三點三冰室

營業中

休息中

而家啟徳園咁多Event，當然就要了解埋附近邊到有得搵食，而當中最方便又最舒服首選隔離嘅Airside 啦。今日就試咗呢間喺正C出口一出就到嘅三點三冰室。我哋今次一行三個人就試咗：#經典小食-雪糕西多士超好食。就咁食熱辣辣西多士已經夠好食，加埋半融凍冰冰雪糕，咁邪惡點可以唔食？#香燒羊架鐵板餐配薯蓉本身好怕羊架大騷味。但呢到，完全無呢個問題，整得夠熟得黎又唔會太韌，仲要唔要三大件，加勁大舊薯蓉，真係一定食到你滿足。#西冷牛扒鐵板餐配薯條同羊架一樣，熟度剛好，又保留到佢嘅Juicy，食得出好新鮮，讚！#小食-秘制辣雞翼（6隻）雞翼好冧勁入味，配飯一流，而且辣得勁過癮，啱哂好辣嘅朋友。#海鮮粉絲煲份量足，勁大碗，勁多料，無論菜定湯都好鮮味，又係必食推介！食咁多野當然都要飲下野。呢到有好多經典飲料，美祿暴龍，龍鳳檸樂，紅豆冰，黑牛，狂牛，仲有新式野好似薄荷梳打⋯真係任君選擇。呢到唔單只夠大間多位，坐得闊落舒服，仲要價值合理又大份，真係值得再嚟！

星期日午市，叫咗兩個餐1.鰻魚蛋包飯($78) 2.蔥油叉燒撈粗麵($69)鰻魚蛋包飯，鰻魚同蛋都係凍，飯只係微暖/仲濕到一舊舊咁。蔥油叉燒撈粗麵，又係凍，一夾 成個麵夾到上嚟，個麵仲keep到個碗嘅形狀。

在三點三冰室的晚餐令我非常失望。雖然餐廳環境寬敞明亮，但食物質素卻令人不滿。我和朋友點了雜扒餐和焗豬扒飯，期待中的美味卻完全沒有出現。首先，粟米忌廉湯太杰，一上枱已叫人覺得不行，主菜鹹得讓人無法接受。雜扒餐的肉類不僅口感硬，還嚴重過鹹，完全掩蓋了食材的原味。焗豬扒飯的豬扒同樣鹹得過頭，讓我們吃得相當不愉快。總體來說，這頓飯$200，但食物的味道和質素卻讓我失望透頂。我不會再選擇這裡用餐，實在不值得推薦。希望餐廳能夠改善菜品質素，否則難以吸引回頭客。

坐得舒服又大又乾淨嘅冰室可以係Airside 揾到呀！份量大都好食😋 值得一試！價錢仲好親民！今晚3個人一齊dinner~❤️ 雪糕西多士 hkd 45原來加雪糕係咁夾！！冷熱交融加上雲呢拿雪糕，真係好解同中和返本身西多士嘅少少油膩感！👍🏼❤️ 香燒羊架餐+ 美祿暴龍（有忌廉） hkd 147羊架唔會太勁羊味，一般人都接受到㗎！肉質鮮嫩，推介！❤️ 西冷牛扒餐+ （凍）檸檬百香果茶 hkd 147個西冷7成都好好chew 👍🏼 大讚！檸檬百香果茶嘅百香果味好夠，如果本身鍾意檸檬多啲就叫返檸檬啦！佢地仲有jumbo 版❤️龍鳳檸樂好特色！有成四片檸檬之外，仲要有粒大大粒嘅鹹檸檬！真係唔多餐廳有！秘制辣雞翼有成6件咁多同真心比較辣，但都好推薦食得辣嘅朋友叫！海味粉絲雜菜煲我個人都好喜歡，因為粉絲好入味，仲有好多海味蝦仔同埋菇！今餐真係食飽飽呀！呢度仲有好多特飲可以下次再試～

收工專登過嚟九龍城AIRSIDE搵食，撞正呢間「三點三冰室」！裝修光猛乾淨，坐得舒服，重點係食物樣樣有誠意，即刻同大家分享～ **✨ 西冷牛扒餐** 牛扒控可以放心點👌 西冷厚度十足，叫咗五成熟火候啱啱好。切開肉色粉嫩，外層煎得微微焦香，肉質軟淋有牛味。配嘅粗薯條即炸超脆身，日式粟米湯清甜有粟米粒，飲完成個胃暖笠笠。 **🍗 招牌脆皮雞（半隻）** 真心推介！雞皮真係做到脆而不膩，咬落去"咔嚓"聲好治癒✨ 雞肉保持嫩滑多汁，連雞胸位置都唔嚡口。點少少附送嘅檸檬蜜，清爽唔油膩，半隻份量兩個人分享啱啱好。 **🍛 咖喱脆脆炸豬扒飯** 驚喜位係個咖喱汁🍛！日式風味帶微甜，質地濃稠掛飯。炸豬扒外皮金黃鬆化，咬落唔油膩，豬肉有咬口唔乾柴。最欣賞佢炸衣同肉之間無空隙，食落夠紮實。 **❄️ 飲品有心思** - **凍朱古力**：濃郁得嚟唔假甜，飲到可可香，仲有少少朱古力碎增添口感。 - **雪糕紅豆冰**：懷舊得嚟有質素！紅豆煮到起沙但粒粒分明，雲呢拿雪糕慢慢融化同紅豆冰好夾，甜度溫柔唔嗆喉～ 三點三冰室地址：九龍城啟德協調道2號AIRSIDE B1樓B127號舖 （商場冷氣

今日又選擇同朋友喺啟德airside食飯，呢間餐廳其實都真係坐得好舒服，基本上所有座位都係卡位，而且餐點嘅產品都好多樣化，所以無論鍾意食咩嘅人嚟到都一定會搵到啲啱自己食嘅嘢。菠菜吞拿魚焗通粉，雖然要等15分鐘，但係都真係幾高質，菠菜份量都唔少，吞拿魚亦都每一啖都可以食得到，通粉嘅軟硬度亦都剛剛好。XO醬西蘭花炒鳳尾蝦會配埋老火湯係一個唔錯嘅選擇，老火湯冇味精，平時返工少湯飲嘅人都應該會覺得好窩心。西蘭花炒得清脆，蝦亦都好新鮮，配埋辣辣地嘅XO醬就最啱。芝心蝦多士一共有六塊 ，全部都炸得超酥脆，真係好邪惡，但係好味就得啦，唔理得咁多！西冷牛扒餐要等20分鐘，但係包埋日式粟米湯同焗薯，感覺真係有港式西餐度食咁樣，牛扒一啲都唔嚡！飲品就要咗凍檸茶同埋熱檸蜜，兩杯都有冰室應有嘅水準！

諗住行開airside個人比較鍾意食茶餐廳就嚟咗呢間3.3冰室點咗一個香草汁海鮮配吉列帶子焗飯個飯局都好硬實在太似意大利飯本人已經唔鍾意食意大利飯估唔到嚟到茶餐廳都要食意大利飯另外雖然本人喺Apps上面點咗檸檬水嚟到嘅時候發現自己點錯咗想飲檸檬茶想問佢可唔可以轉返檸檬茶佢就話點咗就冇得換雖然店員都俾返三分之一杯嘅紅茶俾我但係溝咗落去都非常之唔好飲心諗咁樣嘅服務態度唉雖然我都有唔啱但係用Apps點菜人點都有時會出錯下次我都係唔好用QR code點菜下次都係搵員工幫我手點菜咁樣應該減低出錯率焗飯好難食同埋又唔肯換嘢飲雖然佢個咖喱雞扒滑蛋飯都幾好食大家下次嚟到呢度都食呢個

陪朋友逛Airside 幫佢個毛孩🐶添置日用品 逛吓逛吓 已經到咗晚餐嘅飯點 一於去茶記-🐟豉汁蒸比目魚餐我只係食過比目魚扒嘅西式食法 難得呢度用中式烹調 馬上order呢個小菜 套餐跟中湯🥣白飯🍚 魚肉嫩滑 鹹香豉汁提味提鮮 再加埋啲蒸魚豉油 非常下飯☺️-🍖脆皮鹹豬手餐呢個小菜性價比高 同樣嘅份量 如果喺西餐廳食 起碼貴三成 鹹豬手上枱嗰陣時 焗香過嘅豬手皮 有温度而且脆卜卜 皮下骨膠原豐富 肉多有嚼勁 我哋當然食唔晒😅 一於拎走 第二日做鹹豬手撈麵😋-🫘紅豆奶茶🍋檸檬百香果茶

昨日去了airside商場，我們都喜歡這間冰室。之前試過，覺得這裏食物款式多、大眾化，而且價錢合理，於是我們又再去一趟。XO醬西蘭花炒鳳尾蝦 ($98)這西蘭花有鑊氣，XO醬加上不同香料配菜一齊炒，很入味，鳳尾蝦份量也不少。西冷牛扒餐 ($128)五成熟的牛扒十分軟腍而且很厚身，黑椒汁和牛扒的味道配合得十分好。這餐還配有日式粟米湯和飲品，性價比高。避風塘海鮮炒麵(辣) ($78)辣味十足的炒麵配以不同的海鮮（魚塊、蝦、魷魚），十分有豐富、有避風塘的風味。凍檸檬百香果 (跟餐+$19)這凍飲清香解渴凍薄荷咖啡 (跟餐+$14)這咖啡加上薄荷味，味道豐富而且調和得好。

三點三冰室， 啟德分店， 佈置以淺 木色為主調， 簡潔明亮，座位舒適， 價錢相當親民， 款式選擇多，深受到不少街坊粉絲支持。瑞士雞翼雞翼鹵得好入味 , 雞肉軟嫩， 每一口都是瑞士汁的蜜甜，讓人忍不住想多吃幾隻。青紅蘿蔔老火湯廣東人最愛飲的青紅蘿蔔老火湯， 清淡滋補， 又不油膩，喝上一口， 啖啖青紅蘿蔔天然的甜味， 令人喜歡。XO醬西蘭花炒鳳尾蝦鮮味彈牙的鳳尾蝦， 加上微微香辣的XO醬提香 ，惹味過癮 ， 翠綠的西蘭清甜爽脆，充滿鑊氣。古法蒸䱽魚古法蒸䱽魚，配上簡單香菇及肉絲一齊蒸，肉質保持滑嫩， 充分品嚐到魚的鮮甜， 魚汁拌飯一流, 令人食欲大開。薄荷青檸梳打青檸帶有清新的薄荷香氣 ，酸甜的青檸味，氣泡感十足，特別適合炎熱天氣的特飲 ，十分爽。狂牛（七喜，士多啤梨雪糕）特飲狂牛混合了七喜及士多啤梨雪糕 ， 品嚐到七喜的清爽， 與士多啤梨雪糕的香甜， 加上清新的菠蘿肉 ，口感豐富，冰涼透心。一口雪花西多士 剛剛炸起的一口西多士 ， 表面金黃酥脆 ， 香氣十足，入口濕潤 ， 配搭楓糖漿的甜香，甜蜜誘人。

呢一間冰室都算係AIRSIDE 入面嘅平靚正之選，除咗有冰室嘅焗飯炒飯之外，仲有扒餐、同埋小菜，真係只要你諗到嘅，呢度都有提供！我同朋友今日過嚟就試咗佢哋嘅小菜，我哋分別揀咗蜜椒薯仔牛柳粒 🐮🍯$118 同埋 豉汁蒸比目魚🐟 $138，薯仔牛柳粒非常惹味，絕對係白飯小偷，送飯一流～ 另外，比目魚嘅魚肉就非常之滑，一家大細都啱食～另外同行朋友就揀咗焗豬扒飯🐷$75，佢大讚呢度嘅豬扒非常之腍同埋厚肉，而且用咗炒飯底，食落零舍香口喎！🙌🏻🙌🏻飲品方面，呢度都有勁多唔同嘅特飲，叫主食加配特飲嘅話，價錢都係十幾蚊～ 重點係佢哋提供嘅好多款特飲都係得佢哋呢度先有，好值得一試！我哋分別叫咗黑牛🐃 （可樂配朱古力雪糕）$19 同埋 薄荷朱古力🌱🍫$14，兩款我哋都好鍾意，尤其係呢個薄荷朱古力特飲，味道就係細個超市買到既嗰隻薄荷朱古力味

今日放工唔知食咩好，一於試吓依間三點三冰室，嘢食快靚正，大大份好飽肚🙌🏻🐖焗豬扒飯經典嘅港式飯😋 熱辣辣 豬扒大塊厚身 肉質嫩滑，搭配炒飯底仲有切片菇，口感一流！濃郁蕃茄醬汁味道非常好🥫🍳三眼仔雞扒飯係另一款受歡迎嘅飯類選擇，三隻太陽蛋勁吸引🤩🤩 雞扒煎得好香脆，搭配白飯同甜豉油，味道濃郁，十分滿足！🥬馬拉盞蝦乾肉碎通菜煲好高質嘅煲仔菜😍用馬拉盞醬調味，味道鹹香惹味，蝦乾同肉碎增添咗鮮味，通菜則提供清新口感，配飯食一流另外我哋仲叫咗兩款小食🐥秘制辣雞翼、🪿妙齡乳鴿，兩款都好有驚喜💯滷水雞翼好肥美加辣椒粉味道香辣，肉質鮮嫩，正😋 乳鴿肉質鮮嫩，味道非常出色

👦🏻同朋友去完啟德打完保齡球🎳，之後就一齊去左位於Airside既三點三冰室，餐廳裝潢新穎。🌟招牌脆皮雞招牌脆皮雞既雞皮非常香脆，一咬落去，雞肉汁咇哂出嚟，皮脆肉嫩，配上白飯真係食夠幾碗。😂😂😂🌟脆皮鹹豬手脆皮鹹豬手當然係故名思義，極脆皮，食落去肉質鮮甜，每一舊豬手都帶有陣陣鹹香，再配上餐廳提供既醬汁同芥辣醬，簡直一流！🌟一口雪花西多西多士灑上糖霜，真係非常邪惡😈。一口雪花西多一共六粒一口既西多士，每一粒油炸至金黃脆口，食落充滿蛋香，點上蜜糖更加好食🍯。

去啟德睇演唱會，順便到Airside行街朋友介紹呢間餐廳，好多不同菜式選擇非常適合朋友或家庭聚會除咗一般茶餐仲有小菜同鐵板馬拉盞蝦乾肉碎通莱煲味道濃郁，馬拉盞既香味同蝦乾既鮮味完美融合，肉碎同通莱索哂d汁，好惹味香辣牛肋肉條配米通牛肋肉條炆得好腍，配特製香辣醬汁，搭配米通，口感層次分明，米通好新鮮好脆三眼仔雞扒飯雞扒肉嫩多汁，荷包蛋配上特製的豉油，豐富蛋白質，健美人士最愛招牌脆皮雞脆皮雞的外皮金黃酥脆，肉質鮮嫩，搭配特製既醬油，趁熱食最正焗豬扒飯厚切豬扒好juice，肉質鮮嫩，炒飯底加上香濃鮮茄醬，適合濃味人士蜜椒薯仔牛柳粒牛柳粒香口唔韌，加埋配菜蜜椒薯仔粒送飯一流咖喱吉列炸蠔飯炸蠔的外皮酥脆，內裡多汁，蠔炸完依然好大隻咖喱香而不辣，偏甜，唔食得辣嘅朋友仔都啱食雪糕紅豆冰童年回憶，夏天最鍾意嘅飲品仲有鹹檸七同龍鳳檸樂都係夏天解渴之選

三點三冰（Airside)三點三冰室食物種類選擇多,味道還不錯,做完運動之後即時去醫肚。老虎蟹避風塘炒麵避風塘炒麵配有軟殼蟹,虎蝦,紫洋蔥,韭黃,香蔥和辣椒,軟殼蟹炸到連殼都食埋,炒麵有鑊氣,越食越惹味,飲品有薄荷青檸梳打。鰻魚蛋包飯鰻魚蛋包飯配有西蘭花,車厘茄和酱汁,鰻魚燒得好香口,又腍滑,蛋包好有蛋香味,飯身軟糯,飲品有齋啡。情懷鮮蝦雲吞麵鮮蝦大大粒好飽滿,鮮蝦口感爽彈,麵身爽口兼彈牙,飲品有黑牛。法蘭西多士西多士配有牛油和糖漿,西多士炸到金黃色又厚身,不肥膩,好有蛋香味,口感軟綿。瑞士雞翼雞翼我至愛嘅小食之一,尤其是瑞士汁的雞翼,雞翼口感嫩滑帶有濃郁瑞士汁味。