三點三冰室

營業中

休息中

去啟德睇演唱會，順便到Airside行街朋友介紹呢間餐廳，好多不同菜式選擇非常適合朋友或家庭聚會除咗一般茶餐仲有小菜同鐵板馬拉盞蝦乾肉碎通莱煲味道濃郁，馬拉盞既香味同蝦乾既鮮味完美融合，肉碎同通莱索哂d汁，好惹味香辣牛肋肉條配米通牛肋肉條炆得好腍，配特製香辣醬汁，搭配米通，口感層次分明，米通好新鮮好脆三眼仔雞扒飯雞扒肉嫩多汁，荷包蛋配上特製的豉油，豐富蛋白質，健美人士最愛招牌脆皮雞脆皮雞的外皮金黃酥脆，肉質鮮嫩，搭配特製既醬油，趁熱食最正焗豬扒飯厚切豬扒好juice，肉質鮮嫩，炒飯底加上香濃鮮茄醬，適合濃味人士蜜椒薯仔牛柳粒牛柳粒香口唔韌，加埋配菜蜜椒薯仔粒送飯一流咖喱吉列炸蠔飯炸蠔的外皮酥脆，內裡多汁，蠔炸完依然好大隻咖喱香而不辣，偏甜，唔食得辣嘅朋友仔都啱食雪糕紅豆冰童年回憶，夏天最鍾意嘅飲品仲有鹹檸七同龍鳳檸樂都係夏天解渴之選

三點三冰（Airside)三點三冰室食物種類選擇多,味道還不錯,做完運動之後即時去醫肚。老虎蟹避風塘炒麵避風塘炒麵配有軟殼蟹,虎蝦,紫洋蔥,韭黃,香蔥和辣椒,軟殼蟹炸到連殼都食埋,炒麵有鑊氣,越食越惹味,飲品有薄荷青檸梳打。鰻魚蛋包飯鰻魚蛋包飯配有西蘭花,車厘茄和酱汁,鰻魚燒得好香口,又腍滑,蛋包好有蛋香味,飯身軟糯,飲品有齋啡。情懷鮮蝦雲吞麵鮮蝦大大粒好飽滿,鮮蝦口感爽彈,麵身爽口兼彈牙,飲品有黑牛。法蘭西多士西多士配有牛油和糖漿,西多士炸到金黃色又厚身,不肥膩,好有蛋香味,口感軟綿。瑞士雞翼雞翼我至愛嘅小食之一,尤其是瑞士汁的雞翼,雞翼口感嫩滑帶有濃郁瑞士汁味。

今晚唔煮飯，呢度Airside 三點三，呢度除咗鐵板餐抵食，原來都有小菜，仲有不少選擇，每人都叫咗自己鍾意的菜式一齊享用🫶🏻🌟#菠蘿咕嚕肉豬肉裹上一層酥脆的外皮，搭配甜酸醬汁，口感層次分明，送飯一流👍🏻另外搭配青椒，菠蘿和洋蔥，增加菜色的色彩和風味💗🌟#海味粉絲雜菜煲海味粉絲雜菜煲有多種海味，如蝦乾，魷魚，瑤柱，菇菌，與滑嫩的粉絲，煮至入味。海鮮湯底，搭配各式時蔬，營養又美味😋🌟#招牌脆皮雞（半隻）金黃酥脆的外皮，鮮嫩多汁的雞肉，每一口都係香脆的口感，搭配特製的醬汁，愈加美味🤤飯都食多幾啖😆🌟#雪花西多雪花西多外脆內軟，鬆軟香脆，搭配糖漿，雖然好邪惡，但真係忍唔住，食完一嚿又一嚿🥹🌟#薄荷青檸梳打清新的薄荷與酸酸的青檸交織，帶來一股沁人心脾的涼意🌟#檸檬茶檸檬茶酸甜適中，清新可口

啓德「3點3冰室」成日都有好多人幫襯難得今晚唔洗等位啊🥹3點3象徵著香港人休閒時光😎所以即使系晚市都食到西多士，炸雞翼等小食🐷焗豬扒飯招牌推薦，經典港式焗飯水準不俗！豬扒厚身鬆軟，表面微焦帶蜜汁甜香茄汁炒飯底夠乾身，酸甜開胃😋芝士層濃厚🧀可以做到拉芝效果~ 🍳三眼仔叉燒飯三顆太陽蛋鋪滿碗面，蛋黃流淌拌飯超邪惡！🤤叉燒半肥瘦，蜜汁入味建議戳破蛋黃混搭甜豉油，瞬間升級「頹飯」精髓，飽足感爆棚🤩 🐟鰻魚蛋包飯 日式鰻魚配港式滑蛋意外和諧！鰻魚醬香濃郁，蛋皮嫩滑 原條鰻魚厚身無骨，外皮微焦炭香，肉質軟糯不散鰻魚特有嘅油脂香難以抗拒🙌🏻😋🐤瑞士雞翼 鹵水香甜入味，雞翼燜得骨肉分離醬色油亮誘人，醬汁撈飯一流 😆 🍞一口雪花多士即叫即炸！多士外層酥脆，夾心煉奶，撒上雪花糖粒卡路里與幸福感雙重暴擊，建議多人分享🫣🫘雪糕紅豆冰簡直系夏天嘅救星！甜而不膩，爽到打冷震～

今日同屋企人去啟德行街見到呢間餐廳好多選擇，大家都啱食一於試吓咖喱炸吉列炸蠔咖喱唔會好辣，炸蠔香脆，外脆裏面好Juicy咖喱入邊嘅配菜薯仔同蘿蔔都好腍好入味香辣牛肋骨 辣辣味適中，炆牛肋骨炆腍，米通好大塊又香脆配埋汁一流焗豬扒飯豬扒份量好多，炒飯底配香濃蕃茄汁再加上芝士好惹味脆皮雞烤得皮脆肉嫩，雞肉仲好滑，配特製豉油汁估唔到冰室都有馬拉盞蝦乾肉碎通菜煲煲仔上熱辣辣勁惹味熱辣辣嘅天氣飲番杯雪糕紅豆冰消暑透心涼

今日同幾個朋友嚟到Airside嘆下午茶，見呢到有梳化位，冷氣夠，坐得舒服，於是決定試吓。燒汁西冷牛扒滑蛋飯：牛扒嫩滑多汁，滑蛋順滑綿密，口感富層次，包老火湯及飲品。凍檸賓：𣲙涷清爽，酸酸甜甜，好fresh。鰻魚蛋包飯：鰻魚鮮嫩，外層微焦帶脂香，滑蛋嫩滑，醬汁甜鹹平衡，米飯吸收晒鰻魚醬汁，食落香濃微甜。生炸雞髀薯條：外皮酥脆，肉質嫩滑；薯條粗身熱辣辣，鹹香鬆脆，配搭得宜。妙齡乳鴿：皮脆肉嫩，外皮焦香酥脆，肉質嫰滑。咖喱雞扒飯：咖哩醬汁香濃，雞扒肉質嫩滑。

之前每次經過已經好想試，今日終於約埋幾個friend一齊試，掃完QR code發現原來好多選擇，除左茶餐廳食物，重有中式小菜，應有盡有，樣樣都想食，4個人一於食盡佢點左三款小食：鹽酥花枝🐙丸，好彈牙。秘製辣雞翼，幾特別，面頭佈滿辣椒粉，以為好辣，原來加埋瑞士汁食又可以中和返喎。黃金虎蝦🍤，每隻蝦都包滿咸蛋黃，估吾到冰室都甘有鑊氣。咖哩吉列炸蠔飯，隻隻蠔都肥嘟嘟，成隻雞翼甘，平時吾太like吉列的我都覺得幾好食。西冷牛扒餐，本來可配焗薯，點知太受歡迎，無晒，只好改薯條，唯有下次再試啦。脆皮咸豬手，個皮真系好脆，食緊燒肉甘好耐無飲過雪糕紅豆冰，重有奶茶紅豆冰呀

今日約埋幾埋幾個朋友去airside睇戲食飯，一個想食中菜一個想食西餐另一個就提議去茶餐廳選擇多，即時上網search見到有間冰室種類多一於去試試叫咗四個餐~加$18就可以有杯大大杯嘅雪糕紅豆冰黃金虎蝦~上桌便聞到濃郁的鹹香味入口時鹹香、酥脆、虎蝦鮮甜彈牙脆皮鹹豬手~真係好脆皮下膠質黏唇感覺膠原滿滿，肉質卻柔嫩唔會鹹咖哩吉列炸蠔~炸到金黃色一咬下仍然保持蠔嘅鮮味又juicy做得相當出色咖哩汁都好味食少少飯一流西冷牛排~比起其他相對冇咁大驚喜馬拉盞蝦乾肉碎通菜另外再加咗兩個小食~祕製辣雞翼同鹽酥花枝丸整體以冰室來說相當出色~真係不一樣的冰室

自從啟德區內入伙之後，越來越多食肆進駐，各國美食都有，今天做完運動之後便來到這裏吃過晚飯。菠蘿咕嚕肉（餐），龍鳳檸樂$102。咕嚕肉外脆內軟，份量十足，加上酸甜適中的醬汁，是港式茶餐廳佐飯的最佳伴侶。其實咕嚕肉是香港人十大喜愛的菜式，如果這個小菜做得好，必定客似雲來。龍鳳檸樂，酸酸甜甜又解渴。馬拉盞蝦乾肉碎通菜煲（餐），咸檸七$111。馬拉盞蝦乾肉碎通菜煲，用熱騰騰的銻煲載着，熱力十足，帶起了馬拉盞和蝦乾的香氣，令到爽脆的通菜味道層次更加豐富，加上適當的調味，這個非常推薦。咸檸七，夏日非常解渴。招牌脆皮雞（半隻）（餐），雪糕紅豆冰$159。招牌脆皮雞，雞皮香脆可口，雞肉鮮嫩，廚師用鹽醃了雞肉，令雞味的味道增加了，如果淡一點更好。雪糕紅豆冰，雪糕是雲呢拿味道，有點像沙冰一樣的感覺，混合紅豆沙和花奶，味道更佳。👍👍👍👍👍

全間餐廳都係藍白色系設計，卡位闊落～中意呢種懷舊得嚟又清爽嘅格局！**西冷牛扒** 上枱時仲吱吱聲，一刀切落去，肉色粉嫩似日落。黑椒汁夠香但唔會搶戲，反而帶出牛肉本身嘅脂香。最正係5成熟，岩岩好，夾住吸晒肉汁嘅薯條！**香燒羊架** 嘅骨邊肉永遠係識食之人嘅秘密。輕輕一咬，迷迭香同羊嘅羶香即刻湧出，肥膏入口即化，點埋蒜香醬就更正。如果覺得膩，飲啖凍檸茶，紅茶嘅澀味沖走油膩，又可以再戰一round。 三點三嘅**雜扒餐** 似足個大雜燴——豬扒外脆內嫩、雞排juicy到爆，仲有華力腸嘅甜同煙肉嘅鹹香，成個組合熱鬧到不得了。最鍾意拎薯條蘸日式粟米湯，焗薯仔嘅撞落沙律，邪惡但滿足到爆。 食到尾聲，捧住杯**美祿暴龍**，朱古力麥香濃到似細個飲開嘅味道，上面未融嘅冰粒咬落去咔咔聲。熱檸水就清淡啲，兩片檸檬浮浮沉沉，酸酸哋正好清清喉嚨。

近排啟德勁多演唱會 除咗去零售館開餐我建議可以去AIRSIDE依間茶記裝修企理 價錢都算親民 長期見到人龍架😌齊架撐⭕️ 鐵板牛仔骨餐- 跟餐配日式粟米湯&焗薯🥔鐵板牛仔骨幾有驚喜！牛仔骨炆得軟腍入味 肉質都幾嫩口 滿口肉香跟上既焗薯幾正 搭配酸忌廉冇咁漏鐵板餐配特飲都係半價🈹 所以叫咗紅豆杏霜另外晚餐小菜都幾多選擇 每款餸都跟白飯🍚⭕️ XO醬西蘭花炒鳳尾蝦 小菜份量恰到好處 適合一人晚餐西蘭花爽脆 鳳尾蝦彈牙 用咗XO醬微微辣都算幾惹味⭕️ 瑞士雞翼瑞士雞翼有五隻 細細兜 但醬汁索哂入味 甜中帶鹹 當加一味餸⭕️ 蜂蜜紅豆西多少可茶記都有咁多甜品選擇今次試咗紅豆西多 西多外層炸到好脆邊紅豆餡唔算太甜 個人認為 幾出色

喺Airside行街舒舒服服諗住食個午餐先返工，裝修正常，茶餐廳咁。入去叫一個泰式扎肉炒麵... 上菜時見到就覺得賣相好差，好似一碟素麵咁...都其實$69，賣相都好唔吸引🥲覺得值下午茶價錢... 味道又唔好，唔覺得有特別調味，點樣泰式？好無誠意。另外仲叫咗一個咖哩牛腩焗飯，都... 好難食🥹汁又多到癲，調味得個咸味加埋$5凍飲=$74 一個餐你可以話係茶餐廳又可以點好食？都唔係，人地敏華都同價錢做到更細緻嘅味道我本身諗住試吓啦未食過呢間，點知真係好伏。仲最後見到一個送餐嘅職員，汁枱後，又喺地下整張枱嘅螺絲... 掂晒地下又去送餐😮‍💨所以整餐嘅體驗都唔係太理想想有客人繼續幫襯，可以諗諗整好少少....

同朋友來這裡早餐，見佢冇客排隊的情況下，想坐耐少少都唔得，戴黑色口罩嘅女人過來趕我哋走，態度同服務真心唔得，你有客我哋都識做唔會霸住張枱，唔識得變通，以後唔使幫襯佢

🍽️Airside平食除咗樓上food court,💰價格上較經濟的選擇有茶記, 三點三冰室📜餐牌選擇好多, 有中西日款式更有鐵板餐, 炒粉麵飯, 港式小吃, 中式小菜💡環境光猛, 座位寬闊QR code自行落單📱🔸西冷牛扒餐🥩 $128 6/10日式粟米湯｜焗薯｜蒜蓉汁🔥鐵板上”吱吱喳喳“, 叫咗5成熟🍴豉油西餐, 肉質尚可🔸XO醬西蘭花炒蝦仁🥦 $98 6/10晚市叫餸會跟白飯一碗🍚XO醬唔會太濃味☑️蝦仁, 菇粒, 紅椒等, 🥦西蘭花淋身入味🔸招牌脆皮雞(半隻)🐔 $128 6/10🐔脆皮雞皮薄金黃香脆雞肉斬得比較大件, 調味偏鹹啲🤏🏻🔸熱檸水 +$6🔸凍檸茶 +$10

呢間茶餐廳的菜式選擇豐富，味道不錯，一段時間冇來幫襯，原來餐廳推出咗今晚食乜餸嘅時候菜，好吸引。黃金脆皮豆腐 外皮金黃酥脆，豆腐嫩滑，很有胡椒香味。菠蘿咕嚕肉 酸甜適中，豬肉外酥內嫩，搭配新鮮菠蘿和彩椒，口感豐富。XO醬西蘭花炒蝦仁 蝦仁彈牙，西蘭花爽脆，XO醬香氣撲鼻。辣安格斯牛配脆米通 安格斯牛肉有啲似牛腩片，香辣醬汁刺激味蕾。脆米通增添口感，令人驚喜。#啟德美食 #香港美食 #香港必食 #香港探店 #香港打卡 #香港旅遊 #香港必喝 #啟德探店 #香港菜餐廳 #香港好去處 #啟德推薦食品