三和茶餐廳

營業中

休息中

芙蓉蛋飯 $52話說有日去左樂富整野食飯時間諗住求其搵間餐廳食晏行到去呢間餐廳門口見到入邊有好多人一般依種情況一定係啲飯大碟夾抵食咁就入去試下😂😂😂呀姐光速埋到嚟問我食咩我叫左個芙蓉蛋飯過咗幾分鐘就送到上嚟見到個刻當堂嚇一嚇，超級大碟塊芙蓉蛋仲大過我塊面而且仲幾多料有蝦有火腿絲有芽菜有肉絲隻蝦仲要有鮮味塊蛋又夠厚 煎得香口又唔會好薄好乾用甜豉油送蛋真係無得頂👍🏻😋不過最後我食唔晒個飯個飯跟湯跟熱飲都係$52呢個價錢真係好抵

三和茶記👍爸爸93歲最喜愛食蒸魚套餐,魚肉新鮮好味又大條,送湯送飲品價錢非常合理,剛剛工人放一個月大假,於是决定去三和問老細可否訂十天外賣,雖然只訂一個餐,但他依然肯送外賣,基本上好多茶記一個餐點會送,老細的大愛,充心感謝佢.三和茶記無論食物和人情味👍👍, 由於爸爸實在太喜愛食蒸魚套餐, 結果每日加碼訂兩個蒸魚套餐.充滿人情未大愛的茶記, 多謝你為街坊服務🙏

中午經過 見有午餐set於是入去試吓睇岩 落單等左唔洗5分鐘 黎左碗例湯 足料夠味再黎我點嘅口水雞幾好食 雞唔老 大大碗飯 勁飽再黎杯野飲 真係幾抵食一個飯 有例湯同跟杯熱飲下次會再黎食 因為都算抵食架

今次已經係第二次等超過40分鐘，19:10落單19:53出餐餐廳堂食目測6至7成人，不算爆場叫左一個洋蔥豬扒飯，一個肉絲炒面，兩杯凍奶茶平時等15-20分鐘都算合理時間，但今次既重點係有其他外賣單比我遲落order（都係有炒面）但係仲早過我出餐，咁即係點呢？既係其他單係正常時間，我張單就遙遙無期老闆娘又話幫我跟下但全程冇離開過櫃又冇搵同事幫（我全程企係隔離）然後又比我睇到其中一張外賣單係19:37落單，兩個牛肉炒面，19:50已經放櫃面待取。而另一張單炒烏冬19:07落單19:30已放櫃面待取。今次真係火都黎，永不幫襯。

叫咗個午餐葡國雞焗飯，一食啲雞舊舊都食到變壞嘅酸味，於是叫佢轉過碟炒飯。一句唔好意思都冇，淨係識第一時間去改張單收返新嗰個炒飯嘅價。但係一睇凍飲加3蚊變加8蚊，52蚊嘅飯就收58蚊。哇你都勁㗎喇，啲飯變壞都畀客食不但止，轉個頭仲要搏個客冇睇清楚單收佢多啲錢？！問返佢個單係咪打錯又黑口黑面咁，早知一早報食環算😒 食物差仲要變壞，態度又差，叫完每次又要等返半個鐘先有得食，真係直頭貼錢買難受！想簡簡單單食餐便飯呢間真係絕對絕對冇下次！

星期日晚大約8pm 到。好多人。自己揾位。環境同一般茶餐廳無乜分別。晚餐叫了$53馬來炒貴刁，包野飲。咁嘅價錢無乜期望。但係碟野order 咗好耐都未到。等咗大半個鐘揾咗唔同侍應催咗幾次終於先來到。餐飲叫嘅熱奶茶就俾咗熱檸水，都費時轉啦。不過呢間茶餐廳其中一位上咗年紀戴眼鏡嘅女侍應態度就唔係咁好。唔知是否食物有問題，返到屋企個肚唔舒服。碟炒貴刁唔知係咪係咁意炒下就俾客人食。總之今次就中伏，呢間無下次。

👍🏻常餐沙嗲牛肉腸仔煎蛋米粉 配丹麥牛油酥 9折後 $45 ($46 + $3凍飲 + $1外賣)第一次喺三和外賣常餐，常餐有得揀三樣餸，除咗常見嘅雪菜肉絲五香肉丁，仲有雞翼鮮牛肉等。今次揀咗沙爹牛、腸仔同煎蛋。餐廳將麵餸同湯分開抵讚👍🏻餐包係丹麥牛油酥，表面輕微烘過。煎蛋係雙蛋半生熟，想全熟記得同餐廳講。檸茶茶底正常好飲。喺樂富咁多連鎖餐廳入面難得一間唔係仲要係街坊開嘅，所以間唔中都會黎食下餐廳除咗常餐仲有炒飯麵等選擇，下次會再去試下！

百搭扒麵早餐揀左雞扒，湯米線，煎雙蛋烘底要加$1的另有一杯熱飲$38食都咁多款塊雞扒老實講係偏細味道都唔太好味但呢個價錢食到咁豐富既早餐都收貨下次再經過會試埋其他早餐

$35大大份早餐，去到11:30，奶茶用黑白奶，五香肉丁多料，通粉份量夠，仲有牛油方包，煎蛋午餐肉，你仲想要乜嘢？冇投訴啦，唔鍾意嘅，入去食返啲連鎖店工場製品囉。

第一次試過外賣等30分鐘係比生雞返屋企自己煮，離曬大譜，咩點會有咁嘅餐廳，我自己煮就唔會買外賣，唔識做生意就唔好做，仲要等咁耐，等到一肚氣仲要自己煮，真係一次就好了

三和茶餐廳💛午餐E 焗芝士龍蝦汁海鮮飯 $45福建炒飯 $50兩個都有湯+飲品-焗芝士龍蝦汁海鮮飯佢好芝士不過龍蝦汁就好似冇乜味但冇記錯都好似有個種香味入邊都有魷魚 蝦 蟹柳嗰啲仲有蛋🤣份量都偏多．是日靚湯我唔係好記得係咩🤣好似有紅蘿蔔 蓮藕飲落去都唔係味精湯都係嗰種住家feel嘅湯有蔬菜嘅甜甜地😚．啲嘢食都好熱辣辣-其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-29/11 eat唔寫得好詳細㗎啦💁🏻‍♀️-好味程度：🌕🌕🌕🌑🌑抵食程度：🌕🌕🌕🌑🌑環境靚靚：🌕🌕🌑🌑🌑服務態度：🌕🌕🌕🌑🌑會回頭率：🌕🌑🌑🌑🌑👆🏽福建炒飯

建議：行山前記得要補充水份 #見字飲水最近啲天氣都好好🌞 風和日麗，去行山真係一流😎 今次一戰對每個香港人都好有意義既#獅子山 。要行山前就當然要差足電，所以先係#樂富 嘆個豐富早餐先。難得近巴士總站位除左有譚伯米線，仲有茶記—三和茶餐廳💛今次試左：▫️經典早餐 (HK$34@)🐽火腿通+煎蛋+烘底多(加HK$1)+熱檸水🐮沙嗲牛麵+炒蛋+多士+熱茶走雖然餐廳位置算多，不過早餐時段亦好多人。店員完全無停手，記得要睇準准時機舉手落單😂 落完單好快就有得食，整體味道同份量都正正常常，但沙嗲牛既味偏淡，反而重花生味。煎蛋 同滑蛋食落都唔錯，麵包亦夠軟熟，烘多都係屬正常水準。唯一希望會改善既地方係，餐廳杯具既乾淨度一般般。首先係枱上面有幾隻膠杯可以自助用水壺裝水，不過見到有啲膠杯入面有黑色點，又有啲係油淋淋🙈 希望之後會有改善啦。最後送上幾張獅子山頂既相 Feel下好天氣🦁

下午茶時間去自己揀搵搭枱，野食都多選擇，可以揀午餐下午茶炒粉麵扒餐等等，而且價錢都唔貴今次嗌左雞翼炒蛋湯意粉，加杯熱華田，雞翼係新鮮炸，夠香夠脆，炒蛋夠熟但都唔會太老，湯底係傳統茶餐廳既雞湯，意粉又唔會太淋，完全係本土茶餐廳既味道！只係可惜去過幾次下午茶時段都已經無哂沙嗲牛，希望會整多d有機會食到啦😜湯粉麵埋單熱飲都係33蚊，炒就40蚊完全係屋村大眾化價錢🤪p.s.除左沙嗲牛，希望下次有埋台灣腸啦，真係未係度食過😂

三和常常都來幫襯，通常都係食下午茶，今日食個早餐，點了個常餐。😊😊😊😊沙爹牛肉麵併漢堡扒，配腿蛋奄列三文治😊😊份量正常，味道一般😅沙爹味很淡，好稀，差不多感覺唔到有沙爹味。牛肉厚身，起碼不是好淋的肉質👌🏻👌🏻👌🏻漢堡扒一般，中規中矩。腿蛋奄列反而不錯，中間會有蛋汁，不會煎到蛋過熟👍🏻👍🏻👍🏻區內很少有呢類型嘅茶餐廳，所以都想幫襯多些，希望會更進步😊😊😊😊

今日行獅子山所以特登黎呢度食個早餐幫自己charge足energy先本身對茶餐廳都無咩期望 但三和完全超過我期待首先個環境乾淨得黎枱與枱都好寛闊待應姐姐都好友善感覺好似係專做街坊生意 電視播Viu TV 呢點好值得加分食物方面 我叫左歐陸早餐set雞扒+多士+火腿+奶茶 杯奶茶好地道好有香港味雞扒都做得唔錯有一刻用左百幾蚊all day breakfast 個standard 比較老老實實 三十幾蚊真係好抵食可惜無叫奶油豬 朋友話超好食