影片
港鐵銅鑼灣站 B 出口, 步行約4分鐘
繼續閱讀
電話號碼
63401067
開飯介紹
銅鑼灣價格相宜的川菜餐廳，地方寛敞明亮。主要供應地道川菜，如口水雞、酸菜魚及麻辣香鍋等，香辣惹味。午市套餐更無限追加白飯，適合附近的上班族。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
-
網上訂座服務暫停
香港人幾時開始愛上食川菜，係呢條食街又多咗間，我地都忍唔住將今晚晚餐交比佢。望望餐牌有咩想食，掃二維碼落單，簡單方便天氣咁熱，叫款涼菜開下胃口。呢碟口水鷄 ($68)，份量何其多，有青瓜粒墊底，倍感清爽度。惹味醬汁辣度係輕量級，鷄肉嫩滑之餘亦食到醬汁味，令人開胃口預備迎接主菜。飲品方面，除咗有啤酒，仲有多款特色凍飲。我地就叫咗百香果梳打 ($28)及咸檸檬可樂 ($28)，兩款都係有氣飲品，一啜爽爆。見到有麻辣香鍋，選擇四款以上配菜，可選辣度，叫咗小辣試下先。呢鍋有牛肉 ($40)，黑毛肚 ($40)，四季豆 ($22)，萵荀片 ($22)及花菜 ($22)，炒好後再加上芫茜，芝麻及黃金豆，未食已聞到香味。小辣完全接受到，仲食到孜然粉，獨有香味引起食慾，整鍋味道都好好用黎送飯。壓軸出場有不二酸菜魚 ($168)，食川菜好多時都會叫嘅，酸酸地又有湯好易入口。呢度嘅酸菜魚材料比較簡單，除咗主角魚片外，有大量酸菜，亦有萵荀片。魚片口感滑溜，完全無細骨; 酸菜與萵荀片口感清爽; 湯底酸度適中，雖然見到有紅辣椒，但唔辣，用黎撈飯食都幾好味。驚喜位除咗呢度嘅食物份量超對眼外，白飯係免費架，對於鍾意食飯嘅我，內心係暗喜嘅。今餐有魚有鷄又有牛肉，白飯滿滿，超飽又滿足，想食糍粑做甜品，唯有下次。
繼續閱讀
呢日同朋友跳完舞經過見到新開就入去試下叫左兩個主菜，一個涼菜，兩杯野飲不二酸菜魚小辣走蔥$168係鱸魚嚟，一上枱真係o左勁大盆……鱸魚片大大塊份量勁多，鮮甜厚實，仲有萵荀，菇，酸菜湯底唔錯，酸辣適中，我同朋友覺得下次可以叫中辣唔會太油，飲落唔算重口味，唔口渴我地要左一個飯兩份～韭香炒蛋$78🙈又係好大碟嚇左一跳，非常香蛋味，韭黃嫰口，送飯一流蒜泥拍青瓜$48揀番個瓜均衡飲食，你無睇錯……比出面既份量大左兩倍男士都夠飽，青瓜爽脆，十分入味～百香果梳打$28百香果味濃郁，清爽氣泡，解渴一流，份量都幾大杯桂花茉莉冰茶（無糖）$28一杯比一杯大🙈朋友o左，聞落有桂花香，飲落茉莉花味較突出，無糖啱晒注重健康既你～店員親切有禮，環境夠光猛，座位寬敞，食物份量偏大，細食人士一個主食已經好夠😆😆下次跳完舞會再嚟試埋其他
繼續閱讀
不二江湖菜今次要介紹一間喺銅鑼灣嘅一間四川菜餐廳叫「不二江湖菜」，呢間餐廳入面空間都算大，不過餐廳門口有一級，佢哋係有提供斜板服務，但係我鍾意我塊細斜板，因為登龍街嘅行人路比較窄，放完斜板落門口出面已經無咗三分二條路，其實都幾危險下，隨時會碌出去馬路，我為咗食好西都幾搏下，哈哈！呢間四川菜餐廳真係要讚一讚個飯，除咗米飯香，口感似日本米之外，仲有就係任添飯，只要唔夠飯就可以叫店員再加飯，午市套餐仲好抵食，價錢都係$48起，我今次就散叫三個推介餸，如果唔叫野飲嘅話，餐廳都會提供檸檬水比大家飲！1.不二酸菜魚$168（10/10）呢兜大嘅不二酸菜魚份量超多，魚片唔會切得太薄，味道鮮嫩，魚片大約有25片，酸辣度叫咗小辣，酸辣味道啱啱好，食完之後又唔會口乾，超級掂！2.渝味鮮椒牛肉$138（9.5/10）呢個鮮椒牛肉份量都多，今次辣度揀咗大辣，牛肉唔會硬，炒得幾淋，牛肉片大約有15片，大辣如果唔連埋辣椒一齊食嘅話，其實唔算好辣，好好味！3.口水雞$68（9.5/10）呢碟口水雞份量都超多，我估計大約有半隻雞，雞肉肉質嫩滑唔實，至於辣度自己估似中辣，好味！4.鴨屎香檸檬茶$32（10/10）入面有大約3片檸檬，呢杯鴨屎香檸檬茶茶味同檸檬嘅比例啱啱好，好飲！5.咸金橘蜜$28（9.5/10）呢杯咸金橘蜜酸酸甜甜，幾解辣下！2人總共價錢$477.4，其他有加一服務費個人口味總評分：9.7/10 地址：銅鑼灣登龍街31-35號玉山大廈地下2號舖
繼續閱讀
今日咁啱去登龍街搵嘢食，見到呢間川菜好多人，咁就打算試吓啦，好好彩等咗一陣就入得啦。首先我哋叫咗個酸菜魚，份量好大，而且酸酸嵐嵐咁好開胃，呢度嘅白飯竟然仲係任裝，叫個酸菜魚再食兩碗飯真係好抵。另外我哋仲叫咗麻辣香鍋，揀咗雞翼，牛肉，油麥菜，午餐肉，五花肉。我就認為最值得欣賞嘅係五花肉，因為切得比較薄，非常入到辣椒味，而且肥瘦適中，好適合送飯。呢個口水雞都好值得一讚，雖然我哋叫咗大辣，但係又唔會太辣，而且雞肉非常嫩滑，作為一個涼菜好入味好開胃。因為朋友比較怕辣，所以佢就叫咗兩杯飲品。我試咗一啖，認為呢個桂花茉莉冰茶好出色，桂花茉莉味都好濃，而且無糖，完全唔驚怕肥。
繼續閱讀
Visited this Sichuan resto in Causeway Bay with my friend for lunch. .We shared a Dried Hot Pot, where we selected five ingredients, namely Pork Throat Cartilage, Chicken Gizzard, Pork Belly, Asparagus Lettuce and Wide Stretch Vermicelli. With medium spiciness, the ingredients absorbed the spices nicely, making them mouthwatering. The cartilage had a slightly crunchy texture, and the gizzard was pleasantly chewy. The portions of the gizzard and pork belly were a bit small though, making them less fulfilling. The lettuce was fresh and sweet, while the vermicelli was a bit soft. .The resto offers economical lunch and dinner sets, and it seems they are more famous for their Boiled Fish with Pickled Cabbages. May revisit to try that.
繼續閱讀