51
9
8
電話號碼
27264578
營業時間
今日營業
06:00-01:00
星期一至日
06:00-01:00
付款方式
現金
座位數目
100
其他資料
電話訂座
加一服務費
招牌菜
豬骨煲 墨魚餅
食評 (75)
等級3 2017-08-17
227 瀏覽
週末晚上,與朋友暢遊西貢後,約了朋友老公吃飯,今餐去之前有點不安,因為不是自己慣常去的食店。朋友老公車我地去食店,它位於慈雲山,在斜路上,如果不是街坊很難搵到,去到全場滿座,包括出面座位,很熱鬧!由於朋友是熟客關係,一早已訂好位,所以等不夠3分鐘,我們便可以坐下,而且是店內位置,比預期乾淨!我們坐下不久,上菜十分快速,熱辣辣,每碟都很有鑊氣,5個人叫了六碟餸,加白粥,完全飽飽!雖然不用夾錢,但留意到價錢不貴,幾十元而已,真是又平又好吃個人評分食物:A環境:C服務:B 繼續閱讀
(以上食評乃用戶個人意見 , 並不代表OpenRice之觀點。)
本來去鳯凰新村打冷,點知休息。便想到慈雲山也有一間不錯的三記,便一起駕車到此。叫了墨魚餅拼蝦餅、韮紅、𧐢餅、鹽水雞、召鹽鮮魷、豆腐,腐乳通菜、𧐢仔粥!墨魚餅、蝦餅實在很差。鹽水雞查實係白切雞加汁!𧐢仔粥比較鯹無鮮味!其餘的不只是普通,真是沒下次! 繼續閱讀
(以上食評乃用戶個人意見 , 並不代表OpenRice之觀點。)
等級1 2017-03-04
745 瀏覽
今日老爸話好耐冇食打冷,想試試。我們一行2人於是去試試,7點到達不用等位,去到環境一般,地下好油好滑,怕老爸行路不便,於是揀左近門位置坐抵算數。 叫左個蠔餅,炒菜同鹵水鵝。 講真個蠔餅都不錯,夠脆同香口,抵讚。 鹵水鵝都可以,浸得算入味,但份量略少同清炒就不過不失,正正常。 如果只是為左食蠔餅未必會再來,因為地下周圍大肥膩和滑,不方便長者。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-02
568 瀏覽
有日去慈雲山探朋友,毓華里附近全是熱鬧食市。我的朋友好杯中物🍺,就在附近找一間打冷店方便暢談。朋友大力推薦三記,又平又抵食,未到八點,客人已經由鋪頭內坐到出面路口。原來坐路口都好有風味。我哋叫咗啫啫雞煲~一個煲都係58元,雞塊好惹味,仲有雞潤。加埋啤酒,好快就食完。我哋叫咗三款滷水拼盤~只要55元,平時打冷三款要過百元。最重要豬大腸淋,墨魚爽,豬頭肉入味。真係抵又令人回味,你一件我一件好快清曬全枱餸。下次有機會食埋其他小菜。🥘 繼續閱讀
(以上食評乃用戶個人意見 , 並不代表OpenRice之觀點。)
等級3 2017-02-27
409 瀏覽
是晚相約了摰友過去她家附近打冷聚聚,餐牌只有呢張底面嘅單張。價格相宜,不知味道如何。當晚7點半左右,已經聚滿人堆,坐到出巷仔。鹵水雙併 $50三併都係55蚊咋今次叫左大腸併豬頭肉2款都好稔同入味,底下仲放左不少嘅芽菜。蝦丸併墨魚餅兩者相比之下,墨魚餅較出色彈牙。蝦丸比較稔身唔夠咬口,下次再食可以不用叫雙併。打冷點少得來一碗白粥,既可綜和濃味嘅鹵水同感覺仲無甘乾。最後叫多左碟金銀蛋浸白菜仔咸蛋同皮蛋用料很足,味道夠又不會過濃。埋單每人都係100左右,價格相宜。 繼續閱讀
(以上食評乃用戶個人意見 , 並不代表OpenRice之觀點。)