三禾中日料理 (已結業)

我未試過去一間放題，我地一行12人食左6、7個同一款甜品，之後再落order，竟然叫人唔好再叫，是問邊有食放題，叫人唔好叫同一樣，咁就唔係叫放題啦，不如就改名啦，仲要本身個場都唔係多人，竟然叫人唔好叫同一款野食...我地食左2次都夠佢既條件$2000有VIP card ，食左幾次，次次去都話冇record,冇比VIP card 人，好似當冇左件事....跟著幾次去再食，就改條件話要食$3000先有...真係最後決定權係人地到...😡

見朋友Facebook share 嚟咗呢間食，好似唔錯！我又嚟試下啦！ 一坐低佢就會問你揀咩餐？分別在於牛肉質素，同埋有無凍蟹食～$198+10%$258+10%$328+10%$428+10%我今次就揀咗$328！好快就嚟咗個凍蟹😍鹹度適中，肉質唔錯，唔會晦～ 我覺得比好多酒店自助餐好食 (蟹都可以無限encore)魚生都係任食架！任食嚟講，質素都算唔錯啦！其他野食，我開頭仲驚d丸會唔會好難食？d菜會唔會好唔新鮮？出奇地樣樣都真係唔錯喎，幾新鮮，幾好食😋最後，仲有心太軟甜品，食完超滿足😋😋😋 掛住食，無影！份量好細，但我覺得岩岩好，因為食到最後真係超飽🙈

尋晚同朋友慶祝生日，所以就帶佢來到三禾中日料理打邊爐 =]6 點黎到，可以食到 8 點。職員先奉上餐牌，朋友諗左一陣，覺得 B 餐都夠，所以我地叫左 B 餐！ 落左單之後，就自己撈 D 調味料 =] 很快職員就黎左個湯底出黎，我地點左個鴛鴦鍋，有：香滑芝士蕃茄鍋、清熱冬瓜皮蛋莞茜鍋。 未打邊爐前，可以叫 D 餐前小食 ～麻辣豬耳、滷水雞翼、滷水雞腎，食到好滋味。不過 D 麻辣豬耳真係幾辣下，我一路食一路食左好多水HAHA !! 另外，呢度可以點刺身，超正 =]d 刺身超新鮮，而且好多冰， 最值得推介既係八爪魚、帶子！ 之後職員奉上主角 - 極上安格斯牛小排 !安格斯牛肉超新鮮，牛肉每片都唔算薄，而且一 D 都唔肥，唔錯唔錯 =] 原隻虎蝦，新鮮又大隻，食落口非常鮮甜！ 由於個湯底好濃郁、鮮甜，所以經湯底浸出黎既魚滑、蝦滑、丸類都好入味！ 而臨尾，就狂食菜同粟米，想健康 d =] 最後食埋心太軟 + 雲呢拿雪糕就滿足哂！真心覺得個心太軟好正，外面鬆化既朱古力鬆餅，加上裡面暖暖既朱古力溶漿由切開一下慢慢地流出來，配以雲呢拿雪糕，完全溶化左我個心，好想食多個 =]

前幾日同朋友食過幾好食，今日先再去食立即決定以後都唔會再去食。我地係食$258的安格斯牛小排的。一開始都好地地同上次食的時候一樣上菜都仲幾快。食到第8碟牛就開始出事了。入親單都唔出比我地，等下等下終於上左2碟牛，望住2碟最平果隻牛扮的安格斯牛小排真係想講粗口。好，2碟由佢。但係自此之後我地就無見過真的安格斯牛小排。最低能係，當我地食左大約18碟牛同4個心太軟後就last order.咁好啦我地入多3牛2心太軟。点知，有1個侍應拎住1牛過來，牛賣囇得返1碟咋，心太軟都賣曬，但係過左10分鐘又有2個心太軟喎。有老闆娘係度要幾多比幾多，今次見唔到老闆娘簡直呃錢。仲要個蕃茄芝士湯甜到好似落錯左成包糖，比上次難食好多。食完勁無隱喎。好cheap囉。做放題又驚人食得多。

帶女朋友見家長緊係要選d雙方都鍾意食ge野令2邊氣氛都唔好咁尷尬啦！屋企至愛邊爐，女友至愛刺身打聽過知呢度2樣都有供應梗係食三文魚好正厚身，新鮮，最緊要係覺得佢好肥美雖則呢度係主打火鍋但刺身都唔差，款式多選擇三文魚真係好出色除左我同我女友，我屋企都大讚好味道八爪魚超級爽口佢係整得薄薄地，一d都唔un口，八爪魚都好新鮮，值得一讚！我地都叫左安格斯牛火鍋安格斯牛都唔算太肥非常之滑，入口即溶仲要任食，真係非常之正除左刺身，呢度仲有好多海鮮比我地做火鍋料最正係有蟹非常鮮甜超級好味 無諗過放落火鍋都咁好味！屋企人女友都大滿足！

食普通放題食到悶悶地今日試吓主打火鍋ge放題先叫了個蕃茄芝士湯底本身覺得個湯底略甜但加咗芝士中和反又唔錯，幾惹味咁等邊爐啲餸同時我同男友梗係叫刺身其實佢有好多其他刺身不過我地兩個最愛就係三文魚個人建議除咗刺身咁食仲可以淥黎食肉質鮮甜之餘又夠滑仲好肥美tim之後就做肉食獸見好多blogger都介紹牛我反而想講吓豬同羊豬！ 佢切得幾薄，好快淥熟好滑！又唔多肥肓！白肉又健康d 個人好推介㗎仲有羊肉一啲都唔蘇啊！唔食羊的朋友都可以試吓我覺得打邊爐落半都幾特別令個湯底層次更豐富呢度仲有好多丸同滑好多都係手打又彈牙又好味最驚喜梗係鵝肝牛丸個味配合得好好，一啲都唔怪加上係自家製，出面真心食唔到呢粒丸真係令我加曬分呢度仲有飲品任攞，我就攞咗山楂蘋果！配邊爐都唔錯，幾解渴最開心梗係食甜品我叫了木槺布甸好香奶味，又有質感最緊要滑

其實第三次去。。呢間野真係掂。。佢個入口係冇生客會見到同入去的。。尖沙咀K11河內道對住。。同RedMr同一座大廈。。先講環境。有Party房(兩張大圓or一張大長枱)。之後就係卡位(2-4人)。同普通長枱。。整體非常乾淨。。又有波睇。。無論仔仔定囡囡。屋企團聚都唔錯。夠哂靜。價錢有幾種。。不過我次次都食最平果個😂。。貴D係有松葉蟹。和牛咁(見到都幾多人食)不過我食開平野$198加一。。野飲任飲。。好多野食都好新鮮。。係真心Feel到係新鮮既。。不過內臟果D就麻麻啦。。最開心係有魚生食😂重要好Ok。。湯底就冇乜特別同冇乜味。。服務都可以。。Sorry唔記得影相🙇睇住人地果D先。。環境：乾淨，光猛，正食物：絕對可以新鮮，多選擇總括：性價比超高，底試推介：蝦，蜆(獅蚶)，雲吞p.s 真心唔明點解咁小人。可能真係入口唔夠顯眼。冇生客。推推佢

上次同朋友黎食過，食物ok, 服務好。所以今次同其他朋友再黎。但服務質素下降。不知是否上次是老闆娘，所以先服務好？ 如果係咁，姐係趕客。就算食物好，下次都不會再來。

懷著一顆期待的心，終究是失望了...卡座寬敞，坐得舒適。點了美國安格斯牛小排+刺身放題 $258/位菜料款式頗多，又有小食和海鮮，看似吸引。先上混醬。再上湯底，鮮味豆腐魚湯鍋。有好幾磚巨大豆腐，但飲一啖試下味，沒有味道得黎又腥腥地，完全唔知飲緊乜，而且有很多薑絲但就無出現過魚肉。情願你俾番清湯好過。鹵水雞腎和鹵水金錢肚。刺身的賣相很頹，冰塊都是在半溶狀態。不太敢吃...極上安格斯牛小排、嚴選美國雪花肥牛、熊本豬梅肉片。牛肉的質素完全與「極上」、「嚴選」距離甚遠！沒有牛味也罷，還要很膻已沒有心機再點菜，便選了些最大路的。新鮮手打蝦滑，尚叫正常品質，只是不彈牙。三禾鮮蝦雲呑，比較滿意，材料有完隻蝦仁和豬肉，不錯。流芯芋蓉水晶包，每次吃火鍋如果有，都會點的，貪其又咸又甜，十分過癮。但此家的水晶包的皮有點略厚身，食落似在咬一舊粉團。海鮮共有六款。只對原隻虎蝦和白蜆有興趣。但可見蝦頭和身有發黑，即並不新鮮。白蜆肉瘦，偶爾有沙。鮮雞腸和爽口豬紅。見到有雞腸當然即點，畢竟並不是每個地方都有。不過看到實物後已後悔，第一油脂沒有清理好，第二並沒有正常爽脆的口感。豬紅更加攞命，有怪味的門口旁是一大個飲品櫃

平日約左舊同學聚舊緊係要食返d好野我地最鍾意就打邊爐／放題點知有同學建議呢間！梗係即刻食啦我地都叫左安格斯牛套餐湯底選左麻辣鴨血湯，正啊喂一開始食落唔係好辣，但之後就開始辣啦～鴨血都唔少，幾足料叫左湯底，梗係勁叫魚生啦！！！任食架嘛～三文魚好肥美新鮮仲要厚身我有朋友唔食魚生，但佢都夾左幾塊去打邊爐話唔錯八爪魚好爽口一d都唔un，可能因為夠薄帶子都好大隻好鮮甜其實仲有其他魚啊鮑片等等但我地第一round叫左呢d 其他就無影相啦haha因為掛住食安格斯牛套餐緊係要有安格斯牛！！！唔算多肥肉雖則幾薄不過任叫就無所謂啦！同埋薄d快d熟牛真係好滑，有入口即溶之感唔錯唔錯除左食牛，梗係要大叫特叫海鮮（出面食得貴ah ma！）蟹好鮮甜肉都幾多食到我地個個勁開心我最愛係青口勁大隻！！好肥美打邊爐真係岩曬～其實佢仲有好多手打丸啊等等真係任叫，好抵食，不過食唔到咁多下次食個陣再話你地知好唔好味！最後甜品我叫了心太軟佢整的時間有d耐但真係好好味唔似得某d鋪整唔到流心佢個皮仲要脆佢會加球雲呢拿雪糕真係襯到絕！我比相老豆睇佢都叫我生日帶佢黎無問題～

坐低後服務員很快就提供調味醬料, 自己選擇自己喜歡的, 我當然加了大量蒜容急不及待點了安格斯牛小排, 好快熟, 點上剛剛調的醬汁, 美味!當然再點了海鮮, 包括青口, 蟹件, 白蜆, 虎蝦, 魷魚 和白鱔最喜愛青口, 大大隻, 肉質鮮甜, 虎蝦亦不輸蝕, 這2款必食推介打邊爐又怎可沒有魚滑, 這是墨魚滑, 蝦滑和黑松露豚肉滑, 黑松露豚肉滑最特別, 黑松露的獨特香味令人一試難忘這個芒果布甸味道還不錯, 不會太甜之餘亦夠滑溜

估唔到係尖咀一個裝修緊既地方 入面都有間抵食既中日料理寒風殺到黎 梗係打下邊爐係尖咀呢頭食得既都係貴價野 本身都灰灰地 咁岩見到呢間中日料理入面好整淨 好光猛 比我個感覺好舒服 我叫左個蕃茄芝士湯底同叫d料 本身諗住就住就住叫 慳下錢 點知係任食 話明係中日料理 打邊爐係中式 咁日式係咩？係刺身估你唔到呢 真係覺得好抵 又有邊爐又有刺身！！唔單止咁 佢命有d餐前小食 係比較港式既小食例如麻辣青瓜 滷水雞翼 不過提下大家 d麻辣真係好辣 所以要量力而為打邊爐點可以無野飲 野飲方面 有罐裝茶 汽水 紙包飲品 全部都係任飲！有唔同口味所以岩曬一家大細甜品方面 真係我最欣賞既地方 估唔到除左主食 刺身都好味 連小食 甜品都做到最高水準 朱古力布丁 芒果布丁 木槺布丁 牛奶奶凍 心太軟加雪糕 我食到好飽都要叫2轉 平時食個d日式放題通常甜品都差d 不過打邊爐真係好易出現痴底既情況 的食到最尾痴左底有陣燶味 不過整體真係一個字 無得頂！

天氣開始凍 緊係要打番個邊爐啦 尼間中日料理係N2出口行唔洗一分鐘就到 真係好方便我地揀左c餐 蕃茄芝士湯底，比左好多芝士粒 而主打既牛都好靚 睇相都覺得好好食！佢仲有好多手打丸，手打滑 味道好又彈牙仲有棟庭烏冬 配埋個湯底其實唔洗落鼓油 因為湯底都幾甜刺身都有5 、6種選擇，雖然唔多但都係大眾化 唔會唔新鮮 無令我地失望 尼個係麻辣青瓜皮蛋 中意麻辣既一定品可以錯過甜品仲多姿多彩 有心太軟 細細份配雪糕 唔會驚食到滯食唔落其他 加上整得好快 唔洗得好耐就有得食 另外平時餐廳都會麻麻既芒果布甸朱古力燉蛋係尼度都好好味 有粒粒芒果 好香朱古力味 唔會係得個甜字 由熱食到日料理至甜品 飲品 樣樣都好滿意 尼個價真係好抵食 性價比高

因為心太軟，所以我選定這家店。 五人一起食火鍋。揀左D美國嚴選雪花肥牛+刺身火鍋放題即刻俾左本ORDER紙我地，嘩，真係好精美好用心好整齊:調料:刺身都幾新鮮! 八爪魚片切得太薄，朋友一口已經食五片。但無論點幾多片，每次都只係黎四至五片。叫左三次八爪魚片，用左三張ORDER紙(好唔環保)，但每次黎得四五片，朋友食左三口已食完，其他四人都冇得食。　究竟係食物要限住出，定係員工唔識數數目?! 你啲食刺身咁薄，五個人點七、八件，其實都唔係好過份，但你黎得四件，一人一件都冇!!提供隔油網，幾窩心:湯底揀左鮮味豆腐魚湯鍋同香滑芝士蕃茄鍋:手打墨魚滑、蝦滑，都幾爽口手打黑松露鮮豚肉滑，好食，有黑松露味，幾特別。手打鵝肝鮮牛肉丸，本來好有期望，但一入口就好膻，鵝肝味太膻，如果煎下佢先應該會好食啲。爆醬芝士牛丸，確係爆芝士，好味道。 流心芋蓉水晶包，好厚好厚皮，又好大舊，極飽肚之選滷水系列，好大份，都食唔晒:原隻虎蝦，第一轉五隻就好大隻又新鮮，之後叫的全部都又細又黑頭，仲要唔理點幾多件，都係黎四五串，好差勁。鱔片好食，但又係唔理點幾多件，都係黎四五片。牛肉: 賣相唔錯，但唔知點解得膻味冇牛味; 豬肉:

天氣開始凍, 是時候打邊爐, 不過先點刺身, 刺身有三文魚, 章紅魚, 帆立貝, 赤貝, 鮑片, 八爪魚和北寄貝款式多之餘仲好新鮮, 正!然後選了骨膠原黑豚肉骨鍋, 再點了安格斯牛小排, 雪花肥牛, 雞肉和豬梅肉牛小排比雪花肥牛厚一點, 肉質同口感較好, encore了幾輪, 雞肉相當滑, 即使不點調味醬亦很有雞味炸魚皮和響鉉當然是打邊爐必食之選朱古力心太軟配雲呢拿雪糕, 絕對要點, 心太軟流心, 溫度剛剛好, 一暖一冷, 忍不住再點多輪, 為這天畫上完美的句號