190
5
2
港鐵宋皇臺站B3出口, 步行約2分鐘 繼續閱讀
電話號碼
55480891
開飯介紹
裝潢以木系為主,營造出傳統日式居酒屋的感覺。師傅把各式烹調技術融入日本菜,炮製創新的口味,配上多款來自日本的清酒和果酒可使用餐體驗更完美。 繼續閱讀
營業時間
今日營業
12:00 - 16:30
17:30 - 23:00
星期一至五
12:00 - 16:30
17:30 - 23:00
星期六至日
12:00 - 23:00
公眾假期
12:00 - 23:00
付款方式
Visa Master AlipayHK 支付寶 現金 銀聯 微信支付
座位數目
60
其他資料
網上訂座
當面支付
有關獎賞計劃
食評 (204)
等級4 2022-05-09
832 瀏覽
開返晚市之後第一時間約朋友食好西🤤通常黎九龍城都係食泰國嘢,難得見到有我同朋友都中意嘅日本嘢就即刻試下!宜家二人前有8折優惠,一於就叫二人前🤭唔好酒都唔洗擔心,我哋就叫咗巨峰梳打同乳酸梳打。首先會有前菜,蔬菜條配鯷魚醬,第一次咁樣食,鯷魚醬嘅鹹香再加上爽甜嘅蔬菜條,比想像中夾同好味!二人前嘅前菜有火炙左口魚邊沙律🥗同埋燒鱈魚乾✨沙律好清爽開胃,左口魚邊夠晒肥美🤤 鱈魚乾幾特別,而且會忍唔住一塊接一塊係咁食🫣跟住我哋揀咗龍蝦刺身,呢個真係是日最佳!望住師傅喺我哋前面即撈即劏,真係特別新鮮,超級爽口同鮮甜,而且份量非常多!淨低嘅龍蝦就用黎整咗呢個甲羅燒,滿滿嘅龍蝦膏配埋餅乾一齊食,味道啱啱好,朋友仲話有得送飯食就更完美🤣🤣食到底仲有有隱藏嘅龍蝦肉!之後有煙燻牛舌心、白鱔、豬肋條同埋羊架,全部由櫻花木燻製,入口會有木香,別有一番風味🤤食完肉就有鯛魚湯野菜烏冬,湯底清甜,做完最後一道菜就啱啱好可以解漏。甜品有日式卷蛋,分別係巨峰同香蕉朱古力味,非常鬆軟同唔會太甜,係一個完美嘅句號🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-27
276 瀏覽
呢晚同好姊妹聚餐,食左一餐滿意既日式料理~不論係食物質素、環境同服務態度都好令人滿意呢度既燒物真係必食!!!因為佢地會用上煙燻燒製,所以燒物會比平日食到既唔同~我地呢度食既鴨胸同香魚都燒得好出色!!自己都係第一次食香魚,呢種魚有種特有既魚香,食落都唔差:)我地點既刺身質素都好好~原條魚類片成刺身,將其餘部份炸起食用~一魚兩食,魚盡其食😆😆😆貝類食物揀左鐵板製法,螺肉同北寄貝食落爽彈,伴旁既配菜都好惹味~而最印象深刻係呢份燒拖羅筋~我同朋友都係第一次,大家都估唔到拖羅嘅筋都可以咁好食同平時食到嘅刺身拖羅質感係完全唔一樣㗎,但同樣肥美,仲好好咬添XD呢晚我地無飲酒,飲下梳打都好爽!!! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-26
210 瀏覽
前晚同朋友黎到九龍城內既呢間日式小店享用左一餐既有驚喜又滋味既晚餐!!!雖然有正在做緊優惠價既二人餐,但聽完店員既是日推薦之後就覺得好吸引,所以決定喺餐牌選出心水之選一同分享 ;)先黎每檯都會有既前菜經已好有驚喜,以野菜條沾上鯷魚醬,估唔到係咁夾,鯷魚既咸鮮原來會帶出野菜既清甜,既特別又可口!!!之後係店員為我地推薦既水母刺身同伊佐木兩食~第一次食到水母刺身,原來係咁鮮甜同爽口,我同朋友都一試愛上xpp伊佐木原條切片後作刺身食用,之後再將魚骨同魚頭炸至黃金~刺身魚肉清鮮帶甜,後者香脆,盡嚐其魚鮮之味:)另外一道亦係店員推薦俾我地既 鹽燒吞拿魚腩筋~吞拿魚腩壽司同刺身都唔陌生,但佢地既筋用黎鹽燒就真係第一次!平日食既拖羅固然肥美,但原來鹽燒後既拖羅筋都同樣係魚脂十足,仲好有咬口添~之後既鐵板小炒同煙燻鴨胸都水準甚佳!!!雖然以上既食物的確係送酒一流,但即使唔想飲酒都有唔少選擇既:)好似我咁飲返杯岩口味既乳酸梳打都好爽架xppp 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-21
104 瀏覽
另一半思鄉情懷非常強烈,但又冇辦法同佢返到家鄉住。最近佢工作終於捱過左最辛苦嘅階段,就揾間好野食黎好好慰勞佢!呢間餐廳係住係九龍城嘅朋友推介嘅,平時黎開九龍城都係食泰國野多,冇咩特別發掘過有咩其他好野食,既然地膽推介就借呢個機會試下啦~Menu都幾多野食,好多唔同種類嘅選擇。店員好耐心咁黎同我地介紹邊款食物係佢地嘅主打同埋近期返貨靚嘅,係佢推介嘅菜式裡面㨂左幾款黎試。另一半表示係日本都有飲過呢款沖繩出嘅啤酒。其實我本身麻麻地啤酒,不過試飲之下覺得佢冇太多苦澀味,麥香相對比較出,算係易入口嘅啤酒前菜佢推介左呢個野菜條伴鯷魚醬,行入舖個陣驟眼一望差唔多枱枱都有呢款係枱面。雖然望落去其貌不揚,但食落好有驚喜!個醬食落鹹香味超出,非常開胃,如果就咁食得話會有少少鹹,但配埋野菜條就中和左,完全係會忍唔住食完一啖又一啖,特別係如果飲酒的話用黎送酒就更加正!跟住就到呢餐嘅重點啦!店員推介我地試下呢款赤鯥魚刺身,話一共有3款食法,刺身、壽司同埋炸魚骨。一味三吃聽落幾特別,所以雖然比較貴都決定豪一次!先上枱嘅係刺身,擺盤好精緻,條魚起左出黎嘅骨同頭都放左係後面。雖然魚唔算好大條,但2-3人食每人都可以分到5-6舊。師傅切到每舊係一口size好方便食用。刺身仲有輕輕燒過,除左魚本身嘅鮮味之外多帶左D炙燒香味,非常鐘意!魚質嫩滑,第一次食呢種魚嘅我地都一食就愛上!壽司都非常出色,同刺身一樣都係火炙過,雖然份量唔多但都夠過癮~第三吃就係炸魚⻣,店員係我地食晒D刺身之後就攞走盤上嘅魚骨去炸。炸得非常香脆,部份軟身D 嘅骨都可以食到,簡單嘅調味再加埋檸檬汁已經好好食南非鮑魚鐵板燒,鮑魚唔算好大隻,但非常爽口彈牙,本身配個個松葉蟹嘅汁黎配個鮑魚食,松葉蟹嘅鮮味好強,仲有蟹肉係度,證明真材實料,個汁就咁食都幾好食,但點鮑魚的話感覺上個鮮味會蓋過左本身鮑魚嘅味道,反而佢本身自己嘅調味已經足夠最後就係店員介紹佢地主打嘅煙薰系列,我地叫左羊架,秋葵同沙白。不得不提佢嘅煙薰真係唔係得個名,每樣食材都食得出煙薰出黎嘅香味。三樣之中我最鐘意食沙白,估唔到煙薰呢個煮法非常帶得出沙白嘅鮮甜。秋葵都好適合咁樣煮法,本身味道唔強但因為煙薰味嘅加持令到佢清新得黎又有香氣。羊架有2件,每件都幾大件,食完都幾飽肚,不過個羊架反而感覺煙薰得有D強得濟,本身唔係重口味之人嘅我覺得濃味左少少 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-21
65 瀏覽
前菜上戶激安二人前 火炙左口魚邊沙律左口魚邊好新鮮,夠晒鮮甜,入口即溶。仲有啲芝麻粒喺上面。配合埋沙律菜,味道好清新。燒鱈魚干非常開胃嘅前菜,脆卜卜,好好味日本卷蛋2件澳洲活龍蝦鐵板燒龍蝦啖啖肉,夠彈牙,配上秘製醬汁,令到龍蝦嘅味道更上一層樓。以下係煙燻系列煙牛舌心串牛舌真係我最愛,厚切好香口煙燻活白鱔 煙燻羊鞍如果你係鍾意食羊肉嘅話,呢個真係必食!羊騷味正正!仲有煙熏香味,味道好特別。煙燻沙白煙熏香魚煙燻豬肋條鯛魚湯野菜烏冬食完龍尾嘅嘢,最適合就係食返啲清清地嘅嘢。魚湯香濃,真材實料,辣酒煮花螺牛油雜菌赤雞肝煙燻五重芝士Pizza呢個Pizza真係超級正,有五種芝士,所以層次好豐富,係幾種唔同嘅芝士融合出嚟嘅味道。鐵板鮑魚巨峰梳打乳酸梳打 繼續閱讀
(以上食評乃用戶個人意見 , 並不代表OpenRice之觀點。)