上海美味齋飯店 (已結業)

今晚行過鳳凰村心血來潮入咗去食，點知意外發現之前啲價錢成$100一碟，而家星期一至四同埋平時星期五六日夜晚九點鐘後有得食返客飯，三個人叫咗四樣嘢，紅燒豆腐、醬爆牛肉、麻婆豆腐同埋糖醋排骨，仲可以特價叫咗一籠小籠包（得三隻）同埋炸雲吞（都係得三隻），真係啱啱好三個人食，另外每個餐送一杯豆漿，叫咗兩碗菜飯各加一蚊，今晚食嘅價錢係之前食嘅一半今晚二百蚊，平時食開附近叫餸食飯差不多價錢，轉下新口味都吾錯！

過半世紀的老店已經易手，全班底已變，午市做冰室，晚市依舊。  食物水準下降得不能接受，最離譜是點了生煎包遲遲不到，伙計理直氣壯說生煎包是「先蒸熟後再煎」要需時，餐牌要改叫「生蒸煎熟包」了。 炸醬麵是福建炒飯料而飯轉麵，沒有炸醬的色和味道，雲吞雞的雲吞皮和餡分散浸在湯中。 最後等了半小時生煎包還未到，通知伙計取消走人，到收銀處付錢時，伙計從廚房弄了一碟生煎包，竟然叫我們不要取消打包回家，包是沒有收乾水濕漉漉的，而我們不是沒有通知取消單呢。因為常常去吃，所以沒有拍照。  大家不怕中伏又有冒險精神就去試。亞叔我很掛著你!

先說以前, 吃了十幾年, 生煎包、鱔糊都是必食, 今次(裝修後)再來, 已經一去不復返。如圖所見, 雞絲粉皮可以渺出半碟水, 鱔糊應該叫醬油炒芽菜,  回鍋肉太油, 粉皮還OK吧...花生醬我喜歡吃, 另外我們還點了擔擔麵 (還OK) 同生煎包 (被水蒸氣滲到麵包全軟, 不過包底還是香脆)。服務方面, 只能說不敢恭維, 可能太晚了(8點半) 店員都很累, 又忙收拾, 沒空照顧我們...有點待慢了...態度也不予置評了...結論: 不會再去

不知命名由來「美味齋」其實係上海菜餚，其實在幾年前去過，以前比較舊上海飯店格局，新裝修新設計明顯加添了色彩，坐落舒服企理。鳳尾魚 $48香脆入味，滋味小食👍四川口水雞$72色、香、味都有質素酸辣湯配銀絲卷 $78 + $22酸辣湯有水準，酸辣程度恰到好處。蒜泥白肉$68干扁四季豆 $75油份不算多，肉碎炒得香口😋回鍋肉炒粗 $68屬濃味主食，但油份過多，我只夾了一口已不敢再食了。燻魚 $40味道濃醬油甜就是鞋口了，有渣落地。小籠包$43皮厚了一點，湯汁也小了點。晚市指定啤酒有特價川菜上海菜各式菜餚，各有特色！總結味精減少點可能會更好

和家人冒名來到這邊的上海菜⋯⋯但確實令我們失望！一坐下就奉上烏龍茶，雖然是茶包但茶味也香濃，不錯。首先點了上海菜必點的小籠包，但下單後被告知，竟然沒有正宗原味的小籠包，只有他們首創的冬蔭公小籠包，問我們會否考慮更換。雖然佩服他們的創意，不過我們最終也沒有更換，選擇取消。其次，來了一份魚香肉絲配麼麼餅；魚香肉絲味道香濃，我們初嘗肉絲後，都十分期待後上的麼麼餅配搭後能再讓味道再上一層樓....點知...後上的竟然是一！個！銀！絲！卷！我們完全接受不到，兩者完全是一個錯配，詢問侍應時，佢竟然回答沒有麼麼餅，所以一直都是配這個包食；那為何不直接取消這個食物，又或在下單前先告知食客？我完全不能接受「魚香肉絲配銀絲卷（加配練奶）」的配搭！其後來了上海粗炒和紅油炒手，味道是不錯的；但已被這個錯配的「魚香肉絲配銀絲卷」破壞整頓飯的心情，不吐不快...各位下次如要點這個菜單時，謹記要自己問清楚麼麼餅有沒有貨...

今日係黃大仙經過呢間飯店。睇個名以為只係食齋。但佢lunch set卻有很多令人吸引的飯餸揀。見佢價錢都算合理。~40蚊到有湯，有飯，一餸，一杯豆漿決定入去食個lunch.入到去環境都唔錯。睇得出有花心思去裝修！有點懷舊feel!職員亦好有禮貌，好nice!讚！先來一大碗湯！好足料花生意米雞腳湯！飲落好濃，一啲唔會覺得淡。味道岩岩好！又來一杯大大杯豆漿！鐘意佢個味道不會太甜！唔錯！糖醋魚排上海菜我好喜歡食這個這個酸甜汁太開胃了！而且味道岩岩好！食得多不會覺得膩。送飯一流！魚排亦好大塊，同都幾多塊！抵食呀！最重要既係菠蘿，好好味！有多幾舊就更好！估唔到呢間上海野又幾好味喎！！

又係本人嘅由細到大嘅至愛，上海菜擔擔麵，濃濃嘅湯底，辣度合適，有花生香，麵底有口感炒四季豆，豆炒得啱啱好，味道唔會太咸，調味得好好雲呑雞，湯底雞味濃，雲呑都好味，值得一試餐廳亦裝修得幾有風格，有懷舊氣氛

話說我曾經喺上海工作過，十分之懷念嗰度嘅小籠包以及其他上海菜。喺上次試過呢一間上海餐廳之後，我就覺得佢嘅味道非常之原汁原味，所以再黎一次！首先係上海鳳尾魚，一個開胃菜，甜甜地脆扑扑，鍾意食炸嘢嘅人一定要試吓。當然唔少得上海炸醬麵，個醬非常之濃郁，再配合返肉粒非常之好味，值得一試再試。最重要當然唔少得小籠包，皮薄喊靚，啲湯多到流晒出嚟！如果想知道一間上海餐廳合唔合格，食小籠包就知。呢一間嘅小籠包真係令我一試難忘。糖醋魚塊，酸酸甜甜非常之開胃，淨係呢一個魚，已值得我食兩碗飯。佢嘅魚非常之多，多過其他嘅配料。所以係十分之抵食。最後一個必食當然係獅子頭，獅子頭呢一個菜最重要係佢個汁同埋肉，非常之新鮮。而且佢嘅份量非常之多，差唔多有一個拳頭咁大，非常之抵食，又係撈飯必選。

周六放完工就黎到附近搵食，探個頭入店內呢間古色古香味嘅疑似齋店！入店前再確認一次呢度唔係食素，原來只是書齋嘅意思！望到店內嘅裝修壁畫真係有種老上海嘅感覺。最近門口嘅大枱，營造左包廂嘅感覺！朋友大伙兒聚餐都幾適合。茶位每人$5，我地就選左香片。菜單底面都滿滿不同嘅選擇！另外仲有張長menu,主要係供應前菜同冷盤!香片茶味飲落好香，於是忍唔住打開個茶壺望下！係獨立嘅茶包，仲要有兩包ga! 蒜泥白切肉 $68每片白肉都夾住青瓜，擺碟都幾精緻！食法： 每片白肉夾住青瓜一啖放入口！可以減低肉膩口感！辣味唔會黎得太衝，但如果再多蒜泥會正d!三鮮炒年糕 $70年糕煙韌，份量超大碟，有多款菜：白菜、娃娃、冬菇、秀珍菇、雞脾菇。三鮮：火腿片、雞肉、蝦。調味適中唔會過咸！上海菜又點少得小籠包呢？上海小籠包 $43/5隻呢度嘅小籠包雖然唔係外皮好薄果種，但豬肉湯汁依然保持到小籠包應有嘅豐富口感！香煎豆沙鍋餅 $42鍋餅爆餡，煎到金黃脆口！都不錯！

上星期三又要到荷里活廣場看《縮水人間》的優先場，不過商場內大都是連鎖式樣版餐廳，所以就到附近鳳凰新邨發掘小店，向來愛吃上海菜的我，就被這間門面懷舊的上海美味齋飯店吸引了。原來這間上海美味齋飯店已有59年歷史，不過經過翻新後，內裡老上海的裝修風格散發復古氣息，環境光猛整潔，而且坐得寬敞舒服。餐牌選擇頗多，全是正宗傳統的滬式風味。蒜蓉西蘭花 $68翠綠的西蘭花口感爽脆，加上爆香的蒜蓉尤其可口。鱔糊炒粗麵 $78粗炒炒得鑊氣十足，麵條夠彈牙，說不油膩就是騙你吧，但這才是舊上海的經典味道啊！沾滿醬汁的鱔魚入口爽滑軟腍， 香濃惹味，滿口都是鮮美的鱔香。炸銀絲卷 $24金黃色澤極之誘人，沾上少許甜甜的煉乳，以最簡單的食材挑起最深層的味蕾享受。包子熱得燙口，口感外脆內軟，油份不會過多，一絲絲的銀絲卷比起炸饅頭質地更加綿軟。香煎豆沙鍋餅 $42餅皮和豆沙份量的比例掌握得剛剛好，富有雙重口感，外面薄脆內裡柔軟。綿密的豆沙內餡甜而不膩，一口一件盡是滿滿的甜蜜滋味。

星期五又係happy day😁😁去黃大仙發掘隱世美食呢間連周中師傅都推薦既餐廳 當然黎朝聖下🙈🙈一入去就見到成幅墻都係藝術畫 有我的小籠包子😄😄七點幾都開始多人🤗🤗真係粉麵飯菜樣樣齊 仲有上海點心 四川特色酸菜魚 水煮魚 可惜我近排要戒辣😫😫😫醉雞 好鮮味 之前試過自己整 totally fail😂啲酒味好香 唔算好濃 但都令每舊雞入味👍叫左魚香茄子🍆再加個菜飯（$18）個飯有少少貴 但茄子送飯一流 微辣既魚香加軟軟的茄子 油脂並不多 入口飄香😏茄子Close up😝😝叫左個紅油抄手 老闆七哥突然上前問我地知唔知點解抄手叫抄手😂 我地都答唔到 後尾決定google下原來四川話餛飩叫抄手 所以就以其命名七哥仲話想食唔辣就要攪勻佢果然蒜香味 甜鼓油 麻辣味 同豬肉鮮味混然一體層次感出哂😮😮最後叫左個酒釀丸子 OMG味道驚為天人😂😂 啲丸子好似綿綿細雨且感覺入口即溶配埋清香桂花 飽肚感無哂 可以食兩碗😂大合照 下次再黎幫襯 要encore酒釀丸子🍡

鳳凰邨呢頭出名多野食， 雖然相距港鐵站 有頗遠嘅路程，但有唔少嘅人慕名而嚟，去食啲地道嘢。今次我哋嚟咗呢間好有上海風味嘅上海美味齋飯店，黎試下上海既風味。 好欣賞呢度 懷舊嘅上海式裝修，雖然係懷舊嘅裝修，卻令我哋眼前一亮。猶如置身喺六七十年代當中享受美食。 背面仍有一大幅嘅油畫，色彩鮮豔。 魚香肉絲配 嬤嬤餅， 魚香肉絲夠鹹香而且非常之濃郁， 味道就咁食就偏鹹，但放入嬤嬤餅入面包住食就剛好。嬤嬤餅做得好薄好出色，加入餡料後竟然唔穿，好嘢。上海紅油炒手。 上海菜肉雲吞大大粒絕無欺場，而且餡料鬆軟多汁，紅油非常之香， 唔算太辣。 第一次飲呢個宋嫂魚羹。原來都幾好味，味道有啲似酸辣湯，但係唔辣嘅。入面有薑，筍，魚肉，香菇等等嘅配料，口感杰身，味酸而開胃。 上海小籠包 五個43蚊算係幾抵食。小籠包皮有質感，內餡多汁。呢度特別之處係餡料較多麻油，所以食落充斥麻油嘅香味。 最後一度為 必點嘅高力豆沙。呢個高力豆沙有神級嘅水準，係我食過咁多度最好食嘅高力豆沙，沒有之一。好食在於佢個蛋白非常非常非常之鬆軟而且好有彈力，咬落有嚼勁而不韌，入口即溶，紅豆餡不太甜亦不膩。 十個有十個推薦。

朋友約我們夫婦相聚，竟約在附近的上海食店。居住多年，也從未發掘到此店。朋友是好辣之人，水煮魚、擔擔面等少不免。特別欣賞擔擔麵的質感，麵條分明而且有咬口。湯底的花生味道十分突出，整體是很精彩的體驗。點心方面我們吃了小籠包和生煎包。我偏愛生煎包，喜歡其稍稍煎香的麵包口感。當晚的醉雞也非常出色，雞肉不會太肥，而且雪得冰涼。咖喱魷魚的份量非常多，而且醬汁惹味。宋嫂魚羹材料很足，有魚鮮味。不得不讚的是小店用心做好每一道菜，連最簡單的西蘭花和楊州炒飯也用心地做得很出色。

住左係黃大仙區十多年， 點會唔知呢到有間隱世又美味的滬（上海）菜—「上海美味齋飯店」（下稱「美味齋」）？😏 所有街坊鄰里都必定會黎捧過場， 識途老饕絡繹不絕， 晚晚更是坐無虛席～ 「美味齋」紮根區內幾十年， 舊時這裏沒什麼特別裝修，其貌不揚， 我想，如果唔係爸媽帶我黎， 從門面看來，我自己應該從來不會踏進來。😂 第一次黎係小學生既我， 當時我既世界只有炸饅頭和煉奶， 殊不知，原來上海菜有「大饅頭」（炸銀絲卷）呢！😝 自此之後，我便愛上這裏的炸銀絲卷，並一定要蘸煉奶吃～☺️ 記得去年老闆話要結業時， 我還特地帶爸媽來捧場！ 老闆當時沒說會重開，我們倍感傷感。😢 沒想到一年後「美味齋」以翻新面貌再面世， 店內外都充滿懷舊復古的風格， 牆上更塗上色彩繽紛的塗鴉， 不過整個餐廳依舊都是務實派， 餐桌從木枱進化成玻璃桌面， 一家人吃飯的大圓枱和倆仨口子的小方桌都有。 門口依然保留着舊有特色， 擺放着一個大冷盤櫃讓食客一目了然， 值得一讚的是環境較從前衛生得多， 食物已安置在有蓋的玻璃櫃內，食得更放心！😏 不過冷盤款式就不比以前多， 雖然當天沒有爸最愛吃的東風螺、田螺🙊， 所以我們最後點了油

住喺附近，常常經過呢間店，一直都以為係食齋的地方。今次同朋友仔黎，先知道原來只係普通的上海菜館，美味齋只係店名，唔代表係食齋的店。但係店內的裝修同格調絕不簡單，招牌用上傳統霓虹燈，內裏亦有唔少懷舊的元素。食物選擇都幾多元化。點左醉雞做涼菜，雞肉嫩滑而且吸收了花雕酒的香味。擔擔面好惹味，辣道都唔小。麵條夠煙靭有咬口。小籠包一客有五件都幾抵食。水煮魚的份量都幾多，三個人都夠食。香料好足，又麻又辣。湯羹、蔬菜同炒飯都有一定水準。臨尾我哋仲貪得意點左個懷舊小食，係我細個成日食的咖喱魷魚啊！一直都唔知道，屋企附近有間上海食店，走寶！