上海婆婆 (東港城)

營業中

休息中

老公喜歡上海菜，自從得知坑口開了「上海婆婆」，我就決心要帶他去，就今晚吧！餐廳裝潢簡約優雅，燈光柔和，感覺很舒適。設有多張闊落的卡座，坐得舒適，服務質素亦佳。餐簿精美，非常清晰。選擇不少，有蟹粉系列、涼菜、湯羹、蔬菜、河海鮮、豆腐、豬牛肉、雞鴨、飯麵、拉麵、點心、甜品和飲品等。******************************先上一客麻辣口水雞($88/例)，舖了香脆的花生粒和甘香的芝麻，沾上紅辣油，看來很火辣。雞皮爽肉嫩，夾雜少許油脂，既滑溜又不太肥，香辣惹味，佐飯一流！******************************我一直都很想吃松子大黃魚（$188），其賣相和味道都一流，推介！魚大條肉厚，很有份量，已起骨𠝹花，炸至金黃香脆，用心之件！魚肉外脆内嫩，沾上酸咪咪醬汁，吃落好開胃。配料很豐富，有蝦仁、三色椒、紫洋蔥、菠蘿、松子仁等，全部都得美味，通通吃清，一點也不留。******************************老公最喜歡吃小籠包（$45/4隻），即點即蒸，新鮮熱辣。皮薄饀靚，一咬便爆出鮮美的湯汁，肉饀飽滿，吃時蘸上酸咪咪的薑絲醋汁，更添美味!***

上海風味之《上海婆婆》今量食上海菜既《上海婆婆》😋，環境乾淨企理，坐得舒服，服務態度亦好好。今次食咗幾款佢哋嘅招牌菜，味道都幾正👍🏻。琥珀合桃芥末蝦球：賣相一流，蝦球炸得金黃香脆，醬汁甜甜地帶少少芥末嘅辣，合桃碎增添咗口感同香味，食落去好開胃😋。燻香樟茶鴨(半隻)：半隻鴨份量都幾足，鴨皮煙燻得夠味，肉質唔會太乾，仲帶有淡淡嘅茶香，食落去好juicy，完全唔會覺得油膩😌。婆婆粒粒炒飯：飯粒炒得乾身，鑊氣十足，而且唔會太油膩，配料都幾豐富，有蛋絲、叉燒同埋蔥花等等，味道鹹香適中，食落去好滿足🤤。青花椒小雲吞(8隻)：雖然得8隻，但每隻都大大粒，餡料十足，湯底清澈，飲落去有青花椒嘅麻香味，雲吞皮薄餡靚，鮮味十足，正😊。總結：菜式味道幾正宗，而且價錢合理，性價比高，份量都幾足，食完好滿足，下次會試埋佢哋嘅其他上海菜式😋！

在坑口的松本清購物後，就在附近的上海婆婆開餐。今晚大家都好肚餓，就點左個宮廷炒飯，2隻有炆煮得有彈性的鮑魚，雞粒同香菇都爽滑，飯粒分明，炒得並不油膩，連同秘製醬汁拌勻一併入口，好讚啊！生煎鍋貼🥟，包煙韌底煎得香脆，餡料的豬肉香滑多汁，不用點醋都好吃。酸辣雲吞，菜肉餡足料，食材有豆腐絲同埋木耳，湯底酸酸辣辣的，令人開胃。砂鍋魚頭煲，有半個鮮甜魚頭，配料有豆腐，白菜仔同粉皮，湯清甜冇腥味，健康之選。

將軍澳東港城近來有好多食肆進駐, 這間上海菜館在這裡也有分店, 午市時段有多款客飯套餐和下午茶麵點套餐以供選擇。先來碟例牌陳年花雕醉雞, 雞件厚肉又嫩滑, 花雕酒香濃郁, 適度嘅鹹味, 吃起來口感特别清新。客飯套餐配以絲苗白飯和例湯, 酸菜魚片魚片份量都幾多, 嫰滑鮮味, 酸菜爽脆酸香, 湯底鹹鮮好醒胃。麻婆豆腐碟頭夠曬足料, 豆腐好幼滑, 肉粒醬汁濃厚鹹香, 惹味得嚟送飯最啱。上海粗炒麵條粗彈有質感, 配以椰菜和白菜, 正好中和醬汁嘅濃味。菜肉雲吞麵麵條幼滑, 湯底較清淡, 菜肉雲吞好大隻, 皮薄菜肉饀料清新鮮味。綠茶芋泥餅餅底酥香脆口, 芋泥饀料軟熟, 不會有油膩感。

大食妹對期間限定四隻字一向無咩抵抗力前幾日同屋企人經開上海婆婆見到近排限定的蟹粉系列，一路心思思想試試趁聽日紅日，今晚一於一齊落街食個晚餐先歸家蟹粉時蔬$138整身想叫蟹粉豆苗，但當日無豆苗供應，轉左西蘭花都幾襯蟹粉味砂鍋雲吞雞$102叫咗個細份雲吞雞都幾足料雲吞大大粒有半肥瘦豬肉同埋蝦仁，仲有好多滑雞件排骨擔擔麵$72炸排骨炸到好juicy啖啖肉擔擔麵個湯底勁香花生味，配少少辣好正擂沙湯圓$38個皮好軟糯，細細粒但皮薄餡靚，芝麻餡起沙

想食上海菜、小籠包第一時間諗起上海婆婆，每道菜式充滿濃厚上海風情🥢上海小籠包是必試的招牌之一🏅外皮薄而不膩，肉質鮮嫩多汁熱辣湯汁加上一點醋，令人更開胃~排骨擔擔麵🍜香濃花生麻醬味道香氣四溢🥜炸豬扒外脆內嫩麵條吸附湯汁，每一啖都充滿花生香氣菠蘿黑醋排骨🤤色香味具全排骨經過黑醋醃制，搭配新鮮菠蘿，帶有酸甜滋味外酥內嫩，醬汁濃郁!!黃金炒飯可以再食🫣金黃色炒飯乾身且粒粒分明每一啖都散髮著濃郁蛋黃香~~京蔥牛肉包值得一試🐮包皮柔軟，內餡豐富，牛肉同京蔥嘅搭配恰到好處

心血來潮想吃上海菜，老公建議到將軍澳坑口東港城，見就腳便來到這上海菜館「上海婆婆」吃晚飯，款式都算多，味道都唔錯，如果可以少鹽少油就更加好。上海小籠包小籠包即叫即蒸，一份有4個，皮薄加上肉質鮮嫰挺有嘴嚼感，熱辣辣的味道挺香，吃的時候要小心，小心啲爆汁嘅湯汁一湧而出，以這個價錢不算貴。生煎包生煎包尚可，上枱時微暖，一客有3個，比較乾，少少湯汁，但入面舊肉幾新鮮，味道清淡，唔算合格。銀芽炒鱔糊炒到好有鑊氣，鱔肉多，肉質嫩滑好淋，無骨又爽滑，而且醬汁香濃惹味，銀芽口感爽，加埋鱔肉一齊食味道好夾，伴麵或飯都一流。干貝賽螃蟹食上海菜必點菜式之一！干貝賽螃蟹大碟，滑溜蛋白加上干貝，再加埋西蘭花、紅蘿蔔片及菇菌炒製，口感層次感一流，再搭配鎮江醋進食，味道微酸更突顯蛋白嘅清香。雪菜肉絲炒年糕年糕炒得好惹味，煙靭嘅年糕真係好正，仲有好多肉絲同埋菜，感覺幾足料。整體感覺這是一家比較溫暖的上海菜館，睇返佢嘅價錢、食物質素同環境，在將軍澳區算是舒適，喜歡上海菜的您，經過附近可以一試。

位於將軍澳坑口嘅「上海婆婆」，無論平日或假日都有唔少食客幫襯。餐廳裝潢新派，座位闊落，相當好坐。上海小籠包（$45）- 算得上係餐廳招牌菜，小籠包皮薄餡多，咬下去充滿湯汁，肉餡鮮嫩可口。鍾意食小籠包嘅朋友值得一試。蟹粉西蘭花（$138）- 餐廳做緊一系列以蟹粉做主題嘅小菜，當中包括蟹粉西蘭花。蟹肉嘅份量都唔少，蟹肉鮮甜，配搭有口感嘅西蘭花，食落都幾開胃。鱔糊撈麵（$88）- 鱔糊分量都唔少，配合濃厚嘅醬汁，仲有爽口嘅芽菜，同細滑嘅幼麵，掛滿鱔糊醬汁，入口非常有層次。濃湯嫩雞煨麵（$62）- 麵條軟滑，搭配上香嫩雞肉和濃郁的湯底，配搭蔬菜，清清地又幾好食，感覺健康。

真係好彩上堂經過而我揀左專登入黎食叫左小籠包皮薄肉多滿滿湯汁蟹粉小籠包仲驚喜 有蟹鮮味都仲有肉既油脂香包住成條脷！一籠4隻大大隻 唔係出面勁細粒個啲-火方必食！ 唔肥膩食唔停吃不厭口感比西班牙火腿厚身 但比豬肉乾嫩既口感真係好想餐廳出火方外賣剩係賣裡面塊肉俾我一路屋企煲劇一路當零食咬😭-每碟份量相當滿足 一家人或同事黎分享更滋味而且樣樣都好值得試最緊要質素對得起價值有餘！午市套餐絕對超值如果樓下有間我唔介意日日黎食午餐

上海姑娘，俾人嘅感覺系優雅高貴， 隨住年紀增長，呢種氣質依然唔會改變，而且會有內而外再到內散發出嚟。正好反映系呢間餐廳嘅菜式上面。 🍖前菜嘅小黃瓜伴海蜇同埋江南三小拼，就係優雅嘅代表。海蜇同黃瓜各有各爽脆，但係口感又渾然不同，但係唔會互相搶去對方特點，反而互相輝映突顯共同嘅長處。三小併有肴肉，醬排骨同埋烤夫。每樣嘅份量唔會太多，但足夠兩人分享。好似上海姑娘嘅溫柔，恰到好處將自己嘅長處俾你睇就好。三樣之中我最鍾意肴肉，佢上面加咗少少桂花蜜，用甜味更加突顯肴肉本身嘅鹹香。 🍖小籠包同蜜汁火方，兩樣都小巧工整，但係回味無窮。小籠包皮薄但唔散，入邊湯汁好足，火方擺盤真係放得好靚，火腿，脆響鈴，工整放好，中間仲有切到好似花咁嘅青瓜，好舒服嘅畫面。夾埋包一齊食，鬆軟嘅外皮，脆脆嘅響鈴，鹹甜分明嘅金華火腿，一啖有齊口感上嘅對比，味道上嘅層次，唔會互相爭搶，亦都絲毫唔會有違和感。 🍖砂鍋雲吞雞，熱辣辣嘅雞湯，溫和味道嘅雲吞同雞肉，仲有煲得好淋嘅娃娃菜，好有俾婆婆溫柔咁抱住嘅感覺，親切舒服，而且非常溫暖。

上海婆婆（東港城）餐廳已進駐新界將軍澳坑口重華路8號東港城1樓,餐廳裝修族新,設計帶有中式風格,用餐環境舒適,座位寬敞,餐廳主打上海菜,服務員招呼殷勤有禮。江南三小拼三小拼有江南小排骨,水晶餚肉和三喜烤夫.江南小排骨夠入味香口,水晶牛肉晶瑩剔透,再點黑醋更美味可口,三喜烤夫口感似麵筋,配有毛豆和雲耳。蘿蔔絲餡餅餡餅內有蘿蔔,韭菜和火腿,餡餅皮入口鬆脆,蘿蔔絲食落清爽鮮甜。銀芽炒鱔糊配有例湯和白飯,廚師炒鱔糊有鑊氣,銀芽爽口,鱔糊肥美香嫩,餸飯一流。酸辣湯麵上海酸辣湯配上海麵配搭吾錯,酸辣湯配料豐富,酸酸辣辣好醒胃,湯麵軟硬適中,每條湯麵都沾滿酸辣湯汁,越食越開胃。上海小籠包餐廳招牌菜之一,即叫即蒸,皮薄餡靚,熱騰騰上桌,食落爆汁,再配黑醋和薑絲更美味。酒釀丸子酒釀丸子食落有驚喜,微甜,酒釀香醇,丸子口感軟糯,熱食暖心又暖胃。高力豆沙高力豆沙外皮炸到酥脆,餡內豆沙細膩微甜不膩,食落有蛋香味。

📍上海婆婆lunch set唔使茶芥仲會包埋湯，份量又多都幾抵食，下午茶仲會包埋豆漿，東海城呢間嘅位坐得都幾舒服。叫咗酸菜魚($78)，上到嚟大大碗同埋個酸味好夠，仲會有少少芹菜。底下仲會有差唔多一碗嘅曲薯粉，就咁食呢鑊都夠飽真係唔使食飯。松子大黃魚($142)嘅魚肉已經去晒骨，食落啖啖肉，仲有蝦仁、菠蘿、椰果同彩椒，酸酸甜甜咁。花雕醉雞($88)用雞髀肉夠嫩滑，不過酒味就唔係好濃。另外叫咗籠招牌小籠包($45)，同之前食過一樣都係皮薄同爆汁～

今日同屋企人食飯，講開好耐無食上海菜，甘岩屋企附近開左上海婆婆。餐廳門外有好多綠色植物作裝飾，店內裝潢乾淨企理，有好多卡位，寬敞舒適。上海小籠包小籠包外皮薄身，包住豬肉同湯汁，咬落肉汁爆出，湯汁鮮甜。宮廷炒飯 鮑魚雞粒蝦仁：鮑魚煙靭彈牙，雞粒嫩滑可口，香菇食落有咬口，配上醬製醬汁，調味適中，炒飯底食落陣陣蛋香。婆婆粗炒：麵條爽彈，加埋醬汁既味道，鮮甜濃郁，份量充足。蘿蔔絲餡餅(2件)：上枱熱辣辣，外層酥脆，蘿蔔餡料溫熱香甜。綠茶芋泥餅(3件)：熱辣辣，綠茶香味加上芋泥既軟糯口感，外脆內軟，周圍仲加左芝麻，食落更香脆可口。高力豆沙(4件)：蓬鬆蛋白包住流沙紅豆，咬落柔軟鬆化，外層既糖霜甜甜地，好正。黑糖𣲙粉(芋圓, 蜜豆)：冰粉晶瑩剔透，芋圓煙靭彈牙，這個甜品為晚餐劃上完美的句號。

上海婆婆將軍澳坑口重華路8號東港城1樓195號舖味道評分:☄️(必食之選)>☀️>🌤>⛅️>💨☀️酸菜福花菜炒牛仔肉 $92 | 絲苗白飯 $16叫左小辣，可以接受的辣度反而係酸味較重，牛肉好嫩滑，係一個惹味超下飯的餸菜🤤☀️酸辣湯雲吞（5粒） $68每一隻雲呑都好飽滿，用雲吞皮包住正常菜肉饀～酸辣湯質地幾濃厚，就咁飲已經好開胃同暖胃，配埋雲吞食別有一番風味~☀️綠茶芋泥餅（3件） $28平時飲早茶先有得食，估唔到成晚餐都比我遇到佢~啱晒我呢啲早唔到起嘅人😂好中意芋泥綿綿的口感，少少甜的點心仔，☀️排骨擔擔麵 $72係我食過的擔擔麵中偏濃的花生醬味，我自己係好中意！排骨都ok唔算太薄~☀️高力豆沙（4件） $58口感好得意，有空氣感的蛋糕🔥😍

我也是上海婆婆的常客，今日難得和朋友吃飯，當然要點多幾味菜，一起品嚐。陳年花雕醉雞這道菜的雞肉嫩滑，花雕酒味濃郁，酒香四溢，每一口都能感受到酒香與雞肉的完美融合，而且雞肉啖啖肉，絕對值得一試。酸辣湯麵湯底酸辣適中，一吃就上癮。麵條彈牙，充分吸收了湯汁的風味，配上木耳絲，豆腐和青蔥，增添了層次感。每一口都能刺激味蕾，暖心又暖胃。婆婆粒粒炒飯這道炒飯很有家鄉味。米飯粒粒分明，炒得恰到好處，搭配著爽口的蝦仁和香噴噴的蛋香，每一口都是滿滿的幸福。這道菜讓我想起了小時候在家中，婆婆為我們做飯的情景，令人倍感溫暖。蟹粉炒年糕蟹肉夠鮮甜，和年糕的Q彈口感搭配得天衣無縫。每一口都能品嚐到蟹肉的鮮甜，年糕更是吸收了蟹肉的精華，每一口都充滿滿足感。這道菜不僅色香味俱全，更是一道視覺與味覺的雙重享受。今日最有驚喜的還是花雕醉雞，因為味道比想像中濃郁，而且啖啖肉，非常抵食。期待下次再來，繼續探索更多的美味！