影片
七月嘅一個周末同bf嚟到位於錦田嘅三樂居酒屋，見到小店特別感到窩心☺️餐廳員工非常親切，舖面雖然唔算大，但感覺都唔會好焗促🫶🏻開瓶費都好優惠，第一枝免費，第二枝收50蚊🤤但食物方面就覺得有改善空間🤫聽職員講週末嘅食物庫存會比平日少，因為附近居民通常係平日先會喺錦田嘅餐廳食晚飯，假日會比較靜。可能因為咁，我覺得刺身嘅質素唔算話好新鮮🙈另外，燒物肉質有啲乾🙈感覺烹調做得唔係好細緻🐧點選嘅食物如下：首先講講比較令我失望嘅刺身～原條伊佐木魚刺身可以加錢將食剩嘅魚骨煮味噌湯。雖然啲魚骨仲有肉，但都仲有好多魚骨，碗湯好多魚骨，飲起嚟有啲唔係好方便🙈（以為會用煲湯袋隔一隔或煮好湯隔走魚骨先落豆腐昆布煲一煲🙈）兵庫縣小友生蠔礦物味唔會好重，味道比較淡，雪得太凍牡丹蝦刺身唔彈牙，唔鮮甜火炙壽司中規中矩～炙燒左口魚邊壽司（左）炙燒三文魚腩壽司（右）串燒方面，整體嚟講，都係帶點失望。雞肉肉質有啲軟，豬腩肉燒得好乾，bf覺得牛肉比較乾。-雞蔥串（左上）-雞尾串燒（右上左）-雞軟骨串燒（右上中）-牛肋筋（右上右）-雞心串燒（左下左）-豬腩肉串燒（左下右）-日本青椒仔串燒（右下左）-牛舌串燒（右下中）-雞腎串燒（右下右）雞中翼串燒免治雞棒串燒燒芝士年糕枝豆
繼續閱讀