三藩市牛扒屋 (已結業)

Yes, I've the same experience, besides worst service, they have many cockroaches too, beware and just don't visit there again.

Dine with my girlfriend there at last Sat night, service was so bad!!! Waiteress in very rude manner after I told her to change my steak due to over cooked. In these days all restaurants are pleased customers like super VIPs, however this one treats you worst than tai-pai-don. Expensive menu + 10% service change for lousy service, won't go there anymore.

Steak taste just like rubber, service is even worst. McDonland and Cafe de Coral are much better in $$$ value + service, this so-called steak house don't know how to cook steaks and served customers. Won't waste my money there again.

餐前麵包同potato skin好好味,相反d沙律就差d...叫左個日式網燒肉眼,唔錯~仲有個茄汁菠菜幼蛋麵都好好味...個火焰雪山其他冇乜特別呀...d waiter就黑口黑面......反胃呀><

一般美式餐廳, 食物中規中矩, 燒牛肉及燒排骨沒有失望! 服務方面, 女(waitress) 唔錯, 雖然o個晚是星期六, 見佢地忙到不得了. 都好有笑容又快手.但是o個幾個男(waiter) 都唔知佢做乜??.態度又唔好, 叫佢, 佢都唔想應我. 有一個瘦的仲衰, 著件西裝, 以為佢是經理, 想同佢投訴, 點知仲激氣,叫佢埋o黎! 望下我地就算!! 真是激氣. 做亞頭都衰, 想間餐廳好都幾難!!!

食物ok 但係貴到死!服務好得過火，你郁一郁D waiter 都睇你有咩需要，有D唔自然

我今日去左呢間餐廳呀! (2/8)d o野食一般啦!!勁搞笑可能我個時間無咩人啦d service 勁好不停咁斟水我食o左一個鐘都斟o左8 次水呀!!

真係o架,對呢類美式餐廳唔好有太高要求要大杯酒大塊肉呢處俾到你,但要精緻D, 講功夫D o既菜式呢處就冇呢度D 燒牛肉唔錯,但講真,呢家o野都好難整得難食

我是星期日去的(6月10日)，這間餐廳唔係唔好食，但如果給我揀，我會揀返Tony Roma's 或者Shooter 52，雖然大家價錢都差不多，但後兩間的食物大碟d 。D Service 都幾好，碗湯有條好細的頭髮，立即幫我換。

情人節去食飯,叫o左情人節套餐, 要780蚊,食物都ok,,但呢個價錢食呢d 野就幾唔抵勒,,只不過係fillet steak 同lobster,,份量唔多,不過係呢個日子就算啦!!佢d碟都唔係好乾淨,,,,,,,仲有就服務態度勁差啦,,,,我地一食完都未叫埋單就話o甘快拎張單埋o黎,,,,,直情趕客啦........,,而且多謝都無句,,,真係好無禮貌呀....下次都未必會再去喇!!!!!!!!!!!!

你們應該即時向經理作出投訴，無論那間餐館平or 貴，作為一位服務生就必須要以禮待客，何況那兒收費不便宜。而且對待那些不禮貌的服務生，我們也不須與他們理論太多，因我們是來享受的，不是來教人如何做o野的，所以小妹認為遇到不客氣的對待，應即時交給餐廳的主管處理，免阻撓我們吃東西的雅興。

　　「三藩市牛扒屋」聞名已久，除夕當晚難得一試。當晚除了供應平日餐牌內的食物外，更有一個special的「節日晚餐」，$398一位，有齊頭盤、湯、主菜、甜品及茶。　　我就覺得餐牌內的食物價錢都算貴，一個main course steak閒閒都二百幾，大部份更加係三百幾蚊。而頭盤就多數百多元，所以由頭盤食到甜品，每人閒閒地都要成五百蚊(當然咁樣o既份量可能多過頭)。所以都係叫o左個「節日晚餐」。　　頭盤有「大蝦咯嗲」同「焗釀田螺」，二擇其一。大蝦好彈牙、鮮甜，蘸汁後酸酸甜甜，開胃醒神。田螺味道唔錯，不過田螺同磨菇就唔係好夾，最好試下用第二種磨菇代替。　　湯有「龍蝦湯」同「魚翅海鮮湯」擇。龍蝦湯好味、夠濃，仲有半隻迷你龍蝦，正！另外一款湯就普通D，似係普通海鮮忌廉湯，不過加o左D「魚翅」。　　主菜亦只係不過不失，無甚驚喜。「大蝦牛扒」o既大蝦無大蝦咯嗲咁好，牛扒亦無傳聞中咁好食，反而覺得outback steak house o既肉眼扒好味好多。「xx魚柳併亞拉斯加蟹腳」o既魚柳比較o鞋口，但魚味都唔差。　　甜品當然食出名o既「火焰雪山」，味道果然唔錯，外層夠軟滑，雪糕又比一般餐廳o既好食

我以前食亞士里道果間，我覺得態度同食物都好，但係當佢搬o左去海港城之後我試過一次我就決定以後唔會再幫襯！o個次我同幾個大學同學去食dinner ，唔知係咪我地個樣唔夠富貴，佢地d 態度就一定都唔殷勤，仲黑口黑面。我地叫o左個seafood combo 同steak ，d steak 都ok，不過個combo 就似中式o個d 蒸海鮮囉。最氣頂都係叫火焰雪山，一來佢已經比錯o左第二隻味我地啦，仲要呼一聲幫我地吹熄埋！一來唔多衛生，二來我地梗係想自己吹啦！咁我地見佢吹好自然就「嘩」o左一聲，點知比個waiter 寸喎。最後我地好唔滿意，就專登比一毫子tips 佢地，佢waiter 居然寸到話我地漏o左o野！！好彩我地都話返佢d service 係值咁多，我地唔係漏o野！真係形象差到極點呀，請我都唔會再去！

拍拖必到之處，暗淡o既燈光底下，加上一支燭光，直情殺死人。美食當前，加上可以坐於望到seaview o既檯上，求婚都得呀。講番出品，牛扒人人話好，我就不作多講，其他食物我認為海鮮幼麵同蟹肉大蝦麵都好食，麵條唔會太乾，汁料香濃，燒排骨都係水準之作，但比起Tony Roma 仍爭一點，不過佢o既配菜茄汁豆就好正啊，唔係罐頭貨。甜品當然食火焰雪糕啦，當睇表演都好，但味道只是一般，無乜特別。唯一美中不足o既就係杯refill o既檸檬茶，味道好似係加水o既雀檸。至於服務就好殷勤，但就無乜笑容，搞到氣氛好鬼嚴肅。

The food is of quality but is too expensive. However, the dining environment is quite good.