影片
營業時間
今日營業
11:30 - 21:30
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
又去了三不館點了三餸麵三餸麵的味道很不錯, 這次比上次更好吃, 因為這次的豬頸肉燒得很香, 想不到頭尾兩端的反而吃起來更香, 因為表皮的部份更多, 那是風味的來源, 我喜歡它的醃料, 相當夠味和惹味。豬頸肉的肉質很好, 很嫩, 有咬口, 油脂分佈平均得來吃起來又不油膩, 我喜歡, 而且沒有豬羶味和腥味, 浸入湯中後都仍是有它惹味的部份, 不會味道變得很淡, 相當好吃, 難怪說是招牌。咖喱亦入入味, 不只是魷魚的表皮有味, 所以相當有水準。它是那種爽口的水魷, 彈牙, 新鮮好吃。
繼續閱讀
三不館車仔麵放工嚟開新蒲崗食嘢 見到三不館車仔麵喺萬迪開咗分店 其他分店好多時都唔啱路未試過🫠 車仔麵控難得遇到即刻試試😍四餸一麵盛惠57蚊 三餸一麵就48蚊 唔包嘢飲 同區嚟講就真係幾進取🤨湯底我哋試咗美顏清湯 腩汁 同金牌麻辣汁 結論係麻辣汁最惹味🔥 枱面都有擺麻辣汁 所以其實可以嗌其他湯底再自己加麻辣😉屋企人幾滿意個粗麵麵餅👍🏻 滑身爽口 話幾有以前嘅味道 😚金牌麻辣豬手 醬燒豬頸肉 秘滷雞翼尖 瑞士雞翼餸嚟講 豬頸肉都幾推薦🫡 真係有燒烤出嚟嘅感覺 外皮脆脆地👍🏻 瑞士雞翼肉質彈牙 醃得入味 幾好🤤 豬手屋企人就話硬咗啲🫣懷舊牛腩 咖哩魷魚 豬皮 蠔油冬菇都有嗌啲經典車仔麵餸🙂↕️ 呢啲基本款一致做得幾好 穩打穩紮💪🏻 尤其係牛腩同冬菇 好入味啱我心水🥰胡椒豬肚丸 蝦條卷 炸枝竹呢幾款就唔太特別 未必會encore🥱整體嚟講味道係唔錯 不過價錢喺新蒲崗嚟講算偏高 久唔久可以encore😙⛺️三不館車仔麵 @idontcarenoodles @idontcarespk📍新蒲崗大有街3號萬廸廣場1樓C號舖
繼續閱讀
呢排新開萬迪廣場嘅車仔麵舖頭喺外面成日見到都成日滿客，而且裝潢都幾昅晴～吸引到我入黎試下🥰.揀左兩餸一麵 $39叫左滷水雞翼+豬頸肉+河粉平時鍾意食米線多啲，但呢度暫時冇米線✅豬頸肉係醬燒嗰一款 唔柴幾好食✅雞翼食得出佢係有用滷水醃過好耐 味道啱啱好而且河粉煮到啱啱好 唔會太生又唔會一夾就斷有一次外賣拎走，就算唔分湯，啲面都唔會吸晒啲湯.同埋佢而家淨係收現金支付～如果要電子支付可以scan呢個code～
繼續閱讀
見到新開同裝修有特色決定試吓。可能用懷舊風，摺枱摺凳坐得唔舒服，環境算乾淨，服務亦ok，點咗七個餸每樣要$10，豬皮得三鬼，大腸得四舊，兩年細芝士腸得兩條，豬紅得四舊，講真個性價比真係好低，貴到一個點。另外點咗一個麻辣皮旦小食，收$ 30有六舊，又係食水係咪深咗啲呢？整體味道合格但又唔覺得好出色，咁嘅價錢咁嘅質素咁嘅份量，夠膽係新𥮉崗開勇氣可加！希望佢做得住啦，但我自己講真就唔會再幫襯嘞，大家有興趣就即管試一試亦無妨。
繼續閱讀
行過街角望上一樓，俾一個搶眼嘅懷舊霓虹燈光吸住咗眼球！呢間專賣**車仔麵**嘅小店，唔係普通茶餐廳格局，而係成個設計 **「回到過去」**，十足以前流動鐵皮車檔嘅復刻版！綠灰瓷磚、鐵閘、舊式摺枱，十大武器之首摺凳，仲有掛住嘅經典嘅廣告牌... 未食麵，個心已經暖咗一半——呢啲咪就係我哋細個嘅集體回憶囉！坐低嗌碗麵，先至係戲肉！老闆話佢哋專登搵返好多 **「老香港」車仔餸**，唔係淨係得個樣，味道仲要 **「懷舊得嚟，好食到拍手掌」**！ ** 豬骨、雞湯底：** 絕對係靈魂！一上枱，陣陣濃香撲鼻，個湯底 **「黐脷」得嚟唔會死鹹**，明顯係真材實料、慢慢熬出嚟嘅滋味，唔係味精水。淋喺麵上，掛湯力一流！**招牌麻辣豬手、大腸、豬皮、雞翼、蘿蔔都好好味** 呢度嘅食材係我近期食過嘅水準之作！麵底我揀咗 **「油麵」**，同個湯汁簡直係「天作之合」！煮得啱啱好，**「彈牙有咬口」**，唔會淋pat pat。**「索」盡湯汁**，咬落去 **「爽而不韌」**，完全冇油膉味，仲帶少少彈牙，食得出係用心處理過，正到暈！成碗麵食落，唔單止係醫肚，直頭係一場 **「味覺時光旅行」**。由個復古擺設，到每樣經典嘅懷舊餸菜，同埋果份唔花巧、真材實料嘅濃香滋味，都令人諗起細個喺街邊「掃街」車仔麵嘅快樂時光。老闆冇吹水，佢哋真係將 **「懷舊」同「好味」** 完美結合咗！**總結：如果你係情迷舊香港味道，或者想帶朋友體驗下正宗嘅懷舊車仔麵風情，呢間絕對值得專程去！佢唔止賣個樣，啲餸菜真係 **「懷舊得嚟，十分好味道」**，湯底濃郁，餸料有質素，整體水準令人驚喜，價錢公道。食完唔止飽肚，個心仲暖笠笠，充滿回憶！**「好食、有情懷」**，絕對係懷舊車仔麵之選！缺點：懷舊到，只係收現金，好似有啲唔合時。
繼續閱讀