三井や (衍慶街) (已結業)

早兩日年初三路過，看到這店外的對聯很有趣，上網看看他的出品，我們還是想自己親身試試！放工後過去已7時許，小店會窄些，但坐下來沒什麼問題。 牆上還有店鋪休息一天的通告，內容很攪笑的。可手機下單，也有餐牌。「比目魚飯」+ 普通飲品 $88 嫩滑的魚肉，外面微脆，蛋絲紫菜絲鰹魚絲，配上微酸香濃的柚子醬，米飯軟糯唔夠飽可要求加飯，看看添的飯....免費，驚喜嗎？忌廉蟹肉餅$28外脆內嫩，蟹肉量一般般，綿綿口感，ok啦！豬扒定食$88本想試日式車仔麵，見到旁邊食客上枱的定食，即時改變主意，來一客定食，食物來到時才知道自己點錯了碗上，店員即幫我更改。炸得脆香豬扒，帶少許筋但肉不會韌，有味的流心蛋，凍螺肉味不錯，章魚丸子粉略多，飯面舖滿乾紫菜絲，炸的脆粉粒，原來配飯蠻有趣的，整體個飯係好味道。點埋個白桃飲品，十日內來了兩次呀。主要是食物味道得，服務態度亦是抵讚的！…查看更多

用外賣app 叫外賣，明明送餐路程好短，外賣袋亦冇跌過既痕跡.......其中一個裝拉麵湯既碗爛到穿左個大窿，漏到得返1/3 湯.........另一個湯碗個底軟軟爛爛就穿咁.....見到個餐咁印象簡直大打折扣!!!!!!麵係可以既，本身未試過車仔拉麵呢個模式。令人誤以為麵本身已經跟叉燒，之後再揀配菜既餸，結果冇揀到肉類..... 來到得齋拉麵有d 失望份量亦不是太多，女士都覺比較細份。想食外賣唔會再幫襯..…查看更多

中午去了試這間小店。我點了特大多春魚，雞皮餃子和酒粕豚腩蒟蒻麵。第一次吃蒟蒻麵，之前聽人說很難吃，其實沒那麼糟糕，口感像芋絲，如果喜歡吃芋絲，該喜歡蒟蒻麵。只是麵不易掛湯，可能因而影響味道，但該健康點。豚腩柔軟滲著酒香，跟爽滑的麵成了對比。多春魚真的很大條，每條都藏著滿滿的魚子，炸得鬆脆，充滿魚味，蘸上胡椒柚子鹽，風味獨特。店員說其中一條魚比較小，所以多送一條小魚給我。這間雖是小店，但絕不欺客。雞皮餃子也炸得香脆，不太油，配蛋黃醬正常發揮。這店的炸物比麵出色。喜歡這間用心經營的小店，會再來試其他食物。…查看更多

睇完食評專登嚟食Lunch~~自選2餸拉麵 - 可惜唔記得影餐牌, 都好多款式嘅餸揀下~我揀咗拉麵不可或缺嘅溏心蛋日式腐皮係切開咗一半咁分開兩塊呢兩味都係正常好食嘅！另外要咗食評推介嘅豚腩, 燒得焦香入口唔肥膩筍絲係幼身, 同平時出面食開粗身對比有啲淡味, 另外配菜仲有京蔥同香蔥, 加埋京蔥嘅拉麵好香今次揀咗黑蒜油湯底, 湯幾好飲, 拉麵係幼麵款, 個人就鍾意粗身少少。炸墨魚咀呢度嘅炸粉真係出色非常入味！好適合佐酒, 下次好想試下炸魷魚鬚…查看更多

店面佈置溫馨，老闆態度几好啦，拉麵嘅味道都過關。價錢方面，麵+汽水差唔多60蚊，都算抵唯有一點就係點拉麵唔好點大辣，勁得太超過嘞老闆看著我食唔得大辣仲給咗一碗豚骨湯…查看更多

一個疫情，令我晌新蒲崗間唔中唔想飯住家飯既飯堂，三間無左兩間，蓮姐既酸辣燒豬頸肉薯粉，未加價題既高質粉紅水門雞。估唔到又會開番間日式燒肉飯係咁既質素👍🏼本來呀媽的起條癮叫我幫手買和氣既燒肉飯外賣，點知落order先發覺黃大仙店無得用app落外賣，去到先叫…經驗嚟講最少要等半個鐘以上，唯有試下搵下週圍有咩類似既未試。幾個月前試左mikiki嗰間連鎖店…唔掂，掃下掃下唸住放棄，點解原來呢間都有燒肉飯，就試一試佢。去到叫左兩個燒豚肉，服務貼心，未食都起碼有個靚既心情，食落都好食啲。不過坐低先望真啲個價錢唸住65蚊一個餐…都有啲擔心肉既份量唔夠送飯，點知食下食下，啖啖飯都夠有一塊肉一齊食，燒得幾香，連埋我最鍾意既蔥同京蔥食就更香，我都算大食，唸住唔會夠飽，食到尾先知原來都已經夠，咁既價錢，有呢個質素，我懶打字都唯有出個post支持下，希望小店長做長有同保持到質素……查看更多

環境：小店細細，環境乾淨，冷氣十分足夠👍菜式選擇：幾特別有日式拉麵車仔麵版，雞皮餃子，山椒魷魚鬚，鹿兒島栗子甘薯餅，蒟蒻麵，酒粕豚腩飯。都係出邊比較少有👍見咁多選擇，最鍾意食炸嘢嘅我一口氣嗌咗芝士年糕，一口芝士，多春魚，魷魚鬚，甘薯餅。自製一個拼盤🤭 仲嗌咗一碗麵同埋一個豚腩飯。首先要讚吓個酒粕豚腩飯👍簡直係勁好味兼超值！豚腩經過火炙入口即溶，感覺就好似火炙過嘅拖羅咁不過係豬肉版。飯充滿油香，店家本身提供京蔥，應該有蔥伴飯就剛剛好。不過我屋企人唔鍾意食蔥，所以走咗蔥。如果唔係一定勁正。如果呢個飯係什麼丼X屋賣肯定過百。個拉麵湯底都好正，又可以自己揀餸。都係揀咗豚肉同溫泉旦。湯麵好夠熱。我平時好怕食拉麵嗰啲荀覺得有怪味。但係呢個筍竟然有清甜嘅感覺⋯⋯覺得用料係日本貨。日式叉燒同魚蛋片都好好味👍 因為我叫左太多炸物。所以冇嗌到蝦同埋炸🦪下次可以試吓自製炸物拼盤裏面，最好食嘅係魷魚鬚，山椒味好特別！雞皮餃子多汁又香脆。一口芝士炸得好乾身⋯⋯芝士年糕太好味，唔記得影相🤭店員話菜單經常會轉下次一定再嚟！…查看更多

新蒲崗新餐廳，行完mikiki搵吓附近有咩食，就發現呢間日式餐廳。見到裝修都幾好，似會坐得舒服😂所以就入咗去～一入去即刻覺得勁舒服，因為冷氣夠🥰好快侍應姐姐就過嚟俾個QR code我哋，都幾多嘢食。我哋叫咗一個麵一個飯同埋幾款小食。先講吓個面，叫咗一個減肥都食得嘅蒟蒻麵☺️🧡配堅魚湯，湯底好夠味，蒟蒻麵嘅口感都好好，好有咬口，感覺似我鍾意食嘅芋絲！食完都冇罪疚感🤣拉麵本身就包兩個餸，但係好多餸都好想食，因為佢啲餸唔係出邊平時見到嗰啲！真係好有heart嘅小店！咁最後三餸就50幾蚊，都係超級抵食！不過拉麵就唔包嘢飲。要另外加錢再嗌～老公就叫咗個酒拍豚腩飯，聽講係老闆自己醃㗎，非常入味，肥瘦適中，我減緊肥唔食飯，都食咗幾啖🤣🤣真係好好食👍🏼60幾蚊，仲要包嘢飲，而且份量非常足，細食啲嘅人應該食唔晒🤣建議如果兩個女仔過嚟食，可以share一個飯，然後再嗌幾份小食。因為佢啲炸物，真係。。不得了。。。😝我哋嗌咗我最鍾意食嘅芝士年糕，大大嚿，都好聚手，而且唔會油淋淋 (其實佢所有炸物都唔油☺️呢個位好加分) in in un un 但又唔會黐牙👍🏼好味山椒魷魚鬚都好好食🤤直情食到停唔到口。佢有少少辣粉，我唔食辣嘅，都食唔停口。因為佢唔係好辣嗰種，係叼下味嗰種！炸粉一樣，唔厚身，魷魚鬚size又啱啱好💯(老闆讚我張相影得靚，叫我俾佢post IG🤣🤣🤣) 真係小店嚟㗎，老闆會無啦啦出嚟同人傾偈😂值得一讚嘅係，老闆同侍應姐姐都好Nice☺️👍🏼今時今日咁嘅服務態度真係少見🥹最後就嗌咗章魚小丸子，本身仲想嗌一口芝士，但因為嗌咗芝士年糕，所以就留返下次先！個章魚小丸子都好好味，夠熱！最最值得一讚嘅係，所有炸物都係即炸，而且唔會油淋淋！口感非常好，仲要熱辣辣🤤因為即炸嘅緣故，所以可能會等耐少少，但一路食麵一路等，其實都冇咩所謂！最緊要好食！！車仔麵嘅餸，仲有好多未試😌好快就嚟食下一次👍🏼👍🏼…查看更多

今日，幫朋友搬完屋去九龍城，搞到7-8點。行下行下左去新蒲崗，咁岩行入內街就見到呢間日本拉麵店，又有飯食，環境幾舒服咁，就入去試下。出面30度幾，入邊啲冷氣都好夠，勁涼，即刻舒服哂！坐低一陣就有侍應姐姐俾左個QR CODE我地落單。我見隔離個婆婆隻眼唔係咁好，又唔識用QR CODE落單，個侍應姐姐逐個送讀俾佢聽，仲幫佢手寫落單，呢個侍應姐姐都好有耐性。我見有啲推介飯餐，溏心蛋牛肉飯，雞扒飯，生薑豚肉飯都係期間限定。我地就試一試佢啦！糖心蛋牛肉飯，佢係用珍珠米，飯量岩岩好，牛肉份量都係剛剛好，啲牛汁幾好食。生薑豚肉飯，啲豚肉好入味，唔會太老，配隻溏心蛋，味道好夾。唔錯！加多左份炸物 -雞皮餃子勁juicy，好想encore，叫多碟，但係啲份量太足，個胃已經冇位再食。 下次再過黎食.....…查看更多

今日去新蒲崗發現左一間新店，主打日式車仔麵概念，可以揀自己鍾意食嘅嘢。做人要有選擇先開心😇😇我揀咗糖心蛋同叉燒配烏冬，叉燒半肥瘦口感一啲都唔乾柴，質感嫩滑😍，價錢一啲都唔貴😇 $48可以揀兩款食物，有25款選擇比你揀 😆小食就叫左雞皮餃子，炸一口芝士同章魚小丸子。雞皮餃子咬落去有好多肉汁👍👍，一口芝士芝士味濃郁，值得推介👍👍環境都幾舒適，店長仲會得閒就會出黎同客人傾下計，幾有人情味嘅小店。🤩努力工作中既店長…查看更多

行街行到肚餓又無咩胃口試下呢間新店😋😋3個人食左2百幾蚊係晚餐晚餐呀😝😝估唔到係呢到都有間咁企理既日式拉麵店開頭以為平野將價就貨啦😌點知性價比高😘有驚喜😋😋😋試左呢個鰹魚湯底既拉面🍜唔知點講仲之成件事啱啱好🤩仲有仲有我最鍾意食既烏東東加炸蝦🤩都係講緊$5加$5就有一對炸蝦🍤呢知炸芝士🧀️平時小食炸物既我都忍唔到食多一粒😊一口芝士味濃😋啱晒我地為食🤭又想試多啲款既人🤭仲有炸紫薯餅🤗🤗🤗小丸子🧆⋯⋯😄有啲餸仲要係店主自己精心炮製❤️‍🔥❤️‍🔥呢樣野不得不加分…查看更多

在天氣酷熱的晚上，小店嘅冷氣非常充足。肚餓十分的情況下，沒有慢慢揀日式車仔麵，聽了店員的介紹，快速點了一個冷麵（聽說是炎夏期間限定）和一個牛肉飯。冷麵材料十足，另外個冷麵嘅湯汁唔算太濃比較清，本人欣賞。夾起啲麵浸一浸放入口，清涼嘅感覺非常之，蛋絲、青瓜絲、腐皮絲恰到好處。牛肉都有水準嘅，一隻而唔係一邊嘅溫泉蛋配合蔥同埋牛肉汁，fit晒。佢嘅牛肉汁唔算油啊。仲有個小食八爪魚，都比較大嚿㗎，唔係細細隻嗰啲，唔錯。小結：性價比不錯的小店。暫時只收現金，希望水準可以堅持而且引入最少一種電子支付啦！…查看更多

一到月底嗰幾日，公司總會有幾位長岐良美💸，中午食個杯面、咬個包、隨心買個一/兩餸飯又一餐。明明平時lunch無乜人嘅office, 哩D日子都會突然有幾個身影喺會議室出現。今日有幸有同事帶我去食平嘢！🤭🤭是日外出工作的緣故，由同事帶我哩個新界姐(不得不承認年紀大過佢)去洐慶街搵食，由街頭行到街尾，原來哩度好多餐廳！😍 作為黃大仙區代表的她，決定同我去食日式麵食🍜。皆因佢未食過，價格唔貴，環境望落乾淨同埋有人氣（有幾檯人食緊😆），所以入去一試！可能因為我地算早去，唔駛等位就可以直接入👏🏻👏🏻。入面環境設計簡單，最緊係冷氣夠涼快🆒，出面成30幾度呀🥵！哩度點餐都算幾方做，掃下 code📱，就可以揀心水食物。😍$50內就有一碗兩餸拉麵👍，仲要喺可以點黑蒜油豚骨湯底/地獄赤火。其實$48兩餸哩個價錢，喺九龍區食到拉麵都算幾抵，而且份量都唔算少。值得一提，哩度出餐都算快👍。落單後十分鐘左右就陸續出餐，對於行到又攰又餓嘅我嚟講，真係好想快D快D開動🥢。我點左個 糖心蛋、日式叉燒、芝心丸烏冬配鰹魚昆布湯底。糖心蛋仲係好流心嘅狀態，日式叉燒又唔會好乾身，都幾好食😋。湯頭都好好飲，唔經唔覺飲左一半，而且飲完都唔會口乾想飲水。同事點左 切絲油揚、日式腐皮、大根關東煮蒟蒻面配鰹魚昆布湯底。同事話D大根好淋好入味，十分推介👍，而且蒟蒻面量份十足，食到佢好飽，乜嘢氣力都補充曬。除左主食，我哋仲點左D炸物，廣島蠔同炸一口芝心。佢地嘅炸物，我哋一致認為炸得好好鬆脆。小小提醒⚠️，食炸蠔是記食小心D咬落去，因為入面好juicy，會噴到成身汁。冇錯！我中左獎呀😅！所以必須溫馨提示下。 (相片有D手震，所以就唔post啦～)另外，分享下偷聽到隔離枱點餐時的對話。😎靚仔弟弟推介友人：酒粕豚腩和照燒雞肉，話係店家自家醃製，值得一試🧐。唔知佢係咪常客，我只知我已經落左單食緊啦🤣！最後，如果餐廳可以推出餐套就好啦！大熱天時，點解唔做主食配飲品？😂 或者配小食都好😌…查看更多

去完Mikiki行街行咗一圈新蒲崗新蒲崗真係大把嘢食行一行行到出晒汗咁啱見到一間新開日式拉麵冷氣冷氣夠晒凍 坐一陣消吓暑食咗個芋絲，糖心蛋，黑蒜豚骨湯拉麵湯底濃郁 平民價錢鋪內都有10零個位可以坐一眼望晒 可能新開好忙…查看更多

前兩日，咁啱經過衍慶街見到以前粉紅水門雞飯執咗，而家係日式拉麵店，個感覺幾新鮮，同埋裝修都OK，最緊要係價錢唔算太貴，咁我就一個人去試下，日式車仔拉麵，都幾有趣，食物選擇都幾多， $48包兩款$5配菜，個人來講都幾平，因為出去食一碗麵都要78 88 98，相比之下呢度平好多。重點佢有我最鍾意食嘅芝心福袋😄😄😄😄先講麵底，佢有四款面可以揀，我揀咗蒟蒻麵，因為我好少見到有得食呢啲麵都幾新奇，食落好爽口，開頭望落以為好少，會唔夠食，但係之後越食越多咁嘅感覺😂可能因為個碗高，份量都幾足。10分湯底佢又有四款可以揀，我就揀咗黑蒜豚骨湯，加咗兩蚊，黑蒜味唔係好濃郁，但係個豚骨湯味道好好，食到底我都成碗飲晒😂😂 9分糖心蛋，非常入味，有流心 10分照燒雞肉，唔會硬，又吾似譚仔果d會好dry 咁，幾好食，直得推介 10分最後叫咗芝心福袋，但係店員話冇晒轉左年糕福袋，我都係好鍾意食，真係好少見到出面有得食，個人嚟講都幾鍾意食年糕，所以呢一個嘢對我嚟講係非常之好味🤣🤣11分店員同我講，佢哋會不定時更改Menu，另外佢話會再推出丼飯同多d小食，下次來希望有得食啦！😋😋😋今日真係好好彩🥰我一定會再嚟!試埋個紫薯甘栗薯餅😆…查看更多