三不館車仔麵 (巧明街)

營業中

休息中

講起香港街頭美食，車仔麵絕對係榜首。當然，有香港人會話係牛雜、碗仔翅或者其他，但絕大部份六七十年代非常普遍的推車美食已經絕跡街頭、未能成功入舖；惟獨車仔麵仍然屹立不倒兼入了舖頭，可說是奇葩。上個月，發現近兩三年的人氣車仔麵店【三不館車仔麵】原來在觀塘開了分店，今日就去試試。食過咁多間車仔麵，始終最鍾意都係灣仔【車仔麵之家】及元朗【永年士多】，也是不少香港人心目中的好味道車仔麵。【三不館車仔麵】作為後起之秀，大埔總店開業只有短短五年光景左右，如何突破重圍，吸引媒體及食客目光？首推其特色裝修。觀塘分店秉承其他分店的六七十年代裝修風格，甚至伸延到小店外牆 - 墨綠色門框配搭綠色主調紙皮石鋪切的外牆。這種今時今日被視為老土的顏色配搭及裝修物料，正正是六七十年代涼茶舖、冰室甚至唐樓家居的時尚裝修風格！室內裝潢充滿六七十年代風情。雖然並沒有一件真正屬於那些年的懷舊物件，但每一處地方的裝修用色、採用的字體、牆身的紙皮石及紅色燈罩加燈膽，成長於那些年的香港人一定會心微笑；80、90後一代就沒有那麼大的感覺了。全部都係那些年大排檔的摺檯摺凳，簡陋、地踎，但又有親切感。這兩塊招牌最抵死，用字生鬼又有趣。小

呢間車仔麵平時去大埔食開 估唔到呢度都開咗分店個咖喱魷魚必叫 次次都會食 雖然份量唔算好多 亦都唔算好惹味 但就係經典 不過佢個辣醬真係好好食 如果食得辣嘅話一定要叫 佢辣得好過

聽講平時呢度好旺場，咁啱今日12:00經過唔使排隊，就入去試吓。價錢合理，味道正常，但冇話好有驚喜。佢嘅鮮製油麵幾唔錯。其餘嘅餸就OK啦，加錢要嘅牛腩份量唔係太多。總括嚟講都係合格嘅，叫做喺呢一區多個選擇，呢度鋪面唔係太大，竟然有四五個職員，犀利犀利 收銀機應該係老闆娘，都好有禮貌。

食過大埔同旺角，味道係有自己俾自己嘅信心保證。平日見佢九排Z形，今日居然零人龍，當然就入去回味下。其本$37兩餸一麵，$46三餸麵。自己叫豬腸、咖喱齋、粟米豚肉餃子配油麵跟麻辣汁，承惠$50大元。豬腸實身，唔係淋款，唔騷，可惜最後疑似食到沙，「實實」聲。咖喱齋大大舊，炆得夠時間。餃子實身，肉厚，鍾意面粟米，香甜。油麵真要試，雖然叫油麵，一啲都唔油，無坊間嗰陣味。整體滿意，但男士應該唔夠飽，建議加底加餸。

可能唔少人都聽過呢間🤪大埔嘅馳名車仔麵 bookmark咗佢好耐但一直都嫌遠冇去🤣而家佢喺觀塘開咗分店 就去試試佢🤭.平日lunch hour排晒長龍不得不説佢唔系順序比啲隊入嘅😅我哋兩個人 但有3人枱就後面3個人先咁搞法都等好耐下🥲🔸三餸一麵 $46史努比見佢好多湯底都要加錢 麵又加錢同埋好貴呀加成$8出名啲嘅餸又要加 本身$46都唔系話好平 加加埋埋仲得了🥺最後史努比揀咗啲唔使加錢嘅湯同麵 其中一個配料就揀咗要加錢嘅😌👍🏿米粉(美顏清湯)米粉份量足嘅 一絲絲口感幼滑都唔錯試咗啖湯 清甜嘅😚唔系嗰啲好重口味嘅車仔麵同埋唔似msg👍🏿味道: 7.5/10👌🏿咖喱魷魚 +$5就系佢要加錢!魷魚爽彈有咬口🤪應該用咗水魷佔滿咖喱味好夠味~留意史努比話好夠味唔系好惹味😌原因系佢嘅咖喱汁連史努比都唔系好覺辣 反而系偏甜嘅 而且冇乜咖喱嘅香味🥺後來仲食到一件魷魚唔系好夠爽口😗對佢有啲保留~唔系話唔好食嘅但好普通再揀嘅話唔會加錢食佢~味道: 6.5/10.👌🏿豬紅呢樣系史努比基本上去邊度食車仔麵都會嗌架啦🤣總共有4件 味道正常 夠入味🤭炆到好淋 但史努比略嫌佢太淋啦😂冇咗豬紅食落少少Q彈嘅煙韌咬口感

I don’t care cart noodles 係充滿香港情懷的一間車仔面，現又殺入觀塘，係觀塘打工仔嘅朋友，又多一個選擇啦，平時觀lunch hour 每間餐廳門外，都排長龍，車仔面點又少得，車仔面同茶記一樣翻枱速度快。裝修同其他分店一樣都係用摺檯摺凳，充滿着懷舊感，具有特色。今次我叫左河粉，瑞士雞翼，咖哩魷魚。湯底係牛腩汁同古法辣汁，辣度可以自由選擇，雞翼好入味，河粉算偏幼身，但唔係好容易碎。茶記奶茶 正常水準，茶味香濃，口感亦算滑身。

觀塘新開左三不館車仔麵分店之前食過旺角嗰間已經覺得好好食今日即刻走去食12:30已經好多人排緊隊唔想等咁耐所以最好避過呢啲lunch time時間我揀咗四餸一麵清甜蘿蔔、芝士腸、醬燒豬頸肉（+$5）、蝦條卷我就鍾意食佢個金牌麻辣汁（中辣）如果驚唔夠辣枱上面有金牌麻辣汁可以自己之後再加蘿蔔好清甜亦都好推介醬燒豬頸肉肥瘦適中我每次食都必點蝦條卷就正正常常冇乜太特別另外唔想食麻辣嘅話，可以試吓呢度嘅濃香沙嗲湯底📍三不館車仔麵 (巧明街) (觀塘)觀塘巧明街104號地下A4號舖

經過比綠色復古的門口吸引視線🟢店內牆上掛滿懷舊招牌💈還擺滿舊式陳列品🧺裝潢佈置充滿香港情懷😌仲播住經典懷舊金曲🎙️令人感到老香港風味而車仔麵配餸選擇多元化1.自選三餸一麵🍜5條手打魚肉口感彈牙，3片醬燒豬頸肉(+$5)香口肥瘦均勻，3片咖哩魷魚(+$5)非常爽口，但基於要加錢都係只有3片覺得份量有啲少，揀左濃香沙嗲湯底(+$8)好似擔擔麵的味道，但忘記選擇辣度，好彩枱上有金牌麻辣汁可自行調味，感覺有少少麻夠惹味，配鮮製油麵食落煙韌彈牙😋2.自選三餸一麵🍜5粒陳皮魚蛋，2隻瑞士雞翼炆得入味，2條蝦條卷味道不過不失，粉麵揀左米粉，配招牌鮮茄湯底(+$8)，用新鮮蕃茄蓉一齊去煮鮮甜濃郁，建議加入辣菜莆令味道更有層次整體味道唔錯及價錢親民，下次會再幫襯試埋其他車仔麵配餸及小食🥰

下午茶時間，經過巧明街見到三不館係觀塘新開。可能新開，個人覺得門口比較唔太顯眼。個人係車仔麵愛好者，車仔麵餸固然重要，湯都重要，有食過有啲係普通湯加好多辣椒油先有味。多數揀河粉因為比較索湯，可以連埋湯一齊飲埋。三不館可以揀 兩餸一麵$37 /三餸一麵 $46/淨餸四款起。每位最低消費兩餸一麵，湯款都有七款比你揀。我就揀左瑞士雞翼，醬燒豬肉+$5配河粉 配牛腩汁小辣湯底飲落清甜，但對我口味較重嘅黎講，牛腩汁唔夠突出，可以更濃，小辣唔太辣。枱面有麻辣椒醬同菜甫可以加。瑞士雞翼有兩隻，食落都夠入味，唔會咬落過淋。豬頸肉有三舊，幾嫩唔會好韌亦都夠入味。食完整體覺得正常，下次有機會可能試沙嗲湯。另外有叫杯凍奶茶 跟餐 $12飲落奶味濃茶底偏澀。

成日都見到好多人排隊，今日終於試到。果然名不虛傳首先第一件事就係食物質素要好，睇到佢啲食物係靚靚仔仔。種類多又新鮮好味。賣相唔使講睇圖就見到飲埋嘢四餸$72我自己就覺得OK

今日早咗返觀塘，特登去咗試吓呢間成日門口排隊嘅車仔麵，因為佢入邊地方唔算大，所以都唔明白點解成日要排長龍嘅。觀塘都有另一間好出名嘅火雞姐，我都有試過，不期然就會將呢兩間去做對比。先講裝修方面啦，佢哋鍾意懷舊香港啊舊式嘅鋪佈置裝修舖頭其實係有feel嘅，同埋都係坐嗰啲摺凳，木板枱逼逼地咁，但都OK嘅勝在夠冷氣🙌🏻因為佢嗰啲餸比一般店多的肉可以叫，所以我寧願加多少少錢試吓嗰啲特色嘢，例如麻辣豬手，咖喱魷魚，魚春卷👍🏻 湯個方面我淨係叫咗嗰個辣汁同埋牛腩汁，湯底嚟講都算好夠味。我上面提過豬手同魷魚，呢都好食嘅值得叫👍🏻👍🏻👍🏻 因為豬手呢佢都至少有兩大嚿多肉㗎，咁我覺得幾好☺️ 啖啖肉佢嘅麵底唔係好多，如果我唔係有豬手嘅話呢，我都會覺得份量唔係好夠。即使我朋友係比較細食佢叫米粉啦叫啲比較清嘅魚蛋啊蘿蔔啊嗰啲餸呢佢都話其實食完呢，可能都要食返個下午茶🤪我哋冇加嘢飲呀，不過我見佢有啲餸呢都話缺貨可能佢哋新開張人手又未算好充足，可能lunch time都未可以叫凍檸茶因為都切唔到 🤔但係總括而言，我都覺得值得推介嘅建議大食嘅朋友仔可以加底啦，或者叫多幾個餸。佢係值得再去嘅👍🏻👍🏻👍🏻因為你去完第一次