三田製麵所 (K11購物藝術館)

營業中

休息中

成日都好想試喺K11呢間三田製麵所，今日終於食到。以拉麵店嚟講，呢間算係幾大規模，店內空間感十足。晚市都可以選擇優惠套餐，有齊拉麵、小食同飲品。嚟呢度就係想試佢嘅沾麵，款式相當多，最後我就揀咗濃香豚骨魚介沾麵。沾麵嘅麵條比較粗身，麵可以選擇冷熱，凍嘅麵比較爽口，熱嘅麵就比較腍身。 沾麵嘅湯非常濃郁，所以可以牢牢地掛住喺麵上面。食晒所有麵之後，可以請店員加湯，就變成一碗濃濃嘅湯。另外仲揀咗三田豚骨拉麵，佢嘅豬骨湯非常濃郁。湯麵嘅麵就比沾麵嘅麵較為幼細，用嚟配湯麵就更合適。拉麵套餐可以優惠價揀小食，我哋就揀咗煎餃子，入面都幾多肉汁。自家製炸雞嘅肉質就夠晒嫩滑，外面炸得香脆而唔油膩，味道不錯。加埋罐汽水就係完美嘅一餐。

開了很多年的日本人氣過江龍，沾麵專門店——三田製所，今日係第一次食。估唔到佢個沾麵口感一級棒，尤其係冷麵，麵身勁Q彈！麵量就有大、中、小份量選擇，價錢都系均一價，只係特大再貴少少。冷麵的麵身Q彈🤤最人氣的沾麵系濃香魚介沾麵👍湯底濃郁渾厚，有魚鮮味。湯內有豚肉塊，好入味好冧。大大塊豚肉沾上湯汁，同樣入味夠冧。喜歡糖心蛋，半熟juice 🤤套餐抵食,加小食就跟野飲。蟹肉忌廉薯餅，外脆內軟，金黃酥脆，一咬就爆出咔咔聲，入面系蟹味忌廉薯蓉😻

#拉麵套餐喺尖沙咀一帶high tea完 話咁快又到晚飯時間 既然唔係特別餓 於是食拉麵做輕怡晚餐-🍜辛辣三田拉麵 $88拉麵份量有兩種選擇(中/大) 辛辣湯底呈橙色 以為佢好辣 其實湯頭充滿魚介腥鮮 辣度有但就唔嗆口 配柔韌拉麵同薄切叉燒兩件 口感唔錯-🍜半熟蛋拉麵 $96🥟追加煎餃子 $28🍺追加Sapporo啤酒 $25朋友叫拉麵配小食飲品 跟餐價錢好划算 以啤酒為例 追加價錢平一半有多😍 日式餃子有3隻 外皮薄 豬肉餡加椰菜絲 有肉鮮又爽口 點醬油再灑啲七味粉食 更加滋味 以為個拉麵湯底係味噌 點知又係魚介味😅 好彩有半熟蛋 蛋黃少少凝固加少少流動 睇見就流口水🤤 食完都幾撐肚吓-📍三田製麵所尖沙咀河內道18號K11購物藝術館地下G21-G22號舖

🎌🍜【 三田製麵所 】🍜🎌⋄—————⧫♟⧫—————⋄「三田製麵所」精製嘅小麥風味極粗麵條口感煙韌，獨一無二❤️ 沾麵仲有冷同熱選擇，冷麵口感彈牙，沾上熱騰騰嘅沾湯，非常好食☺️👏🏻⋄┄ ┄ ┄ ┄ ❖ ┄ ┄ ┄ ┄ ⋄▪️◾️優惠套餐◾️▪️麵類：🌶辛辣濃香豚骨魚介沾麵（大/450g）($88)（可選凍麵底/熱麵底）小食：🍘蟹肉忌廉薯餅（2個）(+$32)🍗自家製炸雞（3件）(+$32)（日本唐揚協會 東日本醬油味 金獎）飲品：🥤可口可樂🍃烏龍茶（+$5）⋄┄ ┄ ┄ ┄ ❖ ┄ ┄ ┄ ┄ ⋄📍地址：尖沙咀河內道18號K11購物藝術館地下G21-G22號舖⋄⋄#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami

這間位於K11的三田製麵所，主打沾麵及拉麵，另外還有幾款小食等。午餐時間跟同事去食沾麵。濃香豚骨魚介沾麵沾麵有分大中小及特大，大中小的價錢是一樣的，我就揀了大的跟同事分享，沾麵醬汁分開另上，麵底可選熱或凍，我就比較喜歡熱食，拉麵的粗麵，麵質爽彈，有點似烏冬，幾有咬口及彈性，湯汁比較濃郁及濃稠，有點鰹魚湯味，每條麵條都沾滿醬汁，入口鮮甜濃郁。另外還拌有糖心蛋、筍及叉燒，但都不及醬汁吸睛。三田流煎餃子餃子表面舖滿了木魚碎，餃子煎至香脆多汁。蟹肉忌廉薯餅薯餅即叫即炸，外脆內軟，中間很creamy。

最近吃了好多不抵食的沾麵／拉麵，覺得三田製麵所的價格算合理，$84有一碗麵、半隻溏心蛋、筍和一塊叉燒。（早排吃了一蘭，心理不平衡。）濃香豚骨魚介沾麵 \ $84 / 好濃郁的魚介湯，麵底份量很足，小中大的價格一樣，叫了大麵，完全吃不完，打包繼續吃⋯⋯（不是太肚餓的話，建議叫中Size就夠。）男友叫了辛辣版本，個人認為沒有差很多，只是多了辣油。(吃了一塊才記得拍照)我們還追加了唐揚炸雞 \ +$26 (三塊) / 和忌廉薯餅 \ +$32 (兩塊)，前者確實炸得不膩，但有點炸過籠了，雞肉稍為乾柴；薯餅沾豬扒醬和沙律醬，十分美味。

花椒拉麵叉燒上加少少花椒碎,湯底唔辣但充滿住花椒香料獨特香氣,整碗拉麵湯底味道濃郁夠香.拉麵彈牙唔會過淰,亦都幾掛湯係一個風味唔錯既特別拉麵.三田特製拉麵同花椒拉麵我自己覺得稍微風味上差少少,湯底帶一陣魚介味,但食多幾啖會覺得稍微鹹左少少.拉麵同樣掛湯彈牙,配上叉燒不過不失.煎餃子餃子皮幾薄而且入口多汁,但餃子底煎得未算好香脆.山田黑胡椒風味炸雞黑胡椒風味幾濃厚,帶住一陣陣辛香感,配上炸雞唔會過濃蓋過雞翼味道得黎又令雞翼更香.

其實三田製麵所係我嘅飯堂，間唔中諗唔到食乜就會去食佢。今次見佢出左新野係櫻花蝦沾麵所以一試，$98。黎到有好多粉紅色嘅櫻花蝦，然後食落個湯底！咦！個味同平時個湯底一樣嘅？？？原來只係多左d櫻花蝦係面，個湯底完全無蝦味，原來比多$10就係撒呢堆蝦米落去⋯⋯⋯多謝哂。麵質一如既往好粗好韌性，好好食。其實不嬲都覺得佢個湯底好味夠濃所以成日食，但今次個期間限定湯底好失望，咪又係同一個味黎！所以如果想食沾麵，叫返原味/辣咪算啦。

某天在尖沙咀附近下班後突然很想吃沾麵，便在神山麵館和三田製麵所之間作選擇，最後到了三田製麵所🤓 平常吃沾麵通常都很怕會太鹹，但三田製麵所的濃香豚骨魚介沾汁味道是剛剛好，有魚介的鮮味但又不會太油膩，亦會掛麵，味道濃郁。建議大家吃的時候可以加點配料，如溏心蛋或日式叉燒，因沾麵只是跟半隻蛋和一片叉燒，但拉麵的份量反而非常多，感覺好像太多Carbs，有點單調。如果要跟神山麵館比較，個人會比較喜歡神山，但三田製麵館的質素也很不錯🫶🏼

三田沾麵一向好食唔再講，今次明太子撈麵正到無倫😋😋每條麵條都包裹住咸香咸香嘅明太子，一口接住一口食唔停口😂😂鐘意明太子嘅人一定超級鐘意！麵條口感彈牙、粗身，份量足夠👍🏻👍🏻

好耐冇夜媽媽食拉麵喇，禁晚市就焗住6點前食，放寬一排終於喺晚市後段食感覺係唔同啲，但冇諗到，呢段時間都仲要排隊不過拉麵輪得好快啫，排一陣就到咁夜仲有人龍係有原因的，因為佢地啲麵真係好足味足料當中嘅魚介沾麵真係幾犀利，點一點湯，就已經好索味，魚香滿滿大胃最鍾意試期間限定，今次係海老湯不得了，好大碗，而且湯底超勁蝦香，每啖都係特濃，麵條都掛滿蝦湯汁。叉燒有三大塊，好腍好有油香呢間嘅炸雞攞過金賞㗎，其貌雖然不揚，但食落真係熱辣辣得嚟，好嫩好有肉汁胃民就好堅持叫泡菜，其實配沾麵都唔錯雖然任斟水，但跟餐都會送汽水不過大胃好想啤一啤，忍唔住嗌Sapporo，覺得佢好飲過Asahi

聽講呢間拉麵好出名，今日過嚟試吓，確實唔錯。預計沾麵，做得唔錯，但係唔算好出色，店員話可以揀凍或熱，我揀咗熱，不過其實一啲都唔熱，只係輕微暖，所以呢一點有啲扣分。湯底做得唔錯，唔會好油膩，不過好濃郁！拉麵都可以，不過冇乜香味，還可以！另外，拉麵冇得揀粗幼，總之沾麵就係固定配粗麵，湯拉麵就係固定幼麵，呢點我都覺得冇乜彈性，冇乜自由度鍾意食辣嘅朋友可以揀辛辣口味，不過如果加咗啦，湯底嘅香味就會減低，比較難食到湯底嘅香味，但係新香辣味比較出。如果可以唔食辣嘅朋友，我建議都唔好揀辣味，因為原味湯底比較香！小食方面，冇乜選擇，炸物做得唔錯，夠香脆，但炸豬扒個皮太厚

舊日在銅鑼灣常吃，時隔一年到尖沙咀店再吃，份量明顯縮小，叉燒只剩一片。但，作為靈魂的沾汁仍保持水準，麵質仍不錯，或會偶爾翻食魚介沾麵 (總分: 7.75/10) ⚪️沾汁(8/10)：相當濃郁的魚介豚骨沾汁🐓 叉燒(6.5/10): 略嫌乾瘦🍜 麵質(7.75/10):有彈性有嚼勁🥚 溏心蛋(7/10) ———————————————————————————⭕️ 總結：質素份量不如前，但沾汁仍保持水準，或會偶爾翻食💵Budget: $100 pp

性價比🎖：💰💰💰💰 (Max 5💰)回頭度🔎：💎💎💎 (Max 5 💎)✨高水準沾麵🍽濃厚豚骨魚介沾麵: HK $78依間餐廳係朋友介紹我黎食，佢冇介紹錯，真係幾好食👍🏻👍🏻🤩。佢啲沾麵係大中小同價，不過我食量比較細，所以叫左沾麵(小)，雖然話係小，但係份量其實都好夠一個女仔食🤣🤣。麵條軟硬度適中，口感彈牙，同埋沾麵湯底濃郁，又夠熱，啱哂冬天黎食🤤🤤。豚肉就唔會太肥，啱曬啲怕食肥豬肉嘅人😎。不過如果可以多一兩塊豚肉就好啦😛😛。

尖沙咀厚福街附近好多野食 但係嗰日行過去搵唔到想食嘅 就求其去到K11嘅三田製麵所試下佢嘅出色拉麵！聽講鬼金棒拉麵都好唔錯 不過呢間應該係唔同style的 成日以為呢間係食烏冬的 但係原來係拉麵！🍜濃厚豚骨魚介沾麵(中)💰84拉麵份量好多 可以揀凍或者熱嘅 我就試左凍嘅 比較有咬口！拉麵上面配菜有半隻溏心蛋 一塊大叉燒同埋幾塊笋沾麵湯好濃厚 入面有一塊海苔同埋一舊肥豬肉我嘅食法就係挑一條擺入湯入面 然後就可以掛到好濃厚嘅湯汁！湯濃厚得來又唔會太鹹 但係麵份量太多所以食唔曬 而且感覺上比較齋🍜濃厚豚骨魚介辛沾麵(中)💰84呢個同招牌沾麵嘅分別就係多左D辣油🤣整體來講呢間日本拉麵舖都唔錯 麵煮得好有韌勁而且湯汁夠濃 但係個人比較鍾意味重嘅 所以沾麵就未必啱我口味啦😛同埋店員要求我地坐高凳 但係我地諗住冇人就問佢可唔可以坐正常台 反而被店員以陣間會多人嘅理由拒絕🥲📌 三田製麵所 (尖沙咀)尖沙咀河內道18號K11購物藝術館地下G21-G22號舖