世興海鮮酒家 (已結業)

好多人一講去西貢食海鮮都只諗起乜記乜記但我絕對想推介多一間選擇比大家呢間係有質素價錢亦一D都唔"拿利"但有辣有唔辣，呢到座坐得唔太舒服就真既我地一行12人，有大有細，咁熱天氣梗係坐埋邊果張大枱啦好   唔講咁多   立即介紹下我食左D咩椒鹽鮑魚 - 唔係到到都肯咁樣整清蒸就腍D，咁整就煙韌D蒜蓉粉絲蒸蟶子王我一向好鍾意食蟶子，呢到當然做到我心水啦好爽好甜花尾躉兩食 - 頭腩用炆既方式魚身就起片炒球啖啖肉  最鍾意椒鹽瀨尿蝦 - 勁大隻，大到可以一開三又係啖啖肉，佢個火候岩岩好唔會炸到D肉實哂我最期待既畫面出現喇芝士焗澳洲龍蝦 炒飯底佢調既芝士汁好值得讚，唔係太咸又好重芝士味龍蝦新鮮真係唔同D   肉都彈牙D配炒飯底仲正過伊麵底避風塘炒蟹由於個個都食到半飽，所以對呢個蟹無咩慾望最後埋單六千幾   12個人食 呢個價錢真係抵到笑

入西貢行下食海鮮,世興個阿姐好落力咁推介我地試下，又話比九折…坐低後發覺中計,人客少，龍蝦伊麵又無味得D殼,完全唔係果回事,算!見老婆大人想食，就幫襯你一次! 差過自己煮，份量又少。 炒菜又無得揀要咩菜…蒸魚同蒸扇貝又老又鞋…過晒火!

諗住入西貢行下食海鮮，於洪記，全記，同世興考慮中。世興個阿姐好落力咁推介我地試下，又話比九折…坐低後發覺中伏了… 人客少，龍蝦伊麵又話可以免費轉芝士，但坐低後職員話芝士要加$20 頂呀！完全唔係果回事!坐低前問佢加個炒蜆或者炒聖子例牌要幾十蚊，坐低後話要$128…梗係唔叫啦！算!見老婆大人想食，就幫襯你一次!灼蝦，差過自己喺街市買，份量又少。炒菜又無得揀要咩菜…蒸魚同蒸扇貝又老又鞋…過晒火!! 到埋單，真係無九折!!呢間野中伏一次就夠!永不幫襯!

活動完左之後就落左去西貢食海鮮,一行落左已經有2間人走黎兜售,依間有1男1女,男既拖左部份朋友去睇海鮮,話送飯送湯之後又選D大D海鮮既俾我地食,女既留底繼續SALE,仲好大聲咁話一定好食,唔好食唔收你錢。我地坐出邊..有飛飛野,不過坐得出邊都預左..本身打算叫400幾蚊既4人餐.(我地5人),之後佢話有個海鮮餐..見同個4人餐只係多左款龍蝦伊麵..咁就選左。黎左個係老闆/全場最大既人黎同我地落單,我地講得混亂左,條友明顯不滿.仲瞄黎瞄去..湯:好細兜..節瓜豬骨..好似茶記個D例湯.飲唔飲都冇咩所謂.清蒸海蝦:食落唔新鮮,自己係街市買個D仲好味.芝士龍蝦伊麵:芝士味唔濃.佢個質感好似芝士糊溝左好多粉咁..龍蝦發育不浪,冇肉食.伊麵好淋..其實煮得好唔好食都係其次,主要係:汁入邊有好多碎龍蝦殼。即係你一食D伊麵就會俾D款吉到..要食得好小心,由其係俾小朋友食時。仲有一定唔可以拿黎撈飯!!同係竹園食個D真係冇得比。椒鹽鮮魷:依個比出邊食開個D好食,唔厚粉.鮮魷有口感。不過份量相對少。蒜茸粉絲蒸元貝:佢個餐得4個,因為我地多左個人,要加錢加多1個..$25@個蒜茸粉絲幾好味,好味過個元貝..

尋日同朋友去完半月灣, 出黎西貢諗住食海鮮點知鬼掩眼入左世興叫左個二人餐, $288, 可以揀四款海鮮, 送一碟菜同生果點知第一碟蟶子黎到已心知不妙, 極為細碟佢將蟶子肉切碎左, 蟶子殼伴底蟶子殼得兩隻, 睇番蟶子肉份量應該真係得兩隻蟶子...即係每人分得一隻之後黎左椒鹽瀨尿蝦, total 得四隻中型 size o既瀨尿蝦每人分到兩隻蒜茸蒸扇貝, total 兩隻中型 size 扇貝每人分到一隻, 朋友話唔多新鮮最後黎埋隻蟹, size 偏細都算喇蟹膏唔知點解得番半邊痴住o係蟹蓋, 另外半邊不知所蹤 問男職員點解冇左半邊膏, 點知佢話:1. 果塊係蟹皮, 唔係蟹膏 (但後來我地食左, 確實係蟹膏)2. 拆隻蟹果陣已經係咁, 係會得一邊有果塊"蟹皮"恕小妹見識少, 乜真係有蟹會得一邊係有膏, 另一邊冇膏??我就問職員:"即係你話隻蟹天生得一邊有果舊野(佢所謂o既"蟹皮", 實質為蟹膏)??"呢個時候有位事頭婆好惡好大聲咁問:"咁你想要有幾多邊有呀?!!"ok~ 這就是服務態度!我地唔係想要有十萬九千七舊蟹膏, 但求係完整冇甩漏但佢咁o既態度, 嗌黎都冇結果, 所以無謂拗最後食完渣渣臨俾

見呢間都幾乾淨，又唔駛等位，就去左食～叫左個兩人餐炒蟶子：唔係咁夠鑊氣，少少凍白灼海蝦：都ok蒜蓉粉絲扇貝：一人只得一隻芝士大蝦伊麵：呢個係最好味既送（因為要加錢換），好香芝士味，味道同Ｄ蝦好夾時菜：因為係送既，所以無得揀，同埋食晒ｄ野先送黎，要催好多次，有待改進送糖水兩碗

西貢海鮮街有很多的飯店, 世興不是對正碼頭, 所以客也比較少。3個人叫了個二人餐, 再點了炒貴刁。豉椒炒蟶子主要係炒殼...好多都得個殼...正常味道啦。椒鹽瀨尿蝦其實幾好味, 又好大隻...不過得一隻=.= 分左4舊....即係一半係頭頭尾尾元貝兩隻, 老闆之前聲明話好"大"隻....算吧啦...油菜係比較像樣的, 二人份量啦。如果可以, 我4個菜可唔可以簡哂魚ar!?炒貴刁($68)好大碟...味道: 沒有...完。個餐 $2xx, 加貴刁...茶位加加下....竟然要成近$500...有點搵笨=.=唔推介.........寧願食貴d 材料好d...

世興海鮮酒家類別 : 港式、中菜館、海鮮 我今日同屋企人去左西貢一日遊...跟住肚餓就去左世興一入到去d服務生既態度吾錯上既菜味到一流我叫左個龍蝦餐$688一開始我吾明點解d價錢貴過其他酒家但食過之後先知佢地俾既龍蝦真係新鮮嫁...食落口感吾錯最後又有埋糖水送.....埋單個陣除左收茶錢$10一位之外其他都吾收又免埋加一計落都算合理(好過其他個d酒家,食完之後個價錢係好離譜,同原先知果個有好大出入)整體...吾錯吾錯

今日係我媽生日我地成家人去左西貢食海鮮因為我地已經試過格離某某大酒家 覺得麻麻 而且D服務 可以用不得了來形容所以今次試下世興雖然位置唔好 但係環境OK我地去到果到 係佢個海鮮檔到選海鮮佢D蟶子王真係好大隻@@!!我地選左 瀨尿蝦 龍蝦 東風螺 同埋 蟶子之後佢個待應 勁好服務地問我 D海鮮點樣煮食完之後~以下係我對佢地既食評椒鹽瀨尿蝦 味道鮮甜!!芝士龍蝦(E麵底) 份量好多 勁好味 我食左勁多辣酒煮螺 D螺勁大隻 唔會過辣 味道剛剛好蒜蓉粉絲蒸蟶子 肉汁鮮甜食到飽飽最後還有糖水送 正正正!!!!!!!!!最後埋單價都滿意 個海鮮加工比起其他平 真係可以值得大家一試!

o個日去完天文公園就到附近食海鮮,我地都未有心水去邊間,不過世興既伙記好落力咁sell 我地去佢地o個間,見價錢又比其餘兩間平,就去試下啦..,入到去10個送比我地簡5個,有幾個入到去先話冇,又話蜆係大唔係細o個d...咁是旦簡幾個啦,又話會比多d份量我們,點知出黎碟碟都冇加大到,味道方面不過不失,賴尿蝦就一般,唔係咁好食....埋單原來汽水15元一罐...搶錢!我地走時仲o係我地耳邊講: 係咪好抵呢? 呢d態度太過份了>.<

I totally have to disagree with all the good ratings people gave them. They don't deserve it. I'm usually not the type to post comments and bad mouth restaurants ....but this time is an exception. Went with my family to Sai Kung for dinner and we basically went for the atmosphere. Couple of employees from this restaurant lured my dad over claiming their low price but good quality food ie. 我地D賴尿蝦同蟶子都大個人㗎！ Which was partly true, the shell was big with like 5 small pieces of 蟶子. At the time we

一家四口慶祝爸爸生日，見媽媽想試下尼間既海鮮，所以就入左去啦！ 食左688 既四人套餐，可以選五個菜。1）芝士龍蝦伊麵---〉都幾大碟架，芝士味幾重，龍蝦都好新鮮。我食左好多碗，哈哈！2）辣酒花螺---〉細佬唔食得辣=0=“我本身都唔係食得到好辣，不過我覺得唔算太辣。我就幾仲 意辣酒既味道咯！d 花螺都幾大。3）蒜蓉粉絲蒸扇貝---〉O嘴之作！！蒜蓉粉絲勁多，但扇貝真係超細舊-0-”4）清蒸飽魚仔---〉四個人有八件。我都好仲意尼個菜，好彈牙，好新鮮。5）海上鮮---〉條魚好細條，我諗街市三十蚊都買到=0=“味道就無咩特別。另外送一碟菜同水果。媽媽同爸爸都食得好開心，同埋都覺得抵。環境方面，有室内外選擇。原本waiter 安排我地坐室外架，但我就覺得室外地方好污槽，地上有d 積水，所以要求左室内。室内地方都幾整齊，不過無咩特別既裝修，連電視都無。服務方面，服務員態度都很好，不過效率就慢d ( 可能要兼顧室内外既客人！），上菜都慢架！

女兒一直想釣魚，一家人趁佢唔駛返下晝，去西貢釣魚。兩點先到碼頭，仲鬼咁難泊車！肚空空，隨便走入碼頭旁邊嘅世興海鮮菜館食飯，$288一個二人套餐，可以自選四款餸，仲有免費例湯、汽水同生果送，抵椒鹽賴尿蝦：炒得非常惹味，女兒話仲有蝦膏。傻女，賴尿蝦啲蝦膏咁整都“鞋”啦！啖啖肉仲好！豉椒炒蟶子：夠味，個芡汁一流，肉很肥美，可惜唔係連殼上，無咗食蟶子嘅原始感覺。清蒸鮮鮑魚：老實講唔算大隻，勝在鼓油鮮甜，帶起鮑魚的味道，個人而言不太喜歡鮮鮑魚，只是“鮑魚”兩個字令人太有憧憬啫！清蒸海上鮮：清蒸紅鮪，七個字：「肉有餘而滑不足」，都係鼓油搶翻唔少分。總括嚟講，世興海鮮菜館“份量足，價錢平，味道好”，材料就差少少…少少，下次可以自備材料加工，就最理想啦!

入西貢食海鮮,大多數人首選"通記"及"洪記"! 這次,揀了這間"世興",門面雖然及不上兩大海鮮舖,但價錢吸引,免收茶芥加一!! 同老公兩人當然就點了 套餐: 十一款海鮮,可任選四款,另送油菜,合時生果及汽水兩罐! 我們揀了(芝士龍蝦伊麵+豉椒炒蟶子+椒鹽鮮魷+薑蔥炒蟹),心想份量都應該會是很精緻的。沒想到"世興"竟然給了我們驚喜,首先上菜的是"豉椒炒蟶子", 竟用上中size的蟶子,每一隻都像無名指般大小,厚肉唔腥而且不會殼多過肉! 第二道菜是"薑蔥炒蟹",蟹是肉蟹有蟹膏,味道不錯! 第3道菜是最主要的"芝士龍蝦伊麵",大大碟,伊麵夠多足3人份量,龍蝦食落足一隻,兩人食真的很full不需要另叫白飯! 之後的是"椒鹽鮮魷"細心地奉上喼汁及泰式酸甜兩款醬汁供客人選用,好0野! 其次就是加送的"椒絲腐乳通菜"夠鑊氣,即使是合時生果,雖說是只得一個鮮橙,但食家laibi一吃就知是選用#3107的新奇士鮮橙,超甜多汁!總括來說,整個套餐份量足3人,抵食之餘味道亦不錯,而且服務態度好,值得一讚!! 假如奉送埋糖水就更加perfect!!

夜晚八點鐘, 一行八個人, 去海下灣探完海星落西貢食飯, 周圍都爆棚, 就算有位都要坐門口, 門口又熱又有人食煙. 終於見到呢間世興係有冷氣位, 咪入去試下囉我地叫左個餐, 任選7個海鮮+灼菜一碟+生果 -蒜蓉粉絲蒸扇貝--OK-豉汁蒸帶子--上枱見到黑麻麻, 幾肉酸, D汁味道好怪, 唔似豉汁, 好似有D陳皮味, 唔好味-椒鹽瀨尿蝦--唔夠椒鹽, 唔夠乾身-芝士龍蝦 (伊麵底)--D芝士味唔錯, 但食唔到龍蝦鮮甜味-蒜蓉粉絲蒸貴妃蚌--OK-辣酒煮花螺--唔錯, 有酒味, 唔太辣-豉椒炒蟶子--OK套餐價錢+白飯8碗+啤酒2支===$1488.00每人$186.00