七拾玖十 (已結業)

這間小小店月底便結業啦😭 ... 且慢，不用難過，因為老闆只是想跳出元朗換大舖再戰江湖啫😌跟九十後老闆娘傾了一陣，發覺她充滿年青人那種躊躇滿志，並對拍檔的廚藝和自家出品的食物充滿信心。不過，當你細閱她的手寫餐牌時，還是會感受到小女孩的稚氣（Green object 後面仲要畫隻龜龜🤭😆）。今晚我選了 “好大個 Boston 龍蝦虎蝦蜜桃檸香牛角包伴薯條”，據老闆娘說是他們的 signature dish。看賣相頗為吸引，粉紅色心心，果然少女味爆燈😂。味道方面，牛角包及薯條都熱辣辣非常香脆，很好吃；至於餡料，則略嫌生洋蔥太多，龍蝦及虎蝦份量較少（可能是我太貪心😅），不過整體來說味道還是不錯。隨包附送沙律及紅棗薑茶，老闆娘特別介紹茶是用冷泡水慢浸十三小時而成的，全都是心機之作呀。這店雖然很小，坐得不算舒服，但有鋪天蓋地的文宣陪伴著，這一餐，其實吃得很愉快。臨走前，取了一套放在門口的文宣貼紙，希望不久將來老闆娘捲土重來，到時定必會再來作出懲罰🙌。

香港人從6月抗爭到而家，餐廳都分「黃藍」我就趁結業之前嚟幫襯。你入到餐廳門口就可以見到有好多貼紙同postcard型貼紙可以攞，都真係唔少款嘅！我唔貪心攞咗6張返去扎袋，場內餐廳連儂牆有米豬連同肥媽貼紙，好正吖！望下餐牌，食物種類唔算多，都仲有啲小食即炸物類。但可以講黃店力量好大，餐廳只得6張枱仔，我訂咗7點，坐到9點。成個過程都好多人打電話黎問有冇位啦，經過嘅人都唔少。由於因為係即煮，所以時間都要幾耐我記得我大約8:30到啦我就先可以食第一碟意大利飯。老闆話今日25號仲開心過生日喎，因為大家香港人都好滿意再投票選舉結果，所以全場贈送一杯『何已完』即奶蓋綠茶我叫咗炸芝士波波，意大利飯同埋一杯靈芝奶茶。靈芝奶茶係一個真空密實袋咁既，但係老闆娘話靈芝咖啡真係唔係個個頂得住好似中陽里咁個喎好似中藥咁。意大利飯我覺得多左啲水，不過呢餐飯主要都唔係味道，主要係要懲罰佢呀嘛。不過呢個牛角包就去食好多啦，個包好脆好香口，如果入面啲餡料再多啲就仲口感豐富！最後嚟個芝士熔岩蛋糕，自家製掂吖

可能因為準備結業，員工態度不佳。我們一伙人比預訂時間早了十分鐘到，侍應說因爲menu 不足，要我們自己拍照方便點餐，約五分鐘後想落單，但侍應以廚房未預備好為由拒絕落單，堅持至原定入席才落單。這方面我和友人覺得可接受。落單時，友人想叫餐牌上某樣食品，侍應說沒有，然後想叫另一樣，怎料又沒有，要再三選才有。我有點趕時間，但怎也想不到落單後等了一小時，食物仍未到，向侍應反映，侍應居然說：「你少來，如果你常來，應該知道 xx餐 是要等久一點。」 我心裏真有些生氣，「要等久一點」也不至於要等一小時吧！ 最後我和不趕時間的友人交換食物，她等 本來屬於我的xx餐，而我快快地食了本來她叫的餐就走了。我對侍應的服務態度很不滿。我現在又不是去澳洲牛奶公司，無預期有差的服務。食物質素其實不差；環境方面坐得很迫。

放工後想揾啲嘢食下但又唔想成日去啲大集團連鎖店食所以就去咗食啲小店估到嘉城廣場入邊竟然有一間食店，所以就去試下叫咗嗰All day breakfast，然後+$6加多嗰炒蛋因為嗰陣得一個人一腳踢打理間鋪，所以都等咗陣，不過唔緊要All day breakfast係正正常常咁，但個炒蛋真係炒得好好食同埋佢送嘅杯嘢飲都好好飲

閒日行下街係嘉誠3樓見到呢間輕食店，店面不大，播放著流行曲，輕輕鬆鬆食個下午茶先！有牛角包，意粉，沙律，炸物小食等等。*新鮮水果沙律爽脆的蘋果粒、清甜的水晶梨仲有好健康既紅肉火龍果。沙律菜拌著酸酸甜甜的沙律醋汁很開胃。*三文魚飛魚子牛角包呢個牛角包係即叫即焗架，大約要等3-4個字時間。除左呢款之外仲有龍蝦、黑松露沙蛋等等既口味可以簡。即叫即整牛角包超級酥脆配埋千島醬汁成件事剛剛好，每一啖都好食！另外附有餐飲蜂蜜烏龍茶都幾香。下次係附近行街行到黑累又多個地方坐下啦

睇到網上食評唔錯就親身黎呢度試一下，始終係小店而且係嘉誠三樓，搵佢都花咗唔少時間。但店員態度非常好，我地無預約，要等幾個字先清到枱，店員好有禮貌請我地等一等，我地係附商場兜咗一陣就有枱。睇完Menu，比網上食評少好多菜式，店員解釋返網上的大大塊牛扒係要預早特別訂的，想食的朋友要留意返預早訂定。雖然無牛扒食，但粉飯、小食都無令我失望。混醬薯條 - 薯條外脆內軟，同混醬非常match!另外嗌咗幾個set都唔錯，每個set都有杯飲品及前菜沙律。跟餐飲品 - 玫瑰綠茶 - 玫瑰味濃<3跟餐沙律 - 水準中上，個sauce幾match大蝦意粉  - 驚喜之作，蝦味濃厚煙三文魚牛角包配薯條 - 牛角包脆卜卜，但好容易食到周圍係食物質素中上，整體算得上超值，唯一一樣唔滿意就係位置太細，坐唔得耐，坐一陣就要走了。。。而且人手唔夠，想食的朋友請預留足夠耐性

三人行。到元朗覓好西。這小店真的很小，大約得4,5張枱，容納到13,14人左右。執枱，落單，煮野，上食物都係得2個後生女。所以唔好催啊。千島三文魚飛魚王子牛角包我無試，朋友話正常味道，牛角包好味。黑松露炒滑蛋牛角包配薯條一放落枱就聞到gas味，炒蛋都算滑。薯條，炸得幾脆口。一盒禮物all day breakfast（ 三文魚，煙肉，波波腸，漢堡扒，炒菇，牛角包，沙律）沙律入面有4粒青提子，感覺新穎。牛角包仔有好多芝麻所以好香口。炒菇比較碎，切得好細小。三文魚，煙肉，波波腸，漢堡扒，正常味，唔咸，無後加調味。

味道：西餐水準一流。食材新鮮，烹調，火喉，調味都拿捏得好好，食過佢地啲蕃茄蝦意粉，賣相=85，香味=99(好濃郁的蕃茄香)，味道=85，我既吃相=10。價格：性價比高。個意粉賣40蚊，算係做平民~中產生意，有啲野食貴啲，大約50蚊到，我諗一人消費大約40~80蚊(睇你食乜)，但試問仲有邊幾間既意粉賣40蚊有咁既水準？一個字：幾抵。服務：貼心。侍應得閒會同客吹水，有心打好客戶關係，而唔係就咁將野食放向面前就算，好似前個comment話齋好有heart。環境：除左比出面普通餐廳窄啲之外，衛生同整潔程度都屬中上水平，門面服務做得唔錯。總結：值得一試。

第二次去幫襯。第一次只係去買咗個冬甩同朱古力蛋糕走，味道都有驚喜。今次第一次堂食，事隔一個月，今晚收工同媽媽又去左嘉城食飯啦🐵🙈個龍蝦包真係好好食，印象中同廈村嘅水準差不多，仲平過廈村果度呀（佢哋之前有做廈村美食節），今個月做緊promote $60蚊拼埋薯條添，薯條太好食，有三款點醬揀，差不多食完我先記得要影相🙈總之超滿足啦！！！另外，媽媽order左個3月限定嘅包：忌廉芝士三文魚包，佢都話好好食～全單兩個包加埋一杯白咖啡同一杯豆漿承惠$127，咁嘅價錢晚餐嚟講真係抵。阿媽呢餐飯真抵請😛返到屋企見到佢哋ig post左聽日嘅優惠,原來佢哋逢星期三有優惠，聽日係$20件千層蛋糕。我至愛啊，最衰聽日要加班啦，咁就出個post益下大家啦！！你地千其唔好以為我係打手啊，各位大大。。。我真係諗住有優惠開心share下，上嚟呃下like咋😎*利申，聽日promotion張相係喺佢哋IG度偷㗎！其實佢哋各方面無論食物啦、服務啦、衛生啦都好好,唯一環境太迫夾，可能係鋪仔細細啦!!全部得20個位，要等位或者打電話留座。尋晚我都等左大約30分鐘！！下次會識得打電話留座book定喇😌