七福神和食亭

營業中

休息中

朋友帶我來新開張元朗居洒我，裝潢帶濃厚日式風情，餐牌選擇有套餐散叫，先來一杯麒麟啤酒啤一下🍻刺身⭐️海膽半版，份量不欺場，金黃色澤，入口即化，柔軟順滑，配上壽司飯跟紫菜，一絕！深海池魚口感彈牙，鮮美濃郁。赤身肉質厚實帶嚼勁，口感清爽帶自身魚香。三文魚油香滑嫩帶淡淡甜味，以優惠價加配壽司非常抵食！軟殼蟹手卷外脆內嫩，口感豐富有層次，蟹肉鮮美加上脆脆紫菜更有風味。蟹味噌甲羅燒配鱈魚乾炙燒帶出濃厚咸鮮香味，入口黏稠滑膩，配上烤至香脆可口的淡香鱈魚乾，多重享受，口感平衡，要多叫一份來配啤酒🍻⭐️柚子胡椒豚肉炒野菜柚子味清爽帶微辣胡椒加上油脂豐富嫩滑豚肉，香氣四溢，跟清脆野菜完美融合，解膩又健康！唐揚蝦炸得均勻酥脆，一口炸衣一口鮮美蝦肉，下酒菜非他不可。串燒五品盛盒燒雞翼香脆惹味，日本青椒仔甜辣過癮，金菇肥牛卷搭配得宜，既有油香又帶爽脆，燒冬菇濃厚多汁，不少得脆口雞軟骨，滋味滿足！絕對要支持的一家特色居酒屋，濃厚人情味的店員，上菜速度快速準確，不同時段有優惠價加購限時推廣美食，會再光顧！😋😋😋

同朋友去了這間位於元朗西裕街金福閣地庫嘅七福神和食亭食飯，餐廳闊落，座位舒適，現在做緊優惠，當中推廣嘅食品份量足，價錢抵食，包括外皮炸得金黃酥脆，豬扒厚身但唔韌，肉汁豐富嘅吉列豬扒；放滿了蟹柳絲同青瓜絲配埋蟹籽爆汁帶鹹香嘅蟹籽沙律入口清新；還有芝士味濃郁，口感綿密滑順，甜度適中，唔會膩嘅熔岩芝士蛋糕加埋杯口感醇厚，帶有麥芽香與啤酒花的芳香和微苦嘅麒麟生啤酒，真係人生一大樂事另外再追加了鮪魚壽司，一次過滿足，鮪魚壽司口感由滑嫩到油潤，層次分明，配上微辣芥末醬油更能突顯鮮味七味軟殼蟹卷，以飯卷包裹外脆內嫩軟殼蟹，口感豐富蟹味噌甲羅燒配鱈魚乾，蟹膏味道香濃撲鼻，配上香脆鱈魚乾，一啖入口真係回味無窮朋友推介大板燒醬油豚肉炒麵，炒麵香口惹味，豚肉片厚薄適中，醬油味濃而不死鹹，份量十足壽喜燒牛肉烏冬，在鐵鍋內牛肉吸收壽喜燒醬汁精華，甜鹹平衡，最後加埋烏冬，吸收了湯中精華入口滑溜彈牙最後甜品就係柚子生忌廉吉士芭菲，清新解膩，兩個柚子芭菲球，柚子味香濃，忌廉滑順唔膩口，吉士層次分明，係完美句號

是日百年一遇既成日黑雨日,不過朋友係要見架,所以我地朋友當然照出去吃晚餐啦。是日約好去元朗七福神和食亭吃,座位夠晒濶真係坐得可以舒舒服服。一落樓梯已經見到有幾個糖果櫃俾食客取來吃。我們叫左一個2人餐入面有鮮海蝦味噌湯，煙鴨胸凱撒沙律，大蝦天婦羅，瀨戶鰻魚炒飯，清酒煮海蜆，刺身四品盛，網燒安格斯牛扒，海膽蟹肉茶碗蒸，生忌廉吉士銅鑼燒。再散叫左蟹籽沙律，炸雞軟骨唐揚，串燒5品盛食，軟殼蟹手卷，鹽燒三文魚頭再加埋飲品麒麟生啤酒，信州蘋果梳打。鮮海蝦味噌湯：日本菜必點,保持水準加上蝦夠鮮味,正呀。煙鴨胸凱撒沙律：大大塊鴨胸,沙律同樣都大大碟。大蝦天婦羅：大蝦天婦羅即炸夠香脆又唔會油膩。瀨戶鰻魚炒飯：飯炒得粒粒包著醬汁,而鰻魚香口。清酒煮海蜆：用清酒經過烹調下酒滲入鮮甜嫩口蜆肉之內。刺身四品盛：三文魚刺身真係夠晒厚切,口感十足之外豐富的油脂香氣更加好味道。甘蝦蝦肉非常新鮮入口鮮甜。網燒安格斯牛扒：外面香口而入面唔會過火保持著嫩口感加上醬汁更加好味道,而且鎖住了肉汁。海膽蟹肉茶碗蒸：海膽同蟹肉鮮甜再加上夠晒滑的蛋熱食一流。生忌廉吉士銅鑼燒：忌廉滑身,又唔會太甜,連埋餅一起吃更加正。蟹籽沙律：鮮美十

今日成一半日都係黑雨但無阻我地同朋友去聚會。今晚到元朗七福神食晚飯，好快就安排好座位。今晚點了七福神晚市二人前：（鮮海蝦味噌湯，煙鴨胸凱撒沙律，刺身四品盛，網燒安格斯牛扒，海膽蟹肉茶碗蒸，清酒煮海蜆，大蝦天婦羅，瀨戶鰻魚炒飯，生忌廉吉士銅鑼燒）軟殼蟹手卷，蟹籽沙律，炸雞軟骨唐揚，串燒5品盛食，鹽燒三文魚頭，麒麟生啤酒，信州蘋果梳打。鮮海蝦味噌湯-蝦夠鮮甜好味道，湯唔會太濃味 。煙鴨胸凱撒沙律-新鮮蔬菜食落令人清新，煙鴨胸都好味道。刺身四品盛-4樣刺身都夠新鮮香甜。網燒安格斯牛扒-份量都好多，牛香十足又唔會太肥。海膽蟹肉茶碗蒸-海膽鮮甜，蛋蒸得香且滑。清酒煮海蜆-清酒煮入鮮甜海蜆之內令到海蜆更加顯出鮮甜味。大蝦天婦羅-大大隻蝦炸得時間岩岩好，而且脆漿唔會過厚。瀨戶鰻魚炒飯-鰻魚份量都幾多，而個飯係炒得好香。生忌廉吉士銅鑼燒-食飽飽再食埋依個甜品就完美了。餅鬆軟加上紅豆少少甜非常夾。軟殼蟹手卷-有少少七味粉在上面令到手卷更加惹味。軟殼蟹熱辣辣非常香口。蟹籽沙律-個份量真係非常之大，勁抵食。蟹籽多到你唔信，入面仲有蟹柳，青瓜蔬菜令人食得清新既感覺。炸雞軟骨唐揚-粒粒脆口好味道，金黃色賣相加上

七福神散發濃厚的日式風情，牆上掛著櫻花樹下的富士山，仿佛置身於日本。安坐於舒適卡位，價格親民，環境清靜，慢慢品嚐美食，享受與朋友聚餐的時光。芝士焗天火蠔 $90焗蠔是必點推介，芝味窩心，蠔身表面焗至金黃，內裡填滿半溶的芝士，用匙羹挖開，蠔肉軟嫰肥美，肉汁鮮甜，加上濃郁的芝士，香氣誘人! 金龍蝦飯卷 $60飯卷包裹著香脆的蝦肉，搭配沙律醬及蟹籽，鮮香惹味，口感豐富。雜錦蝦天婦羅 $85天婦羅擺盤吸引，除了酥脆爽彈的大蝦，南瓜純樸清甜，茄子炸至油潤可口，還有冬菇及秋葵，脆卜卜滋味。海膽蟹肉茶碗蒸 $38茶碗蒸熱燙燙，滑不溜口，蛋香濃郁，蟹肉柔嫩，海膽的鮮香滲進蛋中，口感順滑，十分回味。板燒蒜片牛柳粒 $98牛柳粒以鐵板盛上，外焦裡嫩，蒜香撲鼻，口感軟腍，加上脆卜卜炸蒜、香甜洋蔥絲，令人垂涎。壽喜燒牛肉鍋燒烏冬 $108牛肉柔軟，肉味香濃，吸收了香濃的壽喜燒，煮至甘甜，沾上蛋黃汁，散發迷人肉香，質感更順滑。彈牙的烏冬，掛上牛肉濃湯，加上豆腐、娃娃菜、冬菇等，豆腐軟滑可口，䁔笠笠。桃味雪糕 $35綿密的水蜜桃味雪糕，入口果味洋溢，帶來清涼的夏日風味。香桃荔枝梳打 $46梳打氣泡感十足，濃甜蜜意

✨日系風滿滿的居酒屋體驗✨一入門就感受到濃濃日本味，裝潢走傳統和風路線，空間感十足，仲有一幅描繪日本街道嘅壁畫，真係好有代入感，彷彿置身東京小巷🍶🌸🍽 今次試咗幾款推介菜式：- 🐟 活刺身盛合（三號）$238赤身、三文魚、深海池魚、甘蝦、帶子任選，刺身厚切啖啖肉，鮮味爆燈！- 🍣 雜錦壽司定食（松）$108鮭魚、中拖羅、平目魚、鰻魚、甘蝦、油甘魚、八爪魚、海膽各一，款式多樣，口感層次豐富，壽司控必試！前菜有麵豉湯同沙律 甜品仲有綠茶蛋糕👏🏻- 🍳 自家製玉子燒 $45甜度啱啱好，口感滑嫩，食得出係自家手工製作。- 🍚 鰻魚炒飯 $88炒飯粒粒分明，鰻魚香氣撲鼻，鹹香惹味。- 🍙 鹿兒島鰻魚飯團 $58飯團外脆內軟，鰻魚油香滲入飯粒，簡單但好味。- 🍗 炸雞軟骨 $50 + 燒雞翼 $55炸得香脆唔油膩，配啤酒一流！🥤 飲品方面：- 綠茶Latte 牛奶同埋綠茶係分開呈上 $38 奶味較重有微微綠茶香。- 日本直送柚子梳打 $36 帶有天然果香，好飲得嚟唔會太甜整體嚟講，環境舒適，食物水準高，價錢合理，係元朗區一間值得回訪嘅日式餐廳💯

這家餐廳的CP值超高！不僅價格實惠，餐點品質也相當出色，非常推薦！ 我們點了 午市SET-B套餐，份量比預期還要豐盛，包含炒時蔬、刺身拼盤、酥脆的吉列豬扒、香氣十足的鰻魚炒飯、嫩煎牛柳粒，還附兩碗湯，完全足夠2-3人分享，非常超值！ 火炙帶子壽司🍣和 火炙左口魚邊壽司🍣也令人驚艷，帶子厚實鮮甜，左口魚入口即融，炙燒香氣十足。 🐟鮪四味拼盤（$68）一次能品嚐到鮪魚不同部位的風味，很適合喜歡吃鮪魚的。🦪小食芝士焗蠔（$90/3隻），蠔肉飽滿，搭配濃郁起司非常過癮。 🦀蟹味噌甲羅燒搭配鱈魚乾更是絕配，蟹膏鮮香濃郁，佐以酥脆的鱈魚乾，層次豐富。 🍹荔枝香桃桃打，清爽解膩性價比高，絕對會再訪！超抵食！而且質素好！超級推薦‼️

📍#七福神和食亭 (元朗) 元朗西裕街5-11號金福閣地庫♡人均消費: $799 @ 2▪️▪️▪️▪️▪️▪️▪️▪️▪️▪️▪️▪️▪️▪️✨#油甘魚三文魚金蝦中拖羅帶子💰$218 油甘魚有鮮味 三文魚有油脂感，金蝦嘅口感彈牙，中拖羅同帶子都有鮮味。✨#活赤貝💰$70 赤貝肉質緊實，有少許甘甜，配上少許檸檬汁更出色。✨#清酒煮大蜆 💰$88 蜆肉質鮮嫩，清酒嘅香氣將蜆嘅鮮味提升，湯底清淡卻帶有酒香。✨#魷魚鬚唐揚💰$68 魷魚鬚炸得金黃酥脆，外皮脆口，魷魚肉質鮮嫩，咬落去有嚼勁。✨#海膽蟹肉茶碗蒸💰$38 茶碗蒸嘅口感滑順，海膽帶來嘅濃郁味道同蟹肉嘅鮮甜配合得恰到好處✨#壽喜燒牛肉鍋燒烏冬 💰 $108 牛肉肉質軟嫩，配上甜甜嘅壽喜燒醬，不錯，鍋燒烏冬吸收咗湯底嘅精華，口感滑溜。✨#鰻魚炒飯💰$88 炒飯嘅米粒分明，鰻魚肉質鮮美，簡單又好味，係幾唔錯嘅主食。✨#士多啤梨乳酸沙冰💰$48 沙冰清爽，士多啤梨嘅酸甜味唔會太膩，口感輕盈。

相信住系元朗有一段長時間既人都應該有聽過七福神呢間日本餐廳，以前以平民價錢為賣點，所以食物質素同價錢成正比，之後執左。最近發現七福神好似從出江湖，不過吾知同前身個間系咪一樣，不過我就知道佢既質素幾好，價錢吾算太貴！鮪4品 $68限定優惠，68蚊有哂拖羅4款食法，質素吾錯！大蝦天婦羅 $886隻大蝦，炸得幾好，炸粉薄，蝦肉彈牙，而且炸出黎無咩油。鹽燒油甘魚鮫 $88一份2件魚鮫，好多肉，啲肉夠結實，值得一提佢個魚皮燒得好香脆，一啲都吾油膩。網燒牛扒 $138呢個有驚喜！原本以為會好細份，點知上枱好大份，叫左7成但啲肉仍然好軟嫩，牛扒下面有好多炒香左既洋蔥，配埋熱辣辣既蒜蓉醬一齊食好yummy！大阪燒醬油豚肉炒麵 $92日式炒麵用左幾多配料去炒，有三色椒、菇菌等，大阪燒醬汁吾會好咸，略為多左少少油。熔岩芝士蛋糕 $45呢個非常推介！！以為系普通芝士蛋糕，點知個質感好幼軟，吾系硬身芝士，而且表面用火槍輕輕燒灼過，所以更好食！

之前係佐敦食過好食，元朗開左分店緊係要試下～日式裝修簡約舒適，位置寬敞蟹籽沙律（大）🥗必叫😂呢款係史上最大碗嘅沙律，5-6個人食都得～滿滿嘅蟹籽、爽甜的青瓜絲，配上沙律醬同底層嘅蔬菜絲，最適合餐前開胃菜鐵板燒牛舌厚切大塊牛舌，口感彈牙，肉質鮮嫩魷魚鬚🦑平時食開都係一兩條細舊魷魚鬚，但呢到係重本原隻一大舊，即炸又熱又香脆，口感彈牙什錦蝦天婦羅🍤賣相一流，有大蝦、青椒、南瓜、茄子，炸得酥脆香口，配上微酸嘅醬汁，唔會油膩壽喜燒牛肉烏冬🥘壽喜燒湯汁濃郁，牛肉份量多，鍋裡有蔬菜、豆腐、雜菌～附上烏冬同生蛋，可以沾蛋液食🤤海膽海鮮炒黃金飯海膽、青口、魷魚等，十分足料！大大份炒飯炒得乾身又惹味鮮柑桔青提子梳打🍊香甜的青提子梳打(仲有青提子啫喱)搭配柑桔，啱晒夏天爽口解渴芝士富士山乳酸梳打🗻打卡able💙咸香味嘅芝士奶蓋配乳酸梳打好match，唔會好甜柚子生忌廉吉士芭菲🍨簡咗呢款飯後甜品有驚喜！酸酸甜甜嘅柚子味雪糕同柚子肉，配搭玉米脆片同吉士醬又幾夾

今次朋友帶左一間燈光暖暖、木系裝潢嘅日本居酒屋，坐低即刻有種置身日本嘅錯覺！🇯🇵📌小食✨蟹味噌甲羅燒配鱈魚乾 🦀蟹味噌濃郁得黎唔會太膩，配上香脆嘅鱈魚乾📌串燒✨特大魷魚串 🦑🔥燒得外層微焦香脆，內裏嫩滑多汁，仲有陣陣炭燒香氣，強烈建議一人揸一串！😎📌海鮮✨西京燒銀鱈魚 🐟魚肉嫩到入口即化，西京醬嘅甜味同魚油香融合，表面微焦，食完仲有陣陣回甘✨香辣海鮮鍋湯烏冬 🍲🌶️湯底微辣開胃，滿滿海鮮料 - 鮮蝦、蜆、魷魚！烏冬吸晒湯汁，Q彈入味📌壽司、手卷🍣🦀✨芝士天婦羅蟹卷芝士香濃包住外層天婦羅，炸得金黃酥脆✨金龍蝦反卷岩岩炸起嘅蝦被捲係飯裡面， 表面還放滿瀑布般嘅蟹籽✨蝦天婦羅蟹手卷炸蝦香脆，蟹肉鮮甜，紫菜同醬汁一齊入口，口感同味道都match✨軟殼蟹手卷軟殼蟹炸到外脆內軟，配搭醬汁同紫菜，2、3啖就KO✨火炙蟹棒壽司火炙過嘅蟹棒香氣四溢，入口微焦香同蟹肉鮮味融合✨蟹柳壽司 & ✨玉子蛋壽司蟹柳鮮甜，玉子蛋軟滑香甜，兩款都係經典之選📌甜品🍰✨焦糖芝士蛋糕🧀🍰芝士濃郁得黎唔會過膩，焦糖嘅香甜入口即化✨柚子生忌廉吉士芭菲🍸柚子嘅清新酸甜解膩，生忌廉同吉士軟滑📌飲品🍹✨鮮柑桔青提子梳打🍊💚🍇酸酸甜甜，

七福神和食亭終於喺元朗開咗分店，地點係金福閣地庫，要行一層樓梯落去，不過都幾有日式氣氛。一入去，感覺偏西式，最裏面就係地道居酒屋Feel，座位闊落坐得舒服✨。什錦蝦天婦羅 大大盤，即叫即炸，大蝦彈牙，炸粉又夠薄唔油膩🍤。刺身方面，帶子、油甘魚、深海池魚，全部厚切又新鮮。麻辣風吉列大雞扒，份量驚人，雞扒大過手掌，外脆內嫩，麻辣粉味道惹味。🌶️飲品都好有驚喜！芝士富士山乳酸梳打賣相超吸睛，打卡一流又清新好飲😋，仲有少爺手工生啤，本地品牌，值得支持🍻。甜品方面，楓糖蕨餅彈牙又唔甜膩，牛角窩夫配生忌廉雪糕夠脆卜卜，好滿足😍！

元朗有間抵食又大份量既日本菜餐廳，除左食物大大份，餐廳也大大間，有好多座位，可以一大班人聚餐分享美食。雜錦壽司定食(竹) 有三文魚、赤身、季節魚、芥辣八爪魚、甘蝦、油甘魚、赤具、玉子，共八款壽司。壽司擺盤放在雀籠架上，很驚喜。定食包含味噌湯、沙律、小蛋糕，還附送忌廉蟹肉餅，非常抵食！雜錦壽司定食(松) 有三文魚、中拖羅、平目魚、鰻魚、甘蝦、油甘魚、八爪魚、海膽，共八款壽司。定食一樣包含了味噌湯、沙律、小蛋糕、忌廉蟹肉餅。我覺得忌廉蟹肉餅好好味，而小蛋糕係士多啤梨味。整個定食套餐份量十足，很豐富！網燒牛扒定食大大塊牛扒煎香，散上脆炸蒜片，食時再沾醬汁，啖啖肉好滿足，送飯一流！定食也包含了味噌湯、沙律、小蛋糕。清酒煮大蜆大蜆有吐清沙，安心食用，清淡酒香跟大蜆係絕配！海膽蟹肉茶碗蒸因為有海膽，所以叫左呢碗茶碗蒸食，蛋質滑溜，裡面仲有小菇。味噌燒蠔串一串有4粒蠔，用味噌做醬汁煎香。三文魚刺身甘蝦刺身刺身有好好用冰冰凍，食材新鮮。煙三文魚凱撒沙律沙律菜有多塊大煙燻三文魚，還散上芝士粉，不錯。焦糖芝士餅用追加價錢叫的芝士蛋糕，抵食又美味。青提子金橘梳打菊花蜜炎炎夏日必點的清涼飲品，飲完爽晒！