上樓 (已結業)

宜家上樓推出一蚊隻雞, 同埋夜晚9 點前入座全單7折, 過左9點後仲全單6折。好似好抵咁,所以就去左試下啦!! 夜晚8點半到達, 唔洗等位。個到幾乎係一台一隻一蚊雞, 我地更係唔執錯啦!另外叫左一碗担担麵, 一個豆腐煲, 仲有小籠包!隻一蚊雞好大隻, 真係食雞都食飽啦! 幾好食, 都幾滑哦! 担担麵比其他上海舖的比較特別, 對我黎講spicy 左d !豆腐煲都幾好, 如果有個白飯一齊食就最好啦。只可惜我地太飽啦!小籠包d 皮都好薄, 可以接受!!我地叫左4個送, 免加一免荼, 埋單$85.4, 抵食啦!! 平時咁叫應該過百啦!! 如果下次可以多d 人去就好啦, 可以食多d 款式!!

朋友約埋去搵著數,一蚊一隻雞.四個人叫左三隻雞,食晒侍應話食得晒叫幾多都得.隻雞叫花雕穗香雞,當然有d酒味,但唔太濃,如問我隻雞好唔好食,係一般的,十分都囉到六分,合格咁呢!不過一蚊真係好底好底.我們再加上海粗炒($50),銀絲卷($10),生煎包($24),元貝xx羹($70),呢幾樣野都過得去,味道唔會太濃.呢度唔使茶介仲有7折優惠($3+$50+$10+$24+$70 x 70%). 嘩 ! 收109.....

老豆生日, 想食上海菜, 聽同學說這裡有一蚊雞而且有7折, 於是專程來此.按上菜次序寫:一蚊雞($1): 估唔到又幾大隻, 老媽是愛雞之人, 她說此雞雖食落都知係冰鮮, 但肉質尚可, 且骨硬, 乃走地雞也~ 酒味頗濃, 但稍咸~(只要食得完, 叫幾多隻都得~ 隔2張檯有個中年男人淨食雞, 一人總共吃了2隻! 見佢碟上的骨堆到成座山咁, 真係好勁!)鎮江糖醋骨($55): 賣相尚可, 但醬汁杰杰的落得太多生粉, 味道一般, 不夠入味, 完全不像在蘇杭旅遊時吃到的 宋嫂魚羮($60): 裡面的魚肉尚算結實滑滑的, 但整個羮都淡而無味水餃($30-6件): 外皮好粉唔得煙韌, 幸好不太厚, 大大粒餡料多得恐怖, 還好並不是死實實的, 否則都幾難食落口紅油抄手($24-6件): 唔辣, 又係餡太多, 好一般鎮江肴肉($45-8件): 比較我在香港其他地方吃過的來說已算很不錯, 不過還是八喜的好些, 但很奇怪的吃得出有一點點甜味, 我還以為自己試唔真, 原來媽子都食得出雞絲粉皮($40): 粉皮爽口彈牙, 雞絲和醬汁份量剛剛好, 但多加青瓜絲會更好, 可令整個菜更清新, 個人最喜歡這道冷盤高力