影片
招牌菜
以為一間個名叫自己做燒鵝專門店嘅餐廳，唔會差得去邊啊！點知..............SURPRISE 🎉🎉🎉瀨晒嘢😭😭😭😭😭😭😭😭😭#啲燒鵝瘦過阿婆個囉Pat☹️！除咗啲燒鵝好瘦，叉燒仲瘦，啲雞又多毛碎骨又多！諗住飲下啲湯啦，個味道都正常嘅，飲到一半見到搭多條頭髮！以上評論只係搞笑，但作為一個好鍾意食燒味飯嘅人，食到一間咁難食嘅燒味真係好傷心，希望店舖可以改善！
繼續閱讀
一個字講晒 — 伏！衰懶同貪平，經xx送叫外賣，見有7折，就試下呢間嘅燒鵝5寶飯，折左都唔平，要成$80！但我覺得$50都比多佢！嗰幾件燒鵝得棚骨，冇肉的，不是燒鵝專門店嗎？連主打食物都咁曳！係得叉燒食得下，不過全部都係瘦叉！切雞都可以，夠滑！但飯係乾爭爭，好在有鹹蛋送下飯喳！跟餐送嘅老火湯，冇味架，又冇渣，飲左一啖即放低！如果呢個燒鵝五寶飯冇特價，賣成$11x的話，我覺得好搵笨，難聽啲講句，大x樂個四寶飯都好食過佢啊，一定唔會再幫襯！
繼續閱讀
呢間燒味我一向都有食開，义燒係勁正，就算健康啲唔叫半肥瘦都好正，叫半肥瘦就當然更加滋味，燒鵝都一流～ 有朋友黎我都會去加料，個個都讚好味。今日見佢有二人餐$138，有燒味雙拼，小菜一個，例湯兩碗，白飯兩大盒。我加$20要燒鵝同$6 凍飲。小菜有成 20 款比你㨂，有魚有肉有蛋，大路嘢。今日好為食叫個椒炎豬扒，真係有兩大塊既份量，雖然就無咩菜碼洋蔥嗰啲，但味道好好，我返去沖涼後𡈼慢慢食都唔會凍曬咁。返到屋企一打開嘩好大盒，餸&飯都係，自己炒個菜其實夠一家四口食！讚！特登打夠200字比個好評。
繼續閱讀
本身食客已不算多，再加埋疫情嚴重就更百上加斤，空虛寂寞的檯凳。食飯就食飯，搭檯就搭檯，見住您條友無帶口罩行入黎，坐低兩條阿叔狂噴口水！好采就快食完，急急成碗湯飯倒落肚，碗例湯剩半湯唔要，棄湯速逃！誠意拳拳行過黎幫襯個午餐，叉燒煎蛋飯？您本身已經係燒味飯店，整個午餐又係叉燒有咩意義呀！點解唔做 ABCD 餐全部叉燒、燒肉、切雞、燒鵝呢？我仲要睇錯係叉燒炒蛋飯，搞到我真係好那黯然神傷！凍檸茶少甜，通透亮麗的茶色，看得見的清新，飲落芳香帶著鮮檸味舒服可口。我要求只需半碗飯，嬸嬸竟然可以搭錯線變凍檸茶少甜架呢？就算飲我係要走甜，既然放低左就費事退，跟餐加 $2 蚊啫。力抗武漢肺炎勤食咖哩，信年幣證府百毒不浸！欖菜雞粒炒飯，份量多到食唔晒，應該免強夠兩位享用！雞丁大大粒，無醃既？有點雪藏味。即炒鑊氣噴射，粒粒飯乾爽嚥韌飽滿，每粒都沾有咸香欖菜，美味純淨！本可得 4 星級數，不幸雞丁強差人意。豉椒蒸排骨飯，普通蒸餸飯索價 $50 蚊真係有點高，同區應該 $40 蚊有找，不過份量較多，好多粒排骨呢！肉多骨少啖啖肉食極都有，我已細啖飯細啖飯來送排骨，但所有飯已消滅，仍有大量排骨，真心可以送到兩碗飯喎。望一眼排骨深啡色使我心情跌一跌，不是我幻想白雪雪的蒸排骨，既然已點就硬著頭皮撈勻享用。竟然其貌不揚，但食得我滿心歡喜，停不下來地扒飯！甜甜的豆卜索汁一流，排骨綿綿香口油潤肉甜彈滑，濃濃惹味的豉椒汁不咸不嗆不過份，跟白飯根本天作之合，不知不覺全部掃光。瑤柱肉鬆蒸水蛋，蒸餸要等十幾廿十分鐘，我早有心理準備，其實最好係餐牌上注明，免得有燥底食客發癲啦。突然想食住家蒸餸，瑤柱肉鬆蒸水蛋？幾乎 1 比 99 呢，瑤柱肉鬆只係點綴裝飾一下？比著我親手蒸，起碼肉同蛋要 1 比 2 才滿足，否則那食得到肉甜肉汁喎。主要甜豉油味道，滑滑震騰騰水蛋夾雜雞湯味，沒怎樣的豬肉甜及豬肉汁，間中咬得到少許肉碎或幾絲瑤柱，已是皇恩浩盪。濕濕水蛋有著甜豉油跟飯粒碰撞，大大啖塞滿嘴仔，味道真心不錯的，穩陣派蒸餸。土魷蒸肉餅飯，即蒸請耐心等候，蒸肉需時約 15 分鐘才可以完成，苦候多時 20 鐘前送到。當然要先來一輪拍照留念動作後才可以起動﹗驟眼看以為係乾瑶柱，我想得太多喇。賣相討好美觀，感覺精緻熱騰騰新鮮出爐，香噴噴的肉香夾雜著海味氣味，誘惑萬分口水流。薄薄的鬆軟肉餅，滑嘟嘟的滲著肉汁，大量豬肉抱著幾片香口嚥韌土魷再淋甜豉油，多多肉少少飯地享用，心動震撼好好味啊﹗不得了的色香味俱全，撈飯絕頂美味，必須勒緊韁繩，否則我會變成脫韁野馬﹗這塊肉餅用來送兩三碗白飯濕濕碎，我要忍忍忍﹗乾炒牛河全走，本想食魚香茄子炒麵，師傅回覆稱做唔到？此乃不為非不能也，我係其他茶記間中會食魚香茄子炆伊麵，炒河炒河炒麵炒烏冬架！就算麻婆豆腐炒粉麵都做到，不知幾鬼好食拍爛手掌。腍劈劈濃味𢲡牛肉，河粉顏色均勻，有點散有點濕，全部清晒半粒都無得留低，邊食邊抹嘴，油淋淋滋潤我乾枯的雙唇，超級油膩食完立即來罐可樂清清口腔及腸胃。梅菜扣肉飯，眼測極大量梅菜，只得幾片五花腩，多菜少肉真係非常唔健康，西蘭花伴撞梅菜扣肉？有創意的九唔搭八。近來興五花腩薄切嗎？早前食過幾間都如此出品，討厭﹗要大大舊咬先原汁原味，夠鬆化夠軟腍夠啖啖肉，能保存更多肉汁。薄切無晒感覺，肉味淡油脂淡，存在感薄弱。大量兇湧的甜梅菜已將五花腩淹沒，多多菜少少肉少少飯撈醬油也廷可口的，味道香香甜甜絕對無問題。西蘭花刺身？生到有草青味，入口即吐﹗冬瓜鴨腿湯飯，冬瓜爽腍綿三層享受，滲透湯汁。堅係鮮髀，香料清新，肉味非凡真鴨腿。薑味暖胃，菇味清甜，濃郁湯底有誠意。咖哩牛腩飯，夠熱夠香，滿滿的賣相得體。到底牛腩還是肉丁呀？切到方粒一樣，彈牙爽爽不鞋不乾，微甜少少牛羶味。牛粒夾著薯仔及濕滑咖哩撈飯灌入，茄味突出帶少少酸，香而不辣醒胃無比，茶記哩味濃，西蘭花依舊太生青味重重一啖放棄。羅漢齋飯，賣相可怕使我滴汗打冷震，慘不忍睹！我腦海畫面完全係大家樂出品靚靚羅漢齋。鴛鴦蓮藕片？啡色腍啤啤仲有渣，白色爽脆白烚滾水味，紅蘿蔔爛溶溶。再挑戰西蘭花刺身一咬即吐，真係無烚過只係搵滾水淥一淥嗎？還是裝飾唔食得架？師傅您唔識煮齋就唔好搞咁多野啦，雲耳粉絲腐竹冬菇蓮藕格硬撈飯塞入吞落肚。粉絲碎濕腍，冬菇瘦瘦乾乾好似未浸發夠一樣。芋頭炆豬肉飯，個名完全辭不達意，放到我面前先知道係荔芋炆五花腩。我要半碗飯架，平時半碗都食唔晒，仲要比成碗飯滿滿。有五舊五花腩可以食 5 啖飯，不吃芋頭的我，但芋泥可以接受，濕濕黏黏可以食 3 啖飯。五花腩層層相連緊扣，用上柱侯醬炆不是南乳醬實屬另類，滾埋汁連白飯一啖入口，甜醬中泛著重蒜味，五花腩爽夾滑，皮膏肉有層次，甜美不油膩。每次都係生坳坳的西蘭花，放係嘴邊已聞到草青味，放棄。紅燒獅子頭飯，依個造形完全係 Q 太郎，要加少少日本原素無難度啦。那來的紅燒？只不過係玻璃芡，淡淡的蔬菜味，怪怪的芡使我不想再食落去。菜芯麻麻地沒有菜甜味，娃娃菜腍劈劈還可以。鬆軟肉球有著午餐肉的味道，感覺不到有炸完再炆的正宗獅子球，可能有煎過或煮輕炸，沒有香口的味道，白色一點點是馬蒂米嗎？存在感薄弱的隱形，芡汁加肉配著白飯同吃還可以。冬瓜薏米水鴨湯，味道爆燈熱熱香甜越飲越想飲，湯渣都唔放過，全部清掉。眉豆紅蘿蔔瘦肉湯，配搭十分獨特，不過味道特濃甜美好好好飲，直灌落肚一飲而盡。赤小豆瘦肉湯，例湯一向美味無投訴，濃稠湯汁使人回味，直頭有衝動想要多碗呢。專登行到老遠一心想食豆腐火腩飯，上星期明明見到仲有供應，好日唔諗住食，想食就竟然取消，連個天都唔喜歡我﹗因乜解究高朋滿座咁多人既？做節嗎？多人到要搭檯，政府話要食自己唔準搭檯唔準聚餐架喎！青紅蘿蔔排骨湯天然植物甜味，混入濃濃肉味，梗好飲啦！合掌瓜紅蘿蔔湯，蘿蔔本身濃甜，添上合掌瓜清新味道，更津津有味。
繼續閱讀
紅磡燒味店不少，競爭也頗大，今次介紹嘅是高水準的一龍燒味。每份燒味飯都附送時令例湯，沒有味精，消暑一流。主角燒味當然也絕不遜色，燒鵝皮脆肉亂嫩，叉燒半肥瘦、白切雞也很滑亂嫩而且多姜溶、多汁也可按喜好要求，店員一一辦妥，店舖的衛生情況良好，餐牌清晰，落單快捷妥當，紅磡區首選
繼續閱讀