一龍燒鵝專門店 (慈雲山中心) (已結業)

《KeeTa外賣》脆皮燒肉飯 拼燒鵝 凍檸茶 $51.75⭐️⭐️⭐️⭐️⭐️燒鵝瀨粉 拼义燒 咖啡 $48.75⭐️⭐️⭐️⭐️⭐️鵝肉嫩滑义燒軟淋肉香下午茶特價仍然份量足，肉多性價比高

D燒肉塊皮可以硬到一個點，又喊到死。。唔怪得個個返大陸食野。就黎連Lunch 都唔可以幫襯香港餐廳，寧願自己拎飯。我夠膽講隔離入面街市果盒22蚊雙拼飯好食過呢間野好多倍，難食到爆炸收6x蚊。。。。香港真係俾錢食垃圾。。

買左個燒鵝油雞外賣，後悔至極！未食過咁難食既燒鵝！有陣隔夜味！火都黎！明明好肚餓，理應食咩都覺得ok, 但真係太難食，必須提醒各位唔好浪費金錢，返屋企煮個出前一丁算！

叉燒切絲咁幼， 雞全部都係骨，好似食雙餸咸蛋紅腸飯 ，完全無肉食。諗住試新野，食好啲，花了五十一元買四寶飯，返到屋企慢慢嘆，食到一肚氣，連例湯都無。不值得試，不推薦！

午餐時間，突然好想食燒味飯但又唔想幫襯太興或者大家樂行過見到呢間舖頭門口掛住啲燒味個樣唔差又有人等緊外賣，於是就幫襯一下點知就中晒伏🥲叫咗一個叉燒燒肉飯凍奶茶58蚊一打開盒飯，嘩一聲先講燒肉，肉還肉皮還皮明顯睇得出呢塊皮係唔屬於呢一嚿肉嘅🤷燒肉淡而無味，肉質仲有少少梅叉燒就正正常常 少少靭之外冇咩特別而啲飯就比得好少汁，但無論有無汁啲飯都係冇味，淡茂茂成餐飯最滿意係杯凍奶茶，有茶味而且夠濃好少寫食評但今次呢盒飯真係忍唔住唔係話要食咩珍饈百味但出面街好多賣2/30蚊燒味飯嘅質素都比佢好

不嬲都覺得，食燒味=買六合彩。今次好食有埋脾。下次得棚骨或肥肉，皆因食材有頭有尾有胸又有脾，不彷試多幾次再評論。 早幾日見佢掛出黎既燒鵝識發光（ 燒到脹卜卜）今日午餐再次俾機會佢，果然皮脆甘香，恢復水準，而且醬料絕不吝嗇😋價錢單／雙 $52 燒鵝+8 凍飲+2 碗飯大大兜 性價比算高，比太興算平好多，午市開始繁忙，街坊，學生哥一擁而進，錯誤難免有，個飯唔記得落汁，溫馨提示店員即補上熱辣辣的汁👍服務有誠意，貌似老闆亦親力親為，大家不妨俾多啲機會小店，俾佢地繼續生存！

眼睇好多吉位 。 因為我係七點早餐時間去既 。衣個係佢既早餐同下午茶既餐牌 。 平均黎講貴過其他茶餐廳幾蚊既 。我個早餐到喇 🙂 。 but點解你唔係收走其他人果 d 先放我果 d 既🙄🙄 ⁉️反正你 D 客得七個都冇咩野做 。😂🤣😹炸菜肉絲米粉送左一條生菜我加左一蚊叫左烘底🤔🤔 , but 你烘左有冇一min🧐🧐⁉️⁉️ 個炒旦唔係用牛油炒既同埋落得好小鹽既 。個冷氣大到頭痛🥶 , 我轉左兩次檯 。 佢每張檯都對住個冷氣口既 。 跟住個冷氣又大風🌬️又16度 ❄️。我個飲野侍應拎到黎以經倒寫哂 , 唔洗十分鐘杯野吹到凍左 。⚠️總括而言,唔會再幫襯衣間嘢⚠️

自稱自己燒鵝專門店燒鵝， 燒鵝肉鞋又細分 買外賣飯 永遠骨多過肉 仲要成五十幾蚊， 一啲都唔值， 味道普通， 情願入街市買20蚊一盒,一定唔會再幫襯, 希望其他人都知道 佢唔值得幫襯

幫襯外賣小炒,支竹豆卜火腩,難食到嘔！基本都唔入得口！簡直不知所謂！千祈唔好幫襯！中伏中伏中伏中中伏！寫住38蚊可配白飯及飲品,辦埋單五十幾蚊,飯要另外加錢.飲品又要另外加錢.連外賣盒都要價錢！寫明係外賣,為什麼要加錢！真係搵笨！

今日中秋節過節訂咗一隻乳豬，但係每舊肉都非常之肥，完全只有肥膏冇肉，又唔肯比乳豬醬，訂一隻豬只係俾咗四小包，價錢又吾係平，成$680一隻，千祈唔好喺佢哋嗰度訂乳豬！🤬🤬🤬

今日心血來潮同友人隨意搵間茶餐廳食燒味，竟然食到有質素燒鵝加燒腩仔😋特別係燒腩仔皮脆有口感，肉質又嫩即使放涼了肉感不變平民價錢但比得上其他出名的燒味店！值得再去

早前試過佢哋嘅燒腩仔，覺得有點豬酥味😩見佢掛出嚟既燒鵝幾靚，於是買半隻外賣，點知返到屋企打開來看，啲膏多到呢！！！每一舊都有肥膏陪伴😤😤😤味道就好一般，冇咩鵝味......如果喜歡食肥燒鵝既朋友就啱晒喇😬😬😬

今日是第二次買外賣燒味，上次試左燒腩仔，有少少豬酥味，已經感覺嘛嘛！今次諗住試吓佢啲燒鵝，平時見佢掛出嚟幾靚，買咗半隻，點知買完返屋企打開發覺成盒燒鵝都係肥膏，每一舊都有肥膏包住😡😡😡食落係完全冇鵝味，死死實實，以後唔會再幫襯！如果有人想食肥膏就嚟呢度啦！

心血來潮 想食個港式早餐，無咩選擇既情況下 唯有試下呢間因我佢個早餐去到12點都有得食🙈🙈🙈🙈🙈🙈🙈🙈🙈$38蚊個早餐，一舊炒乾哂既炒蛋，一片火腿加個正常叉燒公仔麵。🤯個炒蛋望落又乾又有d黑色點點⚫️⚫️⚫️⚫️⚫️唔知咩黎⋯⋯🤯🤯🤯🤯本身都無諗住要寫食評既，所以無影相，點知番到屋企肚瀉左2次😖😟😖😖😖😖，自從食完個早餐就無過其他野。懷疑有機會應該跟食過的食物不太清潔有關，大家小心選擇。

今日出左去食飯，行落去見到間野，突然想食叉燒門口雖然有些少人排隊，而餐廳入面都因為1.5米距離 令食客唔可以滿席而坐一入去門口，待應會先幫你量體温，跟住再帶你入坐午餐時段，叫左個雙拼飯，飲湯燒肉叉燒~旁邊都好貼心甘有唔同嘅醬料（如：酸梅醬/乳豬醬/芥末醬）而薑葱蓉如果叫雞果啲佢會有啲系碗飯側邊**亦都可以另外問佢要一個（如果唔夠的話）燒肉層皮系脆嘅叉燒有些少肥肉而碗湯都好大碗，唔系一般食飯碗是日餐湯“ 青紅蘿蔔 ”