三姐廚房私房菜

上星期朋友約食飯，為方便聊天，在open rice中尋中菜，在観塘希望試下新菜式，見這間私房菜評語不錯，便在網上訂位。前日飯店確認訂位和菜單。在open rice 睇見預早落訂有優惠，便找朋友去落訂，每人減50元。我們選左每人328 的套餐，前菜有非常新鮮的有機菜，秋葵和木耳，流心蛋配🍆，其伴汁好清新，唔錯唔錯！湯用密瓜燉都清甜，水芙蓉和清酒鲍魚就比較一般，但在芙蓉上面的蝦球就好彈牙！冰梅排骨的調味好！最後的甜品，用蕃薯溝粉做皮包芋頭蓉，朋友就👍。9點半左右見客人都走左一半，恐左人收工，便叫埋單，可能侍應見我們傾得咁開心，同我們話未咁快關門，可以再坐一會，但其中一位朋友表示明早要返早更，最終我們都是埋單走人。但感受到侍應的貼心服務！讃！可以再去的私房菜，下次食其他菜式！…查看更多

放工同一大班同事係附近工廈三姐私房廚房晚飯,工廈最好既地方就係地方大,坐得舒服同可以慢慢坐慢慢傾!菜單兩日前我都就要confirm,資料都可以網上睇到,今次我地book13位既"歡暢聚首特選海鮮味宴"! 前菜有川味手拍青瓜,青瓜爽翠配上汁料,食完好開胃! 必饌涼伴鮑魚菇,lee款出面酒樓真係未食過,好創新好特別,同埋都幾好食既! 有機沙律菜,食中式餐但竟然有西式沙律雖然有點怪,但因為蔬菜都係lee度有機水耕,所以食落好新鮮好食! 因為我地乜都想試,所以燉湯叫左兩款,一款金桃螺頭赤肉湯,一款哈蜜瓜螺頭黑毛豚肉湯,飲得出好足料,味道好清甜滋潤,同好夠火喉,有d同事都食埋湯渣添! 到左主菜嬉水芺容,蛋蒸得好滑,加埋蝦球醬汁,就更加好味!生猛星斑兩味,一味黑松露炒斑球,一陣陣好香既黑松露味,但炒得有少少油,另一味燜頭腩用埋新鮮淮山一齊燜都幾特別,總括兩味都好入味,斑塊厚薄適中同魚都滑既! 秘制香辣炒私房大蟹,蟹又大隻又鮮味,加埋秘制香辣醬汁,少少辣,醬汁好味到可以配埋多士一齊食添! 野菌溫室小南瓜,南瓜好甜煮得好淋加埋野菌好岩配飯一齊食! 話梅王雞食落味酸酸甜甜,雞肉又食唔到雪藏味,反而覺得煮得好夠時間醬汁入味!黑蒜炒飯,黑蒜有d切粒同飯一齊炒更加帶出黑蒜香味,再放一d切片放上面,可以比大家就咁食,如果平時鍾意食黑蒜既人一定覺得好食同鍾意!最後到甜品,炸麻糬波波,炸得岩岩好唔會過燶,外面金黃脆口,入面有夠熱,食完熱既甜品,仲有凍食雪糕,價錢合理值得再黎!…查看更多

觀塘區幾時變成搵食特區?! 由其係工廠大廈入面, 之前都食過幾間, 但今次幫襯呢間係以私房菜命名, 食得私房菜, 通常都比起出面開餐期望指數會高D!店內環境雖佈局普通, 但坐得唔會迫迫夾夾, 另設有電視送飯.....哈!設有二人套餐款($328/位), 菜式數目都唔少喎, 飲啖茶後就可叫上菜先試呢幾款: 有機沙律菜伴芝麻醬(沙律菜夠爽脆, 轉為醋汁, 酸酸味幾開胃); 保健秋葵真味(白烚秋葵再淋上芝麻醬, 口味幾清新); 涼伴黑木耳 (配上醋酸汁作為一碟涼伴前菜, 黑木耳口感爽滑, 健康之選); 茶燻流心蛋伴黑魚子醬配厚刀切茄子 (半流心蛋食落幾CREAMY, 個厚切茄子點埋特製醬汁好味道)清酒南非鮮鮑魚, 鮑魚唔太大隻, 質感有咬口, 咬落食到陣陣清酒味, 但略嫌蓋過了鮑魚本身味道!我最喜愛既燉湯(燉哈密瓜螺頭黑毛豚肉湯)出場啦, 熱辣辣原盅上, 見到每盅都有唔少湯料, 咁多湯料點會唔鮮甜呀?! 呢輪秋風起飲呢D咁滋潤既湯水就岩晒啦!呢款蝦球水芙蓉, 個名就好靚, 估唔到賣相都一樣咁靚, 滑滑既水蛋配以彈牙既蝦球, 配以一粒杞子作為點綴, 平凡中顯得不平凡!冰梅黑豚肉排骨, 肉質有d咬口, 肉上舖有少許酸薑絲再淋上醬汁, 味道有點似食緊京都骨, 而下層既鍋巴, 一軟(肉)一硬(鍋巴), 口感層次豐富左, 又比佢諗到喎!鮮魚湯浸碧綠溫室菜苗, 魚湯以立魚及元貝佳淆製, 飲落有濃濃魚味, 配以嫩脆溫室豆苗, 可作為清新口腔之選!有餸又點可以無飯呢? 呢籠荷香蒜海斑片蒸鴛鴦飯, 有蒜香海斑片亦有充滿荷香既紅白飯, 份量都幾多, 但味道唔錯, 最終都食得晒!食到呢到真係好飽, 但有甜蜜美滿慶團圓又點可以錯過呢?! 甜品包括自選雪糕球一客, 另有炸紫薯丸, 一凍一熱, 個紫薯丸我就好LIKE啦!另有加一服務費, 如以現金付款可免茶芥(每位$12), 咁當然係比現金抵D啦......................哈哈!…查看更多

在官塘工廈的食肆大多都是cafe/偏向西餐的主流，所以呢間中式的fusion 菜對我黎講都幾獨特，菜式有心思又具創意性，帶來與別不同的味蕾享受。用仿簾幕分隔不同枱的食客，予以提供私人空間，但待應生又會不時巡視，靜靜在旁觀察食客需要，可隨時詢問/落單，又會不時斟水和收碗碟，服務不錯！整體來說，有點似西餐，因為上菜是一道接住一道，效率都幾快，而且很多時都不用費心就會有人服務！與友人享用了兩位用的精心配 @ $328 位在餐前，先來一個大盤清新的餐前沙律清清腸胃，有機沙律伴芝麻醬的重點落在芥末的微辣，入口酸酸地好開胃，而且沙律菜都十分鮮嫩爽口。通常在日式店子出現的保健秋葵真味涼拌好厚肉，而且黑木耳好爽脆，醬汁又呈黏黏地的，可鎖住鮮味。茶燻流心蛋伴黑魚子醬散發濃郁的蛋漿香氣，配厚切茄子，隱藏脆口黑魚子醬，更顯矜貴。醬汁好惹味，不是一般會咸的那種普通醬汁，可以一方面突出蛋的鮮味，也不會太過搶鏡，然而旁邊裝飾的花朵則十分美豔，未免太過耀眼，醬汁有芹菜，底下的紅蘿蔔絲有少許酸酸地，好特別！中式菜式也少不了矜貴又大方的鮑魚，以清酒入味，不用蘸任何醬料都好鮮甜，重點是不會難嚼，是超級好嚼又軟腍的鮑魚。原盅燉哈密瓜螺頭黑毛豬豚肉湯 （位上）經常都不在家的我都不知有幾耐無食煮家飯，這個燉湯仿如沙漠中的甘露、熱天時的清暑佳品。豬骨不會很肥，所見的都是瘦肉，木薯都發揮不可或缺的角色，煲出來的湯都十分清澈，飲落好清潤入味。蝦球水芙蓉的蛋白好似豆花般滑溜，食落好健康，沒有蒸到過火，恰到好處，入口好滑嘟嘟！用上金筍汁，與一般食到的蒸蛋白無法比擬。頂上裝飾的明目杞子也十分有心思，第一次吃到隻爽夾滑、大隻又真心厚肉的蝦！遠年新會陳皮骨肉質軟腍鬆軟，陳皮味濃郁，又帶少許酸甜，很新穎的組合！、師父將一棵棵幼苗般的菜苗堆疊起來，鮮魚湯浸碧綠溫室菜苗的賣相精緻又可愛。用叉子挖開圓碟上的圓塔，即時幻化成菜苗湯 ，飲落有陣陣鮮魚湯味，配上鮮菜，好新鮮！不是味精湯，好飲到可以當湯飲埋～荷香蒜蓉海斑片原籠蒸鴛鴦飯為突出海斑肉的滑嫩，用荷葉包住整個飯和配料，蒸出來會有陣陣荷葉香。另改用比白米飯更健康的紅糙米飯，食落軟硬適中又帶點口感。這個蒸的海斑片與平日吃的魚柳斑塊不同，火喉拿捏得十分準繩，吃落不會覺得「諧」口或者有魚腥味，很滿意！最後必備甜品—美滿雙輝，呢個雙併一凍一熱，同時滿足兩個願望。一球雪糕有四個口味可供選擇，揀選了曲奇&綠茶呢個即叫即炸的紫薯脆波炸到好均勻，熱力平均分佈，咬開脆皮，連餡料內的紫薯都十分熱騰騰。紫薯發燒友當然會享受香濃又軟腍的紫蓉，教人無法抗拒！…查看更多

友共聚，大家想吃私房菜，就去了觀塘工廈內的「三姐」，揀了價格相宜的「樂融和」四人餐，每位 $328。 涼菜有芝麻黑木耳和麻醬秋葵，兩者均屬清爽健盈之選，嚼勁十足，最適合作前菜享用了！ 接著，是選用自家種植的有機菜入饌的有機沙律菜伴芝麻醬，且伴有鮮甜多汁的車厘茄，纖維豐富，清爽好吃之餘，也更為健康。 要飲真材實料的老火燉湯，小妹還是對母親大人有百份百信心。原盅燉哈密瓜螺頭黑毛豚肉湯，料足有餘，只是，味道過鹹了。 茶燻流心蛋伴黑魚子醬配厚切茄子，流心蛋著實不負「流心」之美名，只略嫌茶燻味未夠濃烈濃，幸有鹹鮮魚子醬彌補味道的不足。炸過的茄子，上層仍帶香脆口感，底部浸在醬油當中，呈軟腍質感。 再來一道「嬉水芙蓉」，即把香煎帶子，浸在細滑蒸蛋內，再淋上微鹹的鮮黃茨汁，並灑上微辣薑絲、蔥段和杞子，味道層次豐富，且添紅添綠的，讓簡單平凡的蒸水蛋，變得更有內涵。 生猛星斑兩吃， 率先上場是黑松露醬炒斑球，啖啖肉的斑塊球肉質彈牙爽口，配以黑松露醬和雜菌炒香，香氣四溢，魚肉鮮美且濃香，好吃指數爆燈。 另一道的明梅醬燜頭腩，燜得入味，入口味道酸甜，火喉拿捏略嫌過火了，有點乾身。 遠年新會陳皮骨，賣相和食味與燜頭腩頗為相似。大廚以中式陳皮醃製肉骨，肉骨炸得香脆，肉汁被鎖在當中，惟陳皮香氣未算突出。 農坊獨頭糖心黑蒜炒飯，混入糖心黑蒜、菜粒和帶子等同炒，夠鑊氣，粒粒分明且乾爽。 吃過數道肉味香濃，且經煎炸的菜式，這一道鮮魚湯浸溫室菜苗來得甚是及時了。 壓軸甜點雙併，有炸紫薯和雪糕。炸紫薯新鮮炸起，熱辣辣的，餡料味道清甜，外邊略為油膩。 另一款甜品，是雪糕，有四款味道，綠茶、芒果、朱古力和曲奇。 …查看更多

朋友生日，想找個就近她工作地點的地方晚飯。商場中的食肆一般有時間限制不利傾談，既然觀塘是工廠區，我們一於決定往工廈中覓食。今次選了三姐廚房私房菜，地點不算難找。菜單內容要在兩日前在電話內確認(最新菜單可在網上看到)，我們今晚叫了＂精心配·伴＄398二人餐＂：秋葵真味。今期流行秋葵，據說好吃又有益健康。今晚本人首嚐秋葵，是否有益健康就不知道，但味道卻真的不敢恭維……尤其是中間＂潺潺＂的一部分，吃下去感覺像在吃鼻涕涼拌黑木耳。這個是很稱職的涼拌小吃，黑木耳吃下去很爽口，感覺很清新。本地有機水耕菜沙律配芝麻醬。這個沙律極之大碟，我們兩人無論如何也吃不完。其實那些水耕菜很新鮮，吃下去一點草腥味也沒有，是很不錯的。只是今次的醬料明顯是沙律醋，並不是餐牌上的芝麻醬！可是我們只顧着吃，忘記向店員詢問😑茶燻流心蛋伴黑魚子醬配厚切茄子。流心蛋的調味和流心程度恰到好處，茶香味明顯。厚切茄子簡直令人喜出望外！茄子微微炸過，吃下去入味而且沒有＂油淋淋＂的感覺(一般茄子都很索油，不知道他們如何能做到炸得乾身)，超好味龍皇煎帶子(要加＄20）。乍看下以為帶子很大隻，其實帶子只是上面薄薄的一片(半厘米厚)，下面是一塊大龍蝦丸。帶子煎得很嫩，那龍蝦丸也頗好味，最特別是龍蝦丸中間放有鹹蛋黃，為本來平平無奇的丸加添了層次哈密瓜響螺頭黑豚肉湯。燉湯十分甜，感覺很滋潤，非常適合在這初秋的時候喝。湯渣中的哈密瓜和響螺頭也可以吃。蝦球水芙蓉。＂芙蓉＂一般是和蛋有關的，這次的＂水芙蓉＂是蒸蛋白，配上一顆蝦球和醬汁。蛋白蒸得很滑很滑，只是那個醬汁（而我們真的吃不出那是什麼味）太濃和太稠，有點怪怪的。蒜片安格斯牛仔柳。牛仔柳很腍很入味，而且有五至六片，分量充足。伴碟的彩椒也很清新。魚湯浸温室菜苗。老實說，這是全晚亮點菜苗超級新鮮，入口的一刻簡直有「農場直送」的感覺！魚湯也精彩， 十分鮮甜，全碟真的可以吃個一滴不留！荷香蒜蓉海斑片原籠蒸鴛鴦飯。這個蒸飯很不錯，上枱時一打開竹蓋荷香撲鼻。海斑片蒸得剛好，不會過熟而變得＂嚡＂。鴛鴦飯是白飯和紅米飯，飯粒偏硬身(本人至愛，而且硬飯索了汁也不怕腍)，又吸收了蒸魚的精華，非常美味。可恨是我們都已經很飽，這個飯吃了一半便吃不下了， 十分可惜甜甜蜜蜜雙點拼。炸麻糬波波的內餡是芋茸，波波外皮十分煙靭而內裏的芋茸也不太甜，好吃既然説是＂雙點併＂，圖中的麻糬波波只是其中＂一點＂。另外＂一點＂是雪糕球(有幾種味道可供選擇，我們都選了朱古力)。可能是因為我們只顧談天吃得太慢，到我們吃雪糕球的時候雪糕已半溶，所以沒有拍照總括而言，這間私房菜的菜式水準不過不失，最可取的地方反而是用膳的空間。餐廳內環境清靜，枱與枱之間隔寬闊，又不限進餐時間，確是三五知己聚會的好地方！…查看更多

私房菜要先訂位可以先上佢facebook睇菜單分別有二人餐, 四人餐, 六人以上餐等等我同朋友兩個人今次試左個$328/位 二人餐前菜分別有黑木耳  秋葵 沙律菜配上芝麻醬清清地幾開謂沙律新鮮 木耳同秋葵爽口 另一款前菜係流心蛋配茄子個蛋本身係茶葉蛋有淹過  個蛋黃岩岩好半熟 最好味係個茄子  好淋  而且配埋個汁 甜甜地 食到停唔到  個汁整得好好鮑魚幾新鮮 同清酒煮 清清地無腥味 肉質唔會話老硬好易咬但個湯上枱個陣好熱 要慢慢飲個湯落足料  好夠味不過黑毛豚肉老左小小但整體味道唔錯個蒸蛋好特別唔知係咪用蛋白蒸 滑得黎又無平時的蒸蛋咁水硬硬地 同埋表面個汁食幾有口感成餐飯最鐘意呢個陳皮骨甜甜地 食到陳皮味本來以為唔夾 點知食落又唔錯幾脆 幾香口  如果唔係太飽叫個白飯送飯一流溫室菜苗個人覺得普通菜唔夠淋 同埋唔係好夠味蒸飯一打開好香荷葉味個斑好滑 雖然個飯無乜點落鼓油但食到蒜味 本身好夠味 唔雖要再落鼓油 甜品都好特別炸芋圓加雪糕芋圓新鮮炸起 上枱時要即食配埋綠茶味雪糕 一冷一熱咁食 正 …查看更多

自從不在觀塘附近工作之後，自己已經很少再踏足於此區，觀塘舊區重建開始之後，更沒有多少動力讓自己踏足於斯。只除了偶然地到觀塘吃飯，才會再次訪探訪這個愈來愈陌生的地區。這次到訪的目的地是位於工廈之內的私房中菜館「三姐廚房私房菜」。聽名字，十分家庭，令人有一種如在家中吃飯的親切感。這私房菜館雖位於工廈之中，其實工廈就在地鐵站不遠，一點也不難找，不過從工廈入口去到菜館的大門口，也要經過一段短路程，這天的載客電梯剛好壞了，我與老婆仔兩人需要乘搭大大部，足可容納三四十人的古老雙重趟門載貨電梯上去，那感覺都幾新鮮。 店子原來不太細小，而且附近的一個正在裝修的單位原來正是這菜館擴充營業的地方，証明這間私房菜館的生意應該不俗。事實上，除了我與老婆仔兩人外，這晚菜館內有不少穿得身光頸靚的白領男女來吃晚飯，這菜館相信深受附近工廈的寫字樓白領的歡迎，是他們工作過後吃飯的好去處呢！ 言歸正傳，到底這天我倆夫妻吃的二人私房餐單（$328/位）吃了些甚麼呢？先是一次送上的四道健康前菜「有機沙律菜伴芝麻醬」、「保健秋葵真味」、「涼泮黑木耳」和「茶燻流心蛋伴黑魚子醬配厚切茄子」。原來這裡有的是自家栽種的各式沙律菜，所以特別新鮮，爽甜好吃，配以美味的芝麻醬，令人叫好。 秋葵與黑木耳都是健康之物，對身體甚為有益，這晚的黑木耳味道頗好，比秋葵為佳。 最特別的「茶燻流心蛋伴黑魚子醬配厚切茄子」是頗有新意的，流心蛋與茄子合而為一，成為一道特別的前菜，流心蛋的茶燻味雖然不太出，軟滑的流心蛋仍然好吃，索了濃味醬汁的茄子味道也不錯。滋補清潤的中式炖湯有誰不愛？「原盅燉哈密瓜螺頭黑毛豚肉湯」接著登場。鮮甜的燉湯，挺美味，不過黑毛豬肉放在燉湯上，名貴是名貴了，但豬肉難免會變得有點嚡口，卻令人感覺有點浪費。其實，就算不用黑毛豬肉，單是真材實料的哈密瓜、螺頭等，只要燉得火候足夠，我覺得這湯已經絕對足夠美味了。 賣相漂亮，蝦球如出水芙蓉般呈現於目前的，是緊接上場的「蝦球水芙蓉」。一隻爽口蝦球平躺在黃澄澄、滑溜溜、鹹滋滋，加入了甘筍汁蒸成的蛋白上面，配以少許紅紅綠綠的點綴，美麗，也好吃。 兩道肉類菜式，分別是「蒜香安格斯牛仔柳」和「遠年新會陳皮骨」。我較為喜歡肉質嫩滑，精彩惹味的「蒜香安格斯牛仔柳」。「遠年新會陳皮骨」的遠年陳皮味，我就稍嫌它過於濃烈，有點過猶不及，沒有那麼喜歡。 吃過兩道肉類菜式，店子體貼地送來一道清新素菜「鮮魚湯浸碧綠溫室菜苗」予我們，好讓我們在享用原籠蒸飯和飯後甜品之前，先行吃點蔬菜，安排甚佳。賣相甚有心機的溫室菜苗，青嫩翠綠，外表十分討好。這些爽嫩菜苗雖然難免有點草青味，但伴以美味魚湯之後，索了魚湯的味道，立刻如同灰姑娘穿了漂亮的晚裝一樣，把這晚的王子-----我吸引住，把它留在我的肚子之中。這晚的原籠蒸飯是「荷香蒜蓉海斑片原籠蒸鴛鴦飯」。份量比我想像中來得多，香氣撲鼻的蒸飯，既有白米，也有紅糙米，感覺健康，蒜蓉斑片不油不膩，又夠味道，我與老婆仔都非常喜歡。 改了一個漂亮名字「甜蜜美滿慶團圓」的甜點雙拼，一中一西，中式的是「炸紫薯芋圓丸子」，西式的是有四款口味可揀的「雪糕波波」，我揀了最愛的朱古力味。「炸紫薯芋圓丸子」炸漿薄，夠脆身，紫薯餡又不太甜，與朱古力味的「雪糕波波」一樣，都對我的口味。 現今香港的私房菜館比起當年私房菜全盛時期時已經少了很多，我也極少有吃，不過能夠屹立不倒或是敢於加入戰團的生力軍，一般都有一定的實力，不會貿貿然加入戰團以免成為炮灰。這晚光顧的「三姐」，雖然用膳環境普通，但這裡賣的不是環境，也不是服務，而是菜式。各款菜式全都有板有眼，水準不差，加上價錢合理，難怪有那麼多人幫襯。「三姐」，這晚我都很高興認識你呢！…查看更多

一路以黎都幾鐘意食私房菜，全因岩晒我懶人性格，唔洗揀食乜，成個menu已經set好晒 而且私房菜多數質素都唔錯，原因好簡單，成晚食乜都已經set好晒，梗係唔拿手都唔會擺落去啦淨係前菜已經有4款，即刻去片涼伴黑木耳每朵木耳都大大朵，口感爽口，酸酸地作為前菜幾開胃保健秋葵真味秋葵雖然食落有少少黏液，但乃超級健康食物，加上芝麻醬都幾配合有機沙律菜伴芝麻醬沙律菜真係好新鮮，咬落去勁爽脆，菜怪既我真係食幾多都得茶纁流心蛋伴黑魚子醬配厚切茄子呢個組合真係估佢唔到十分之夾！流心蛋煮得岩岩好，有糖心效果，一啖盡量擺晒所有食物入口清酒鮑魚鮑魚爽口彈牙，又夠大隻，清酒味好香，鮑魚凍食有另一番味道厚盅燉哈蜜瓜螺頭黑毛豚肉湯本小姐係勁鐘意飲湯，又極抗拒味精湯，呢個燉湯真材實料，真係要跟肥媽講句，飲完好舒服蝦球水芙蓉蝦球大而彈牙，芙蓉蛋蒸得好滑遠年新會陳皮骨一咬落去好香陳皮味，炸得剛好完全食唔到厚炸粉鮮魚湯浸碧綠溫室菜苗一餐飯點可以唔食菜呢，我將菜苗整散，浸落魚湯度，連埋魚湯一齊食，正荷香蒜蓉海斑片原蘢蒸鴛鴦飯而家屋企煮飯都好興加埋紅米，健康d嘛，估唔到呢度都係咁，海斑片同蒜蓉既鮮香味滲晒入飯度，只能說真係好好味甜蜜美滿慶團圓未咬開之前我仲以為係芝麻餡，原來係芋蓉加吉士蓉，外脆內軟雪糕食到中途職員會俾張紙俾你揀雪糕味道，我地揀左綠茶同朱古力，另外仲有曲奇同芒果，佢為今晚既句號今次試呢間私房茶真係高質得黎好抵食，$328一位食到咁多野，睇得出有用心諗食材配搭，亦想盡量用上健康食材下次帶埋屋企人再食先…查看更多

朋友係日本買咗手信比我. 約係我返工地方- 觀塘. 搵食當然由我負責. 上openrice search. 見到有三姐私房菜. 入去睇吓. D食物都幾好, 賣相幾靚. 價錢都可以. 就BOOK位試試. BOOK位時職員會問你要邊一個餐. 係食之前一日決定就可以了. 去到餐廳, 見到好多水耕菜. 係餐廳自己種的. 係沙律菜. 餐廳有一個特別地方. 就係餐牌上有我自己個名. 不過串錯字有機沙律菜伴芝麻醬 - 沙律菜係餐廳自己用水耕種的. 非常新鮮及脆. 溝埋芝麻醬味道好夾. 保健秋葵真味 - 秋葵, 其實我係唔鍾意食的. 但見到整得好青綠色, 又有日本醬汁. 朋友又話好有益. 就即本試吓. 的而且確係好爽脆. 但裡面都係滑潺潺. 唔鍾意個感覺. 所以朋友仔自己KO晒. 茶燻流心蛋黑魚子醬配厚切茄子 - 擺設精美. 賣相非常吸引, 茶燻蛋係流心的. 我嘅至愛. 茄子. 是一種沒有味道的食物. 但配合咗個特製醬汁. 醬汁用蒜頭, 辣椒絲, 有少少酸, 非常輕微辣味. 非常野味. 清酒鮑魚 - 好清香的清酒味. 鮑魚大大隻, 肉質爽脆. 新鮮原盅燉哈蜜瓜螺頭黑毛豚肉湯 . 第一次飲哈密瓜湯. 好清甜, 又唔油. 襟頭煲到好唸. 又有元肉. 蝦球水芺蓉 - 賣相真的冇的得彈, 大大隻蝦放在中間. 底部是蛋白加上甘荀汁煮成的. 初初我跟朋友研究是什麼汁. 又像雞汁, 又南瓜汁. ....原來係甘荀汁. 將蛋白+甘荀汁一起食. 蛋白滑do do. 甘荀汁好清甜. 非常特別. 值得推介. 遠年新會陳皮骨- 好濃的陳皮味. 又帶點酸酸味道. 排骨煮到剛剛好. 米王湯浸碧綠溫室菜苗 - 湯好清, 菜苗幼嫩. 中間放咗一粒杞子. 真的是綠中一點紅. 值得品嚐荷香蒜蓉海斑片原籠蒸鴛鴦飯 - 原籠上, 可以保持荷香味道. 配合埋蒜蓉味道可口. 還有海斑片肉厚新鮮. 而且還是白米+紅米. 非常健康甜蜜美滿慶團圓 - 其實係雪糕+炸芋蓉圓子. 職員會先給予一張揀雪糕的紙. 我及朋友揀咗芒果味及曲奇味. 芒果味就好香濃. 但曲奇味就有少少失色. 冇咩味道. 炸芋蓉圓子, 好味. 因炸得軟身. 炸醬好薄. 芋蓉又唔甜. 其實今晚餐飯真係幾底食及好食. 因為每人$360(已計加一) 可以食到咁豊富健康食物. 而且又少油. 真係唔錯. 可以叫家姐考慮吓10月生日嚟三姐食. …查看更多

要數九龍最矚目的變型工廠區，觀塘絕對是亮點之一，尤其是區內的工廈，由於大多數都兼具樓面闊落、樓底高的優勢，加上交通網絡良好，所以亦吸引了不少餐飲業者進駐。最近友人提議我一試位於官塘工業中心的《三姐廚房私房菜》，說店裡的菜式唔單止有新鮮感，而且食物質素唔錯，價錢又合理，值得一訪。既然友人推介，今晚就一於讓我大顯無飯主婦本色，試吓這裡的私房菜有幾出位先。推門內進，店裡嘅佈置雖然談不上有甚麼特色，只是一派街坊小館格局，但勝在裝潢骨子企理，加上通道夠闊落，空間感十足，讓人坐得舒服。趁時間尚早，店裡食客不多，先在場內快速巡一轉，原來除了店面四張圓檯和兩張四人桌外，店裡還另設有三間廂房，適合朋友聚餐又或者一家大細嚟幫襯。至於食物方面，由於之前已經在網上細看了餐廳的菜單，並預訂咗這款「精心配‧伴2人餐」(每位 $328)，所以入座後便可以安心等吃。先來一客有機沙律菜伴芝麻醬，沙律菜脆嫩爽甜，而且入口沒有泥味，加上混入了爆汁的車厘茄和酸香的黑醋汁，吃罷感覺特別解悶醒胃。唯一要挑剔就芝麻醬下得過於輕手，吃起來似有還無。接著是保健秋葵真味和涼拌黑木耳，秋葵雖然是以「秋」字命名，卻屬醒胃蔬菜，而這裡的廚師就先將秋葵簡單烹煮，以保持原汁原味，並澆上麻醬伴吃；秋葵食落幾脆嫩黏滑，配上日式麻醬後，吃起來更多了份濃郁的芝麻香。至於烏卒發亮的黑木耳，入口非常爽脆，加上索滿了涼拌醬汁，食落酸香可口，亦甚得我心。之後是茶燻流心蛋伴墨魚子醬配厚切茄子，燻蛋端上桌前已切成兩半，一人一客，每份面頭都放有一小撮墨魚子醬，並以厚切茄子墊底，賣相極其精美，單看已經令人口水直流。馬上挾起一試，橙黃色的半流質蛋黃，吃起來非常香滑，入口溶化，而且不但煙燻香味迷人，食落更帶淡淡茶香。而老公就尤其喜愛托底的茄子，讚其外脆內香軟，沾著酸甜微辣的醬汁一同品嘗，味道更豐富。清酒鮑魚，鮑魚肉厚鮮甜，入口彈牙，向來深受食客喜愛，而這裡的廚師就將鮑魚以日本清酒浸煮，令鮑魚完全吸收了酒香。切開入口，質地好滑溜，而且食落既煙韌又有咬口，加上酒味清香得來更沒奪去鮑魚的鮮美，用作間場小吃就最適合不過。緊接是原盅位上的燉湯，分別有川貝陳皮海底椰鱷魚肉湯及金桃螺頭黑毛豚肉湯。其實兩款燉湯用料都好足，而老公就特別喜愛鱷魚肉湯，讚呢款湯不但化痰止咳又潤肺，而且味道仲好清甜。至於螺頭黑毛豚肉湯，成品除了金桃和螺頭外，廚師還用上黑毛豚肉、雞腳及龍眼等作配搭，喝罷感覺特別清甜滋潤。店員見我倆喝得津津有味，更教路說，如果想自己動手在家中烹調的話，可加入南北杏及鷓鴣同煲，有達致補氣血的功效。之後是一道色澤搶眼的蝦球水芙蓉，芙蓉是指加入蛋白烹調的菜式，而這客水芙蓉，蛋白嘅蒸煮時間掌握得剛好，入口非常嫩滑，吃時有如豆花般滑入喉頭，加上頂頭的玻璃蝦球，外表不但晶瑩剔透，而且食落爽脆鮮甜，絶對是視覺與味覺的享受。接著是一道遠年新會陳皮骨，據店員稱，排骨需先以浸軟切碎的新會陳皮醃過夜，令味道滲入肉內，回鑊時再落陳皮兜勻。挾起一試，肉排果然炸得好鬆化，而且陳皮香味在口腔內持久不散，滲出甘香，實在令人回味，最適合用來佐酒。鮮魚湯浸碧綠溫室菜苗，先喝一口魚湯，味道好清甜，充滿魚鮮味；再挾起翡翠苗一試，既細嫩又無渣，而且以魚湯伴著吃，濕濕地，好易入口，用來清清腸胃也不錯。吃甜品前，再來一道荷香蒜蓉海班片原籠蒸鴛鴦飯，蒸籠端上後，立即揭開一看。成品以一大片荷葉墊底，上面鋪了一層用紅米及白米煮成的米飯，面頭再配以蒜蓉斑片，賣相講究。先嘗一口斑片，肥大肉厚得來又夠鮮美嫩滑，而混入了紅米的白飯，口感雖然比較粗糙及硬，需要多點咀嚼，但由於飯粒吸收了斑片的精華，所以食落帶淡淡魚香。最後是甜蜜美滿慶團圓 (甜點雙併)，所謂甜點雙併其實是雪糕波波和炸番薯球，前者雪糕有四款口味，除了我倆選的芒果和及曲奇外，還有朱古力和綠茶。原來據說這款雪糕波波是香港本土製造，入口好冰凍，而筆者就尤其喜愛個芒果味，入口帶果香。至於釀了紫心番薯餡的地瓜球，炸得外脆內軟，而且入口帶番薯的甜香，食味一流。總的來說，這裡雖然沒華麗裝修，但菜式選料上乘，食材新鮮，令人吃得滿意之餘，更感覺貨真價實。…查看更多

與朋友找食，離唔開銅鑼灣、旺角、尖沙咀等地方，不是太貴，就食得唔飽，真是純粹搵個地方聊天聚會，食只是其次，唔多唔少都失去了意思。這裹，只要你唔嫌棄，沒點的裝修，位處工廈的秘房菜，都係一個食得開心，聊天的好地方。地方唔太大，勝在清靜。我地是在平日的晚上去食飯，客人不算多，只有數檯人客，聽聞在假期前後，比較客滿。先來三款前菜，都以健康為主題，清綠沙律菜，清脆秋葵，清爽雲耳，酸酸甜甜的味道，增加食慾。帶子水芙蓉，蛋白非常嫩滑，帶子鮮甜爽口，手工之作。茶燻流心蛋黑魚子醬配厚切茄子，清淡茶味，流心蛋黃好夠嫩滑，茄子吸收了魚子醬的汁，好野味。原盅燉哈密瓜螺頭黑毛豚肉湯，用上原盅上，我最喜愛飲熱騰騰的湯，放了很久，還好熱，湯味清而濃，用料十足，黑毛豚肉，肉味濃，哈密瓜清甜，螺頭滋潤保健。黑松露醬炒班球，件件魚片肉，啖啖肉，鮮甜爽滑，配上黑松露及鮮菇，西芹清翠，完美配搭，齒頰留香。明梅醬燜頭腩，燜得好入味，肉嫩，仲保留了汁，香氣十足。遠年新會陳皮骨，酥炸肉排，肉質唔肥唔瘦，唔油膩，清香陳皮入味，咬落鬆化，啖啖肉，陳皮香味在口腔蕩漾。炸麻薯，內嫩外脆，唔太甜，好喜愛。雪榚凍得夠結實，清香甜美。…查看更多

中秋節同屋企人做節食飯，呢間食中菜既，岩晒家中既老一輩。我地叫左呢個4人套餐，價錢其實一d都唔平，夠去食自助餐原盅燉哈密瓜螺頭黑毛豚肉，味道清甜，每一盅都好足料，螺頭咬落去好有口感，不過就已經冇咩味。黑毛豚肉可能因為燉得太耐，肉質有點「鞋」。蒜蓉海斑片蒸飯，有淡淡既荷葉香味，用咗兩種唔同嘅米煮成，海斑片無特別好食，而且份量都唔多。流心蛋伴黑魚子醬配厚切茄子，好值得一讚嘅係流心蛋，蛋黃流心呈金黃色，不過整個菜既味道麻麻，個人來講只鍾意食淋既茄子，而且唔夠入味歐洲皇帝蝦王，一人得一隻都算，如果係新鮮嘅蝦用炸嘅方式去煮，實在太浪費！蝦唔係特別鮮美，同普通系街市買到既差唔多懷舊百花釀油條，望落去感覺上應該係鬆脆，但咬落係淋既第一次食，無興趣再食下一次！帶子水芙蓉，即係蒸蛋。一大粒帶子，之後用咗薑絲去劈腥味，混合水&蛋...其實見佢哋咁多好評先至去試吓，點知都係伏…查看更多

先慶一慶食開工飯，見有六人，自己又想試私房菜，就訂位叫餐啦！首先，你必先上佢FB度揀餐單，以人頭計，以自己可負擔嘅budget而揀，平有三百頭，個餐單內容一般，最後我地（其實係我）揀左個$398餐。頭盤沙律、木耳同秋葵，好新鮮，離開時見到係自家種值，加埋個醬，鮮味好出！清新完就食冷盤流心蛋，入口即溶，而個茄子炸到岩岩好，碟底嘅汁少少辣，帶番起好野味。個頭開得好好，對之後嘅熱盤都有期望！先上湯，絕對係老火湯，鮮味、肉味、濃湯味，一飲就知煲左好耐，而且每位上，感覺係盅燉湯，絕對唔係大煲湯之後分。見到帶子係黃禁禁嘅野上面，一食，原來個底係蛋白，蛋白內有上湯味，好有心思嘅煮法，但黃禁禁嘅面⋯⋯有d甜，但唔係芒果，真心估唔到！油炸鬼咪油炸鬼，一筴原來入面有乾坤，入面釀左蝦膠，爽口彈牙，加埋酸甜醬，一流！黃金蝦，一上我地全枱讚賣相好，碟邊重有薯蓉，蝦好脆口，好香口，連殼都可以食埋，大隻多肉，個頭都keep到下汁，好好味！去到雞，係招牌菜，果然係無錯，雞肉嫩口，濃汁，個底嘅洋蔥吸晒d汁，真係食完一件又一件，但對女仔來講，食到呢度已經好飽，戰鬥力真係無咩！清清地食番碟菜，讓我們行更遠嘅路！荷葉魚飯，都有d油，飯都吸晒汁，魚鮮，不過真係食唔落落去，因為重有甜品。先有四種味雪糕（朱古力、芒果、綠茶同曲奇），朋友話可能係自己整，唔會係事面買到嘅大牌子。另外，有炸香芋頭蓉嘅煎堆，飽都要食埋去！整體真係好好，貨真價實，值回票價！…查看更多

想唔到，係觀塘觀中隱藏了一間巧手私房菜餐館，咁啱，有時間，就約埋三五知已，共聚良朋，食返餐寧靜舒適的小菜。處身在工廠大廈肉，未必有太多人會上去找食，我都是有事上開去，給我找到。地方唔大，裝修亦只是普通的格局，沒特別，我地是平日晚上去食飯，都幾客滿，聽聞在假期裹，客滿非常，老闆會係隔離開多一間。每一款小菜，都是用心去做，精緻巧手，食出人情味道！前菜小食：有機沙律菜伴芝麻醬，沙律菜夠新鮮爽脆，淋上醬汁，增添口感，胃口大開。保健秋葵真味+涼伴黑木耳，秋葵白煮，再淋上芝麻醬。黑木耳酸爽脆，另一食法，食不停口。菜燻流心蛋伴黑魚子厚切茄子，流心蛋夠精瑩，啖啖菜燻香味，口感好嫩滑，茄子黏上黑魚子醬汁，味美。帶子水芙蓉：用別緻的餐碟盛放，見到都唔捨得食。蛋白蒸的好滑溜，唔嚡，帶子鮮甜爽口，味清。黑松露醬炒班球：班球魚肉結實爽脆，魚鮮，清爽西芹，青黃紅甜椒，用上黑松露、草菇爆炒，陣陣清香味飄出，色香美味，口感一流。遠年新會陳皮骨：超正！離遠已嗅到好香的陳皮味，肉排已吸收了陳皮味，酥炸，唔覺油膩，肉排肥瘦適中，可口內嫩外脆，啖啖陳皮香味，係口中停留不散，值得再食。…查看更多