滿座但還是不用等位，坐係中間一排其中一個食風位，自己冇帶外套都唔怪得人，但坐坐下感覺到有水從天花滴落嚟，左睇右睇發現係風口位噴水...同第一個職員講佢話佢唔知叫我搵第二個，好啦咁搵第二個職員話前果個職員話唔關佢事叫我搵第二個，佢哋就3個人走過嚟幫第一個職員解釋話冇講過，係我怪錯佢哋，但完全冇理同風口滴水問題下就散開，之後我等咗十分鐘都冇人理我我再問職員滴水問題，佢竟然答我冇得搞一係就關咗部冷氣一齊熱要投訴就等12點經理返