91
16
8
港鐵長沙灣站 A2 出口, 步行約6分鐘 繼續閱讀
電話號碼
23865835
開飯介紹
價廉餡料多見稱的糖水店,推陳出新,創出許多新口味糖水。 繼續閱讀
營業時間
今日營業
14:30-01:30
星期一至日
14:30-01:30
付款方式
現金
座位數目
80
其他資料
泊車 詳細介紹
電話訂座
外賣服務 詳細介紹
招牌菜
芒果腸粉 心太軟 椰皇蛋白燉奶 蛋白杏仁皇 自家制芋圓 雜果明珠
食評 (126)
等級4 2017-09-07
79 瀏覽
喺深水埗食完晚飯,本身已經諗住搭車返屋企,行行吓見到有糖水舖,男人又扭計食糖水,好啦,捨命陪君子,一於就大無畏增加卡路里陪佢食一食啦。餐廳店面裝修簡潔明亮,以白色為主題,感覺乾淨清新,牆身掛左好多唔同地方嘅風景照,有希臘亦都有日本嘅櫻花,睇住真係覺得好舒服令人心境平靜放鬆。而且在鋪頭不斷咁播住一啲舊歌(例如陳曉東)即刻覺得回到以前嘅學生時代放學去食糖水咁可能時間尚早,未見到有好多客人,但係一路食已經有人不斷入嚟買外賣,生意好似都唔錯。而餐牌選擇都唔少。木糠布甸木糠布甸超級creamy, 忌廉味重,瑪麗餅亦都冇過淋。層層分明,份量都算多,都幾抵食法式焦糖燉蛋配青檸雪葩焦糖表面燒得脆口,燉蛋入面嘅雲呢拿味道好濃郁,青檸雪葩令人覺得好新鮮,食燉蛋感覺太甜膩時正好用雪葩壓一壓,相得益彰。意大利伯爵奶凍配益力多雪糕奶凍奶味濃郁,亦透出絲絲嘅伯爵茶香味,益力多雪糕好特別, 酸酸甜甜,口感過癮。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-31
499 瀏覽
今天兩個榴槤控,來到榴槤甜品出衆的三姐松記,既滿足又換醒了以往一點回憶!店舖裝修簡單,店員很有禮,又樂意為我倆推介店內甜品。看見甜品餐牌款色多又吸引,而價錢也很合理,幾經思量,才能篩選出兩款甜品。榴槤處處 $58 D24榴槤紫米露 : 沒法想像得到紫米露會和榴槤肉如此配搭,兩種味道又不會蓋過對方風頭。D24榴槤班戟 : 薄薄班蘭皮下是軟綿綿的忌簾。意想不到的是那體積是整件班㦸三分之二的榴槤肉,食落立即令我變了心心眼。記起很多年前也曾品嚐過味道如此清新自然美味的榴槤。D24榴槤雪糕 : 質地香滑不在話下,那股榴槤香韻,不淡也不會過濃,令人回味。特盛宇治芋圓仙草凍$35 紅豆香軟、仙草凍軟滑、芋圓地是自家製的,特別煙韌又充滿芋頭蓉。還有地瓜圓和軟滑又有綠茶香的綠茶雪糕球。以牛乳伴着各款材料同吃,令整體更香滑。感動位是這兩款甜品也吃得出是用心製作。個人感覺這兒的出品,比坊間幾間人氣甜品更勝一籌。下次來一定要再吃D24榴槤甜品,和充滿魅力的Baileys 朱古力太軟。 繼續閱讀
(以上食評乃用戶個人意見 , 並不代表OpenRice之觀點。)
滋味bailey心太軟 焦點食評
等級4 2017-05-27
249 瀏覽
今晚放工同男朋友出去黃金睇電腦野。。睇完諗住食一點甜品先再回家食飯。。今晚我地去左三姐松記甜品款式很多。。。有新潮的。。又有中式糖水。。總有一款岩大家口味。。。很多具特式的甜品。。。可惜胃有限。。只可以選某幾款來食7點前仲有個雞翼下午茶set...仲有埋杯野飲。。good男朋友點了楊枝金露。。一向他都是超愛楊枝金露。。每次去到甜品店。。有八成機會他都會點楊枝金露的這間的楊枝金露十分足料。。。芒果超多而且又香甜。。。除了芒果外。。仲有其他楊枝金露必備的食材。。。但我跟男朋友都對這碗超多芒果及芒果汁的楊枝金露大讚每一啖都有很多料。。食起來咬口很好。。又香甜芒果。。又有爽口西柚雙味雞翼跟新出品飲品。。。飲品是以蘋果,青瓜,檸檬混成的,味道很清新很fresh。。雞翼一隻是惹味糯米雞翼,咬下去時。。較為濃味。。帶有點點微辣。。十分滋味。。而且糯米軟綿綿。。。而且超多糯米塞滿了雞翼。。。所以食起來時好像食緊雞翼糯米飯一樣。。。超香雞味另一款則是磨菇香濃芝士雞翼。。。咬下去時會看到超多芝士。。。仲有磨菇。。口味會較為濃芝士味。。。鍾意芝士既我當然十分喜歡。。兩隻雞翼口味不同。。一次過可以食到兩款口味這bailey心太軟真是令我感到十分驚喜。。。其實本身我不算太好酒。。。但男朋友見到這店有bailey心太軟。。他說很想一試。。那就好啦。。點了。。一開始我都怕會唔會太重苦的酒味。。。但這款甜品的確令我對酒類甜品有所改觀。 。因為店員把甜品送上時,已聞到很香很香的甜酒bailey味。。。味道很香很清。。不會有苦澀味。。。之後當我用叉子切開後。。大量朱古力流出。。。十分澎湃之後bailey味愈來愈香濃。。很香很香。。。食起來時不會失了bailey及朱古力味。。兩者十分配合。。。另外。。食心太軟有時的確會怕太甜太膩。。。但這款不會太膩。。真是食極都愈想食仲配上了益力多雪糕。。。酸酸地十分醒胃。。。十分正。。。而且足料。。。因為食極都會聞到bailey味三姐松記真材實材。。下次再黎深水埗買電腦野。。我都一定要再encore 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-19
247 瀏覽
復活節同男朋友去完西九掃完街之後,當然要用甜品來做結尾。見好多朋友都會介紹呢間糖水咁一於就去試吓睇下係咪名副其實。門面係傳統糖水店咁位置都幾噏耷幾難搵。下午時間入面唔算好多人所以好快有位。第一個叫左野王蛋白燉奶(凍),夜王嘅大細有一個半拳頭咁大入面仲有層椰子肉,所以可以配合埋蛋白一齊食,入面嘅蛋白燉奶好香蛋同奶味互相一半一半唔會各自蓋咗大家的味道。而且凍左令到入面好似實d咁,可以加少少椰子肉配合一起吃令味道更加豐富。加上蛋白燉奶都好滑,食落好清新唔似外面得少少添加劑的味道。甜度一點也不高,好適合唔重口味中意奶同椰子的人。第二個叫咗芒果大滿載。作為一個芒果腔就一定要食呢個。首先雪糕雖然唔算好滑但係入面嘅芒果味都幾濃加上食得出有好多芒果肉係入面,所以可以有啲咬口。隔離係芒果布甸上面有三大件芒果肉好鮮甜同埋唔係熟到爛嘅芒果,好鮮甜同好多水。入面嘅芒果布甸質感都幾硬應該落咗幾多奶而入面都係有好多芒果肉比例係7分布甸3分芒果肉。所以食到成個布甸都好有芒果味,食完芒果味都仲係留係個口度好耐所以應該唔係加左啲咩芒果添加劑果類,幾好唔錯!第三個叫咗榴槤處處,總共有三個甜品。榴槤雪糕筒上面嘅芒果雪糕一樣入面都係有少少榴槤蓉不過榴槤嘅味道就出好多令你食緊每一啖都係榴槤咁,而且都幾滑。應該係自己整嘅榴槤雪糕因為之前唔會係出邊食過。隔離的榴槤pancake係最抵食,首先出面嘅皮有少少斑簡味道所以個皮有少少綠色,入面的cream同榴槤嘅比例係3分cream 7分榴槤二榴槤係成個果肉係入面所以係真係食梗榴槤咁。食完呢個都幾飽肚,因為都幾重身。最後係榴槤紫米露佢係將紫米露入面放咗一件榴槤入去,令成個紫米露即刻好甜不過榴槤嘅味道太濃就會蓋晒紫米露的味道,所以都係好似食緊榴槤咁。總括而言,呢間甜品店係同區最好的,而且店員好nice 食物價錢同質素成正比。可以一戰。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-23
0 瀏覽
中學時在SSP讀書,大部份同學都是在附近住,記得第一次食三姐時,是跟同學們做完project 後,大家一起去食個甜品開心下,傾下計,當時甜品款式並不多,但隨著時代變遷,甜品的款式令人眼花撩亂,今日經過,三姐都跟隨著時代步伐,甜品中加入了不少新元素去迎合年青人口味。芝麻糊一上枱已經很香,質感濃稠,芝麻味濃郁且幼滑,不會太甜,做得不錯。Baileys朱古力心太軟配綠茶雪糕下單後等了十五分鐘,即叫即焗,所以心太軟上枱時依然帶暖,綠茶雪糕是我最愛,綠茶味香且滑,應是A字頭品牌的出品。心太軟一切開還很流心,朱古力味濃郁,苦澀味很重,但甜味較少,適合不喜甜食的我,外層心太軟香脆且鬆化,值得推介的甜品之一。榴槤處處由三款甜品組成,適合喜歡食榴槤又有選擇困難症的朋友,一次過可以試到三款口味。D24榴槤班戟,裏面啖啖榴槤肉,餡料十足,榴槤味濃郁,雖壓了蓉,但仍然咬到一點榴槤肉粒,整個口腔都是榴槤味,是三款榴槤中最好味的。D24榴槤紫米露,只有一pat 榴槤放在面,紫米露煙煙韌韌,味道不錯。D24榴槤雪糕榴槤味比較淡,奶味較重,是三款中比較無咁特別的。總括而言,懷舊式的甜品依然好味,潮式新品以榴槤最突出,食過返尋味。 繼續閱讀
(以上食評乃用戶個人意見 , 並不代表OpenRice之觀點。)