上海姥姥

營業中

休息中

與同事一行3人相約食lunch,簡左近公司附近既餐廳。不約而同地，大家都叫左一個HK$88滬式䓤油雞配上海菜飯, 套餐配賣湯和飲品，我地都選配酸辣湯和熱豆漿。酸辣湯酸酸微辣，加賣呢面既竹筍黑木耳，咬落爽脆，清新開胃。油雞既份量都幾多，雞肉嫩滑。仲左套餐都散叫2份上海特色菜式黎試下:招牌小籠包個皮稍為厚身左d, 食落亦都唔會有太爆汁既感覺，一般般姥姥生煎包生煎包就汁稍為少左d, 包底煎到卜卜脆，還好唔太油膩

鍾意周圍搵抵食下午茶嘅我今日又出動，天氣咁熱唔想周街走，於是去咗翡翠明珠廣場搵食，見到上海姥姥下午茶都幾抵食喎，$30左右就有擔擔麵配飲品，一於試吓先！雖然下午茶時間，但餐廳都唔馬虎，擔擔麵上枱夠晒熱，飲一啖湯，充滿花生醬香味，啱晒重口味嘅我，配埋彈牙嘅麵底，呢個擔擔麵我俾80分👍🏼👍🏼干煸四季豆亦炒得好油潤好惹味，高水準之作，仲點咗排骨飯，排骨炸得酥脆而保留到肉汁，食落一啲都唔乾，整體都好滿意

好耐冇食過上海姥姥啦，今次嘅晚餐就食呢間啦 冇咗呢隻水晶肴肉，外表都幾晶瑩剔透，你都唔會太咸，記得質感都唔錯好耐冇見過有餐廳有貢菜，剛才整得好爽口，再加左啲蒜蓉，味道好香主菜就叫咗個老上海炒飯，用醬油炒嘅飯配上有好多肉鬆再加上有榨菜，味道好香，呢款炒飯真係幾好味！今次對呢個干扁四季豆有少少失望，因為佢嘅四季豆有啲老，咬落去有好多絲，但係都幾香嘅。

上海姥姥係我成日諗唔到食乜嘢，就會去食嘅一間餐廳，所以都覺得deserve一個post。之前幾次成日都唔記得咗影相，今次終於記得啦。今次我同男朋友一樣，都嗌左我最鍾意食嘅蔥油拌麵。佢嘅蔥油拌麵非常之香口，加上啲蝦米，好有口感。食完個嘴亦都唔會油粒粒，真係強烈推介另外，佢仲配埋個雞湯。雞湯裏面真係會有一兩隻雞俾你咬下，加上杞子，成件事好健康架。食幾啖麵跟住飲一啖湯，簡直係絕配除咗面之外，我哋都捱左個蒜蓉炒油麥菜。呢碟菜就有驚喜啦，炒得好香口，唔會特別油，加上啲蒜蓉粒都係菜面，口感好好，同屋企煮嘅真係好唔同如果大家諗唔到食啲乜嘢，又想食下啲健康又好食嘅，我就會推薦上海姥姥啦

去完冬日美食節咩都買唔到, 只係食左少少嘢! 落到銅鑼灣又唔想去工展會, 行左一陣早少少食晚飯就早啲返屋企! 水煮牛肉 ~ 完全唔辣! 係, 我係食得辣, 不過呢個真心唔辣, 牛肉用好多鬆肉粉! 古法香蔥芝麻餅 ~ 外皮幾香脆賽螃蟹 ~ 油, 超級油! 又無味又水汪汪…成碟嘢唔知想點!老上海炒飯 (炸菜‧豬肉碎‧豬肉鬆) ~ 油, 又係超級油! 味道還好, 都多榨菜, 不過榨菜無味! 黑醋骨 ~ 肉身唔硬, 入味, 黑醋甜甜哋, 有碎骨! 招牌小籠包 (4件) ~ 皮薄多汁, 我哋3個大人一個小朋友, 個小朋友自己食左一籠….果然係上海人! 

昨天同朋友去左上海姥姥（銅鑼灣），環境都好舒服，我同朋友相聚傾計都好舒服，我們叫五香牛肉拉麵🍜，拉麵好彈口，味道啱啱好，五香牛肉煮得好入味，好軟好香，牛肉加拉麵非常好味，又唔會好鹹，適合我食得清淡的人第二個叫排骨菜飯，排骨份量是好多，不過有點鹹同小小肥膩，菜飯都清淡好味，再叫了香煎素鵝，咬下去好香口，脆脆腐皮包住黑雲耳，超好味，外脆內軟，一咬裡面餡料就出來，好正，叫了兩杯飲品，熱豆漿、好香豆味，又唔系太甜，酸梅湯，酸甜適中好味，下次再會去嘗試其他小菜

午餐時間，餐廳提供套餐，一個餐包埋小食和飲品都幾好。叫了排骨麵，但好失望 炸得好乾呀，而個麵又淡得好緊要，好像滾水一樣。至於煙薰流心蛋就，好強的煙薰味，但我自己唔太喜歡，同事和我都覺得呢個配撘有點怪另外叫了酸梅湯，可能因為走冰了，所以好甜呀！

今次又咁岩同男朋友一齊lunchtime 之前果晚就傾好左 想食上海菜 如果差唔多時間lunchtime 就黎食上海姥姥真係比我地一齊黎到食🥰叫左一份午餐set另加點一個麵午餐set 手製排骨拉麵 陳醋貓耳朵 素鵝酥炸排骨 香口 肉質唔會太乾太硬 可能望落第一眼果陣會覺得好一般 但其實食入口係好脆口 肉質單都juicy 唔會太油膩 唔會太咸麵身 唔會糊口 口感岩岩 個湯清清地唔油 配埋排骨就岩岩好我鐘意食木耳 加有陳醋 酸酸香香 夠晒醒胃至於素鵝 略為油 口味比較重我果碗係 酸辣湯拉麵辣度適中 麵質還可以 酸酸辣辣 幾好味

平時食開小籠包係點陳醋，但呢度係配自家調嘅米醋，個人覺得醋味太酸肴肉係食上海嘢必點的，又係得同一個醋，唔係好夾素鵝，正正常常，即叫即炸，應該唔會差得去邊我哋一致認為係今餐最佳嘅一碟，必食推介！啖啖奶油味，但又唔會好膩，好味！呢個炒飯很不錯，有炸菜、豬肉碎、豬肉鬆，每人大約有半碗豆沙鍋餅，我哋四個人，每人兩小件，飯後一小甜適逄朋友生日，我哋自攜蛋糕，沒有額外收費。整體來說份量偏輕量，對於女生嚟講，算係啱啱好，食完先知原來係屬於大家樂集團，唔怪得雖然有加一服務費，但定價唔算高，無限用餐時間，銅鑼灣區來說，合理。

前兩日同兩個朋友經過銅鑼灣諗緊食咩好，咁岩見到上海姥姥朋友未食過所以就想試下。先唔講拎位排隊耐，等左差唔多半個鐘，仲要係因為有員工叫漏左我地張飛，搞到白白等左一段時間。成個等候系統根本唔完善。入到去我地叫左兩個麵同埋兩個小食，＄６３　紅油牛肉麵，＄５３四川擔擔麵，＄８０　８個小籠包，＄４０　姥姥生煎包。兩個麵食落感覺煮得太耐，麵質軟晒唔好食，另外兩個本身以為打住自己招牌個名會好ｄ，但都係失望，小籠包蒸完有兩個未夾ｄ皮已經係穿左流晒ｄ湯走，生煎包食落好似唔熟叫佢換過，個員工就即刻黑晒面，服務態度真係唔得，仲要收到咁貴，唔會再去食。

咁啱去銅鑼灣同朋友有啲嘢做, 做完有到左食晏嘅時間, 幾個女仔就去左附近嘅上海姥姥食啲野醫肚<姥姥生煎包>上海姥姥嘅生煎包唔會好油膩, 只係將包底煎得脆卜卜麪包部份依然好鬆化, 裏面充滿肉餡之餘, 亦保留到佢嘅肉汁<擔擔麪>擔擔麪花生味都幾重, 但辣度同肉碎都唔係好夠, 有少少油膩<加配排骨>排骨新鮮炸出黎, 所以熱辣辣又脆卜卜, 唔錯呢<涼拌雞絲粉皮>雞絲粉皮份量都幾大, 可惜食落唔夠凍, －般般

麵食一向都係我至愛，而呢間餐廳上餐速度超快，食物水平都十分之高。我地叫左2個麵，啲麵既口感好彈牙，配埋個沙嗲味既湯，好濃郁！炒年糕加左薑黎炒，食落好開胃，另外蔥油餅好鬆化，好似入口即溶咁，形狀亦有別於一般既蔥油餅，好特別。 最後仲叫埋豆沙鍋餅做甜品，甜度適中，外皮亦吾會太厚，食完都吾覺得膩。 

星期六去銅鑼灣行街，行到累就去食個下午茶。叫左1個蔥油餅、豆沙鍋餅、雪菜肉絲炒年糕、擔擔麵同酸辣麵。每一樣份量都適中，其中蔥油餅真係好邪惡，好好味，但真係十分油膩，食左半舊已經滯滯地，成個咁咀都係油。豆沙鍋餅個皮有D 過厚，整體都OK。而麵食都OK，唔會好突出，冇咩特別。整體黎講，都係一間唔錯嘅上海餐廳，一般最有名嘅上海菜都會食到。價錢方面，4個人食左$298，係銅鑼灣食LUNCH/下午茶算係咁。

星期三約咗個朋友去銅鑼灣明珠廣場食午餐，今次就試下間上海佬佬。我哋叫咗兩個午餐，一個係鮮茄滑蛋豆腐配白飯+宋嫂魚羹 +熱甜豆漿，另一個係滬式蔥油排骨配上海菜飯+魚羹 +凍甜豆漿，最後再加咗兩隻小龍包。最快嚟嘅當然係豆漿，雖然甜咗啲，不過都算好飲，唔稀好有豆味。宋嫂魚羹就一般，筍絲略多咗少少。至於兩個主菜份量都好大好多，鮮茄滑蛋豆腐食落有啲甜，相信落咗好多糖，至於排骨真係炸得好鬆口，好好味，小龍包皮薄多汁，唔錯！總結： 兩位合共$213.6，午餐嚟講，唔算抵食，不過份量都算大，所以一定夠飽，環境都算坐得舒服，最值得讚嘅係有位似上海人嘅女職員，服務周到！👍

補祝番朋友生日🎂問佢有咩想食佢淨係話唔想食西餐🍽️因為來來去去都係🍝意粉🍕pizza食到好厭, 佢淨係畀咗呢個方向我就叫我自己諗一間餐廳同佢補食生日飯我就醒起係翡翠明珠廣場入面有間叫上海姥姥嘅上海菜無論咩時候人龍都好長，就一於推薦呢間上海店畀朋友！因為長期爆多人嘅原因就約咗朋友早少少時間🕕去攞位，不過去到依然已經有人排隊等，等咗幾個字到我哋都可以入座！由於啲餐飯係補祝我朋友生日所以就由佢發板點菜💋上海炒年糕上海菜其中一款經典，年糕煙煙韌韌配上豬肉粒秘製醬料年糕片吸收曬所有味道精華💋姥姥生煎包熱辣辣生煎包內脆外軟包裏面吸收曬肉汁精華，肉料份量夠大咬落去好多肉汁💋乾扁四季豆四季豆炒得好滋味，帶有少少🧂鹹配上少許肉碎送飯一流💋四川松花皮蛋皮蛋🥚獨有味道配上少少辣係一到開醒胃前菜💋黑醋骨黑醋滲入排骨內帶甜醋味勁惹味，一口一粒排骨做得好淋身好易咬