个園竹語

營業中

休息中

過年匆匆，轉眼又來到3月，忽然好想食返餐中菜，放工在港威做完facial，跟同事推介，來到个園竹語食這裏的$498晚市套餐。經常在門前經過都不知道原來入面裝修咁典雅，富有中國風。我們被安排在門口的卡座，更寧靜。餐牌選擇很多，款款都吸引。下酒小菜和熱茶先上。煙燻糖心蛋上有魚子，帶點咸香，糖心蛋好creamy。糖醋小排骨甜甜地好開胃。醬燒原隻虎蝦，這隻虎蝦夠巨型，那醬真係一絕，未食蝦要先啜蝦殼啲汁，甜甜地夠濃稠，蝦肉結實彈牙，食得出新鮮，一隻真係不太夠!!!紅燒竹笙魚翅，這翅不欺場，食到一梳梳的質感，而且份量不少，很爽口，套餐食到這質素，真的值了。金牌蒸小籠包熱辣辣的小籠包皮薄餡靚。珍饈四寶，包括了鮑汁扣海參、鮑魚、花膠和花菇。每樣都炆得好腍!!!!海參十分Q彈，好稔。鮑魚彈牙，花膠滑嘟嘟，真係滿滿的骨膠原呀~一次過食完鮑參翅肚，真係正。招牌海鮮炒飯，飯炒得乾身而且粒粒分明，加入了蝦米更香口，用有剩的鮑汁撈埋落飯入面一齊食，更加滋味!!!夠薑湯圓真係好夠薑味，而且甜度剛好，湯圓煙韌，加上流心的黑芝麻餡，食完好暖胃，令人滿足。這個餐價錢睇起黎不算特別親民，但當食完後就絕對覺得物有所值，入面每

Fafafoodblog為食花太郎 🍴晚市套餐498 蚊一位🍴煙燻溏心蛋 糖醋小排骨🐖溏心蛋落左准鹽同松露 同煙燻既香味好夾 糖醋骨 個排骨好煙un甜酸味剛好 🍴醬燒原隻虎蝦🦐個醬汁整得好香甜帶微辣 虎蝦大大隻 幫你半去殻 食嗰時好易咬 🍴紅燒竹笙魚翅翅好足料 落d醋就好好味 🍴珍饈四寶 鮑汁扣海參 鮑魚 花膠 花菇個鮑汁好香濃 花膠同海參整到好彈牙 花菇好爽口🍴招牌海鮮炒飯🍛🍴金牌小籠包皮夠薄 小籠包入面既豬肉好juicy . 落d醋就好好味🍴夠姜湯圓#上海菜 #小籠包 #花膠 #鮑魚 #紅燒翅 #虎蝦 #排骨 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#個園竹語尖沙咀廣東道3 至27 號海港城港威商場3 樓3202 鋪~~~~~~~~~~~~~~

約好舊同事，在廣東道晚餐。日頭猛做，我倆都希望晚餐食好D作補償。 舊同事帶我來到這家淮揚滬菜餐館，保證合我心意。下單後，就開始大談二邊的威龍秘密網。鐵板上的小籠包此店招牌菜，所以要來一份。真身：五粒小籠包在鐵板上嗞嗞叫。小籠包底部已變金黃色，夾出之時不粘底。內裡肉汁豐富，最好以匙羹享用。以薑絲滴下薑醋，整個放入口。面皮的軟，帶甜的肉汁混淡淡的陳醋，是小籠包標準配搭。而這個鐵板小籠還多了底部的香脆及皮料的麵粉味。鮮肉鍋貼 厚外皮，麵粉味較突出。鍋貼裡有湯汁，肉餡大。四川擔擔麵 不太辣，不太麻，不太鹹，剛好襯托出麵身的麥味。蜜汁脆鱔 其實是炸鱔魚皮，拌蜜汁。是蘋果拔絲，咕嚕肉的朋友，先炸後上調味。 漿粉不多，魚皮紋理色澤明顯，魚腹魚背容易辨認。  鱔魚皮炸過後，魚皮下的油脂減少了，口感脆如薯片卻沒有油膩感。而那消失的鱔魚肉呀～也許在鱔糊裡呢！紅燒獅子頭 獅子頭很實在，肉丸結構緊密不鬆散。竹筍很新鮮，脆口。 還有最重要的菜菜呀！蘭梅桂花拉糕 蘭梅，藍莓也～上海甜品也要玩諧音，換上漂亮的名字，照計可提高價格。 而這款只是六十個大洋。視覺：四粒花形的上海拉糕，塗上藍莓醬，綴以黃金桂花蜜，仿如花蕊

喂呀！今次同個Friend去咗尖沙咀海港城「个園竹語」開餐，成間店竹林feel好Chill，傾密偈一流！試咗8款菜式～ 中國四大名園之一，「个園」座落有淮揚菜及滬菜之鄉稱號的江蘇省揚州市.🍳1. 陳醋海蜇頭＋煙燻溏心蛋海蜇頭爽脆酸香超開胃，溏心蛋煙燻味濃，不錯噢！.🥚2. 芙蓉炒三鮮蛋白滑到似BB肌！師傅火候神準，加黑醋一撈——鮮味更突出，推介✨ .🥣3. 上海薺菜肉絲豆腐羹熱辣辣明爐上枱，豆腐嫩過豆腐花！薺菜清香解膩，飲完暖笠笠～ .🐷4. 百頁結紅燒肉紅燒肉入味，但未到「入口即溶」級數.🥬5. 乾貝竹笙扒時蔬清淡之選！乾貝絲提鮮，竹笙索盡湯汁.🥟6. 金牌蒸小籠包皮略厚但無穿！湯汁爆棚.🍡7. 桂花酒釀丸子丸子煙煙韌韌，桂花酒釀甜度剛好.🐷追加糖醋小排骨：外皮唔脆仲黐牙，酸味搶鏡，呢碟可Skip⋯⋯

整體不錯既上海菜環境乾淨舒服，服務很好，人手足夠，服務員不時幫忙斟茶食物方面，上菜速度快既，鐵板小籠包好食多汁又脆，有5粒，喺香港都唔多好食既小籠包。隻煙熏三黃雞味道正常，雞皮幾脆，唯獨是上菜時候唔知點解有粒螺絲，不過經理即刻話換一碟新既，咁就大事化小啦。重叫左四喜烤麩同腐皮雞毛青菜，出邊小見既蔬菜種類，無乜特別菜味，有點似菜心苗茶方面，叫左龍井，有茶味，係茶錢貴少少兩個人計埋茶介同前菜埋單九百幾，有機會可以再試其他菜式

餐廳位於尖沙咀海港城港威商場內，門面非常有格調，復古的裝潢、專牆的設計，令人彷彿置身古時的建築🏘️。果然餐廳名由來是中國四大名園：「个園」，頓時感覺去了旅遊一樣。前菜：燻蛋（2隻）、肴肉兩款菜式也很開胃🤤。燻蛋表面灑了鹽巴及黑胡椒，表面鹹香，而且蛋黃半流心狀態非常creamy。肴肉凝固了的部位，就像啫喱一樣入口即溶。點埋醋更正。湯品🥣魚羹、酸辣湯，一辣一唔辣。兩款湯賣相精緻，上菜時是以高身的容器盛著沙碗保溫。🔥熱住飲超正，兩款各有風味，主要是湯羹呈汁狀，唔會過稀，口感很好👍而且兩款都真係真材實料。點心：鐵板上的小籠包鐵板奉上，熱烘烘。小籠包一咬流晒汁出來，皮薄餡靚。魚：海魚🐠一夜情（馬友）雖然魚比較細條，但都好有風味。炸咗表皮非常香脆，內裏較為濃味，以鹹香為主。配飯亦一流。熱既靚茶配前菜三小碟，慢慢嘆，享受休閒時光😎

今次你都尖沙咀海港城搵好嘢食，嚟到港威商場3樓見到呢一間个園竹語中菜餐廳裝修幾靚，就即刻決定入嚟食。餐廳裝修氣派華麗感十足，而且仲有獨立包廂，感覺相當舒適。-我揀咗佢哋嘅lunch set A，都幾多嘢食$308就有七樣，CP值好高-陳醋海蜇頭。煙燻糖心蛋，煙熏味十足，糖心蛋口感好出色，非常開胃。上海薺菜肉絲豆腐羹，都好唔錯，熱辣辣鮮味十足，特別鍾意個豆腐，非常滑嫩。-小籠包皮薄多汁，咬落口肉質爆出嚟非常鮮味。芙蓉炒三鮮都好有驚喜，滑嫩嘅蛋白配上蝦仁帶子魷魚，味道相當有層次。-特別鍾意百頁結紅燒肉，見到五花肉嘅脂肪就已經流晒口水，入口即溶超好食，膠質勁豐富。最後仲有一道乾杯竹笙扒時蔬，蔬菜翠綠鮮甜，而且仲有吸味嘅竹笙。-食完再仲有個甜品桂花酒釀丸子，酒味非常香濃，又唔會太烈，啱啱好飲落好舒適，而小丸子軟糯Q彈，非常有口感。-

餐廳係港威商場，$498已經食到7道菜既中式 fine dining。呢個地段呢信價錢簡直塔值 ✨️煙燻溏心蛋煙燻既香氣滲入左蛋白，蛋黃呈流心狀態，入口後仲帶有少少回甘✨️糖醋小排骨醬汁掛得岩岩好，甜甜酸酸好開胃 ✨️醬燒原隻虎蝦虎蝦夠大隻，肉質爽彈，醬燒味道有d似豉油王，另帶微微焦糖香味，連蝦殼都炸到脆卜卜可以食埋✨️紅燒竹笙魚翅湯頭濃郁，竹笙爽口，魚翅吸收哂湯頭既精華，完全唔需要落醋 ✨️珍味四寶鮑魚夠淋，海參爽口，花膠彈牙，不過最好食都係吸收哂鮑魚汁既花菇，淨底既醬汁用黎撈飯都一流 ✨️招牌海鮮炒飯炒飯粒粒分明，蝦仁同帶子都唔少，鑊氣十足 ✨️金牌蒸小籠包皮薄汁多，輕輕一咬開鮮甜既湯汁就湧出黎✨️夠姜湯圓生薑味濃郁，唔太甜，內餡有濃濃既黑芝麻香味，熱辣辣嘅薑湯好味之餘仲可以清一清口腔

浪漫大餐成日都淨係諗到食西餐？今次就帶你哋玩啲新意思，去尖沙咀嘅「个園竹語」食番餐高貴又特別嘅中菜！呢間餐廳行黑色高貴典雅風格，仲有私人包廂、黑色沙發同埋燈光點綴，真係高貴到爆！情侶嚟食飯，氣氛一流，仲可以慢慢傾計，唔怕俾人騷擾。繁花年華情侶二人套餐推廣價 $588 （原價 $888） 嘩！抵到爛啦！原價成$888，而家$588就有交易，仲唔快啲Book枱？—前菜1. 个園煙燻溏心蛋 個蛋熟得啱啱好，溏心流流哋，仲有陣陣煙燻味，食落去好有層次感！ 2. 蜜汁脆膳 脆膳甜甜哋，外皮香脆，咬落去「咔嚓」一聲，正！ 3. 陳醋海蜇頭 海蜇頭爽脆得嚟又有陳醋嘅香氣，開胃到不得了！—湯品紅燒蟹肉竹笙魚翅幸福嘅一餐點少得魚翅？湯入面一絲絲嘅魚翅份量十足，仲有蟹肉同竹笙，暖胃又滋補，飲完即刻覺得自己貴氣咗！—主菜1.乾燒原隻大明蝦 嘩！隻蝦大過隻碟！乾燒方式鎖住晒啲肉汁，咬落去彈牙到不得了，啖啖肉，食到停唔到口！ 2. 脆皮安格斯牛肉 牛肉切成三角形，兩邊燒到脆卜卜，內層仲係Juicy多汁，食落去香口又滿足！ 3. 揚州蘿蔔扣鮑魚 鮑魚煮到入味，切開有嚼勁，仲有鮑魚獨有嘅甜味，蘿蔔吸晒啲

今日黎咗好靚嘅餐廳食飯，“个園竹語”，位於港威3樓。地點方便。黎到門口好靚，好切合佢主題，竹。而且佢空間感好夠，坐得好舒服。今次，點左5樣野，食物好味。“松鼠桂花魚”，職員會係你面前切開魚變成魚塊。方便食客享用。廚房刀工好好，成條魚切開一格格，炸出黎好靚，好有松子感覺。食落去，魚塊無骨，唔怕小朋友老人家會俾魚骨刺到，入口魚肉嫩滑，唔會炸到好老，而且魚皮好有咬口。不過，酸甜汁比較重，有點蓋過魚肉鮮味。“鐵板的小籠包”，佢個名好得意，同平時食開嘅小籠包唔同，唔係蒸籠上，係鐵板，但比起生煎包，佢皮係薄嘅，肉都比較嫩，仲可以飲到入面嘅肉汁。佢個底食嘅時候，仲有啲脆，幾好食。不過就覺得細隻左少少。“個園揚洲蛋絲炒飯”，炒飯粒粒分明，而且配料多，蝦爽口彈牙，蛋絲真係一絲絲咁，好靚，而且仲好有蛋味。“豆沙鍋餅”，一件切開八份，入面嘅紅豆溶好好食，唔太甜，仲有好重紅豆味。“杏仁湯丸”，杏汁好香好滑，有濃濃杏仁味。甜品仲附上2粒黑芝麻湯丸, 入面芝麻細滑，唔太甜，而且好香芝麻味。如果有外國朋友想黎香港食中餐，个園竹語都係一個好好嘅選擇。

同朋友們一齊黎咗海港城，呢間中式餐廳，非常適合聚會和家庭用餐。煙熏脆皮三黃雞 $298/半隻 色香味俱全，外皮香脆，肉質鮮嫩，口感絕佳。石鍋竹笙蟹粉燉豆腐 $208 餐廳招牌菜，鮮美的蟹粉配竹笙絕配，豆腐滑嫩，獨特風味相得益彰，再配一碗白飯，已經非好味。東坡草扎肉 $188 經典的傳統菜式，一定必食，半肥瘦豬肉煮到腍，東坡肉肥而不膩。上海生煎包 $66/3個即叫即煎，外酥內多汁，肉味鮮香。

一直想來「個園竹語」這𥚃裝修好有格調，融入竹林元素，古色古香，環境清幽，座位寬敞，私隱度高。週末下午和好友來品嚐「鮑魚龍蝦下午茶套餐」抵食又好味！當中的有鮑汁扣鮑魚，好鮮嫩，而主食開邊龍蝦湯麵，龍蝦肉彈牙，搭配精緻嘅點心，感受到食材嘅新鮮同廚師嘅用心，性價比超高，值得一試。另外還叫了宋嫂鮮魚羹及海鮮酸辣湯，其中海鮮酸辣湯真係招牌菜，酸辣適中。而金牌小籠包亦係鎮店之寶，皮薄多汁，肉餡鮮美，搭配薑醋，味道一流。侍應會主動為你介紹菜式同搭配，服務細心。這𥚃吃到傳統嘅上海味道，不錯！

▫️石鍋竹笙蟹粉燉豆腐🦀 ($208)👉🏻上檯嗰陣仲係熱辣辣bulubulu滾緊😚豆腐份量超級多，蟹粉味道甘香濃厚，鮮味十足，滲入豆腐同竹笙，餸飯一流😋.▫️慢燒煙燻脆皮雞🐔（$298)👉🏻雞肉色澤金黃，雞皮超級脆口，肉質飽滿嫩滑仲帶肉汁，煙燻香氣濃郁.▫️鐵板上的小籠包（$90)👉🏻小籠包外皮透薄，擺咗落鐵板底部煎到微微脆好香口，咬落肉餡鮮嫩亦都爆哂汁☺️.▫️五年陳皮爆汁牛肉餅 ($98)👉🏻牛肉餅外皮煎到金黃色，層次分明超級酥脆，牛肉餡陳皮味突出仲好Juicy😋.▫️蘭梅桂花拉糕（$60)👉🏻桂花拉糕軟糯煙靭好有咬口，帶有淡淡桂花香，面頭有藍莓醬酸酸甜甜好開胃🫐——————評分：8.5/10.平均消費：~$465

个園竹語係海港城嘅高級淮揚菜滬菜餐廳以中國四大名園个園為餐廳設計靈感將中式庭園典雅美學融入室內餐廳備有卡座及多間廂房非常適合多人用膳坐得舒服可以慢慢食慢慢傾菜式選擇多新派上海菜必能滿足老饕口味鐵板小籠包小籠包係用鐵板上好特別！底部微焦有脆邊外皮唔算超薄但夠彈性咬落仲爆汁🔥肉餡新鮮有肉香配埋醋同薑絲就更開胃～果種鐵板香煎感幾有新意！東坡草扎肉一上枱已經見到靚到閃嘅紅亮色包得整整齊齊似足禮物一樣精緻！一刀切開入面層層瘦肉肥肉夾得啱啱好唔膩之餘仲好入味滷汁濃郁唔死鹹如果你鍾意食東坡肉類型一定要試埋呢個「進階版」鹹肉煮津白奶油感重津白軟淋鹹肉鮮香惹味翅湯浸腍白菜翅湯認真足料鮮甜真係有翅群😍白菜軟嫩簡單但不落俗套招牌海鮮炒飯一睇就知炒得乾身分明飯粒炒得唔黐粒粒油光閃閃蛋絲切得幼細相當有心機炒飯鑊氣但唔會蓋過海鮮味份量唔細多人share都夠～个園竹語水準穩定擺盤靚、味道有誠意價錢中上但配合環境同服務都合理推介比鍾意中菜精緻化嘅朋友特別適合帶長輩或聚餐場地舒服唔嘈啱晒坐耐D食餐好 👍

📍 个園竹語 ｛尖沙咀｝呢間餐廳好大膽，竟然叫我寫真實食評，唔洗作假，要真寫😏😏就睇吓係咪真係有咁好食？？以下係真係本人嘅感受，並冇誇大成份‼️但係個鐵板小籠包，雖然寫係招牌菜，但係就有少少失色！反而個海鮮炒飯同金牌小籠包，真係好有驚喜🩷✨ 招牌海鮮炒飯不得不讚，鍋氣十足，一上枱已經係聞到鑊氣嘅味道，炒飯粒粒分明微微濕潤的口感，超級讚‼️我最鍾意佢係材料十足，海鮮份量都好多，雖然切到好細粒，但係每一啖都可以食到海鮮同粒粒分明嘅飯😍✨ 鐵板上的小籠包第一次食鐵板小籠包，平時都只係食蒸嘅小籠包🥢今次係鐵板，竟然有驚喜，個包皮底唔再係軟綿綿，有少少硬，但係上枱嗰陣時沙沙聲，好吸引🤩食落去仍然湯汁彈晒出嚟，外內一樣熱辣辣，好食😋✨ 蟹粉小籠包小籠包皮薄且軟硬適中，筷子夾起完全冇問題😉內藏大量湯汁，咬下瞬間湯汁四溢，蟹粉加蟹籽嘅份量都算多，鮮味在口腔徘徊🦀🦀✨ 金牌小籠包小籠包餡料好豐富，一籠5個，份量正常。一咬落口湯汁熱辣辣，鮮肉味突岀🐷