三哥廚房擔擔麵菜飯專門店

營業中

休息中

呢排非常時期，大家都好注重乾淨。呢間舖頭嘅清潔都唔錯，一入去佢會比酒精消毒液你搓手，然後就比杯熱水你，俾你浸下啲匙羹同筷子。😀👍🏼佢午市有好多選擇，平均50幾蚊。擔擔麵嘅份量好多，啲鎮江骨好似豬軟骨咁，好淋又有軟骨，好好食，啲汁酸酸甜甜，有少少薑味，好好食！！！🤓💕(啲店員仲好貼心咁，會俾個碟你，放骨😳)(我見隔離枱個上海炸排骨，都好靚好大塊，好好味咁。啲菜飯都好大碗，好抵食🤩~)佢啲豆漿係生磨，同平時百佳買嗰啲無豆味嘅，差好遠！呢杯好好飲！！！😋💕另外，佢個要+$8嘅酸辣湯，都幾好味，佢唔係正宗嗰隻，啱香港人飲😀呢間真係隱世店妮🤩🤩🤩 估唔到咁jeng💕

呢間"三哥"係自家小店，唔係連鎖品牌嗰間~ 老闆娘成日都會喺舖頭裏面幫手，有幾個侍應都好落力做嘢，又好禮貌👍🏼而家肺炎新措施，冇咗晚市堂食，咁就買外賣返屋企食。 揀咗自取外賣， 佢話今日比較多單，所以就需要大概半小時。次次都必定食紅油抄手， 菜肉餃好食 個麻辣油一流 鍾意食辣嘅可以叫佢加辣另外叫咗個紅燒豬手菜飯， 豬手入味， 菜飯裏面嘅菜就比較 大粒， 如果切碎啲，望落又多啲菜可能仲好啲~上湯津白 都好食，大碟，記得好耐以前係奶油津白🤔 如果奶油津白就更加好食！之前堂食食過其他餸都好好食，keep到質素嘅小店，會繼續支持！😊

又係諗唔到食咩就叫外賣系列-送貨速度出餐速度都幾快(●°u°●)​ 」可惜叫六花茶但係最後俾咗豆漿😤-以下外賣平台價👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻📌三哥排骨菜飯（💰60）有得配鎮江汁/滷水汁/豬手汁等等(˶‾᷄ ⁻̫ ‾᷅˵)打開盒飯覺得啲菜可以多啲🥺鎮江汁酸酸甜甜好開胃💕仲有少少肉粒豬扒好脆‼️而且仲幾大份厚身‼️-📌招牌上海炒年糕（💰65）年糕軟硬度啱啱好💕而且唔會話好鹹✨仲配埋豆瓣醬可以俾你額外點🤤都多過菇菇同埋肉粒👍🏻肉粒同年糕一樣都好煙韌(˶‾᷄ ⁻̫ ‾᷅˵)如果可以多啲津白就好啦‼️津白好吃-年糕口感好好💕炸豬扒都一定要食‼️都幾抵既

返到馬鞍山，諗一諗呢度有特色又好味既餐廳莫過於「三哥」，唔好誤會呀，唔係譚仔呀！呢間餐廳主打上海菜，而我最鐘意食既，反而係佢既小食😊位置唔算方便，係馬鞍山狗屋對面，離馬鐵站都要行成10分鍾所以唔係區內人，都好少識搵到黎🙊🟠三哥醉拿手 $65🐷個名好肉好得意，其實即係醉豬手🥃呢個豬手好特別，係用無骨豬手配上梅子花雕酒，豬手皮十分爽脆又入味，係我每次食飯必點菜式🟡三哥排骨擔擔麵 $50🍜特濃花生醬擔擔麵，而麵既分量亦都唔少排骨炸到外脆內淋，仲有少少咬口不過就略嫌個炸皮偏甜🟢炸雞翼擔擔麵 $50其實個皮同上海排骨既係一樣，同樣地偏甜。擔擔麵亦都一樣，但做得好好既就係⋯個雞翼一啲都唔乾，仲好juicy如果唔鍾意食擔擔麵，仲可以揀菜飯或者白飯架🍚

上海店來說，以午餐餐牌嚟睇，三哥廚房主打湯麵、菜飯和擔擔面！三個排骨鎮江汁菜飯：菜飯分量十足，適合大胃王。排骨算大件，不過炸過頭，略為硬和乾！菜肉雲吞湯麵：有雲吞五隻，湯麵亦算多，最喜歡有三兩條生菜點綴。菜肉雲吞餡料比較實淨，口感一般，味道可以！酸辣雲吞麵：同樣地有三隻菜肉雲吞，酸辣湯味道濃郁，酸度適中帶點微辣，不過較為杰身呈糊狀，個人不太喜歡這個質感。不過酸辣湯材料算豐富，有朱紅、豆腐、豬肚絲、筍絲和雞蛋。我們坐的位置很多烏蠅和蚊子，不再騷擾進食和有礙觀瞻！＄50午餐可以配凍豆漿和桂圓紅棗茶等飲品，算是不錯套餐！

馬鞍山素有美食沙漠之稱一係就食連鎖店，都咪話唔悶但係呢間小店三哥廚房，開左幾年一直都幾旺場，有時仲要等位👍🏽👍🏽👍🏽質素有一定保証近期home office ，多左留喺mos, 同屋企人去食下tea, 我叫左炸雞翼米線。唔洗叫都分上，好細心。雞翼係即炸，非常香脆！而且割開左層皮，好香！米線方面，軟硬適中，唔會煮到稔bad bad!!!like!!!!!!嘢飲可免費配豆漿or 六花茶，由於六花茶係茶包，所以揀左豆漿。但都真心appreciate 鋪頭嘅用心，想大家飲得健康啲！

雖然馬鞍山仍是美食沙漠，越來越多連鎖餐廳進駐，想搵一間又抵食，性價比高的小店已經好難，三哥菜飯係其中一間。入面裝修簡簡單單，但唔似一般上海餐廳或中菜館，好多年輕人都會入去食。星期日的午飯時間，距離馬鐵站較遠的三哥菜飯唔算多人，等5分鐘就入咗去，大多數人都叫外賣。午飯時間有套餐，當然會點三哥排骨菜飯，今次揀咗配鎮江汁，酸酸咸咸甘手，好開胃，排骨熱辣辣，食完人都會暖返。跟餐可以揀豆漿，六花茶，紅棗桂圓茶。50蚊加一的午餐，在馬鞍山黎講已經好抵喇

上海菜我一向不是特別喜歡，但不得不推薦這間的鎮江骨菜飯，鹵水雞翼菜飯和雞絲粉皮，這三款菜式每次光顧都是必點的！再配上他們的自家製涼茶，下次到馬鞍山不知道吃什麼時，不妨試試😜

餐廳係馬鞍山警處對開左幾年，裝修很歐式別緻，令人聯想唔倒佢係做上海菜既所以起初見倒名以為係fusion菜點知人地就係做上海野做得好出色推薦佢地既擔擔麵，湯底同出面試過任何一間都不一樣，首先係唔辣既，再加上好多花生醬同蝦米，味道鮮香濃，配其他任何小食都好好味

今次HP幫襯下街坊小店😌因為有次經過見到唔少人等位 場面幾墟冚😯應該有返咁上下水準🧐.豬手係HP common friend👫多種整法我地都覺得好正 南乳 花椒八角 鹵水等等😇😇今次居然發現有口水豬手😋大家都好有默契一定要試😏.首先溫度雪得夠凍❄️凍食喺呢家既溫度黎講簡直係爽呀🥶豬手大部份都拆曬肉 唔洗慢慢咬 懶人之選😅最重要既醬汁都認真唔錯 又辣又香☺️餐枱上辣汁可以自己另外加 唔夠辣既話就自便啦🤗仲落埋芝麻同蔥 入口更加惹味🤤花生夠脆 撈汁食味道贏曬😍價錢非常合理 正嘢👍🏻我地仲叫左個排骨菜飯(牛腩汁)腩汁香 花椒八角味重 撈飯確實係正確配搭👏🏻菜飯既菜粒比較少 HP覺得多啲口感會提升😉味道絕對唔鹹 唔覺有加鹽去吊味👍🏻主要靠腩汁令碗飯入味😌排骨炸得好脆 咬落去好有feel🤤味道就無乜特別 一般🤨不過Size認真大塊😮抵食指數值得俾高分👍🏻

Yesterday,I, and my friend had dinner at this restaurant and it is really good.I love their sevice and dishes.

我地一家平時都會去下三哥廚房， 平民價錢， 10星紙服務， 我都未見過一間小店， 有甘好的服務態度。 必試1. 上海粗炒， 你會發覺有肉排於當中（切了的）， 一d 都唔hei .2. 擔擔麵， 我覺得你可以配上不同的食物， 如肉排， 糖醋骨等。 如你對花生無敏感， 一家要飲其湯， 真係好好飲。 💕3. 菜飯， 大大碗菜飯， 一定夠你飽。如果你想試得經濟一點， 一至五去食， 因為免加一

招牌上海粗炒  好大碟，但唔夠鑊氣。  雞絲粉皮紅油抄手 賣相係唔錯既，雲吞外皮薄薄幾滑溜，內裡菜肉餡都幾多，都有肉汁。紅油汁係醬油加辣油再加蒜泥，味道偏咸辣，無乜甜味。 三哥排骨菜飯  係此店招牌菜，排骨熱辣上檯，份量唔少，菜飯用雞公碗裝住，都算大碗，飯面加上醬汁三選一，要左鎮江汁。豬扒較薄，粉唔算厚，炸得幾脆，肉質好鬆化軟腍，味甜有肉汁，係唔錯既。菜飯用上珍珠米，煙韌彈牙，加菜都幾多，好送飯。鎮江汁酸酸地好開胃。招牌擔擔麵  湯底由花生、麻醬、辣油、香料等製成，麵上鋪著肉燥同蔥花。湯底略嫌唔夠濃郁厚實，有微花生香味。麵質好腍好滑溜，掛湯都可以。整體唔算特出。 鮮磨豆漿 唔算太甜、有豆味，似係自家製。  

今天有点累又不太餓，更不知食什麼好，試吓打电話三哥㕑房，有位，出發。簡簡單單，三個人叫了三絲炒年糕、酸辣湯雲吞麵、三哥排骨擔擔麵。果然是三哥的招牌食物，排骨不乾，爽口，加上香口嘅麻醬，鋪滿滿在麵上，不油膩，啱哂一家大細嗌，份量都足夠👍三絲炒年糕就是以清淡為主，味道正常水準，嫌唔夠味可自加辣醬，辣醬算必試，香而不太辣。至於酸辣湯最重要是它是否平衡到味道，它味道剛剛好，酸中帶辣，沒有被任何一方蓋過，麵又夠彈牙，不錯，仲要勁大碗👍環境清靜，簡潔，侍應有禮，每人平均$60，間中去食也不錯，加上它接受訂位更方便，係馬鞍山區上海菜一枝獨秀。

係馬鞍山依個美食沙漠搵到唔錯嘅餐廳，點都要試試～鋪頭裝潢一啲都唔似上海菜餐廳。星期日晚上食飯都排隊等左大概半個鐘。我地點左例牌嘅排骨菜飯，炸排骨炸到剛剛好，食到停唔到👅🤤製作需要二十分鐘嘅砂鍋雲吞雞，係全日最好食嘅菜式，雞湯好濃郁，感覺超級足料，飲完好暖胃～雲吞皮稍嫌厚左啲，不過饀料味道不錯。口水雞賣相同醬汁好好，不過啲雞食落有冰鮮味😦雪菜肉絲炒年糕同鎮江骨質素一般，無乜特別。