影片
港鐵大埔墟站 A1 出口, 步行約8分鐘
繼續閱讀
營業時間
星期一至日
07:00 - 22:30
以上資料只供參考, 請與餐廳確認詳情
昨天周日遇上職員態度惡劣，如果你不想在假日休閑不愉快，就避免去了。（不只一個職員態度惡劣。點心相片都算特別，但實際食品味道一般，價格比較同類茶樓高，而且坐位比同區茶樓窄，性價比低。
繼續閱讀
晚餐188套餐比较划算一条鱼加两个小菜。以前的中投饭比较便宜，现在比较贵一点。大家虽然菜菜的品种比较少。但质量服务都是特别好。非常喜欢，去他们家尝尝去。每次都喜欢带茶去那里喝。
繼續閱讀
我從來都未寫個食評， 你是第一次就要我咁寫， 態度惡劣真係差無可差，態度惡劣真係差無可差，態度惡劣真係差無可差， 重要嘅事情真係要講三次， 首先食物一般唔在講， 我叫咗一個套餐59， 諗住都幾抵食， 不妨一試， 有飯有菜有湯， 點完都係要等㗎啦， 等了20分鐘職員 食物還有多久到， 他說整緊， ok我等， 30分鐘又問， 都是說整緊， 跟住隔離袋都係問同一個問題 ，隔離枱已經鬧緊， 到40分鐘再問， 佢哋先至肯去問廚房， 跟住行返出嚟同我哋講整緊好快等多， 跟住過再過多十分鐘 佢都依然未出到個飯 ，陣跟住我話唔要出去埋單， 同個職員講我唔要叫佢埋單， 我話你啲嘢太耐喇我唔要，我要返工， 佢竟然夠膽同我講要畀曬全數我話我飯都未到點解要畀全數？ 佢答我你個係餐黎嘅， 我話而家唔係我唔要係你出唔到個飯畀我， 蒸個飯要十個字都出唔到嚟， 仲要我畀錢？ 跟住佢就話分開嚟畀唔使我畀咗飯錢跟住計數， 一個59蚊嘅餐佢分開計個湯39 個菜 廿幾蚊， 計完出嚟夠膽死貴嗰個餐 ， 即係火都嚟， 做食肆做到佢咁真係失敗， 做唔切就唔好學人即叫即蒸啦， 蒸個飯要成個鐘
繼續閱讀
好少打差評，但今次真係要打出黎。希望老闆如果睇到唔好淨係聽員工一片之言，或者可以睇返當日錄影。下午茶時間，接近八成滿，店舖人手三人。其實三人已經很足夠，可能係人的能力問題，員工一直說好忙。下午茶時段，我哋叫咗$59蒸飯套餐加3款點心。$28.8選擇兩款點心，$46.8選三款。我哋揀咗鴛鴦蒸燒賣、蠔皇鮮竹卷、家鄉釀虎皮尖椒。店員打單之後，一位短髮（最短那個）過咗一陣過嚟講冇晒鴛鴦燒賣，我哋表示其他選擇都冇合適，麻煩改$28.8兩款點心。短髮店員即刻表示，不能改單，如果我哋唔選擇其他款都係會照收$46.8。 我們已經表示很疑惑。我哋堅持表示列表內沒有合適的點心想吃，如果冇鴛鴦燒賣，不用鴛鴦都可以。短髮店員說那麼改牛肉燒賣，全部都同一款。我們說好。點心出來了，變了鯪魚球。 我跟短髮店員說，不是牛肉燒賣嗎？為什麼變了鯪魚球？如果我不吃鯪魚球怎麼辦？短髮店員態度依然惡劣，竟然說冇鴛鴦燒賣咪隨便選擇一個給你，冇牛肉咪比魚肉你。事前完全沒有問過顧客同不同意。點解可以求其比一個點心顧客呢？真係好離譜。 短髮店員完全唔覺得自己有問題，態度表示自己正確。長髮店員態度友善，說給我換，一直說因為忙碌所以情況搞到咁。希望老闆留意，下午茶時間係去到下午4:30，3:15已經聽到店員說唔好再接單。有客人入到黎，都話冇嘢食叫人走。另外，有一台客人有茶冇水，有一直叫店員加水。短髮店員等待客人走後，卻跟其他店員說「點會冇水」。我想請問，如果有水的話客人會叫你給水嗎？我相信大部份嘅客人都唔會無理取鬧。有需要先會叫店員幫忙，冇需要都好好咁飲茶。雖然唔係一間正式茶樓，但我相信改單應該係常見。從未試過遇到「求其比一樣你」當作解決問題。日期時間、點心order已經在圖片顯示，謝謝。
繼續閱讀
專程到訪一嚐精品點心！套餐 $59 蚊好抵食！有飯有湯有菜，最衰不可以轉鯛魚飯，只有基本較平宜排骨肉餅滑雞。爸媽茶聚抗曲濕膠武肺，香港人加油！紅米脆皮鮮蝦腸粉，藏在內的不是鬆脆響鈴，再次遇上討厭微韌油味重的橙色薄脆。大大粒爽彈鮮味蝦仁被黏滑粉皮包著，滾上甜豉油味道蠻不錯。滋補藥膳鳳爪，處理細心不馬虎，有修腳甲的呢！清雞湯底混入少量清香藥材味，趁熱飲還好，越凍就越油越膩。雞腳爽彈有咬口，雞甜味亦不弱，啜得開心。蝦膠魚肚棉花雞，少見蒸完乾身的棉花雞，沒什麼的湯汁。幸好魚肚已吸盡雞柳精華，鳳脂及肉汁全部緊鎖在內，爽爽清甜水潤。鬆軟的蟹棒及彈滑冬菇亦有著少少雞甜味，中間的蟹子鮮蝦丸鶴立雞群，擺盤別出心裁，蝦丸鮮味濃厚彈牙醇美。蜜汁叉燒包，新鮮出爐軟塾無比，渣得好舒服，好有手感，熱辣辣愛不釋手。只愛爆汁爆餡叉燒包，濃濃甜甜叉燒醬抱著肥美叉燒粒加上軟綿綿包皮，那有不好吃的理由！老媽竟然投訴餡太多太濕，倒不如食饅頭啦，激死我﹗鮮鮑魚松草花走地雞籠仔蒸飯，非常靚仔飄著輕煙到來，香噴噴的鮮雞氣味直撲埋身﹗飯粒已完全吸收甘甜雞油，閃令令但不過濕不過油，入口飽滿嚥韌雞味濃，撈埋甜豉油搭件雞肉塞進嘴仔，色香味美拍爛手掌。沙巴蝦燒賣皇，我真的不明所意，沙巴蝦又如何呢？外皮滑溜溜，花點時間終於被我用筷子夾起。咬落完整結實蝦爽肉甜食不出有肥豬肉，整籠食晒都未夠喉啊﹗花膠海皇灌湯餃，花膠絲、蟹肉、豬肉、帶子、冬菇已融為一體在餃湯，破開跟高湯齊齊享用，香醇美味合格。麻雀椰汁糕，有趣的造型，先解剖研究一下。餐牌張相係雕落去，唔係有張紙仔貼係面喎，紙仔入口即溶應該係糖衣來的。紙仔下面刻有其他麻雀造型，咬落彈彈，清淡的椰奶味道，沒什麼特別。阿華田網紅沙皮狗，好鬼硬淨大菜糕黎喎。老爸老媽終於肯乖乖帶口罩用酒精濕紙巾，勤用消毒搓手液，早前講極都唔聽，真係嬲嬲豬。以為係蛋糕，點知係結實大菜糕，何解阿嬸問我要熱定凍呢？似乎連阿嬸都唔知係咩黎。非常微弱的甜味及阿華田味，觀賞度高但食味不吸引。姬松茸螺頭燉雞湯，紫砂湯盅火喉十足。高溫濃郁湯汁直接灌入！雞味出眾，陣陣松茸清香，舔舔脷極和味。黑金流沙包，炙手可熱，揸上手彈彈暖笠笠好舒服。估計包皮係加入竹炭而程黑色，有益腸胃及健康。依然保持鬆軟，撞埋咸蛋流心滑滑美味。金箔蝦餃皇，說好的金箔呢？馬虎用金油代替，沒味道只為裝飾，蝦仁極大極爽，咸鮮優質食得過。牛油果蒜香蝦春卷，有創意當然要試試，不過強差人意。牛油果本身沒怎麼樣味道，薄薄一片存在感幾乎係零，磨蓉大大篤會演繹得更好。炸得金黃脆卜卜，只食到蝦仁及蒜香。蜜汁叉燒腸，少有地有加入芫茜，幸好只係微量不太食得出。零星碎濕濕叉燒蓉，使得我越食越空虛，我要啖啖叉燒的才能滿足，依條跟齋腸撈豉油差不多。陽江豆豉蒸排骨，排骨偏肥免強可以接受。油淋淋搭著肥膏閃令令，醃味清甜，瘦肉鬆化，可以的。鳳爪排骨籠仔蒸飯，即叫即蒸請耐心等候，約廿十分鐘出爐！排骨比普通豉椒蒸排骨更好味！豬肉味更甜，肉質更彈更滑，配上豉油撈飯齊嘆，認真不錯食得津津有味。飯粒雖然有點濕但飯香非凡，加入紫米添點嚥韌口感。金銀菜蜜棗燉白肺湯，香噴噴滾熱辣，開蓋芬芳飄揚。清新湯汁夾雜肉甜菜甜蠻可口！湯渣也不錯，南北杏、豬軟骨、豬肺、金銀菜全部清掉。金蒜海鯛魚籠仔飯，完全遠超我想像，選擇非常正確，普通籠仔蒸飯色香味都可以滿星！優質鯛魚片爽彈魚味甜美！尖米飯香飄飄乾身嚥韌，甜豉油清新香甜，原來用暖水鎮住以保持溫暖，連細節位都照顧到。大大舊魚肉躺在金蒜甜豉油撈飯，融合昇華美味極致無得頂！家鄉釀虎皮尖椒，魚蓉不是馬虎求其薄薄一片，用心搽得豐滿，填得密不透風。尖椒藏著辣椒籽，爽甜中帶辣，還有厚厚飽滿彈牙鯪魚肉，洒上甜豉油更加生動！珍菌鮑汁鮮竹卷，醇厚鮑汁掛在嚥韌腐皮入口，爆出爽甜菇汁，味道豐富不單調使人回味。連老爸老媽都大讚，立即添食叫多一碟！鮑魚鳳眼餃，濕黏厚嚥韌晶瑩餃皮，蝦球跟鮑魚仔一樣大細齊齊塞入，在舌尖上合體，爽彈夾嚥韌，鮑鮮加蝦鮮。手剁牛肉球，喼汁跟甜豉油一樣鎮係暖水中備用。果真手剁不是一粒粒，更綿密緊扣！彈彈肉球，我最愛啖啖都係肉！清淡牛肉味搭酸甜喼汁，開胃醒腦食得開心。上湯菜肉水餃，湯底清淡如水，忘記她罷！食得出自家包製不是外購。瘦豬肉鬆化有咬口，韮菜粒陣陣獨特菜甜味。韮菜可以再多再多再多少少，三份二都絕對唔過份！
繼續閱讀