62
18
11
電話號碼
27150762
營業時間
今日營業
06:45-22:30
星期一至日
06:45-22:30
付款方式
現金
座位數目
35
其他資料
酒精飲品
電話訂座
電視播放
招牌菜
回窩牛肉 麻婆豆腐 雲吞雞 酸辣湯 醉雞 雞絲粉皮
食評 (107)
等級4 2017-04-06
1398 瀏覽
港鐵沙中線未完工,九龍的土瓜灣依然是一個未有地鐵站連線的地區,可能因為這個緣故,這區有懷舊風味的新舊小店特別多。想品嘗傳統滋味和美食,值得來試試,其他區域未必有。雖然這些小店未必是全港最好食,但多年建立的傳統風味,絕對加分。 對老一輩上海人士,簡單一碗鹹豆漿跟粢飯已經是相當豐富的早餐,這家上海美華菜館的豆漿和粢飯就有不少食家推介。店家的鹹豆漿由老闆親自將熱豆漿沖到放了豉油浙醋、蝦皮同葱花的碗裡面,再加麻油及油炸鬼碎,香滑順口。粢飯亦是新鮮現叫現做,翻炸的酥脆油炸鬼、豬肉鬆、榨菜同軟硬適中的糯米飯配搭比例得宜,是多年累積的經驗成果。豆漿跟粢飯每天只供應到早上十一時,遲去到亦可以一試這裡的小籠包、生煎包跟鍋貼等上海傳統美食,晚市就只有小菜供應。 早餐供應時間:早上7:00至11:00 星期日及假期至12:00。 生煎鍋貼(4隻) HK$20 (3.5/5分)。 鹹豆漿 HK$13 ~ 將熱豆漿沖到放了豉油浙醋、蝦皮同葱花的碗裡面,再加麻油及油炸鬼碎,香滑順口 (4/5分) 。 咸粢飯 HK$18 ~ 份量十足,粢飯是現叫現做,翻炸的酥脆油炸鬼、豬肉鬆、榨菜同軟硬適中的糯米飯配搭比例得宜(4/5分) 。 生煎包(4隻) HK$24 (3.5/5分) 。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-09-17
227 瀏覽
是咁的~~由於前排工作繁忙試過有晚ot到兩點先走 賺賺埋埋d ot錢梗係要食番餐好嫁啦 於是就同屋企試下呢間喺屋企附近做左好多十年嘅上海鋪 一於一家人食番餐好嫁啦^^上海菜變化好大 煎炒煮炸炆燉焗樣樣齊 而且味道方法亦唔係獨孤一味 濃味嘅有鱔糊 清淡嘅亦有砂鍋雲吞雞 上湯津白等等 所以真係可以話係老少咸宜 今次黎到呢間 真係有懷舊嘅味道 唔同而家經過改良嘅上海鋪 呢到雖然經過番新 但食物嘅選擇 價錢 人情味 等等都好似舊式嘅上海鋪咁 今次我地就叫左鍋貼 小籠包 韮黃鱔糊 炸銀絲卷 黑醋骨 同埋上海粗炒鍋貼四隻先廿幾蚊 抵到喊 而且唔係得個平字 上海鍋貼同日本煎餃最大嘅分別就係皮嘅厚薄 日本煎餃薄皮係人都知 但你地唔好以為鍋貼皮厚就一d技巧都冇 事關皮厚傳熱慢 分分鐘表皮燶左入面d豬肉都未熟 相反煎太耐就會因為皮太厚令到咬落唔脆口 變成好硬好難咬 所以要整得好食一d都唔易 呢到嘅鍋貼水準好高 火喉掌握得好好 即叫即煎熱辣辣 鍋貼餡依然保持到肉汁 而且皮身脆而不硬 配埋浙醋食更加開胃 浙醋嘅醋味可以解到豬肉餡嘅油膩 正!黑醋骨 份量亦唔少 大大舊 而且用上豬嘅金莎骨 唔係用肉排 非排 肉排肉多筋少肥肉少但肉質會比肉眼位腍 用黎炒就唔錯但用黎走油再炒會過un過鞋非排比肉排會多d筋仲會痴到少少肥肉 用黎蒸排骨就一絕但黑醋骨就真係唔夠金莎骨好金莎骨可能大家bbq都食過 佢係痴住一大條肋骨 肉質偏腍有油香 用黎走油可以先封住佢嘅肉汁再用浙醋令肥肉溶化 最後加上片糖/冰糖調較番個甜酸度同埋黏稠度 大家可以睇睇 一味貌似簡單嘅黑醋骨其實存在好大學問 要整得好食 要喺食材 技巧到著手 呢份心意喺呢到可以完完全全體現到 仲要幾十蚊就食到咁高水平嘅菜 真係超級正!呢味韮黃鱔糊 唔好以為黑色啫係又係醋 鱔糊係咸甜味絕冇酸味 黑色只係因為用左老抽上色 今次就唔關浙醋事喇><鱔糊已經唔係間間上海鋪有 因為用料係黃鱔 黃鱔唔同用黎蒸嘅花錦鱔 佢地嘅size係細好多 主要用黎整湯整羹唔會蒸 平時我地去街市買到會幫我地劏埋 但食店入貨係生勾勾咁入 所以佢地係要親自處理 因為size細(上面有舊其實已經係成條嘅size)所以斬頭挑內臟係好高技巧 所以呢個就係點解而家咁難食到呢道名菜另外鱔糊另一個靈魂就係個汁 老抽只係用作調色 味道上唔算好咸 要調較到呢個味道亦係呢味餸嘅難度所在 小弟到而家都唔明究竟要點整先整到呢一個味道 可能呢個就係鱔糊吸引我嘅地方呢到嘅鱔糊用料多 好足料 汁嘅味道調得好好 而且價錢只係98 真係抵到一個極點^^上面有個銀絲卷 即叫即炸熱辣辣 點解叫佢 因為用黎點鱔糊個汁 銀絲卷喺搓嘅時候一層疊一層 令到表面積增加 用黎點汁就係一絕!小籠包!又係抵到笑 不過唔記得左幾錢>< 拿小籠包真係要薄皮先好食 呢到皮嘅厚薄適中 而且仲包住好多肉汁 性價比極高!粗炒相對之下就失色左 因為用料唔多 都係得少少肉絲 火腿加埋d椰菜 係比較普通嘅使法 不過咁呢碟咁大碟都只係四十幾蚊 而且炒得好乾身好極味 都ok嘅總括黎講啦 呢到選擇多 唔花巧 走平實嘅路線 價錢平得黎食物水平好高 又一間我熱捧嘅平民小店呀!有機會要帶女朋友仔食我好鐘意嘅上海菜先! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-14
180 瀏覽
最近曾帶外國來港遊玩的朋友往紅磡詠黎園晚餐, 但食味和招呼都強差人意 今晚心血來潮和同事2人往土瓜灣美華老店晚餐街坊小老舖勝在人味濃, 伙計,老闆和食客都有一句無一句的閒話家常幾位樓面阿姐落力醒目又快手突感時光倒流都我們最愛的香港年代2 人點了小籠包 - 1籠10 只, 需然包皮有點厚實, 但入口肉餡鮮甜湯汁勁, 有爆汁效果雪菜肉絲炒年糕 - 看上去平平無奇, 但年糕入口糯軟, 再加上雪菜的惹味, 就變成好好味薺菜雲吞 - 好有媽媽的味道上海排骨粗炒 - 上海菜就是要濃油赤醬嘛 粗曠的麵條配上酥軟的炸豬扒, 兒時回憶番哂嚟在現今香港租金畸型發展下, 這些純樸小老店所剩無幾了, 要好好珍惜我們還可以擁有的時候呀 ! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-08-22
245 瀏覽
有朋友推薦話呢間早餐竟然係食栥飯超好好味!我之前食既栥飯都係台灣食!台灣早餐選擇比較多元化!真的一試就喜歡!當然有一間晚上開的!超好食(阿婆飯團)不過唔係成日開的!!但香港地區賣栥飯早餐既地方真的少之又少!知道邊度有得買黎試!當然就叫左老公去買!11點前都可以買到!因為都近近地自己住的個區地方栥飯買左兩個!拎上手!真的辣鮮熱辣辣即叫即包!超新鮮!超好味!真係食過返尋味!不得了!比得上台灣的栥飯!正正正! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-08
324 瀏覽
土瓜灣都冇幾多間上海菜,見呢間舖屹立多年,就入去食下。原來唔係只有上海菜,仲有廣東菜,有D亂。豆漿($8)不太甜,但好細杯。花雕醉雞($65)唔錯,酒味夠重,雞肉都好入味,又嫩滑。鍋貼($22)皮有D厚,大概老派上海菜就係咁嘅,肉餡都ok,夠味道,不用點醬油。擔擔麵($35)有青菜、蝦米,但係麵太大份,花生醬太多,麵太稔,有待改善。雞絲湯糕 ($48),有年糕、王牙白、菇、白菜,湯不會太鹹,但年糕不夠Q。 繼續閱讀
(以上食評乃用戶個人意見 , 並不代表OpenRice之觀點。)