三哥廚房擔擔麵菜飯專門店

營業中

休息中

地方小店，但水準一流😋招牌酸辣湯雲吞- 酸辣湯味道、稀杰拿捏得好👍但雲吞皮略厭厚左d😛菜肉餡不過不失。三哥醉拿手- 醉香濃；豬手夠哂入味；煮既程度岩岩好，軟身得黎夠爽口，每一啖都骨膠原滿瀉😚口水雞- 辣味足、香味夠；面頭花生炒得超香口；雞唔會肥，雞肉滑嫩👍南京牛肉麵- 湯底超香濃，牛肉入味夠腍，麵會掛湯，毫無破綻🤩招牌上海炒年糕- 年糕qq，菜呀菇呀超入味，收芡做得好，夠汁包住年糕夠哂滋味😋不過上海野始終比較重口味，食完都係好口渴，但無奈餐廳飲品選擇少🥲我要忍到離開先買野飲😅

又係食外賣既日子喇今晚揀左呢間三哥記得以前都堂食左幾次印象都不錯的點左~菜肉云吞担担麵個担担湯底幾濃湯又會另裝麵有埋蔥花同炸菜碎麵質正常唔會過淋過硬呀云吞個涵OK唔會好少好細~排骨菜飯(老水汁)佢有幾個汁揀架好似有豬手汁另外就忘記左菜飯份量都幾大個一個外賣圓形碗滿晒架排骨會另上味道可以唔會炸到好干炸粉又唔會好厚呀~上湯生菜菜算翠綠唔會黃晒咁菜入左味唔會好淡~春卷半份呢個幾好人少少可以叫半份有四件都夠呀炸得幾脆唔會干晒又會跟埋個汁比你

馬鞍山有好多野食 但數到食上海菜又平又好食真心推介呢間<三哥廚房擔擔麵.菜飯專門店>我都係朋友介紹話佢d野好好食 尤其是係秘製辣椒油 世界級好味我住粉嶺今日放假再搵住馬鞍山的朋友夜晩帶我黎舖頭街舖位置唔容易搵 其實係警署對面如果住馬鞍山的朋友大約知道個位置首先未食就講個裝橫 歐陸風小店 清新乾淨有驚喜已經加分 有別於一般上海舖 今晩8點去到都有6-7枱食緊 一入門口店員(應該係老闆娘）已經打招呼亦好有禮貌因為手持手提大袋安排我地2人坐4人枱未食已經印象不錯今晩得2個人主打小食 臨走仲買咗兩樽辣椒油$68 (細) x 2樽老闆娘仲細心講解儲存方法真係一間食物又平味道又好店員又有禮貌嘅一間誠意推介嘅小店

晌馬鞍山哩個美食沙漠中，三哥廚房絕對係一個重要嘅存在！間中屋企冇飯食嘅時候，我都會過嚟開餐。而最常識嘅就係排骨菜飯啦，仲唔同嘅汁可以揀，今次我揀咗糖醋汁。有晚飯套餐菜飯配豆漿或者六花茶。。排骨即係炸豬扒，炸得非常外皮香酥，好脆卜卜，今日哩塊豬扒算厚身，鬆軟唔乾，邊邊位有少少脂肪，好香口，配酸酸甜甜嘅糖醋汁，開胃解油膩。菜飯嘅菜唔算太多不過都幾好味。整體唔錯。

睇過好多人介紹三哥，號稱係馬鞍山美食沙漠既綠洲，身為馬友既我竟然甘耐都無食過🤨今日就黎試試佢。我同朋友都分別揀左鎮江骨同醉拿手（即係醉豬手🤣）配擔擔麵，跟餐仲會包一杯野飲，我揀左豆漿，朋友揀左花茶。野飲就無咩特別既。擔擔麵都算唔錯，個麵煮到岩岩好，唔會糊，花生醬味都濃郁，唔會好辣，我係食辣bb都輕輕鬆鬆食到。至於朋友點既鎮江骨都唔錯，甜甜酸酸，味道溫和，最特別嘅地方係豬軟骨黎，係其他地方冇食過，軟骨嘅位置煮到林晒，入口即溶，好正🤤。但個醉豬手就比較令人失望，豬手都爽口彈牙，唯一比較可惜，個酒味太苦，雖然我都唔想浪費食物，但苦到我就左兩件就放棄。

路經這店，見店面光鮮，又唔使等位，所以入去食晚餐。我們點了。。。雞絲粉皮 (37元)碟有很多青瓜，醬料量適中，唔會太多，味道是淡淡的，很合適我們另外兩碗麵食。因為麵比較濃味，需要淡口d小食去中和。菜肉餛飩擔擔麵 (52元)麵質適中，唔會太遠太硬， 湯底以花生味為主，沒有其他店擔擔麵的辣味， 所以如果你期望擔擔麵是辣的，它就唔係好合適你。 菜肉雲吞，菜比例多過肉，很健康。酸辣湯雲吞麵(52元)很喜歡它的酸辣湯，酸辣味道適中，唔太酸， 湯裏面有好多料，有木耳，有我最喜愛的豆腐， 淨係飲佢嘅湯都會飽。 雲吞方面他是主用菜肉餛飩的， 麵方面不是上海麵，是黃色麵，類似油麵但又唔係油麵。

餐廳主打上海菜，環境比想像中大，餐牌選擇亦多，有馳名既豬扒、菜飯、擔擔麵。叫左三哥排骨配菜飯($50)，鎮江骨配擔擔麵($50)，跟餐有飲品附送。豬扒冇得輸，煎炸完唔乾，帶甜味。雖然size唔算大，仲夠食。菜飯夠誠意，大碗之餘，啖啖都食到菜。米飯屬硬身，個人鍾意食硬身米，所以好jeng，第一次出街會食哂成碗飯。鎮江骨又係必點，個醬酸得黎帶少少甜，好開胃。而且，每件肉都係軟林，軟骨雖然未算軟到變好似骨膠原黏黏既狀態，但肉嫩。擔擔麵大大碗，賣相好吸引。個湯超濃花生味，更重要係夠稠糊，好似花生糊咁。整體，lunch好多人去食，餐廳環境坐得舒服，而且食物上菜速度快，叫完食物冇幾耐，就已經有飲品，食物都差唔多就送上，服務唔錯。不過當日有d嘈，所以快快食完就走。

耐唔使就會想食comfort food安慰下自己心靈，馬鞍山可以揀嘅小店選擇唔多，呢一間係我會成日想食既餐廳。餐廳位置唔算易搵，但一到平日食晏時間往往好容易滿座，主打上海菜，食物選擇都算多，如果食lunch可以有套餐提供，除左有佢出名嘅擔擔麵之外，菜飯同埋清湯麵都非常好食。今次揀咗食排骨擔擔麵，佢嘅排骨係一塊豬扒，雖然係炸豬扒但熟嘅程度剛剛好，加埋秘製麻辣油味道仲提升左擔擔麵我每一次黎都會order，湯底有非常之濃既花生味，雖然知道好肥但係就忍唔住一啖有一啖咁樣飲佢既湯，麵係上海麵條好掛湯。每一次嚟食都捧住個肚走，又要諗吓下次幾時再嚟食啦

🍜下午茶食清啲🍜推介指數 ❤️❤️❤️❣️🤍美食沙漠搵一點綠真係唔容易，間中想食清淡啲，同埋最緊要嘢食夠熱。有睇過上一次分享都知道小店味道比較住家式，唔想食連鎖店嘅其他選擇。下午茶有14款選擇，有酸辣湯、酸辣雲吞、唔同配搭嘅米線、湯麵等等。全部送嘢飲，可以揀豆漿、六花茶、桂圓紅棗茶或者紙包飲品。🍜雪菜肉絲清湯麵 HKD40雪菜肉絲味道平穩唔會太鹹、粗麵比平時食嘅幼麵更彈牙！總結：-食物 ❤️❤️❤️❣️🤍環境 ❤️❤️❤️❤️❤️服務 ❤️❤️❤️❤️❤️.··餐廳：三哥廚房擔擔麵菜飯專門店 (馬鞍山) 地址：馬鞍山鞍祿街18號MOSTown Street新港城中心大街(1期)地下12-13號舖

擔擔麵同埋豆漿推介指數 🍜🍜🥛🤍🤍約朋友見個面快閃馬鞍山，佢話不如去食「三哥」，原來唔係米線個間，喱間小店叫「三哥廚房」。有菜飯、炒麵、年糕、煨麵、清湯/擔擔麵、仲有啲小菜小食咁，選擇都算唔少。🍜三哥排骨擔擔麵 HKD50排骨新鮮炸起，熱辣辣，醃得入味。擔擔湯底偏淡無傳統嘅花生味同比較稀，麵比較似拉麵質地。🥛豆漿 HKD10味道清淡，屬於少甜一種，如果雪凍就更好。食物 🍜🍜🍜🤍🤍環境 🍜🍜🍜🤍🤍服務 🍜🍜🍜🍜🤍

屬於新港城街舖，隔離是單車舖和補習社， 位置絕不起眼，但人流算多，有堂食有外買。今次點了炸腓骨和豬手，可以配擔擔麵，菜飯和白飯。我當然食擔擔麵！湯底濃郁，不太稀不太糊狀，口感剛剛好。上海麵掛上擔擔湯底，每一啖都是麵+盪,非常好吃。炸排骨微熱，入口鬆脆。豬手的夠哂骨膠源，但味道比擔擔麵搶了，要飲啖水清一清才能試真。味道ok，雖然只有兩件，但食完好飽了。飲品配了熱荳漿和茶（忘記了是什麼，類似紅棗茶）.食完成個人暖笠笠，充滿力量！小店是賣上海菜但裝修是西式，以白色為主，走簡約路線。服務好有效率, 食物亦只等了5分鐘就到. 可能因為是set lunch. 還有要留意，堂食是要加一。下午茶平一點，但改了米線。下次去馬鞍山，可以再食

雪菜肉絲炒年糕 - 無咩味.. 好普通豬排係有料 值得去試 味道甜甜地 食落唔會太油膩擔擔面個味都幾好笑.. 有種烘焙味 但完全無平時花生醬果啲味 我都唔知自己食緊啲咩😂😂😂

在馬鞍山想食上海菜，有不少選擇，出名的連鎖店都起碼有二間。但我有時會特別想幫襯小店，貪其親切待客，亦希望疫情下，為他們打打氣。三哥是其中一間，已經很久沒有來，與同事行來時也有點擔心他是否健在。他午餐選擇不多，主要是菜飯和上海麵，我們揀了菜雲吞清湯麵及鎮江骨菜飯（@$50）及一客半份的炸春卷（$22） ，午餐包一杯飮品，我們不約而同的叫了豆漿。店主很細心，一入座先俾一杯熱水用來浸餐具，仍會問你要唔要酒精搓手液。👍🏻👍🏻👍🏻 説實在的，很多時，連鎖店也沒有此貼心的服務。水餃麵有四粒水餃，大小適中，菜肉勻稱，皮亦薄，味道唔錯。湯底清，有多片唐生菜，麵質柔滑，加埋水餃，好味兼健康。😋😋😋糖醋骨上檯已聞到醋味，骨嘅份量ok，煮得夠腍，好送飯。菜飯有頗多菜粒，不油膩，食落健康。👍🏻👍🏻春卷半份即是2條，新鮮炸，熱辣辣，皮香脆。餡料有椰菜和豬肉，點唔點喼汁都好好味。😋😋😋豆漿是裝滿一杯的，相片中的已是飲了一截才記得影相。豆漿的豆味不算很濃，勝在不過甜，是健康之選。👍🏻

雖然係2人限聚令下, 但我心情好去新港城開心食lunch,  點知會咁差. 永冇下次.樓面A安排座位我地入去坐, 另一個樓面B好大聲話唔坐得. 個位吉左, 點解唔坐得?? booked? no.樓面 B 就同A講你中意啦! 咁對D伙計真係O哂食左個擔擔麵, 肚潟左兩日, 差D要去睇醫生. 食左咁多年呢間表示好失望!

收錢、落單、包外賣，就是將等位的食客待到最後😒，不是味兒。碰巧下雨及附近沒太多食肆，否則我轉身開門便去如黃鶴。三哥排骨菜飯，坐下到下單之後應該等了10分鐘才到，相信都算是立即煮吧，因為端來的時候，溫度也相當熱。三哥排骨，也就即是豬扒，它的豬扒，你看看旁邊的位置，根本沒有什麼肉汁，而且都沒有什麼脂肪，不要說肥瘦均勻，只要是肥一點的，也可接受；但是它的所謂「鎮店之寶」三哥排骨，又瘦又乾，沒有什麼油分脂肪，有沒有什麼肉汁，即是近骨的位置，亦不覺得特別肥瘦均勻油香四射。菜飯，但是菜粒極少，比以往葵芳的上海店，菜粒小得多，扭轉了菜飯的思想，而且它本身的鎮江汁非常少，如果不問店員再拿來多一點汁的話，空口吃這個菜飯，應該挺乾後面食客下單時，店員也說，「排骨即是豬扒」，說穿了的三哥排骨菜飯，其實也只是炸醃過的豬扒及一碗混入菜粒的日本米飯。鎮江汁，即鎮江骨的汁，其實內裏有些冬菇，其他就係有點酸，亦都有少許甜味，其餘都說不出有什麼材料了。清熱六花茶，是比起平日飲的菊花茶或是五花茶有少許不同，但又不知道了什麼材料🤷🏿‍♂️