上海灘麵道 (已結業)

上完堂差不多到晚飯時間，剛巧路過見到好似可以一試，店裡裝修也很有特色，有些似古老麵店，我們就點了一些東西醫肚，我們只點了兩碗麵及小籠包，我們也忘記了麵的名字，只記得麵就一般般啦，沒有什麼驚喜！反而小籠包好好味喎，完全估唔到😉

前日第一次試呢間開咗有一段日子嘅麵店，網上評價一般，由於食到唔知食乜，所以決定入去試吓。叫咗雪菜肉湯麵，榨菜拌麵，等左好耐（大約10分鐘）先上菜，湯底好清，感覺上冇乜味道（我個人平時食得清淡的），第一啖湯真係冇乜味，要撈埋啲雪菜拌勻先叫有啲味道，拌麵都係味道比較淡，乜上海嘢唔係濃味啲嘅咩？另外我懷疑間店應該得兩個員工，一個廚師一個侍應，廚房出菜慢，侍應服務龜速，成日入咗廚房，有食客等咗3-4分鐘佢先出店面，感覺係hea住做無下次

人人個胃口都唔同，但連我幾位細食嘅同事都咁講就真係出事。平日經過見佢裝修咁有風味，都好想去食，但完全冇諗過係咁中伏。中肯啲講，係自己傻豬，而且佢啲野食唔係難食，但五十幾蚊都食唔飽，真係好無奈。見佢話包野飲，諗住都算啦，點知就係下面自助嘅茶/檸檬水😅重點黎喇，五十幾蚊包檸檬水當飲品都冇問題，諗住個麵都會夠飽，好食。大家唔好以為一個麵餐係跟六串串燒呀，係三串咋（因為我同朋友一人一個餐，佢一齊放埋同一碟）。佢仲要唔係好似泰式串燒個啲咁大串，呢度一串只係得三幾粒細肉...真心女士都唔飽...男士更加唔洗諗...但味道黎講，只可以話食得落口，一定唔係好，但果腹嘅話都可以嘅。

係佐敦白加士街咁多餐廳，揾到一間專門食懷舊上海陽春麵嘅食肆，今日就去試下， 環境舒適，裝修簡單有共產感覺，光線充足，用木枱木櫈有懷舊feel, 叫左一個老鴨腿湯麵，一個雪菜排骨湯麵，食物質素：老鴨腿湯麵，湯底清淡， 麵身爽口，唔會煮得太淋，中規中矩，沒有特別驚喜， 老鴨腿比較乾身，味道比較濃，但我喜歡，雪菜排骨麵，麵底和湯底都一樣， 大家份量都比較多， 起碼有1.5個麵底， 雪菜唔係好咸，接受到，排骨一般， 總括來說：味道一般，麵份量多，抵食，仲有麥茶飲！！！

佐敦的白加士街 ，從來都是佐敦區的"食街"，整條街上有著各式各樣的餐館，中美意法日韓都有。由於競爭激烈，能夠站得住腳的都是實力的店。每次在佐敦附近工作，都會走進這條"食街"找點好吃的。今天被這一家的古色古香裝修吸引而入來，試試他們的"老上海傳統陽春麵"。今天點了一份"王牌炸豬扒麵"（陽春麵），一份"無敵烤麩"（最後忍不住加了一份醉雞翼）如果不看店外街景的話，徹頭徹尾根本就是一間上海的店， 還以為自己身處上海。 上海風味，上海裝修，上海的老味道，甚至連醬油都選用上最常用到的上海醬油和香醋。

蔥油麵給鍾意食麵嘅你👍🏽佐敦一帶好多食肆，有時要揀真係眼花撩亂。 呢間野裝修好似去咗大陸咁，初初真係有d令人卻步。 鼓起勇氣入去試吓，咦！喜出望外。選擇唔多，基本上都係湯麵、菜飯或者蔥油麵配餸。聽講老闆係上海人，所以做出嚟嘅食物都有上海家常小菜嘅風味。 😎一定要試蔥油麵！食完係會掛住㗎！😊熏魚都好好食，外脆內嫩 ❤️🙅🏽‍♀️麻辣木耳，帶有小小苦味。好唔好食見仁見智小提示：出入門口，小心Click親😣

同一條街有幾間上海菜店完全唔知食邊間既時候被店員熱情介紹下決定試一試店內主要提供麵食(亦有飯)湯底有辣有唔辣我地2點後來到可以用下午茶價試一試佢地既食物我地點了(全是陽春麵湯底)蔥烤豬排麵 - 未食麵前先試湯底，非常鮮甜爽口，無味精，豬排好入味夠淋唔鞋口食得出是老家的味道，大量蔥花所以蔥香滿溢，麵條是上海麵煮得剛好麵條爽滑跟過湯底十分夾。老水鴨腿湯麵雖然買相好深色但原來係因為老水豉油既顏色。老水完再炸所以皮脆肉嫰老水汁有微微既辣非常可口，再配上清爽湯底真係好快就把整碗麵食曬。醉雞亦 酒味濃鷄亦都好大隻 如果再入味啲更好。2個人食到飽飽都不用100元誠意推介 住家上海味 值得一試。

差不多晚上9時才搵食，在街上看了一下，最後試試這間新店。侍應說廚師是很地道的，煮出來的麵很上海的。點了排骨麵及鴨腿麻辢拌麵，本想要木耳，但售罄，只好叫青瓜。本想要菜芯，同樣沒有，唯有點生菜。想飲水，但只夠一杯；打開辣醬瓶，𥚃面的醬亦所餘無幾。服務員算很殷勤，可惜只有一位員工，未能兼顧樓面太多工作。當提出加水，加醬時，他都樂意的。至於食物，麵底及湯，份量等是合理，由於怕太油，所以我請他們把麵及拌料分上，他們都可以做到，只是自己拌則沒有廚師拌得好食。加錢追加的菜份量小，不值，鴨腿味好，只是太硬，豬扒過燶，可改善的地方太多了！

話說近排因為辦公室轉了地點，多了在尖沙咀附近吃午飯，發掘到不少不錯吃的小店，其中有這一家專門吃上海菜，店名叫「上海灘麵道」，幾有氣勢，即刻令我諗起葉麗儀姐姐。。。 英文名就簡單得多，叫「Shanghai Noodle」。它位置在「軍記」隔離，開業數個月，餐廳不論外觀與裝修，內地氣息相當濃厚，感覺似返左大陸： 餐廳侍應都是操上海口音的大姨們，目測大部份人都是吃陽春面和菜飯，也就是這裏的主打。 食物選擇不算很多，均是餸菜和飯麵的不同配搭。 枱面有支擺盤西化的檸檬水，免費供應，自斟自飲。雖然好像有些格格不入，始終都是細心位，檸檬水有益： 「紅燒獅子頭菜飯」$58 飯和菜分開上，相信可以方便中午繁忙時段的上菜流程。我食菜飯最怕乜？就係唔夠菜。大碗飯裏面除了有小棠菜，表面還佈有雪菜，加些豆瓣醬就這樣吃，已很不錯。 叧上的「獅子頭」有拳頭這樣大，先炸後炆，醬油汁在生菜底部，有做到「濃油赤醬」的神髓。肉質鬆，汁甜，家常風味： 「蔥烤豬扒雪菜陽春面」$55 賣相幾靚仔，都是滿佈雪菜。我同事是「味精探熱針」，吃得出湯底沒味精，清雞湯撈雪菜和麵條一齊吃，幾暖胃。 蔥烤豬扒 (其實上海

2018下半年已經見佢新開，我成日會經過，但望住餐牌都未吸引到我入嚟食。有次想食隔離舖既粥，可惜全院滿座，咁算啦，因為好肚餓之下就試一試呢間既上海麵啦。好多位自己揀位坐。叫左呢個「老滷鴨腿雪菜陽春麵」其實個麵味道OK既，或者我好鐘意雪菜啦，混埋麵一樣食好難話唔好食既，個鴨腿，個汁係正既，不過鴨肉真係好韌，冇牙力既話，一定食唔到，食得好辛苦呀。一個麵賣五十幾蚊，實在有點貴，我女仔都唔夠飽吵，碗麵大啖食幾啖食晒架喇。

幾個月前啱啱開張既時候我食過一次，話就話上海麵，對於我呢個香港人係上海做左咁耐嘢既人黎講，我唔認同。啱啱開張既時候基本上冇咩選擇，豬扒➕個麵，賣相同味道都一般，我仲特登問個位招呼我既男士嘅廚師係上海人定係上海黎香港住左好耐既上海人。佢話係上海師傅。我都有發表我既意見，我覺得有差距，同埋味道可以再調整一下。一直以來我食過一次冇回頭既舖頭，都生意一般，依家經過見到上海灘麵道出好多選擇，不過冇興趣再試，不聆聽客人既意見咁我都冇必要再去。

呢碗麵好有細個喺屋邨樓下d 走鬼小販嘅味道，我記得係一個上海姨姨開嘅，細個無錢所以只可以食碗價錢個半嘅陽春麵，而呢間嘢就比番呢個味道我，實在好懷念👍！我見廚師推介係炸豬排，本來想叫炸豬排，居然話已經賣哂，唔通真係咁好食？心諗唯有下次再去試，跟住仲同我講話菜飯得番兩碗，搞到我好想叫但我一心想食麵，又唯有下次先點，最後食咗下面嘅嘢：1.鴨腿麵個鴨腿滷得好入味2.碗麵無得頂3.碗雲吞都唔錯，細細粒，好易食4.羊肉串就正正常常，個人覺得差咗d 燒烤味，喺北京新彊食嗰d 惹味好多P. S. 招呼我嗰個應該係老板娘，傾咗幾句都知佢係一個好人，d 嘢又好食，所以我先第一次寫openrice ，同埋順便係度提下佢，唔知佢會唔會睇到，嗰晚得佢一個人所以好忙，有個鬼妹行咗入黎，企係度得人帶位（香港人就自己醒目搵位座了，當時間舖有一半吉位），咁老板娘好忙招呼落單，送菜，鬼妹好無奈企咗兩至三分鐘就走番出去，其實應該招呼咗新客坐低先，再去處理其他事情嘛，唔係就少咗單生意咯。