三小漁

營業中

休息中

朋友特意選了這間食店邀請我們星期五食晚飯，提早兩天book格時，只可選五點半或八點，我們選了五點半，入座時只有我們一枱人。我們五人，安排了一個轉角梳化位，座位寬敞，室內裝潢就是一般中式食店，服務人員較冷漠，我哋用完餐想叫甜品時，服務人員就話冇甜品供應，但友人之前是在這裏享用過甜品，當時已近七點，可能是接近用餐時間的限時。因1枱客，上餐好快，價格不便宜，但份量足夠，色香味俱全，餸菜價格都係近一百至二百幾，尚可接受，是朋友請客，實際埋單數目我不大清楚，估計平均每人約$250。友人點了她的心頭好，黑碳豆腐及冰鎮咕嚕肉，也點了蠔餅，藕餅，小炒皇，流心蛋，鮮淮山炒菇。食材新鮮，咕嚕肉的菠蘿都係鮮菠蘿，十分鮮甜。我較喜愛鮮淮山，清淡可口，友人對冰鎮咕嚕肉讚口不絕，但我不愛凍食，蠔餅的蠔都幾有鮮味，我寧願不要那麼大份，同樣份量蠔配細份量蛋漿，食了一兩口也覺得有點滯。

想同老人家食好d 既中菜 見呢間觀塘既三小漁 comment 唔錯同埋佢既小菜幾特別 就去試下 口水西瓜好特別既前菜 口水應該配肉 但呢到配西瓜 口水醬咸咸地 唔會好辣 西瓜勁甜 咸甜咸甜咁 不來都幾夾 酥炸特色脆蠔餅 份量都好多 佢既粉漿唔算多 所以炸得勁酥脆除左大大粒既蠔 仲加左好多蔥一齊炸 所以食落更香雖然有配魚露 但其實唔洗點都好鮮味 鮮魚湯胡椒魚肚芥菜煲食完炸野 叫左個芥菜煲下火 魚肚食落冇腥味 但好腍 同鬆化配埋芥菜 個魚湯甜上加甜 黑蒜蒸指天翅 經理介紹我地食呢個話係魚既背脊 成條魚最滑既部份 用左黑蒜蒸 清清地唔會搶左魚味 魚肉食落鮮甜 同埋真係好滑 魚皮好煙韌 下面仲放左粉絲吸晒魚既精華一人一份岩岩好最後叫埋個甜品桃膠燉手工菊花豆腐難得見到手工菜 當然要試下 豆腐花好滑 桃膠好大粒 成個甜品清清地 又滋潤 法式焦糖燉蛋 因為係焦糖 會比豆腐甜 但燉蛋都好滑加左桃膠更加滋潤 螞蟻人必揀平日既晚上都好多人黎食小菜 唔怪得之經理話佢地要係中環開分店

喺觀塘返工嘅友人約食飯，今日佢帶路嚟咗電訊廣場試下新嘢。蒜泥白肉 - 豬肉肥瘦適中口感彈牙，配上蒜泥汁更惹味。竹炭黑磚豆腐 - 外層一咬即碎好香脆，中間豆腐好滑。咕嚕肉 - 口感結實味道酸中帶甜好開胃，菠蘿夠新鮮好甜唔會過酸，士多啤梨雕埋花好有特色。指天翅 - 魚肉蒸好滑唔嚡，魚味濃好鮮甜。底下嘅粉絲爽口彈牙，仲吸咗魚嘅鮮味好好食。法式焦糖燉蛋 - 表層嘅桃膠煙韌有口感，中層有炸燶咗嘅焦糖好香甜，最底嘅燉蛋好滑蛋味好濃。桃膠燉手工菊花豆腐 - 豆腐雕成花型雕得好靚，糖水有淡淡嘅菊花清香，入口味道唔會太甜比較養生。

惦，呢間價錢唔算貴，菜式多選擇，尤其正係個黑磚豆腐，食落去滑不溜口，值得推介。另外豬油渣都不錯，口感好。最後推介個風沙雞，要早一日訂。總括來說價錢可取，觀塘區可以一去

值得－讃 係呢度會給客人擺位前先將杯碗用滾水淥過，坊間很少食肆會咁做相當貼心👍地方整潔服務也週到，作為－間小菜店出品也特式，出品擺盤同味道比附近數間連鎖酒樓更出色👍而家仲做緊預先前一天打電話訂坐會有95折優惠，因為隔咗－段時間無堂食，而家開放返再嚟，出品一樣保持到👍今次點咗酥炸特式蠔餅、口水雞半隻、蓮藕蜜椒骨同埋啫啫通菜煲

午飯時間爆多人, 所以通常都會過左午飯時間先出去食.今次同同事們一行七人兩點去呢間小菜館.  一共點左8樣野, 個椒鹽鮮尤唔記得影相. 我覺得炸得少少過左頭有o的燶.另外蠔餅o的蠔真係好, 佢都冇用蛋漿, 我唔鍾意都覺得唔好食好油.七人以上送左個啫啫雞煲, 呢度重可以叫豬油撈飯.  我有加豬油, 食完同事先發覺豬油有o的酸, 不過我已經食晒落肚, 之後都冇唔舒服.整體都係唔錯, 成八個餸, 食到好似晚飯咁, 埋單重有95折每人只係140.以咁o既價錢食到咁o既質素同份量又真係幾抵.雖然有o的油膩, 但間唔中一次都唔錯.

今日係觀塘收工,約咗個同事食餐晚飯,同事帶咗我去一間食中,粵式菜嘅餐廳。三小漁中菜館,餐廳喺成業街電訊一代廣場,入到去餐廳地方真係幾闊落,座位嘅空間感亦都好足夠,喺度食飯感覺都幾舒適。坐低先點咗個陳皮普洱,職員會用熱水洗乾淨餐具,真係好細心。普洱茶除咗有茶香,仲有少少陳皮嘅香味,飲落去又香又開胃。青麻椒安格斯牛柳粒 168元,牛柳粒擺碟好吸引,一口牛肉煎到啱啱好,食落去牛肉味好香濃好juicy,有入口即溶嘅感覺。沾小小青麻椒醬,令到牛肉嘅鮮味更加突出,又帶少少麻辣香味。鮮菠蘿芥末蝦球 148元,蝦球外層炸粉皮薄仲要炸到金黃色,食落去外面脆卜卜,入面嘅蝦肉爽口彈牙非常新鮮,芥末醬同菠蘿嘅香甜味,令到蝦肉味道更加有層次,最底層仲有新鮮嘅菠蘿,味道清香,絕佳之作。煙燻溏心蛋,黑磚豆腐。黑磚豆腐做到外脆內熱加埋少少炸蒜增加風味。溏心蛋見到蛋黃有啲油香滲出嚟,經過煙燻入口特別香。法式焦糖燉蛋 58元,燉蛋面層燒到焦香入面嘅蛋仲係好幼滑, 加埋桃膠一齊食 增添口感。另外招牌甜品,桃膠燉手工菊花豆腐,首先欣賞到廚師嘅刀工,將豆腐切到好靚好幼滑,入口食到菊花嘅清香味,好順喉又滋潤。

終於唔使戴口罩，好多地方都開始放寬，梗係周圍去搵嘢食，今日去咗位於觀塘嘅APM行街，見到商場入邊全部都係連鎖店，所以決定喺附近望下有咩好食，點知比我發現到呢間三小魚呢間中式餐廳，入面燈光好光猛，地方又闊落，位置仲非常方便，見到餐牌價錢非常合理最重要係位於觀塘區附近唔需要等排長龍嘅升降機，餐廳入面有好多辣嘢食，啱晒鍾意食辣嘢嘅朋友呢度無論係環境服務態度同食物嘅味道衛生都令我非常滿意靠牆仲有梳化位地方又唔會迫夾牆上面掛滿牌，全部寫晒名式嘅菜餚，容易見到招牌嘅食物方便客人選擇揀咗陳皮普洱茶靑麻椒安格斯牛柳粒$168鮮菠蘿芥末蝦球148煙燻糖心蛋（半隻）$36黑磚豆腐$36法式焦糖燉蛋$58塗膠燉手工菊花豆腐$48青麻椒安格斯牛柳粒，牛肉煮得剛剛好，一口一啖，而且牛肉味濃郁，大廚控制時間剛剛好，肉質又夠林身鮮菠蘿芥末蝦球，蝦球底部有新鮮菠蘿粒，菠蘿好甜又新鮮，蝦球有炸過加上芥末汁， 十分惹味，蝦肉十分新鮮爽口彈牙，證明食材非常新鮮法式焦糖燉蛋，呢款似中西合璧甜品，見到表面放有桃膠，原來同焦糖燉蛋一齊食會咁夾，表面焦糖夠脆，燉蛋好滑，又香又濃郁嘅奶味，而且甜度適中，超水準。黑磚豆腐，一咬落去個皮

午市優惠餐(非麵餐跟白飯1碗，奉送熱飲)******************************午餐口痕想食酸菜魚三小漁可以滿足呢個口腹之欲😋飯同餸另上幾個人嗌幾個餐可以開心share👏🏻🥢酸菜魚片 $62 平時晚市出去食酸菜魚一定係大大盤呢度可以細細碟一個人自私食都可以🥳酸菜底味道唔會太酸魚片冇骨 都算大塊🥢椒鹽豬扒 $52椒鹽豬扒煎得香脆送飯一流🥢菠蘿咕嚕肉 $68咕嚕肉有鑊氣正酸酸甜甜正常發揮

好耐冇食過冰鎮咕嚕肉, 於是去三小漁食, 本身都食過2次, 呢間比我印象就係價錢並非便宜但場地算坐得舒服. 不過經過呢次之後就唔會再食1. 食物方面, 廚房的而且確係煮得好食, 冰鎮波蘿咕嚕肉, 牛腩煲, 金銀蛋浸時蔬, 波蘿芥末蝦球(?2. 服務方面, 樓面真係唔要得, 態度好似古惑仔咁…當初落單落左芥末蝦球, 黎到食左唔覺有芥末, 另一位朋友食完都話唔係芥末, 係芝士, 咁我就同男staff對一對張單, 果位男staff話落左芝士蝦球, 我話落錯單wo…佢就兇番我地轉頭, 話咁你地都食左啦, 之後勁快走左去唔再理我地…..? 如果我地唔食果碟蝦球又點知落錯單?? 明明落錯單係樓面同事, 但要我地負責番你地錯失之餘, 咁樣屈番客人轉頭都有….😅我地最後同部長反映呢件事, 事件最後解決左, 但睇番下面有其他人既食評原來有唔少都有講話呢間餐廳既員工態度有問題, 如果大家性格係比教林善既話, 唔擔保你地係呢間餐廳又遇到呢類情況, 小心又係會被果位男樓面兇番你地轉頭, 唔知落錯單既情況下你地又食左, 分分鐘要比貴40-50蚊左張冤枉單.希望三小漁真係要正視一下員工個服務態度問題.

觀塘工廠區餐廳林立，中午好多打工仔lunch，今日去呢間三小漁有驚喜，喺電訊一代大廈，好易搵，一上電梯前小小就見到，門口大大隻加非貓從餐牌選擇同坐位睇，晚市應幾適合一家人一聚，午市選擇係客飯套餐為主，有個特別亮點，可轉豬油撈飯先來個菠蘿咕嚕肉，賣相幾吸引，份量亦好多呢度咕嚕肉係採用梅肉，好正宗，食落啖啖肉夠淋，亦炸得剛剛好，夠香口，粉漿不會over，菠蘿係用原隻切，大舊又juicy 同行太太叫咗酸菜魚片米綫，魚片爽滑彈牙，湯底酸辣好開胃其實全個午餐最重點就係呢個豬油就算酒樓都好少有，莫講話餐廳，問咗侍應姐姐，佢話原來夜晚有個餸叫做豬油粉絲煲，所以豬油係新鮮整出嚟，午餐攞嚟賣，撈飯真係好正最後飲埋個杯凍檸茶，夠濃少甜，正

今日在觀塘「三小漁」食午餐餐廳闊落，簡潔舒適，乾淨企理。服務員態度非常好👍🏻我哋點了兩個套餐，菠蘿咕嚕肉和酸菜魚片。呢間餐廳係用砵仔蒸飯，蒸得好好，飯香，粒粒分明👍🏻亦可以加$5升級豬油撈飯，餐廳姐姐推薦我哋加，因為係師傅每日新鮮提煉而成，撈落飯食真係仲香濃，仲好味😋「菠蘿咕嚕肉飯」選用豬肉肥瘦適中，外皮炸得香脆，炸粉唔會好厚，而且係用肉眼筋位置，爽口彈牙好味👍🏻👍🏻調味唔會偏酸或偏甜，份量亦十足，菠蘿和肉都各有5-6件，正！期待晚市的「冰鎮新鮮菠蘿咕嚕肉」😋「酸菜魚片」湯底香濃，辣味恰好，唔會太酸，好味👍🏻👍🏻送飯一流魚片好滑，完全沒有骨，啖啖肉，正！

想在觀塘吃精緻的中餐，於是去到位於成業街的電訊一代廣場的三小漁。晚市提供湯羹翅、海鮮和主菜等等，午市亦有不同食物可以選擇，而且餐廳提供多人同行優惠。這晚一共品嚐了三款食物。在等待食物之前，先享用桂花烏龍茶 。 茶香非常清澈、吸引。先品嚐冷盤話梅淮山。淮山經過醃製，入口軟腍，氣味獨特，配合話梅，整個小食令我非常開胃。然後一嚐蟶子王。蟶子皇份量十足，香甜鮮嫩；上面配合粉絲、香蔥等配料，令口感、味道以及香氣進一步提升。蓮藕蜜椒骨擺盤精緻吸引。蓮藕費切成薄片，經油炸後非常鬆脆，而且沾上蜜汁，甜度誘人。蜜椒骨設成一口大小，方便食用；肉質香脆，配合蜜汁和芝麻，既香又甜。甜品是桃膠燉手工菊花豆腐。這道甜品非常考大廚的刀工， 豆腐切得這麼幼細，放在水中散開，方能做到恍如菊花花瓣般精美。甜度配合得恰到好處，是這一餐一個完美的句號。

同三位朋友一齊食飯，餐廳離APM 5-10分鐘步行距離，係商業中心一樓。我哋選擇觀塘食飯，係因為工作區假日人比較少，用饍比較舒服，呢到又冇限時間。7點嚟到，見到門口有隻半米高左右嘅茄菲貓Lego, 餐廳裏面有好多Lego 卡通人物。檯之間距離好足夠，座位多卡位，食飯傾偈好合適。我哋叫隻半隻炸子雞，炸得啱啱好，雞滑，鹹度合適。梅子排骨，有7-8件，好味，酸酸甜甜，黃金炸魷魚，用鹹蛋黃炸嘅，剛剛炸好一定好味。仲叫咗個菜，金銀蛋菜，落咗好多靚嘅皮蛋，鹹蛋，又有鮮味嘅高湯，呢個菜真係做得好好，越簡單嘅菜越少餐廳會認真做。雜菜粉絲煲水準幾好。

上個月與朋友們到三小漁吃晚餐🥢， 真心不錯😋， 因為地點近我公司，所以再嚟食午餐。 午市都幾多人， 幸好我預早訂位， 今次點了午市套餐📋📍、小食、飲品和甜品。水煮魚片$62、青麻剁椒蒸海斑塊$72、黑磚豆腐(件)$18、煙燻溏心蛋(半隻) $18、泡椒雞腳$38、桃膠燉手工菊花豆腐$48、法式焦糖燉蛋$58、豬油撈飯$5、冬瓜薏米水(跟餐價錢) $5、 洛神花茶(跟餐價錢) $5。 🔸黑磚豆腐🧈 ～ 上次食過一次難忘， 口感外脆內軟， 值得一試。 🔸煙燻溏心蛋🥚 ～ 醇香美味的溏心蛋， 有淡淡的煙燻味， 更有流心效果。 🔸泡椒雞腳🍗 ～ 酸酸辣辣的味道，清脆爽口。 🔸水煮魚片🍲 ～ 鮮嫩的魚片，配上又香又辣的湯底， 食起來感覺特別惹味。 🔸青麻剁椒蒸海斑塊🥘 ～ 海斑塊肉質很滑又無骨底有粉絲吸了醬汁味， 香辣有勁，拌飯之選。 🔸豬油撈飯🍚 ～ 邪惡的豬油撈飯，食起來特別香口。 🔸法式焦糖燉蛋🍮 ～ 面層薄薄的脆焦糖， 燉蛋口感滑嫩如絲，蛋味非常濃郁。🔸桃膠燉手工菊花豆腐🥣 ～ 又係必食推介， 菊花豆腐賣相好靚， 做得好精緻， 糖水整體味道清香。 🔸冬瓜薏米水🥤 ～ 味道清甜又健康， 清