三好點心

每個員工都西口西面，地方又窄又迫，野食又唔好食，叫乜鬼「三好」，如果想去呢到飲茶的話，請三思！今日去飲茶，員工推住架手推車係我後面執枱，佢將裝左豉油既碗大大力撻落佢架車到，啲豉油彈到我成個背脊都係，佢仲懵然不知，問佢拎紙巾仲大大聲話「無」，要我話佢彈到我成個背脊先係佢先肯比，真的無言，大家唔好因為港灣執剩佢一間飲茶而屈就，寧願行多兩步行出去大角咀搵野食仲好！！…查看更多

這幾點心聽起來都非常美味！以下是對每一個點心的簡短點評：1. **蝦腸裏便有翠玉瓜皮薄好好食** 蝦腸搭配翠玉瓜，口感清爽，瓜皮薄脆，應該是非常清新的組合，適合喜歡輕食的人。2. **蝦醬腩肉煲仔飯蝦醬淡味好容易入口** 蝦醬腩肉煲仔飯，蝦醬味道不會過重，容易入口，腩肉的油脂與米飯融合，應該非常香濃。本人覺得自家製的比佢好食。3. **腐皮卷真係冇得頂，不過仲係配喼汁好味啲** 腐皮卷本身已經很美味，但配上喼汁更能提升風味，酸甜口感讓人胃口大開。4. **薑汁芝麻湯圓總係覺得薑汁湯好，但係因為上得太快，食唔切凍咗** 薑汁芝麻湯圓，薑汁湯暖胃又香甜，但湯圓冷掉後口感可能會變差，建議趁熱享用。5. **滷水蛋好好味又不太鹹好香** 滷水蛋滷得入味，又香而不太鹹，應該是滷得剛剛好。6. **炸鯪魚球好食鯪魚球丸肉鮮味可惜就係冇蜆蚧汁** 炸鯪魚球外脆內嫩，魚肉鮮美，但缺少了蜆蚧汁，店家配豉油，可能會少了一點層次感。不過，魚肉真係好食😋7**雞扎** 朋友好想食雞扎沽清之後突然又有返，我哋已經食得好飽，為咗不令到朋友失望，我哋就再點咗佢，佢用咗粟米仔代替芋頭有豬肚有雞肉同埋魚肚，朋友覺得好食，但係我係鍾意有芋頭嘅，我覺得佢嘅上湯唔夠清甜，令到魚肚唔夠鮮味。 唯一欣賞嘅係佢嘅腐皮係冇炸過和豬肚。這些點心都讓人垂涎三尺，如果有機會一定要試試！特別是熱辣辣咁攞出嚟。 仲無加一服務費，茶每位七元。…查看更多

兩個人叫兩個孖寶加個點心飽。飽。飽個腐皮卷重點講。脆。有粒差粒蝦肉。正醬香鳳爪排骨食加牛肉球＾菜苗餃吾會蒸到一parpat d飯。上面d排骨鳳爪都足料豉油分開俾你自己落。重有一隻蛋加小食牛肉球不過不失。菜苗餃真滿分皮薄料都好足差d吾記得講茶位7蚊依家大多都qr code 落單。服務就算係禁上下總結食物♥️♥️♥️♥️♥️環境♦️♦️♦️♦️服務♣️♣️♣️不過吾係大酒樓既排位。如果太多人既就要分枱啦🤗🤗…查看更多

### 食評投訴：餐廳缺乏bb椅最近，我帶著幼兒到某餐廳用餐，原本期待有個愉快的家庭聚會，但卻遇到了一個大問題：餐廳的嬰兒椅數量明顯不足。首先，當我們抵達時，餐廳並不繁忙，等到有位入左去先告訴我們嬰兒椅已經全被使用，而全餐廳只有兩張bb凳。這讓我感到非常失望。唔岩一家人去食，因為成間野得兩張bb凳。問左職員佢地都冇辦法。最終，我們不得不讓嬰兒坐在大人的膝蓋上，這讓用餐過程相當不便，也影響了我們的用餐體驗。我理解餐廳可能會面臨空間的限制，但對於家庭來說，提供足夠的嬰兒椅是非常重要的。這不僅關乎顧客的舒適度，還影響到他們是否願意再次光臨。因此，我希望餐廳能考慮增設嬰兒椅，以便能更好地滿足家庭顧客的需求。親子不友善餐廳。希望未來能看到改進，讓更多其他家庭能夠安心享受美食！…查看更多

由於屋企人好鍾意飲茶關係，每逢假日節目都是搵酒樓飲茶的，可惜附近真係無一間特別好食。今次比我發現附近呢間餐廳點心唔錯，食物新鮮，尤其個人參烏龍茶，好香茶味，我爸爸特別喜歡！食物方面：我推介煎釀茄子🍆，超好味，大大舊！還有蝦腸粉，蝦彈牙爽口炸両，鳳爪排骨飯份量足夠和其他點心都好出色，菜苗餃，雞扎都好好食還有鹹水角（忘記影相）食完有童年的回憶甜品我喜歡薑汁糕，唔太甜又好有薑味整體都好滿意會再光顧的！總算搵到一間好味又唔貴嘅餐廳同屋企人飲茶了…查看更多

差。每籠點心得兩件，大概$20-30一籠。茶包叫左鐵觀音，淡而無味，有色但似飲水，蝦餃皮爛，肉有過多胡椒粉。燒賣皮爛，係正常的味道，都係大粒蝦腸皮非常厚，厚過糯米糍，內裏的蝦無醃過，有一陣雪藏味。我第一次食到蝦腸係咁厚咁難食。得個牛柏葉係好味。服務態度非常差，幾個阿姐不斷唱山歌形式係咁傾計，大聲過全部客人加埋的聲音。一個人食唔幫手分台，有其他位都被逼加埋去6人家族台一齊坐。移動你的餸菜之前當客人係隱形🫥…查看更多

冇寫食評好多年了，但係早幾日去完一間陶x飲茶，平均每人百幾二百蚊難食到飛起，尋晚再嚟三好，一比較之下真係要為呢間小店寫一寫食評🙏🏻小朋友喺呢個商場功課輔導，終於有間似樣啲嘅食店，等我可以接佢嘅時間食埋飯先返屋企啦👍🏻由於新開張，初初都唔敢亂推介，試咗多幾次先敢確保佢嘅穩定性👍🏻因為唔係每次都影相，所以有些推介係冇相的。環境：入到店舖，個場掛咗好多「好」字嘅標句，入到嚟毎句望吓讀吓加強正能量😝好配合佢個名👍🏻以呢類型嘅點心店嚟講都算坐得舒服了，木製傢俬，地方乾淨。服務：一開始嘅時候覺得佢啲夥計雖然好努力咁，但係有啲新手，經過好似差唔多兩個月之後，覺得佢哋上手咗好多，同埋都有禮貌，執枱都快手快腳。食物：我哋通常先叫一壺人蔘烏龍茶，因為好少地方有，再叫仔仔最鍾意嘅必食點心，之後先每次試啲其他點心，暫時仲未試齊咁多款。仔仔必點嘅有：1. 椰皇燉湯👍🏻（椰香味濃，味道應該冇味精），初初仲有其他湯，不過轉左餐牌之後只剩下椰皇燉湯。2. 炸鮮奶👍🏻（個皮鬆脆、入口即化，鮮奶部分甜度適中）。3. 大大隻鵪鶉蛋燒賣👍🏻（肉質剛剛好絕對不會是爛啤啤的）。4. 棗皇糕👍🏻（以往只覺得利x的棗皇糕好食，而家就多埋呢間三好，有日帶咗公公過嚟食，公公話好食過利x嘅棗皇糕，唔知遲啲過年嘅時間佢會唔會有得一底底咁買呢😋咁我就唔洗特登去利x訂了）。5. 好媽咪腸粉👍🏻（個皮滑過BB個面，我通常會先食一部分唔落豉油，食清楚個原味之後先加豉油，好重米香味一隻隻蝦肉好彈牙有蝦味，配搭埋叉燒啱啱好滿足到我哋呢啲咩都想食嘅人）。6. 蒸飯，每次試唔同嘅蒸飯，全部蒸飯粒還粒好靚👍🏻試過黃鱔飯（可能因為蒸，所以啲黃鱔較為腍，但本身唔食黃鱔嘅仔仔食完覺得好食）、酸菜牛肉飯（本身諗緊會唔會好古怪，但原來兩者夾到喎，如果牛肉多番少少會好啲）、菜脯醬鳳爪排骨飯（唔使加豉油撈埋啲飯味道剛剛好）、蟲草花雲耳蒸雞飯（有薑蓉味嘅雞飯）、梅菜肉餅飯（啲肉餅唔係爛啤啤嗰種，不過如果可以多多少少肉餅會仲好）。其他食物：1. 蝦餃、燒賣啲蝦好新鮮，靚過好多其他地方👍🏻2. 鮮竹卷一次好正，一次咸咗啲。3. 狀元餃，有啲似小籠包，好多肉汁，不過個皮比起小籠包厚身少少，有少少似蒸鍋貼。4. 黑松露野菌餃，好香啲菌味，個皮晶瑩通透，無論個皮定個餡都好食👍🏻5. 棉花雞，$30大大嚿魚肚，正👍🏻6. 流沙奶皇西多士/流沙奶皇包，入面個餡好香鹹蛋黃味，正👍🏻一開始係西多士，之前喺西環、天后周x食過味道口感差唔多，不過可能地區問題，周x貴啲，最近轉咗餐牌之後變成流沙奶皇包，餡一樣，不過要快少少食，如果凍咗個包皮會有少少乾，下次可能後加會好啲。7. 香蕉包，個包皮好軟熟，入面真係有香蕉，小朋友好鍾意食。8. 鴛鴦鮮蝦米網腸，有少少似春卷腸粉，但係個皮同春卷唔同，蝦肉好多👍🏻9. 鹹水角，未轉餐牌之前係青咖喱鹹水角，轉左之後係普通鹹水角，雖然都好食，但係我個人都係鍾意一開始嘅青咖喱鹹水角多啲，比較有特色，問應該係老闆定經理，佢話因為好多老人家問佢有冇原味鹹咸水角，所以轉咗，個人希望三好考慮整返青咖喱鹹水角啦😝10. 釀茄子，釀喺上面嗰層應該係加咗墨魚，厚厚的。11. 薑汁糕，公公鍾意食，甜度剛剛好，我自己鍾意再多啲薑，不過小朋友話而家已經啱，如果唔係會好辣，所以唔同人口味都各有不同。12. 千絲香芋酥，比較起炸鮮奶，我哋會鍾意後者多啲。13. 排骨春菜煲，試過有一次鹹得好犀利，向店員反映過之後後來味道剛剛好。我哋食到攬住個肚，每次都只係平均每人8、90蚊👍🏻一間咁有心嘅點心店，咁勇敢喺疫市開店，值得我抽空寫吓食評，希望香港能保留多啲呢類小店啦🙏🏻…查看更多

長時間等候，蒸排骨唔熟！生和涑完全冇件事，又唔換等了半小時只𠕇排骨！旁邊茶客．－路食，－路鬧，腸粉又厚又唔滑，燒買又有雪味，等候時間又太長難食真心難食，不會再去…查看更多

見佢新開就入去試下茶芥7蚊位，唔算平，普通呢啲餐廳係5蚊食物選擇唔算多炒粉麵都好似無蒸飯款式係幾多下叫左兩個set，蒸飯加一個點心 $64個飯唔算大碗，一個人食岩岩好，share 就未必夠，唔似平時酒樓叫一個可以2至3人share菜脯鳳爪排骨蒸飯，見有菜脯幾特別就試下，結果啲菜脯無想像中咁香鴨腿湯飯，啲鴨分開上係幾好，不過湯同飯就少左啲，個碗都好細，有幾碟前菜仔個feel唔係好夾味道都係一般腐皮卷就幾好，入面係紫菜，皮又夠脆好媽咪腸粉，叉燒加隻蝦仔，新鮮制，不過不失整體食物都ok不過性價比就一般…查看更多

大角咀新開飲茶小店。真心覺得依家香港飲食經營好艱難🥲所以放假都盡量想去多啲有心小店幫襯下。呢間嘅腐皮卷好出色，個皮好脆同埋大大啖蝦肉有口感👍🏻 茶苗餃都好好食，皮薄少少煙靭金，同埋啲菜好滑唔會好鞋。係會想再返轉頭幫襯嘅小店🙌🏻🔸媽咪腸（即係蝦腸😂) $31.8🔸腐皮卷 $26.8🔸燒賣 $16.8🔸菜苗餃 （孖寶 $45.8）🔸鳳爪（孖寶 $45.8）🔸棗皇糕 $26🔸茗茶＄7/位📍三好點心 (大角咀)大角咀福利街8號港灣豪庭廣場地下G74號舖…查看更多