三叔公牛骨湯粉粥麵館 (已結業)

年三十晚行完花市返到荃灣好肚餓🫠經過見到三叔公原來收半夜3點🥹🥹實在太好了！！！室內好大唔迫～侍應都醒目有禮👍🏻響門口睇仲以為得牛雜類，點知有勁多野食，乳鴿都有😳😳不過夜媽媽都係試返佢地招牌野先～牛雜份量足～都幾入味湯底夠濃👍🏻👍🏻👍🏻👍🏻崩沙腩好出色👍🏻👍🏻👍🏻都係份量夠～又入味又淋身唔會咬唔開👍🏻👍🏻👍🏻以後響荃灣食宵夜多個超好既選擇🤤🤤

今晚去荃灣搵食，發現一間鋪名叫三叔公，佢又賣粉麵，又賣鹽水滷水嘢，好奇入去試吓！叫咗個招牌 牛骨湯崩沙腩麵湯底唔錯有蒜香味，崩沙腩夠嫩，麵質尚可。半隻鹽水鴨味道不錯，本身已有咸香味，不需沾醬已經好入味，鴨肉彈牙，值得再試！

在荃灣逛街經過看到這間超大個的三叔公招牌 吸引到了眼球 👀這間是我媽之前食過 話佢地乳鴿都唔錯 所以就直接入去食 乳鴿（好似）是晚市才供應的 哈 反正我是5點35分落單 6點前就做好上枱🤪· 紅燒BB乳鴿 炸得外脆內軟 真的很好吃🥰· 蠔仔肉碎泡飯 一大盤 一吃就吃岀裡面的飯是上桌前才倒進去的 哈哈 泡飯完全沒有蠔仔湯的鮮味 蠔仔、肉碎、菇都有很多的· 涼瓜炒牛肉 醬汁調配得很好吃😋涼瓜不是太苦👍🏻牛肉也很嫩滑👍🏻· 招牌崩沙腩河 這個下午茶都賣$68 其實真的有點兒貴 但它是這間店的招牌 所以就試下 崩沙腩軟硬適中 好食嘅～😋但$68這個價錢 還是好像有點偏貴🫢

唔知係咪有咩誤會，外賣滑蛋叉燒飯竟然可以比漏咗個飯個滑蛋係一堆食唔到嘅碎蛋加上一Pat比羹更加杰而且有結塊嘅芡。我搵唔到形容詞去形容有幾難食，但絕對係我人生食過最難食嘅滑蛋叉燒飯，有生之年都唔會再食呢間嘢。

事源於2023-08-06,11點半至12點食物好壞已經其次,阿姐態度差,當日堂食完,諗住叫外賣。因為場唔係好大,舉左手,見阿姐見到,就自然放低手,以為阿姐忙完唔記得,就再舉過,阿姐經過都冇理到,跟住叫阿姐,阿姐一埋黎就態度奇差講"見你舉下唔舉下,以為你做手勢"。來不切反應,無理佢就照落單,做手勢?我而家舉中指咩?做手勢...越諗越不忿,如果因為撘枱另一食客激親你都唔好搵我嚟發洩啦!(因為果位食客應該食食下發現比錯左,叫阿姓換比佢)阿大姐,你又唔敢串果位食客,就都唔好搵我嚟發洩啦!阿姐你喺佢面前串我會開心返?咩叫做'做手勢'?不如話你做大戲啦!

呢間店有兩個舖喺埋一齊，一間賣鹵水鵝外賣廍，一間係主打牛腩牛什嘅餐廳，作為牛粉嘅我，就緊係要試試。室內座位較鬆動，坐得舒服，侍應招呼殷勤，但嘅係QR落單，係傳統人手落單。睇個餐牌，崩沙腩麵好有信心地叫價$58碗，掃落去就見牛沙瓜$48，最終貪新鮮就叫咗碗牛沙瓜麵，因為好少見到，更好少食。牛沙瓜即係牛嘅第四個胃，俗稱皺胃，佢啲皺頁炆到夠哂稔，有啲霉了，胃身就有啲彈力，有啲嚼勁，湯底話明係牛骨湯，冇欺場，鮮甜好飲，必見底，下次再嚟。

收工已經好夜,諗下邊度有宵夜好食, 突然心血來潮出咗荃灣呢間24小時嘅餐廳！ 叫咗一碗手打墨魚丸米粉🍜$48 腐乳通菜,凍檸茶🥤♨️港式炸蠔餅$128♨️避風塘大腸$108 一支啤酒🍺🥢蠔餅上枱賣相幾靚,蠔都算大粒嘅 炸到邊位好脆口,只是中間有D厚實 但點埋魚露味道都幾惹味😘🥢避風塘炸大腸,辣椒配料多過大腸, 大腸得幾舊,粉漿比較厚,食不到大腸嘅 口感,只食到有辣嘅香脆炸粉,食完 仲有一大碟配料🌶️🧅淨番🤤 即刻叫支啤酒解解辣先😅🥢粉麵手打墨魚丸米粉墨魚丸係夠 彈口嘅,米粉份量算多！呢道D小菜都算偏貴😅不過費小小冇所謂,最緊要俾返相對食物和質素🤔

🤴🏻接放工諗緊買咩返屋企做宵夜，咁夜就不如去三叔公到搵食啦😁😁～～～秘製滷水鵝飯～～～三叔公比嘅係 ‘ 鵝髀 ’ 位，睇落唔係好肥，但食落口感又肥瘦均勻，唔會 ‘柴 ’ 口😉😉～～～惠東大扇雞🐥飯～～～顏色暗黃，雖然都係比雞🐥髀肉，但感覺肉質一般亦都好少雞🐥味😀😀～～～例湯～～～配料居然有豬紅，感覺好似怪怪地但味道又冇乜嘢😂😂，正常例湯味😃😃最後我同🤴🏻都覺得隻鵝好食過隻雞🐥！😛😛

當日經過荃灣，想食啲清淡野，就諗起呢間餐廳既牛骨湯粉，就決定黎試試～當日點了：❣️扣牌崩沙腩河呢款係招牌河粉中價格稍為高湯底清清地，湯頭鮮甜，有淡淡既牛骨香氣，一啖河粉一啖湯，唔錯崩沙腩肉質都爽，唔韌亦都唔硬，初次食都頗有口感❣️牛肚河粉 牛肚切得唔會過細條，口感都係脆嫩感，唔會韌💠💠💠💠💠💠💠💠💠💠💠💠💠💠總括，食物質素不錯的，係一個想食得清淡，又唔想只食粥，都可以考慮

三叔公打响牛骨湯底～所以入去試一試招牌崩沙腩：湯頭濃濃的牛骨味、崩沙腩亦可口美味！招牌牛雜麵、牛肚麵：牛雜、牛肚味道都係偏濃。勝在炆得夠淋！新鮮魚腩粥：魚腩切得太簿、份量好多、粥底好綿👍我覺得新鮮豬潤腸同香茜叉燒腸做得好出色👍！

話說尋晚接肥妹仔收工喺荃灣搵吓邊度有宵夜好食見到近小巴站呢間新舖頭舖頭招牌好光鮮一於入去試吓點知中伏就係咁開始⋯其實佢小菜價錢都偏貴不過講真真係冇乜所謂最緊要俾返相對嘅質素呢個金銀蛋浸時菜初頭諗住食清少少健康啲菜嘅份量好少 入邊得幾條白菜仔上面金銀蛋都算足料但係整體來講非常之鹹如果以差唔多$100嘅一個小菜來講真係非常之唔抵 劣食之後想講吓呢個蒜香骨賣相已經非常核突 好似人哋食剩咁基本上全部都係骨冇乜肉全部炸到過晒火 好似食柴皮咁最恐怖係啲骨邊好鋒利一個不留神條脷隨時都俾佢𠝹損見到呢個餸之後我真係深感後悔入咗嚟整體來講都非常劣食以荃灣百幾蚊一個小炒來講佢嘅質素都算水平線之下真係唔會回頭再幫襯！！

今日未夠12:00去到荃灣街市附近，加上未食早餐，見到呢度有牛骨湯粉食，所以入去試試，餐廳裝飾較傳統，今次叫左招牌崩沙腩河$68,加埋熱檸水$6,崩沙腩數量唔少，筋肉脂肪比例均匀，牛肉味幾好，個牛骨湯飲落唔鹹，索河粉最好，但下次都會試其他野…

早前自己一個係荃灣想求其搵間餐廳食lunch，見呢間專門食牛腩既餐廳幾多人，就入去試試～‣ 招牌崩沙腩河 ($68)第一次黎就試下佢個招牌崩沙腩河～係標榜左同佢地招牌牛骨湯黎做湯底，湯底做得唔錯，唔會好鹹，牛味都重；河粉煮得唔錯；重頭戲牛腩份量幾多，而且煮得幾軟身唔會有筋💭 C͟o͟n͟c͟l͟u͟s͟i͟o͟n͟餐廳屬於茶餐廳佈局，中午時分都坐滿曬；而且佢係開24小時，幾時想食都可以去食😂牛腩河整體黎講都煮得唔錯，唯獨係價錢都偏進取，相同質素既餐廳估計可以再平d，下次可能會去第二間平d既再食～💰Total: $68 (無服務費)📍三叔公牛骨湯粉粥麵館｜無ig荃灣荃灣街市街21-25號德仁樓第四期地舖🚩更多同類餐廳 #foodstep_中餐 🚩更多同區餐廳 #foodstep_荃灣 📣Like & Share & Follow @ourfoodstephk_ 🙏🏻多謝你既支持，成為我努力分享既動力💪🏻

今日年初一大日子,見到加二服務費都照入啦,點知叫個魚香茄子煲中晒伏, 原來炒魚香茄子就當魚香茄子煲, 98蚊食炒茄子問個經理,又話炒同煲係一樣, 其他餸又凍晒,上左幾個餸都未上白飯,想追下個白飯送下餸姐,追個waiter, 都只係應你"哦" 又唔幫你追,服務態度差到一個點, 食到成餐飯一肚火🔥🔥下次免費都唔會幫襯

荃灣屹立幾十年嘅燒味店標記，而家變咗三叔公。二十四小時營業，年中無休，下午五點前無小菜，主要食牛腩麵、粥等等，晚市就有小炒。呢度個牛骨湯幾有規模，一大煲，不斷滾。年三十晚嚟食小菜，都要等位，亦見到有食客食食吓被要求換枱，令餐廳可以拼枱俾其他客人。街坊店就係咁。小菜唔貴，白飯$12，無加一。叫咗三個餸，首先係大良欖角骨。份量幾多，但味道太甜，而且肉偏軟爛，欠缺咬口。三叔公小炒皇份量又係大，多蝦乾，但蝦乾有少少沙，整體味道偏咸。芥菜花甲雞煲花甲大隻，無沙，但個湯好咸，飲完一碗湯要飲一杯水。總括而言，份量大，但食得咸先好去。