三上日本料理 (已搬遷)

深水埗買東西，經過大埔道，看見門口寫著『午市免收加一服務費』，環境也不錯，反正都未試過，就隨便點了烏冬、壽司、刺身和飲品，味道挺好的，價錢也不貴，二人埋單都是$370，出餐時間算快，服務也很好，值得一試！餐單紙上印了壽司大圖鑑，介紹壽司種類和正確食法，十分專業，食了一餐好像上了一課一樣，非常實用。壽司定食10件$68，價錢很划算，非常鮮味。芒果蟹籽沙律$68，蟹籽份量算多，沙律配上鮮甜的芒果，健康又好味。築地12切刺身定食$98，刺身非常新鮮，鮮甜。豬軟骨茄湯烏冬$56，蕃茄味濃郁，豬軟骨軟腍且滑，烏冬都幾爽口。鹽燒雞翼+$8、大蔥雞肉$20、京蔥燒黑豚腩$28，火候剛好，又香又惹味！跟餐特飲$12 - 凍綠茶檸檬梳打、凍日本鮮白桃汁(桃味濃郁，好味道)…查看更多

一行五人，原毛係訂左隔離間日本料理，點不知佢話電腦壞左唔做生意，所就黎左喱間食．朋友係會員，所以都好快有位安排到俾我地．有ｄ食物要會員價先平，我地分兩轉叫，叫左成枱都係食物，服務員都好勤力咁幫我地加水．三文魚刺身：雖則睇個樣唔係太新鮮既feel，但就肥而甜．焗帶子：用錫紙包住雜菇，帶子焗，一開就牛油味散發出黎，好香好入味．咖哩薯仔反卷：食落係有ｄ膩，但又真係幾好食．炸蝦Tempura：蝦細隻，只落一層既炸粉，不會厚厚的，唔錯．芝士炸蝦反卷：上面層cheese烤過，好正．壽司拼盤－蟹子壽司，鰻魚壽司，蝦壽司，三文魚壽司，鮮帶子壽司，炸蝦反卷，蟹柳反卷：overall都唔錯，but個壽司飯握得唔實，一夾就散晒．芒果炸蝦反卷：芒果酸而開胃．豆腐（唔記得個名）：好滑又好入味．…查看更多

1行5個人....1人1個set lunch....2個壽司定食....38@1個燒鰻魚拉麵...45@1個汁燒豬軟骨拉麵...40@1個海鮮鍋定食...45@海鮮鍋定食樣樣餸都打孖上....呢個價錢真係足哂料有多....唔洗食佢碗飯都飽到反肚....佢個湯底就普通左d....冇咩驚喜....味道似濃湯寶個魚湯味....小食:烤蠔反卷呢個食跟餐唔洗加錢的....質素同元朗分店ge差唔多....個烤蠔味道都幾重蠔味...比一般壽司店更香口....其餘4個冇食到...不過見全部份量都好多....其實下次3個人share 2個餐都夠哂....1人1個餐變左冇得散叫壽司....因為真係食唔落環境佢有一間間細房....所以冇大堂個面咁嘈....唔錯....:)衛生個d 豉油碟唔知係唔係放得耐有塵...同埋個地下都有少量垃圾....衛生方面真係有待改善!服務不過不失喇...明白食飯時間會唔夠人手.....不過坐房要叫人黎就唔係咁方便.....真係要見有人係門口就大叫定先....冇人行過就要行返出去叫人黎....效率較低....但服務人員個態度就冇咩特別....…查看更多

今日放工同大B想食日本野, 咁耐無去, 唔知點呢?!?!?!嘩!! 真係加哂價, 以前$68有三文魚+牡丹蝦(各6件), 而家$60 -> 8切, 但都可以接受... ...但份量真係比以前少咗一半, 以前大大件, 而家細件到好似螫司嘅三文魚, 好彩都夠凍又肥美:)而且, D壽司質素真係比以前差太遠喇~以前, 平靚正, 80分 ; 現在, 物非所值, 50分 !!我諗, 短期內都唔會再去喇~:(…查看更多

在偶然的情況下，跟朋友去到深水埗的三上吃午餐。點一客什錦壽司拼盤，另加個天婦羅套餐，二人分享。壽司拼盤含三文魚、鰻魚、蟹籽、赤貝、鱆紅壽司，以及加州卷。飯糰都握得可以，起碼實淨，不容易散。不過材料就差一點，如三文魚唔夠肥美、赤貝不爽脆，因此只屬一般。天婦羅要好些，粉漿不過厚，炸得香脆，唔會太油。炸蝦吃起來爽口，南瓜清甜，我也不理熱氣，食左唔少。跟餐原本是配冷烏冬，但剛剛售罄，唯有轉冷麵。拿了出來，服務生才發現沒加紫菜，又攞番入去，可以多留意這些細節位嗎? 吃下，麵條不夠凍，稔稔的，沒什麼咬口，不好吃。始終吃麵，還是去專門店吃比較穩陣。水準不算很好，但幾十蚊貨仔，不能挑剔太多。…查看更多