上海坊拉麵小籠包 (已結業)

1750左右衝入去趕食LAST ORDER下午茶~~~因為今日實在太想食小籠包, 所以就決定食個early dinner 我地每人order左一個$30麵set, 再order左1份$10小籠包~~~ 無錯, 的確係$10小籠包, 1900前order!!! 擔擔麵, 麵o既辣度唔錯, 幾o岩口味, 但個麵o既質感就太lum啦~~~ 一d口感都冇~ 點攪嫁??? 唉~~~ 好失望!!!菜肉雲吞麵, d麵一樣都係毫無口感, lum pat pat~~~ d湯又淡而無味, 菜肉雲吞又細粒, 點攪again??? 係唔係因為下午茶時段所以將貨就價呢???$10小籠包就居然唔錯, 個皮唔算太厚, 而且入面都有d肉汁, $10真係超級抵食~~~ 不過基本上我係唔會再o黎, 因為實在太不濟啦~~~ 以為食到平野好開心, 可惜個質素居然係咁......umm..............

2010年9月17日因為我唔係好舒服...諗住食少少麵先去睇戲..噤行過見呢間唔係太多人噤就入左去食la..我同我男朋友 叫左担担麵﹑小籠包﹑紅燒肉拉麵... 好彩叫左3樣..平時我食野已經算是沒要求... 而且去得出邊食都唔會點諗佢好唔好味..落單後沒多久 ..*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-【担担麵】來了。$35湯碗很大...湯也很多..看起來好像很濃郁..當我夾起麵時..原來只有面層看起來很濃郁下層全都是清湯...【湯味】簡直一點担担麵的風味也沒有..只有好似公仔麵既湯底噤..而且【麵的質感】...完全無彈性..已且好似唔洗咬噤..一入口就爛開原全好似食緊一碗..沖淡左勁多既担担過期麵噤..連我男朋友食左一啖都想嘔..我..食左2啖就無食 即刻叫個侍應 拎走 唔該【小籠包】$283樣野之中我覺得都接受到 .. 完成係同你起超市買既無咩分別..食唔食都得【紅燒肉拉麵】我男朋友食既佢話d麵 同担担麵d質地差唔多d紅燒肉係分開上 個樣都ok 但我已經無心情食全單120元左右是他

叫左一籠小籠包($10)試下先,皮都算薄,多汁,幾好wor,之後bf就再叫多一籠另外叫左雲吞湯拉麵($33):個湯完全唔掂係碌麵水另外拉麵又唔彈牙,淋pat pat,唔好食,雲吞就並非上海皮包既,係用平時食雲吞麵個d黃皮包,各有各好啦,雲吞都唔錯上海排骨拉麵($38):排骨只不過係一塊炒豬扒,無咩特別,d拉麵都係唔掂,反而個湯就唔係碌麵水,係有d雞味豆漿:無特別,正常($6)我地係4點鐘去食,tea time時間,d野都係咁貴,唔怪得之無咩人幫襯啦服務真係不敢躬唯,叫人落單,d侍應見到都扮睇唔到,再叫多次,佢就叫另一個侍應過來落單

是日午餐想食得清淡一點，又想轉轉口味，由於很久沒來這裡，就又來這裡試試看。來到門口大大張招紙寫著小籠包特價 $10，心想這裡難道真的沒生意得很？下午兩個人來仍有不少吉位，餐廳只有半滿，一直對這間餐廳最深印象的就是這裡的服務生，全部也是年輕人，而且大都很in很潮的，是次來到亦是一樣呢!午餐繼續吃得清淡，要了一個嫩雞燴麵，另外要了一個五香牛肉湯拉麵，兩個餐也是跟飲品的，我們就要了豆漿。另外我們再叫了一客小籠包分著吃，可能由於特價$10實在太平，我們眼見幾乎檯檯也有叫一籠呢!之前有一陣子覺得這裡的食物頗難吃的，但這次吃就覺得ok，起碼屬於可接受的水平。嫩雞燴麵湯底有雞湯味，不過味道唔夠濃，佢奇奇怪怪的加了些磨菇，吃下有點點微酸的感覺。雞肉偏「鞋」，但整體味道也算清甜，不算難吃。五香牛肉湯拉麵的湯底都算ok，有些牛肉香，拉麵雖粗幼不一，但食落滑身，唔會太淋，都唔難食。$10 小籠包一客有四粒，當然以$10呢個價錢算係可以接受的。食落個皮有少少厚，入裡有湯，不過唔算多。咬落有少少肉汁，不過肉既份量好似多左dd，食完都幾膩下。反而杯豆漿幾好飲，甜度適中有豆味，唔想飲奶茶咖啡飲佢就啱哂。整體食物水準

6時多, 趕著上課, 經過見到$10一籠小籠包已經想食好耐~ 再加上已經上了一天課的我已經非常疲倦, 所以要入去坐坐...很久之前已經來過一次, 其實以普通一餐飯來說, 這兒可以是一個選擇~或許因為我比較少吃這兒的小菜, 通常都是點心, 所以不覺有大問題吧~可以舒舒服服坐下抖半個鐘, 吃一餐少於$50/人的晚飯, 不要太高要求了...如果佢一路keep住7pm前$10一籠小籠包, 我一定會再黎食佢個好鬆軟既銀絲卷

跟男友又陷入不知道吃什麼的困局 ，逛了很久，最後也只是抱普「求其啦」的心態走進去，的確這一餐一切都很求其...店員是絕對無服務，而且不會幫你添茶，莫講有什麼令人深刻的禮貌。我點了青菜煨麵，男友點了蝦仁煨麵，再加了一個素菜蒸餃。素菜蒸餃 : 盛著蒸籠的碟十分骯髒，男友人不小心中招了蒸餃可以用難食來形容，皮極厚而且很粉，餃更加不是熱的。我只吃了半隻，其餘男友包辦青菜煨麵 : 這味不錯，湯底香濃，麵也挺彈牙，但所謂青菜只是菜碎...一條完整的菜也沒有蝦仁煨麵 : 男友的蝦仁煨麵較我的青菜煨麵貴十元，但除了多了幾粒蝦之外基本上跟我那碗一模一樣

同男朋友黎做中午學生餐 ,,,, 1入到黎 , 個女侍應叫我地坐出面既台(對正個門口 ) ... 我又吾係好想坐 ,, 我同佢講想坐卡位 就入左去 ,,, 有勁多無人坐既卡位 ,,, 明明d卡位無人坐 ,,, 個女侍應又話有人會黎 ,,, 又乜又物 佢話8個人 ,,, 我同男朋友兩個人都夠哂有突啦 我1坐低個卡位 ,,,佢吾止對我黑口黑面 ,,, 重妙咀妙舌 ,, 殺佢全家咁 大佬 , 我黎食野咖 ,,,想坐邊都無得簡 ? 雖然我地係著校服食學生餐 ,,,平d姐 ,,,吾代表要睇你面色 (之前幾次都係咁 ,,, 食學生餐時 )之後　，，叫左個酸辣湯麵 , 比起之前淡左 , 有點稀 , 麻麻地 男朋友食麻婆豆腐飯 , 普通貨色 ,,, 吾難食囉 服務咁差 ,, 谷氣都飽哂

唔好食之餘, 亦完全唔值呢個價錢(平均40-50一碟)...佢平D都冇咁嬲。雞絲粉皮: 算係最OK既一碟, 但D麻醬咸得濟, 好似就咁放D花生醬入口咁紅燒肉湯拉麵: D紅燒肉好咸, 又老, D麵一夾就散, 煮到過哂火, 個湯仲死, 味精湯金華火腿津白: 個賣相好唔吸引, d菜好碎, 甩頭甩骨, 好似求奇搵d菜渣煮比我地食咁, D菜又有黑點, 個味道都還可以, 不過我寧願食屋企煮既娃娃菜另外, d檯太迫啦, 又好嘈。總括, 呢間店, 不可一, 不可再。

好耐冇同朋友食飯,約左黎MK本身食西餐..只怪我肚入面既B唔想食西餐...一心好想食最中意既担担麵於是就食上海野啦~呢求環境都尚可,有大卡位比我地3個,不過好嘈..都唔緊要點完菜,好快就上菜..好似快餐咁快。担担麵(小辣):一睇D麵就知唔對路,好似發完水既麵雪再煮咁...完成唔需要剪麵,一夾就斷..一D彈性都冇!花生醬勁少,個湯唔夠滑,係個辣度我岩岩好..雞絲粉皮:呢個冷盤都幾難唔好食ge,係花生醬夠濃囉醉雞:醉雞:酒味唔算濃,雞都OK滑,唔錯雪菜肉絲炒年糕:唉..係未見過咁白雪雪既炒年糕,豉油都冇滴,冇味的..我食左一粒年糕就冇再食火腿奶油律白:只係食左一條,感覺麻麻....可能係大肚婆口味變小籠包:湯係多,皮都薄,不過皮質唔同平時食果D...唔係好識點形容~.~",好係好在唔係好多肉。高力豆沙:新鮮炸起~超脹卜卜,讚~~不過豆沙少...連糖霜都少 -.-整體黎講係幾唔OK,可能真係連個咁基本既担担麵都做得差成咁...

唔經唔覺都係旺角返左成3個月學, 真係食到無咩好食咁岩經過上海坊, 咁咪試下囉, 等左一陣位, 本來想走架啦, 想走既時候佢有位, 天意!天要我地入一間難食到喊既食店!一坐低已經覺得環境唔多好, 不詳既事接踵而來首先係, 見到其中一個waiter既手指甲"裙"哂黑邊, 嘩?! 注重下衛生呀唔該呢個waiter真係令我地有D驚, 誰不知佢由頭serve到我地走為止... 黑仔呀waiter哥哥倒水果陣好似好趕咁, 水都差D倒瀉埋, 一動一驚心!睇完menu, 快快趣趣落單, 快快趣趣食完就走人!叫左個排骨擔擔麵同埋酸辣湯拉麵 排骨擔擔麵 : 排骨真係唔多掂, 賣相極差, 味道更加差, 而且SIZE真係細到.....D麵完全唔係擔擔麵, 麵質同味道亦都不知所謂, 唔好見佢紅卜卜湯底咁, 完全係無味! 酸辣湯麵 : 完全唔係一碗酸辣湯, 唔酸同唔辣, 料唔夠多唔夠足, 湯亦都太水, 完全唔係一碗正宗酸辣湯, 不知所謂! 拉麵同擔擔麵用同一種麵, 名不符實!!! 差!!!!試問呢間上海坊何得何能有上海之名, 上海之食, 上海之味?! 大家真係去食碗$10雲吞麵都好過黎呢間野食! 保證無下次!

夜晚同女朋友行旺角，因為女朋友話呢間野雞絲粉皮同小籠包都好有水準，加上本身中意食上海野，所以就幫襯下果晚總共叫左五樣野：雞絲粉皮：花生醬真係好夠香濃，正！不過稍嫌青瓜絲切得太幼，反而冇左果種爽口感覺酸辣湯拉麵：湯有點淡，麵質亦一般小籠包：啖啖鮮湯啖啖肉，皮薄餡靚，超正！紅油炒手：咬落去好淡，要撈埋上面Ｄ醬先夠味，而且油膩得很，不太喜歡酒釀丸子：細細粒又幾得意，不過味道都唔算好好今餐都叫過得去，但冇乜衝動令人返轉頭

今日中午經過見唔洗等位,就呢度啦 !三個人叫咗;牛肉麵 - 牛肉就一般啦,但係個麵就好爽口,唔糊口,湯底略淡,可能我食得較濃!! 排骨担担麵 - 排骨唔太肥,識得分開上,唔會浸到淋哂 ! 正 ! 拍青瓜 - 我嘅至愛 ! 好多麻油,夠凍,真係拍爛,唔係切,好入味 ! 鍋貼 - 煎得好香,唔太燶,皮好薄,都幾好 小籠包 - 做緊特價 $10. 四個, 皮好薄好多汁,正 !! 豆漿 - 呢個就全餐最普通嘅,唔太香,好彩唔係太甜 !

本想去食台灣食物,但搵唔到間店最後,太累了,所以就入左呢間坐低.上海粗炒+豆漿(宵夜套餐)速度快得難以想象,前後都唔夠五分鐘已經唔熱只覺微暖.而且碟粗炒好多油.小籠包+豆漿(宵夜套餐)味道幾好,D湯汁又多只嫌個皮比較厚.雲吞雞~宵夜特價$48D湯又幾鮮味,雲吞都有六粒,仲有四份一隻雞

我同我fd今日某d原因超早出左去mk見到依間野11點半就有得食咁我地行到11點9就入去我地叫左1個上海粗抄+炸抄骨飯+1杯豆漿 AND 1杯凍柚子蜜+2籠4件既小龍包 (姐係8件)但上海粗抄+炸抄骨飯其實都幾油下唔太建議去叫飲品就OK啦1籬4件小龍包先$10~超平同埋咁多野之中~我覺得佢最好食所以最後叫多籠但...令到我地最最最最最出奇既係我地叫咁多野食先$108囉平到呢.....雖然有D野唔太好食~但咁既價$完全覺得賺左返來...其實都唔知有無比錯單我地...定見我地第1枱落單先平咁多比我地呢？其實我覺得依$108/2個人 (比左$2貼士)1個人先$55食到咁多野真係gd到爆同埋最初期係得外國客食可能因為少人所以服務我覺得OK呀唔使叫佢~佢都會過來添茶比你坐就一般啦~咁少人都叫我坐門口位

今日媽咪生日 , 一家四口去旺角食上海野 . 食過超好食在中旅社對面果間執咗 , 試吓呢間...........今日叫咗1) 鎮江X肉 : 好硬,又乾 . 2) 醉雞 : 有酒味 , 都幾滑 . 3) 雞絲燴麵 : 得好少雞絲 , 但個湯OK . 4) 酸辣湯雲吞 : 有傷口 , 冇得食 . 但家人話只酸唔辣 . 5) 素鵝 : 好食 !! 又熱又脆 , 但多咗少少油 . 6) 雞絲粉皮 : 好食 !! 7) 小籠飽 : 好熱 !! 正 !! 但湯少DD . 8) 上海粗炒 : 好凍, 又多油 , 料又少 . 9) 高力豆沙 : 又係好熱 , 冇油"億"味 , 但唔化 . 家人D豆沙五蚊咁大 , 我嗰個冇佢地三份一 . 今晚D野食都OK , 起菜好快 , 又熱(上海粗炒差D) . 地方都唔差 . 但冷汽凍咗D .咁多野都係四百幾 , 抵食 !!