三姐海鮮飯店 (裝修中)

今日同屋企人去食晚飯, 一早訂左位都要等好耐, 已經預左. 10個人坐係張好細嘅枱, 又都預左. d 食物質素好唔穩定, 以後都唔會weekend 去. 有個亞叔落單(唔知係咪三姐個老公　ｏｒ　親戚), 好無禮貌, 好寸, 我見到有d餸唔知個名問佢啦, 俾佢寸到暈. 因為唔想影響家人食飯心情, 忍忍忍．．．佢地係好好生意, 但咁服務態度，　真係唔想再去受氣，　香港其實到處都有好多好野食啫．．．

若不是有同事帶路也不知道這村有食肆．兩個人叫了兩餸一湯，份量十足，多得吃不完．湯沒味精，足料夠味．鍋貼小棠菜：外皮薄脆，墨魚爽口．雜菇炒菜也不錯．

三姐有好多好食的名菜，好多TVB人lunch都鐘意book定去食。其中以蛋黃蝦同鼓油雞最好食。有時，仲有自創糖水食，都幾得意，大約五蚊碗，係出面食唔到。但係上菜就真係慢D，同埋千祺唔好叫炒菜，佢D菜唔新鮮，我食過幾次都覺得D菜好老，但係佢就聲稱係新界菜，不過我一食就食得出係大陸菜，因為我屋企餐餐食新界菜，一食就知唔同。

食到最後o果幾舊椒鹽九肚魚,發現有D o野夾o系牙縫,取出,嚇一跳!o系約1.5cm長綱絲刷絲~~!!!同佢講,佢靜o系話"哦!可能o系洗鑊果陣留低啦!"各位點睇~~?仲有,不可不提醒各位:小心大地滑呀!靜o系座o系位.都跣腳--.皆因地下太快肥膩

二個人去開呢頭順便試試呢間嘢, 叫左:1. 鍋貼小棠菜- 呢度既推介菜, 其實係墨魚餅內有小棠菜碎, 炸漿脆薄唔油, 墨魚彈牙, 唔錯2. 豉油雞- 又係呢度既推介菜, 雞比較肥, 肉都嫩, but not so impressive, bf覺得前菜既鹵水雞腳好食D3. 豉椒咸菜炒聖子- 聖子唔大隻, 普通咋喎

同屋企人食既生日飯因為知道經常爆滿,所以家姐一早bk左位,所以等左一陣就有位叫左豉油雞,飄香蓮綺,炸米通配魚湯,窩貼小堂菜,涼瓜倉魚,蛋黃蝦,炒菜同埋糯米飯共8個送,好意頭d豉油雞隻雞好新鮮窩貼小堂菜只不過係"嚼"頭,其實即係墨魚餅飄香蓮綺反而幾好,一咬落去d芝士流曬出黎,正炸米通配魚湯幾得意,不過就飲曬d湯,剩曬d米通最like蛋黃蝦,d蛋黃平均痴係蝦身上面,好考師傅工夫總括黎講每樣送都幾好味~不過對我地黎講太遠啦~

個日開電視..岩岩見到一個叫三姐的女廚師教煮送..都幾有新意..面口好似好新..後尾知佢有間野叫三姐飯店...岩岩雜誌又見到有喎!!!所以約左朋友去試,,去到見到好多人..="=..等左九個字..等左咁耐..又唔想唔等..好浪費時間..後來老闆娘都安排左張台比我..但係叫野食就好多野都無...好彩仲有例排豉油雞同銀芽炒通菜..仲有山楂蝦球...都幾好味喎,,雖然,,個次唔太多野叫,,但係,,我都想再去多次,,三姐Ｄ服務態度又幾親切架喎,,不過,,上電視靚Ｄ,,^^"

三姐海鮮飯店食到cockroach味就一般，重要等餐死,重要加隻cockroach, 以後誚請都唔食Bad Luck

昨晚與家人團年在三姐海鮮飯店,戰戰兢兢看左d食評就去. 因家住將軍澳, 頭一次踏進田下灣村, 位置偏僻, 家坊生意! 但味道卻真的不錯. 預訂了一窩魚翅, 湯沒有味精, 清淡舒暢! 叫了得獎招牌菜: 飄香蓮綺, 炸米通配魚湯, 豬肉炒油墨菜, 墨魚小堂菜! 每碟份量不少, 碟碟均炸得鬆化, 熱辣辣亦不油膩. 廚房很有鑊氣, 十足十從前小時在大排檔的鑊聲!值得推介.

如果唔係朋友介紹，都唔知有間街坊食店係內值得推介有窩貼小棠菜，用墨魚打成餅混合小棠菜煎，好彈牙有趙口，蘸d甜酸醬好惹味，非常香口!!

前幾日去左三姐度食飯,,.入到去,.見到個餐牌,.唔知邊Ｄ岩食！邊Ｄ唔岩食,.所以就叫左三姐過黎介紹,.點左Ｄ菜,.真係唔錯就好似個豉油雞咁,.完全係食到係新鮮既雞,.隻雞仲好滑,.,.我地見到差不多每張台都會叫一碟鍋貼小唐菜所以我地都叫左碟黎試下, 因為佢既賣相唔似鍋貼…好得意!! 之後仲介紹左條魚比我地食,,好鮮味,,炒左碟金銀蛋莧菜,,,仲有個湯,,三姐話佢地Ｄ湯唔落味精..所以都要左一碗最尾..食左個糖水,,椰汁燕窩.,,總括黎講..Ｄ野平‧靚‧正價錢方面都幾合理,.,.佢地Ｄ服務態度仲幾好好有住家FEEL,.,三姐都好友善,...

一家4 口去到等左一陣位, 入到去點左幾個菜..佢地d 野食全部都好特別~ 我最鐘意食佢地既秘制豉油雞..好有雞味, !! d 豉油又好香..!!!仲有蓮綺x 香,(唔係好記得個名) 果然係得奬菜!!!咬落去Ｄ之士流出黎~~~ ^_^ 真係食指大動!! 我地仲叫左南乳豬仔骨係每隻計..只少叫4隻~~我地4個人岩岩好~炒左碟豆苗, 同一個湯..個湯佢地力sale 無落味精ka!!!總結: 估唔到tseung kwan o都有好野食～～!!

鍋貼小棠菜,真係名不虛傳.墨魚石班撈埋打成膠,加埋小棠菜.彈牙過爆漿牛丸.日前三條友,除左叫呢味,仲有豉油雞,黃金九肚,上湯豆苗,蒸牛肉.唔使三舊埋單.黃金九肚,即係已炸的九肚魚,再同滑蛋炒埋一碟.好特別.下次將軍澳中菜,唔使下下坑口村.雖然比"合時"略貴,勝在多個落腳地.好過去大型屋苑的連鎖酒家.

地點確實幾"釣腳",不過都幾旺場,一家四口(=兩公婆+兩個細路)等咗半粒鐘,坐低冇餐牌,但牆上貼滿菜名,一時間唔知叫乜好@.@後尾想點秘製豉油雞(點知賣曬>.< ), 想點佢o係食神戰得金奬o既菜式(點知又賣曬>.< ). 最後點咗 :魚湯腐皮卷: 魚湯好味,腐皮新鮮炸起,要嚟點魚湯食,好特別,魚湯內有鮮冬菇同年糕,幾得意.蒜蓉蒸扇貝-- 味道唔錯,但扇貝細隻.什菌鴛鴦豆腐-- 似紅燒豆腐,味道一般香芹蜆介雞煲-- 食到蜆介味,但雞肉味道淡口,唔夠濃味.埋單$212

因睇雜誌介紹,所以就專程去嘗試一下晚餐~一行到門口,無林過會有咁多人排隊等位(事關呢間位置都幾格攝) 等左好耐入到去..見到有d 相,咁格攝o既地方無林過原來都有幾多名星去食.見到老闆娘招呼很熱情..好有家庭式o既feel, 雖然店舖外貌一般.. 但入邊既野食都好有特式~~~~試左一個叫鍋貼小唐菜,好特別!! 外形唔係我地一般食既鍋貼形狀.. 係一塊塊金黃色既墨魚膠... 口感好得意....仲有就係如果唔想食餐牌上既菜,老闆娘會即席林一d 特別既菜式.一定要試:鍋貼小唐菜,冬瓜泡泡飯