25
4
2
以上資料只供參考, 請與餐廳確認詳情
食湯飯就要去三洋係我家的口號,自從大同新村店結業後,就𨍭去旺角店,一碗三餸湯飯價餞由$38食到今時今日的$44.由以往的滿足的離開到現在好似只有下午茶份量的感覺。只嘆生意難做。雖然份量少了,但味道依舊。三洋仍然是湯飯首選。
繼續閱讀
其實三洋餐廳都好多分店,砵蘭街呢間維持有水準,通常我都係食午餐多,有時冇乜胃口,都可以試下佢D湯飯,都好好食,湯底夠濃,服務態度非常好,乾淨衞生,大家不妨試試!
繼續閱讀
返工成日唔知食咩好,同事推介呢間連鎖茶餐廳既湯飯,話湯底夠晒鮮味,值得一試三洋係油麻地都有好多間分店,但同事指只此一家既湯飯最正宗可能因為咁招牌寫埋湯飯皇$44既價格頗為相宜,而且仲可以揀兩款料加一款菜,健康又豐富,冬天食仲暖笠笠由於即叫即滾所以要等多幾分鐘,今次叫左牛肉、黃鱔同油麥菜驚喜既係湯底真係好甜!冬天可以飲碗熱湯,成個人都好舒服牛肉夠嫩,黃鱔冇骨仲好好肉,加埋油麥菜感覺好清新好健康一大碗湯加白飯一碗真係夠哂滿足湯飯皇果然名不虛傳
繼續閱讀
生滾湯呢家嘢其實都唔錯,佢夠熱、有湯飲、多選擇,而且主要食食物本身嘅鮮味,唔使點落醬。第二次幫襯呢間湯飯皇,貪佢個湯夠大碗,個飯又成坐山咁高,湯底佢話係用「仙骨」製 ... 咁,佢隔離有幅魚嘅相,我估即係魚湯啦,都清甜,不過最後出嚟個湯係咩味,當然就好睇你叫咩餸喇。兩個餸加個菜、跟飯/粥/粉麵 $44,選擇都唔少,如果晚飯嚟食係幾抵。生滾湯嚟講,我最怕就係要等,不過呢間既然叫湯飯皇,果然早有準備,一入門口就見佢有幾個爐幾個兜同幾個快手呀姐,自然都唔使點等,可能仲快過平時叫碟頭飯。友人叫咗碗豬腰豬膶蕃茄,我就叫咗碗肉片豆腐油麥菜,兩個都唔錯。友人話佢嗰碗嘢份量比較少,可能豬腰豬膶本身貴;我就d豆腐食極都食唔完,同碗飯一樣,大食人士啱哂!另外仲有每日推介,今日有豆腐芫茜紅杉魚($70)、咸菜粉絲九肚魚 ($75) 等,都幾吸引,不過價錢會貴d。今次食完先見到,下次見啱食就試下。P.S. 呢一帶好似有幾間三洋,呢一間係喺砵蘭街、油麻地站A1出口直行轉左嗰間 ~ 其他嗰d冇試過,唔知餐牌係咪一樣
繼續閱讀
今天早了起床,返到公司時間尚早,便叫了份三洋外賣早餐,醬爆雞丁螺絲粉配凍奶茶,聽聞這餐廳的肉丁和雞丁都是自家製的,配上雞丁的辣油,湯底很濃,雞丁很滑,早餐吃這些可能略嚴重口味了些,但螺絲粉不多,食量不大的人就剛好,如果大食量的人可選配其他粉麵如米粉/公仔麵/米線,不用加錢轉的,至於這間的凍奶茶,好喝,茶膽不錯!雖然這早餐很邪惡,但少吃多滋味,一星期吃一次也不為過。
繼續閱讀