影片
以上資料只供參考, 請與餐廳確認詳情
公司唐生一開心就會請飲下午茶的了，琴日收到傳單，今日終於可以試新野了：三多。我地都係抱住試既心態去叫，點知。。。。 $21 既西多，好細心咁切左4份咁炸，即係16邊都有被炸過，炸得勁金黃好香口，唔太油。 食西多要咩啫，都係要炸既感覺同埋甜甜地，方間既外賣西多，都係得幾滴糖漿或一包仔糖漿，唔夠喉，今次就夠多(唔會過多). 內裏花生醬就唔算多，唔會搶左出面既味。 西多士仲有多條香腸，出面邊度揾吖！？！ 瑞士汁雞腿加沙律薯條，勁大份，沙律用上新鮮蘋果哈蜜瓜一啲都唔流，薯條唔淋。 同事叫的雪菜肉絲午餐肉麵，爆多雪菜，佢話啖啖雪菜，湯底唔會淡，公仔麵都唔淋，爽吖！ 有得食下午茶已經好幸福，因為這不是必然的， 有咁好咁豐富既下午茶廳就更幸福，生活要好好過，亦要要學懂細味😍
繼續閱讀
喺灣仔返工的打工仔，唔多唔少都有響附近的茶餐廳叫過外賣。最近發現一間又平又靚的小店，價錢真係平通街，佢哋午餐自取外賣$29咋，仲要跟埋野飲！最方便係可以響Facebook睇到每日的Menu，唔使下下打電話去問👍🏻講返服務同嘢食質素，他們聽電話的姐姐都很有禮貌👍🏻飯盒賣相同味道絕不馬虎👍🏻以＄30都唔使而有咁樣嘅嘢食質素，我覺得絕對值得推介👍🏻我一次過post晒我叫過啲嘢食：午餐避風塘三色椒豬扒，色香味都有，豬扒係薄左少少但又唔會太乾柴，送飯一流！咕嚕/酸甜排骨也不錯，同樣炸得不錯而且啲汁不會太酸！什扒，有豬扒丶雞扒丶火腿，中規中矩啦，因為醬汁都蓋過咗啲肉味！九層塔雞球，醬汁唔夠多，勞煩食啱晒，仲有好多洋蔥同雞，不過略嫌鹹咗少少！下午茶炸雞髀或炸雞翼，跟薯條同沙律。雞髀同雞翼都炸得很香，雞皮真係好脆，不過雞髀略嫌鹹咗少少，薯條也是肥嘟嘟有肉的那種，不會炸得太乾！兩次食的沙律有一點點不一樣，不過同樣好味！乾炒牛河，牛肉份量不多，味道都幾好而且炒得有鑊氣，油了一點，不過乾炒牛河都是這樣子的了！公司三文治，拿回去食時已經諗左少少，入面啲蔬菜蕃茄都算新鮮，不過相比起炸雞翼，這一款算是失色一點！
繼續閱讀
耐不久都要黎到灣仔做JOB, 近排叫依間外賣真係唔錯, 雖然我無去過依間鋪頭, 但叫左幾次外賣都覺得佢地服務好好, 有次外賣仔打黎好似唔識路咁, 我打番去餐廳佢都有幫我跟單 (因為佢無收線, 所以我聽到). so far 都準時ge. 依個價錢黎講食物叫唔錯, $31包飯連餐飲, 我就比較鍾意食佢啲斑腩, 雖然有時厚粉左啲, 但汁好味搭夠, 適合撈飯食, 又唔會太濃味喎. 基本上餐牌佢就2星期換一次, 但每日都會斑腩飯揀ge, 我食過麻婆豆腐斑腩同魚香茄子斑腩, 食過番尋味呀 ! 有同事食過佢個炆排骨飯, 話賣相同味道麻麻地, 不過見在$31份上都唔係太在意.性價比我覺得依然係高GE, 做JOB食LUNCH係首選, (番工醫肚啫, 好野留番放假食啦 ) 但如果你對每餐食物有好高要求的話, 就唔好考慮啦
繼續閱讀
2282 瀏覽
公司附近又有新店開張，韓式飯堡小店結業後不到數月，即換上「三多美食外賣到會」 。食店週二正式啓業，見外賣自取可減兩蚊，小肥週四就孖住會計小姐同靚仔經理一人叫咗個飯盒返上寫字樓食 。十二點半左右店子門外已企滿人龍等食物，枱上亦放有多份送貨訂單；因店內人手足，大家分工合作，十分鐘已極速處理好外賣訂單。 特濃芝士白汁燴雞球飯（$31；外賣自取$29）：如相所示，白飯同餸分開兩格承載，白飯仲起碼有兩大碗咁多 。特濃芝士白汁熱辣香濃，雞球雖不算嫩口，但絕對滑溜健康，伴上爽脆o既洋蔥好啱細佬口味。會計小姐同靚仔經理同讚是日餐湯「青木瓜雪梨陳皮煲排骨」足料又清甜，而且唔油膩，飲落唔覺有味精添，飯後好暖胃，$29絕對抵食 。
繼續閱讀