三哥廚房擔擔麵菜飯專門店

營業中

休息中

三人行叫三樣野：排骨菜飯（鎮江汁另上）、酸辣湯雲吞麵同豬手擔擔麵。 排骨菜飯黎先，每人食啲share。個人喜好鍾意鎮江汁撈菜飯，開胃啲。豬排幾鬆軟，唔錯。食左幾啖，侍應就上左兩碗麵。佢叫我地食左擔擔麵先，唔係會發漲。聽完拿拿林掉低碗菜飯，食左個麵先。個麵花生味幾濃，有啲蝦米仔，麵質ok，個味就冇咩特別，冇話好好食。個豬手有三舊，骨仲多過肉，不過幾林嘅。食完擔擔麵就食返菜飯，最尾先食酸辣湯。 食酸辣湯時個麵已經發漲左， 不過個味都唔錯嘅，個人覺得唔夠酸，再加左幾滴醋，食到後尾超飽。結論：share食湯麵要注意麵會漲。

馬鞍山可以話係一個美食沙漠，要係沙漠中搵食，必需身經百戰！間間都去搵食！今次就揀咗上海菜為主既餐廳嚟試，等咗一陣就有位啦，叫咗酸辣湯（大）好足料有豆腐絲、筍絲、冬菇絲同木耳絲，酸辣適中，正！之後叫咗個口水雞，個汁較得好好，辣得嚟又好香，D雞仲好嫰滑！三哥醉拿手，好香酒味，重點仲要去埋骨，啱晒鍾意啖啖肉既人！招牌上海粗炒，好夠味，夠晒鑊氣，份量好足仲要好足料（推介）之後叫埋三哥排骨菜飯，豬扒好大塊，好鬆軟，唔會好似街個D咁拿到冇晒未！呢間小店真係值得推介，服務一流！

很想很想吃菜飯的一個晚來，很少來到馬鞍山，並不熟悉這個美食荒漠，搜尋上海菜時找到這間小店來⋯ 由於不熟路看到地址不易找，走了不少冤枉路。（$48）紅燒豬手擔擔麵，擔擔麵的湯底十分香濃而且花生味很重，所以湯煮得很好。麵上有少許蝦米和菜碎，麵也煮得很軟跟湯底很配合。豬手煲得很軟身很入味，雖然醬汁應該配飯一流，但亦不想錯過擔擔麵。（$48）三哥排骨菜飯配牛腩汁，可以選擇鎮江汁、豬手汁、鹵水汁和牛腩汁，由於對醬汁沒有概念所以經店員推介後選擇了牛腩汁。排骨炸得很香，肉也很嫩，份量亦不少。原來醬汁加在菜飯上的，菜飯不會很油膩，加上牛腩汁亦不會乾乾的。（$52）招牌上海炒年糕，好味道的一味菜，經典的上海炒年糕以醬汁去烹調，年糕入味煮得軟身，配料亦不少，作小菜一流，份量很多，兩人吃不完都要打包了⋯

必點三哥排骨菜飯酸辣湯雲吞麵平日下午茶時間吃三哥感覺最划算！不用加一，又有豆漿送，價錢又較便宜。每次必點排骨菜飯，脆脆的排骨外層，配上鎮江汁，甜甜的味道，肉質鮮嫩。排骨沒有炸到乾巴巴的。在酸辣湯加入黑醋，令味道更突出，酸酸辣辣的，很開胃。幼細的麵條，滑滑的雲吞，跟酸辣湯很搭。

星期日family day 同一家人行咗過去馬鞍山警署對面食上海野！星期日都唔洗等位！間餐廳感覺好舒服，裝修好靚，無論係裝筷子兜抑或裝牙籤，食野隻碟都好靚首先黎咗個口水雞，尚算大碟，本人好愛麻既感覺，呢個好麻好正👍🏻又唔會太油，仲有成隻雞脾係到好足料呀👍🏻揀咗招牌擔擔麵，比較細碗，不過味道真係好濃郁，好香花生味食物黎得都幾快，上咗個酸辣湯麵，幾大碟下，我覺得酸辣麵就係要重口味先好食，呢個就啱啱好，如果味太淡就唔好食，呢個有酸又有辣好開胃鎮江骨菜飯，呢個強烈推薦，鎮江骨酸酸甜甜真係好好味👍🏻最後黎咗個招牌上海粗炒，呢道菜不過不失好難得好食既上海菜，仲要係美食沙漠入面!!!極力推薦！

係沙漠入面，要搵到綠色植物已經好難，仲要搵到線洲就難上加難係公認美食沙漠（馬鞍山）要搵到非連鎖而好食嘅野係比較難，好在有地頭蟲指路，黎到偏遠的三哥廚房食正野間野位置堅唔就腳，係警署對面，正路都路會行過果邊間舖嘅氣氛同裝潢都好家庭化，入去食好有家的感覺食物呢度就食上海野嘅，我地叫左三樣野食都係百幾蚊，認真大眾化先黎食個醉雞，有酒香又唔會無肉味，雖然唔識分新鮮雞同冰鮮雞，但食得出個肉質唔係霉雞例牌size有噤嘅分量認真抵讚上海粗炒高抄都見到佢個高度，睇得去佢分量足夠。色香味都好啱我地口味，係嫌佢油少少第二主食叫左鎮江骨菜飯。味道夠香濃，煮得夠入味，配合埋個菜飯，真係要搵機再encore絕對係必試精選最後要講講嘅係佢啲碗，批評佢並非唔乾淨或有爛，而係個公雞圖案（事關本人對飛鳥類有恐懼😂）

沙鍋雲吞雞$98食開啲雞通常都煲到無曬味同啲肉好老，但呢間做得幾好，啲雞老唔曬😂仲有嫩既部分，同仍然有雞味，唔會唔知自己食緊咩。三哥排骨粗炒$62啲肉夠曬淋同入味，岩曬唔夠牙力既朋友😆三絲炒年糕$62好白既一碟，想像得出個味，味道都好清淡，記住食左呢碟先食其他野，如果唔係會覺得佢無味。紅燒豬手擔擔麵$48豬手一樣都係好夠淋，佢係魯水味既，無甜味。雞絲粉皮$30啲汁好夠醋味，好開胃，做前菜就岩曬

三哥排骨菜飯$48招牌上海炒年糕$52招牌擔擔麵$30鮮磨豆漿$10落單問店員排骨菜飯揀咩汁,佢都會熱心推介，分享下咁，最尾揀左牛腩汁，個汁就咁淋係飯上面，豬扒好香口，肉又好林身，做得幾好，菜飯望落唔夠菜，但食落正常啦加埋牛腩汁，都唔會太dry既~至於個上海炒年糕，望落好深色，好似會好咸咁，但食落又唔會喎，好好味，唔會好咸，都好大碟下，配料又夠多，有菜有肉絲又有冬菇絲，都幾豐富。個擔擔面勁香花生味，個湯做得好，好濃，作為花生迷既我，覺得好好味，正😋

尋晚屋企人介紹嚟呢間餐廳食飯，響外面睇，店舖好光猛，好新式，唔知以為係食西餐，一推門，侍應好熱情問幾位，然後就帶位坐低後，就睇下食咩啦，都幾多選擇，最後決定叫牛展清湯麵，酸辣湯雲吞麵，上海粗炒，花彫醉雞，上湯津白，菜肉雲吞第一到嘅係花彫醉雞：落單時，我問侍應會唔會好大碟好多，因為我怕食唔晒，侍應話係例牌果啲咁上下，嚟到，都唔錯，唔會話特別大或特別小，個肚有位食其他野，個花彫味好香，飲落有小小甜甜地，因為之前響第二度食，總會有陣苦味，呢度唔會，而且雞好滑，連平時我男人一見到啲雞有紅色就唔會食嘅佢，佢竟然食完又食，食左幾舊雞😅😅不過如果雞肉冇咁好應該會好啲🤗🤗之後就到我嘅牛展麵：侍應一放低枱，就聞到好香，牛展好滑好彈牙，個湯底唔會好咸，味道岩岩好😄😄😄跟住就係酸辣湯雲吞麵：酸辣湯酸酸地好開胃，不過就唔辣，建議可以辣小小，刺激下個味蕾🤔🤔跟住係菜肉雲吞，好香麻油味，最欣賞佢用唐生菜做伴菜，平時其他店舖會用小棠菜，好大舊好硬，呢度用唐生菜，易食又吸晒啲湯味，正！✌✌最後係個上海粗炒：食落都有小小甜甜地，而且唔會炒到好油👍👍中途侍應會好勤力收碟，呢樣比個讚👍簡單裝潢，但比人感覺好親切😗😗😗

好鍾意食上海野真係食左出面集團式既都係鍾意小店多dd野食黎得比較正宗 價錢又化算d今次搵食搵到馬鞍山此三哥不同彼三哥個地方都有d難搵 唔太近火車站嗌左每次食上海野必嗌既酸辣湯一試便知龍與鳳酸辣湯雲吞($48)成煲湯一上枱即刻嘩左聲 個碗大到大過我個頭幾倍個湯好熱 正而且個辣度同酸度都適中 唔會側左一邊料又夠多 抵讚另外雲吞有5粒 size又係幾巨型 食哂都差唔多飽另外仲嗌左三哥排骨擔擔麵($48)擔擔麵個麻醬好正 成件事好香好好味排骨唔會得個炸字 都好酥脆不過略嫌上枱個下唔夠熱我覺得呢個價錢呢個質素真係好正仲要用哂公雞碗咁成件事好似地道左十倍

馬鞍山一向都被稱為美食沙漠，但其實近一兩年間都開咗好多新店，而哩間三哥就開得算比較耐，自我有印象以嚟都起碼開咗兩三年（應該係），而三哥我食過都不下三四次，通常食得第二三次間舖頭都有番咁上下嘅。今次叫咗份炸豬扒菜飯加鎮江汁，雖則豬扒唔係好大塊，但肉質同味道都啱啱好，肉有咬口，外皮夠脆。而菜飯就一向都用開珍珠米，本人喜愛珍珠米多過泰國米多多聲，菜又夠多，$48都算係咁啦！之後仲叫多咗份紅油抄手，望落似無害，一食落去又麻又辣，麻得嚟好爽，辣味好快就散，唔會辣到食唔到食物本身嘅味道，一碟有六粒（好似係），臨尾整多碗酸辣湯，夠晒味，料又夠多！哩間三哥整體我覺得係大件夾抵食，住喺馬鞍山未試過嘅朋友不妨去下，不過太遲去有機會要等好耐位，因為舖頭唔大，同埋都真係好多人食。

餐前小食叫左碟雞絲粉皮，成碟份量都偏少，青瓜絲仲多過雞絲...但個麻醬調得幾好味，粉皮硬度都適中。嚟到三哥廚房點可以唔叫菜飯呢~之前食過排骨菜飯所以今次叫左鎮江骨菜飯。鎮江醋味濃，但唔會過酸。排骨數量都好夠，有5-6嚿，肥瘦比例3:7，唔會太肥又有肉食。菜飯係招牌菜當然好正啦，飯唔會太硬太淋，粒粒分明，如果多d菜粒仲好。除左菜飯仲叫左個排骨炒年糕，竟然比菜飯更出色！炒得好惹味，又唔會好油，有d冬菇絲同菜，但d排骨就肥左少少，如果瘦翻d就好。整體成間餐廳既野都好抵食，份量多價錢又合理，但位置比較偏僻，第一次去個陣都搵左一陣，去開馬鞍山都可以試下！

假日剛好到了友人家玩，他們介紹位於馬鞍山屋邨的上海菜。幸好有訂位，我們大概七點左右到，之後都要等位了。前菜: 拍青瓜 $38蠻開胃的前菜，青瓜夠入味！不過價錢有點少貴，而且感覺自己家中都可以做得到。雞絲粉皮$28賣相還算精美，芝麻加上麻醬增添香味，這個價錢還算ok。椒鹽燒賣 $28/9粒沒想到上海菜館竟然有炸燒賣，口感不錯！紅油抄手 $38算是有水準的一道前菜，辣油勁度夠，而且夠麻辣！喜歡麻的朋友一定愛。友人推薦他們家的擔擔麵，所以我們點了不同配料的擔擔麵。紅燒豬手/排骨/鎮江骨擔擔麵$48店員將麵送上，香噴噴的麻醬香氣撲鼻而來。擔擔麵和餸菜分開上桌，擔擔麵湯底由花生、麻醬、辣油、香料等製成。上面鋪著大量肉燥與蔥花，熱湯帶有厚度，既濃香又惹味。炸排骨賣相炸得金黃，醃味甜香而且肉味濃郁、肉質鬆軟。紅燒豬手友人笑說這是無牙婆婆都吃得到的料理，因為肉實在炆煮得超軟嫩，而且非常入味但不會過咸。鎮江骨肉夠入味，喜歡他們的肉每件都會有軟骨，有咬口。最後還點了個五香牛𦟌清湯麵$48不過不失，不算有驚喜但水準之上的麵食。價錢不算貴，下次也可以再光顧。不過因為擔擔麵分量有點大，建議先點幾個分著吃。

其實我一個月都食3，4次三哥排骨，因為剛開始寫食評，都幫三哥寫返篇先。我每次去親都係食三哥排骨菜飯， 擔擔面，或者湯粗面， 汁一定揀鎮江汁。最鐘意排骨夠肥，如果咁岩撞正塊排骨好瘦我就一定唔開心， 同我男朋友換塊肥既食未食過既朋友仔，e間店真係值得一試，侍應們都好nice, 廚師快手，鋪頭乾淨，環境舒適。另外我都好鐘意食佢地既醉豬手。正呀，酒夠，豬手皮多，滑滑地，價錢合理，夠大碟。午飯時候好好，有飲品送

很久沒有來三哥厨房，想不到還是依舊那麼多人。肚子餓，今晚又不想吃別的，就打包回家吃。點了個排骨擔擔面， 今次的排骨外層粉比較厚，有點失準，好在湯底依舊濃，花生味重。值得一讚的是外賣排骨擔擔面，排骨、擔擔面、及湯底三樣都是分開盛載，所以排骨仍香脆，擔擔面不會太淋，讚！再來是紅油抄手，這個抄手竟然是麻辣的，合晒胃口！這個辣不是一般貨色，不吃得辣的朋友就不要試了。最後是紅燒豬手菜飯，豬手入味非常，伴珍珠米菜飯一流！今晚在家吃外賣也大滿足啊！