影片
港鐵太子站 E 出口, 步行約4分鐘
繼續閱讀
電話號碼
84826199
營業時間
今日營業
07:00 - 22:00
星期一至日
07:00 - 22:00
公眾假期
07:00 - 22:00
公眾假期前夕
07:00 - 22:00
以上資料只供參考, 請與餐廳確認詳情
近排發現深水埗大埔道一帶新開咗三間點心店，作為點心愛好者嘅我哋，當然要逐間試過。有咩比喺街坊附近搵到新鮮又抵食嘅點心更開心呢？今次就話俾大家聽，我哋最新試咗嘅呢間新店伏唔伏！餐廳特色呢間餐廳除咗提供傳統點心，仲有多款小菜套餐，配埋飯同例湯。如果加 $10，仲有多一碟油菜，性價比真係高到爆！不過我哋今次目標清晰，純粹為咗點心而嚟，於是就豪氣咁點咗一枱嘅點心。點心推薦當然少唔到經典款式啦：蝦餃、鳳爪、叉燒包、韭黃鮮蝦腸，呢啲永遠都係安全牌，唔會出錯。但最驚喜係，呢度竟然有好多街頭已經少見嘅經典款式，例如：- **百花釀魚肚**：魚肚吸滿飽滿嘅百花釀料，口感層次非常豐富。 - **蜂巢芋角**：炸得外脆內軟，唔會過油膩。 - **蜜糖叉燒酥**：外皮酥香，內餡甜而不膩，非常加分。 另外，仲有幾款新派點心值得一試，例如 **牛油果鮮蝦春卷**，創意十足，牛油果同鮮蝦嘅組合意外地配合，帶嚟清新嘅味覺體驗。唔伏之選整體嚟講，呢間新店嘅點心質素令人滿意，價錢合理，選擇多元化，仲有唔少少有嘅經典款，絕對值得一試。雖然食到厭咗太子一帶嘅點心，但原來只要行多幾步，喺深水埗都可以搵到咁多新鮮感！**總結**：呢間餐廳啱晒鐘意傳統同創新點心嘅朋友，係深水埗一帶搵食嘅好選擇，下次想試新嘢記得嚟試！
繼續閱讀
太子一帶本身就有好多點心專門店，最近又多一間點心茶座喺大埔道插旗⛳️ 一試之下發覺點心除咗好食之外，餐廳仲充滿人情味🥹👍🏻分別嗌咗：【黑椒金錢肚】💰28黑椒味道濃郁，牛肚彈牙有嚼勁，每次去茶座必嗌‼️推薦🙌🏻【豉汁蒸鳳爪】💰26色澤棕紅搶眼，鳳爪軟淋容易脫骨、入口即化，而且醃得入味👍🏻 另一飲茶不二之選🙌🏻【高湯小籠包】💰29高湯警報注意⚠️ 小籠包皮薄餡靚，一咬開每隻都爆汁💥💥【三哥靚蝦餃】💰32餃皮薄又軟、晶瑩剔透；餡料豐富、蝦肉大大隻又爽口彈牙🦐【韭黃鮮蝦腸】💰32蝦仁鮮美彈牙，腸粉皮薄滑嫩，淋上豉汁更加滋味吸引🤩店員服務態度親切有禮，經常主動加茶加水👍🏻 留意到顧客以公公婆婆為主，即使下午時段去都高朋滿座，店家會提醒顧客慢行，依份窩心真係難得💕💕
繼續閱讀
太子「三哥點心小廚」店面不大，卻是人氣鼎盛的街坊飯堂。這裡點心即叫即蒸，熱氣騰騰上桌，價錢親民，是品嚐傳統風味的高性價比之選。必試招牌「冬菇棉花雞」，雞件嫩滑，魚肚（即棉花）吸飽了冬菇和雞汁的精華，軟滑入味，滋味無窮。「靚蝦餃」皮薄而帶韌性，內裡蝦肉飽滿爽彈，鮮味十足。燒賣肉香紮實，小籠包湯汁豐腴，食用時需小心燙口。腸粉類推薦「韭黃鮮蝦腸」，米皮滑溜透薄，包裹着鮮甜蝦仁，蘸上醬油更提鮮。嗜濃味者必點「黑椒金錢肚」，燜得極其軟腍，黑椒醬汁香濃惹味，非常開胃。甜品亦見心思，「黃金糕」煎得香口，口感煙韌帶椰香；「蘿蔔千絲酥」則是功夫之作，外層酥化至一碰即碎，內餡蘿蔔絲清甜多汁，毫無油膩感。整體而言，三哥點心水準穩定，充滿鑊氣與人情味，是飽足又滿足的傳統點心體驗。
繼續閱讀
今晚約同好友去位於太子大埔道18號地舖的<三哥點心小廚>食晚飯，環境舒適，小店形式經營，食客絡繹不絕。我哋點咗兩個晚市套餐（套餐跟飯、例湯、油菜加十蚊）和點心📍京蔥炒牛肉 $88：好有鑊氣的小菜，牛肉的牛味香濃，肉質鮮嫩可口，京蔥惹味；例湯係冬瓜豬骨老火湯，清甜好味；油菜係菜心，青綠好食。📍蝦仁炒滑蛋 $78：蝦仁鮮嫩又彈牙，滑蛋好味；油菜係生菜，爽口清甜。📍百花釀魚肚 $31：新鮮熱辣好好味。📍三哥靚蝦餃（4隻）$32：蒸得啱啱好，餡料飽滿，蝦肉結實彈牙又好食。
繼續閱讀
太子的人特别喜愛食點心嗎？為何點心店咁密集呢？單是在大埔道太子段100米內，已開了第四間點心店。之前試過"新贊記"的其他分店，性價比極高位列我的「街坊點心榜」五名之內；"熱點"都唔錯，但貴少少；"满滿"就下次先試。「三哥點心」總括而言，質數唔錯，尤其是普洱茶，入口順和，飲後回甘；【鳳爪排骨飯】的排骨，極驚喜，非常新鮮；【蜂巢芋角】細細個，外皮鬆化，饀料足，但欠了少少兒時味道，不知是甚麽；【高湯小籠包】包皮夠薄，湯汁多少少就perfect；【霸王花湯】湯料不足，無味精；【沙律鮮蝦春卷】有創意，餡見到成隻蝦，但春卷有點唔夾，不及平時的沙律海鮮卷的皮。【三哥义燒包】包皮正宗，唔痴牙，义燒餡少左D👍👍👍【帶子鳳眼餃】最吸晴，酒店風格，以蝦餃来評，味道一流，但带子太細，與名稱不符！【山竹牛肉】不過不失，新鮮肉質唔红，肥瘦適中，牛肉部位GOOD，唔怕騷。午市/晚午套餐有例湯送，可加$10有菜，有鱔、蝦、咕嚕肉、蒸雞、牛仔骨、排骨、肉餅，好好選擇，下次再試。
繼續閱讀