三洋餐廳 (已結業)

又到下午茶時間！今日到三洋🤤又係點左個特餐。先上既係芝士吞拿魚煙肉茸焗豬仔包非常意外，料非常多，可以見到豬仔包上厚厚一層芝士吞拿魚茸，吞拿魚味非常霸道，基本上蓋過芝士同煙肉味，但配上烤到剛好既豬仔包，外脆內軟，啖啖吞拿魚，好 好 食🤤奶茶，奶同茶比例好，入口茶奶香並重，味濃厚，但稍嫌有微澀，不過都屬於中上奶茶😋香茅豬扒通粉分開上，先評通粉，屬一般茶餐廳應有水平，滑身通粉，吸湯力強，湯底調得剛好，唔需要加額外調味都ok。而塊豬扒，煎炸得恰到好處，食落香口，雖食得出係落左鬆肉粉，但都在可接受範圍內令肉質夠嫩。不足處係香茅味不足... 講返服務，要讚一讚侍應叔叔，因為餐牌選擇多，所以我坐低後睇左都一陣。叔叔見我極為迷茫，主動過黎解釋俾我聽，非常好！總結而言，成個餐都唔錯，奶茶同豬仔包值得一試，香茅豬扒一般，但其他餸睇落都幾吸引，可能下次經過會再試下！

I heard that today (Saturday, February 2) is the last day before it closes 😭 I really like the soup and rice meal where you get to choose three different foods. I usually get beef, Chinese broccoli, and tofu skin. It’s simple but i really like it!

今日午膳時間經過彌敦道，不知有什麼好餐廳的情況下，入了三洋餐廳，叫了一個咖哩斑腩飯，咖哩是馬來咖哩，椰香較重，咖哩味輕，辣度只是十分輕微，斑腩炸過，雖然淋上咖哩汁，但外層依然脆口，味道不過不失，幾十元茶餐廳的貨仔，大概如此。

早前要到渡船街做野，黎到油麻地呢帶，唔太知道帶咩食，就是但入左呢間三洋餐廳，諗住普通茶記就無所謂啦，唔會難食先，入到去同茶記無分別，預左！只係有樣最大分別就係價錢！係未我太耐無食茶記，貴左好多！午餐要$46起跳😨我望左陣想行番出門口，禁每日都有啲唔同既比客人選擇，好似有啲新鮮感呀嘛！禁我就係10月30號食既A餐洋蔥汁牛扒拼煙肉牛扒，茶記牛扒，一聽到就知普通貨，禁又唔介意既，禁一切係切唔開，鋸都係鋸唔開，應該中左根位，所以難切啲，禁切其他位，好啦食啖肉，有陣腥味，唔單止雪藏味，係腥味，我唔知點整出黎，成塊牛扒得1/3係肉，其餘既位都係根！成餐飯都係汁撈飯，洋蔥汁仲要係偏咸，要撈更多既飯！飯係偏淋，有啲爛，我唔知餐飯食左咩？鹽？根？爛飯？我都唔知🤦🏼‍熱奶茶 有茶味但偏澀，唔夠滑，但都好味！味道唔虛，偏實，係用黑白淡奶沖既！整體而言，有得選擇，唔會再食呢間三洋餐廳，價錢偏貴唔抵食仲偏劣質，比普通茶記更嚴重👎🏾我唔明白點解會有分店

今日一大清早送細侄女返兩堂補習班，長途跋涉來到油麻地，只想說現在的小孩是多麼的勤力，我真的自愧不如。將他交低給補習老師後，我們就在附近找了這家餐廳吃一頓豐富早餐，等她放學。這家餐廳在不同地方經常看到，今次首次光顧，它的早餐又真的不錯，尤其個雜菜湯底，濃郁又滋味，螺絲粉又夠多必飽，還有迷利豬扒包，熱熱地又脆面，係飽了些，但確實抵食。幸好這個時間不是太多人，餐廳又夠大，可以慢慢吃，否則也不知道該往那兒好了。

朋友帶來食午飯，原來三洋餐廳是一間連鎖的餐廳。這間面積比較大不需要同陌生人拼桌，兩人可以坐卡座或者圓桌。茶餐廳的裝修風格和服務，不要要求很多。特點在於菜單的豐富性，兩三張卡片選擇非常多，除了湯飯早餐下午茶類還有日常炒菜，各種排列組合逼死選擇困難症，anyway這樣連續點一週也不會重複。🤣味道不錯炒菜OK如果附近有可以經常來解決日常餐飲。

收50蚊一個『時菜肉片飯』，首先以為起碼俾條菜心，點知係俾cheap cheap白菜。肉片先係重點！係重點難食！賣相已經知道好老，點知食落去仲要一陣騷味！！！食左一片已經再擺唔落口！50蚊食左一碟白飯，以後唔會再幫襯

同同事坐低食飯，聽到老闆娘不斷話幾多號枱個客人淨係飲杯嘢坐住佢張枱，咁你應該唔會俾人嗌單飲十幾蚊一杯，指明要人嗌一個餐。又話客人麻煩，又話依個客人麻甩佬等等。勁唔尊重人。客人未飲過杯野倒瀉咗，唔會畀返一杯新嘅客人。比錢時同佢講，老麥都會賠返杯比人，依間野老麥都不如。Cheap成咁

從未試過咁受氣，全部員工好似唔想你入黎食咁，面口唔笑都算，仲要黑口黑面，眼神已經同你講，唔好入黎啦～又要我做~跟住無論落菜和傳菜，冇一個好態度，仲要比說話客人聽，有個呀嬸仲要大大聲鬧人轉枱，轉枱姐，唔洗咁惡呀麻，唔知以為做左d咩事~總之~唔會再幫襯，祝你生意興隆羅~

近排係呢頭做嘢，唔知食乜，見呢間都方便，對面就係地鐵站，拿拿林食完就走。我地四個人，叫咗一個晚餐孖寶加個湯飯都幾飽。晚餐唔算貴，一個餸跟飯，有湯有飲品，七，八十元係可以接受。湯正常，豬潤好味，牛肉都ok，我無撈飯，當餸食。叫咗沙薑雞同粟米斑塊，雞件夠滑，點埋汁係好正！o(^▽^)o 粟米班塊件魚皮好脆口，好味，係汁少咗啲，每人分得小小汁。環境都ok，卡位逼咗小小。職員態度拍得住澳x餐廳，佢個下放餸同口吻。

叫左個湯飯 食到一半先發現兩三條蚊蟲 叫waiter黎 態度勁差 換左一碗後食食下又發現有蟲！叫經理埋黎 我都未火他已經態度勁差 過黎搞兩搞碗野就走左去 一句唔好意思都冇 完全不知所謂以後大家千萬唔好再幫襯！

因為復診關係，由朝到1300都無嘢落過肚，所以就去佐敦附近搵食。一坐底先叫左嗰咖喱雞飯配凍檸檬茶（少少少甜），由於雞飯喺正價所以再叫是飲品半價，之後再叫多個特餐。印度薄餅、喇沙扎肉米粉、同樣喺凍檸檬茶（少少少甜），餐茶凍飲+$3典型茶記特餐一般都喺配多士或者餐包，少有見到喺配印度薄餅，的確幾特別。可惜所有嘢食都好甜！先講杯凍檸茶，已經特別order要少少甜，結果變左超甜，沖左兩次水都喺好甜。咖喱又吾香又吾辣，仲要喺甜嘅，應該裡面加吾少糖，唯一優點雞肉都幾厚幾嫩，薯仔煮得幾淋，但係茶記咁嘅價錢同大家樂、大快活等快餐店比，真喺情願食快餐⋯⋯個薄餅面鋪左啲煙肉洋蔥，熱辣辣拎出嚟都幾酥脆。最失望嘅喺個喇沙米粉，好重香矛味加上青檸又落得多過頭，仲要喺極甜啲湯頭，食左第一啖已經吾想食吶，為免浪費勉強地食咗幾啖米粉，真係頂唔順，所有嘢食都喺甜嘅搞到嗰胃翻天覆地，行出門口第一步已經想嘔返出嚟。呢間真喺不可一，不可再⋯⋯

有晚9:00做完野去搵野食，勁餓，但又唔想夜媽媽食得太heavy，怕肥，咁岩見到三洋有湯飯，兩款肉加菜，正，清清地又有菜食，就入去試下。叫左魚腩。鯪魚球。生菜湯飯，食落有驚喜禍，魚湯夠熱，感覺味精不多，魚腩最好味，好嫩滑，唔會過火，生菜仲爽脆，鯪魚球就無咩特別，另外，待應會問鼓油要唔要辣，都幾好！一人快食唔錯！

留意到三洋餐廳有幾家店舖.....多次想嚐試亦未有機會。這次碰巧在油麻地做點野可到此店點了咖哩吉列雞扒飯及楊洲炒飯咖喱吉列雞扒飯，嘩，塊雞扒大過手掌，脆口又唔覺好熱氣果塊雞扒入面好淋好多肉汁，不過就杰左少少個咖喱汁仲帶有小小甜夠惹味，仲有幾舊薯仔好有咬口楊州炒飯的料豐富，叉燒粒，蝦仁，蛋花及蔥粒.....飯粒乾爽，調味亦不錯逢送凍檸茶，味道剛剛好而朋友飲熱檸茶餐廳頗大，卡位亦多，坐得舒服餐牌中西合併，早午晚茶餐都有原來話呢度出名魚湯飯下次要試試總結是典型的茶餐廳風味

23/10/2017, 17:00，和家人4人出外處理事宜, 其中有1人感到肚餓, 於是走進油麻地三洋餐廳隨意點了兩個下午茶共$78, 也由於趕緊時間, 未到食物已先行到櫃檯付錢, 當時一位伙記上前, 態度甚惡劣, 指我們未達最低銷費每人$20, 我們隨即加點一杯茶達至最低銷費, 然而, 這位男伙記大大聲不禮貌在餐廳內說"4人吃兩個餐"，本人很激氣也出聲說"又唔係老板"， 之後, 亦回坐位與家人等候食物, 在等待期間, 這位態度超級惡劣伙坐在職員膳食圍大大聲(半邊餐廳也聽到)說"4人吃兩個餐", 我也激氣得說"又唔係冇錢比"。首先, 4人吃兩個下午茶餐是不足為奇, 我們只想找個地方休息一下, 吃點小食, 跟著繼續行程。 第二, 我們根本沒有留意最低銷費字眼, 知道後已隨即加點飲品, 即使4人最低銷費是$80, 我們兩個下午茶餐已$78第三, 這位男伙記一而再, 再而三, 大大聲態度極品劣指我們"4人吃兩個餐"簡直是想趕客再幫襯。老闆有這個伙記, 可謂幫公司倒倒倒倒米。差差差差差………………………………這個男伙記簡直比女人都不如, 很差很差老實說, 食物唔錯, 但服務態度差之極點, 另