更多
2021-11-28
29 瀏覽
星期六當然要休息一下,食吓好嘢~今晚就去咗九龍城食飯,呢間居酒屋幾cozy,裝修有點日本味道,感覺幾舒服。一開始梗係要食魚生啦,原條伊佐木刺身真係好正,肉質軟腍,脂肪唔算多,魚肉嘅鮮味比其他白身魚突出!時令生蠔肥美鮮甜,而且有大半隻手掌咁大隻,好好食呀!!!之後點咗啤酒,同埋點左一個煙燻日本豚腩肉,係唔錯嘅下酒小食。豚肉帶啲煙燻嘅木香味,味道偏濃郁,非常啱我口味!接着就食一啲熱食,和牛炒飯同埋𩶘魚火鍋都唔錯。𩶘魚火鍋味道清淡少少,加上各款蔬菜豆腐,感覺好健康。和牛炒飯好足料,啖啖都食到牛肉!!!如果想食得豪啲,有個二人餐其實唔錯,全部都係高級嘅食材,下次試吓呢個~
張貼