一鼎‧台式火鍋 (MOSTown新港城中心(4期))

營業中

休息中

約左朋友喺屋企附近打邊爐 揀左一人一鍋嘅一鼎 係區內我最鍾意嘅火鍋店主打台式火鍋 湯底 火鍋料 小食通通都充滿台味我地揀左120分鐘任食澳洲200日穀飼牛套餐選擇好豐富 仲有台灣手搖任飲 真係值回票價牛肉我地主打澳洲穀飼牛同純和牛淥10秒左右就食得 口感好嫩滑 食左好多碟海鮮方面 大蜆 蝦 生蠔 墨魚 海蜇頭等等全部任食生蠔唔算好大隻 掌心size但好鮮甜好多款小食都好正 Q彈嘅鴨血可以任食台式香腸好有夜市feel 滷水牛筋牛肚好入味自助區有蔬菜 丸餃 主食 水蓮任食真係好加分仲有無限任飲嘅台灣手搖飲品 生啤 軟雪糕呢餐真係食得好滿足 埋單仲送左金幣俾我地夾公仔可惜夾唔到 好想要珍珠奶茶公仔吊飾呀！

掉低左個囡同我老公撐枱腳，响馬鞍山新港城行咗陣街，諗住食飽先返去湊女，揀咗呢間一鼎‧台式火鍋，佢除咗係一間火鍋店之外，佢都有做到手搖飲品放題。佢哋有做90分鐘同埋120分鐘嘅火鍋放題set!! 價錢都唔係爭好遠，但係就可以慢慢食！火鍋係一人一鍋的，所以我地就揀左麻辣火鍋湯底同甜豉油！佢哋仲有好多唔同嘅湯底，啱晒唔同人嘅口味。一人一個鍋唔使客氣淨係諗鴛鴦湯底。而且食物選擇多款豐富，有各種肉類，有石灰岩全血和牛、澳洲純和牛、澳洲200日穀飼牛、一鼎穀飼牛、歐洲冠軍草飼羊、日本北海道四元豚等，新鮮海鮮任食，仲有新鮮蔬菜响出面Bar枱任揀！台灣特色小吃、炸物等都有得揀！ 勁多選擇，應有盡有。最正係佢地做埋手搖飲品放題！黑糖珍珠奶茶/ 香水爆檸/果茶都可以隨便飲！

一鼎台式火鍋 馬鞍山嘅高質牛肉放題體驗作為一個鍾意四圍覓食嘅人，今次我嚟到馬鞍山 MOSTOWN 商場嘅「一鼎台式火鍋」，試吓佢哋嘅澳洲200日穀飼牛放題。呢間餐廳主打高質牛肉，仲有120分鐘嘅用餐時間，啱晒一班牛魔王！餐廳位於商場二樓，裝修簡約得嚟又帶啲台式風情，坐得幾舒服。我哋兩個人被安排坐喺卡位，空間感足夠。服務員態度友善，上菜速度都幾快，值得一讚。今次我哋揀咗「澳洲200日穀飼牛」放題套餐，每位$349，再加10%服務費。牛肉嘅質素真係冇得彈，肉質鮮嫩，油脂分布均勻，入口即溶。除咗牛肉，仲有唔少配料可以揀，例如蔬菜、丸類、海鮮等等，種類都幾豐富。兩個人埋單總共$768，人均$384。以咁高質嘅牛肉同埋120分鐘嘅用餐時間嚟講，我覺得性價比都幾高。如果你係牛肉愛好者，呢個價錢絕對值得。整體嚟講，「一鼎台式火鍋」無論係食物質素、服務定係環境都令人滿意。如果你鍾意食牛肉，又唔介意畀多少少錢享受高質放題，呢度絕對係一個唔錯嘅選擇。下次我會再嚟試吓佢哋其他嘅牛肉款式！

今次已經第二次去一鼎台式火鍋、第一次去嘅時候就已經覺得佢哋嘅食物質素同服務好高，今次再嚟，食過翻尋味，順便試下上次無食嗰啲！佢哋晚市有四款任食套餐，仲包台式飲品任飲，加埋黑白神生啤，仲可以免費扭蛋，而且甜品方面，仲可以自己擠軟雪糕自己配料。今次我哋試咗澳洲穀飼牛200日套餐，湯底係一人一鍋模式，一人一湯底今次叫左椰子雞湯同埋日式sukiyaki！其他湯底多到眼花撩亂，好似紅燒火牛、麻痺鴨、燻鰹魚、QQ骨膠原、甜醬油、蕃客為主、冬蔭公（限定）、牛油果藤椒麻辣（限定）等等，真係唔知揀邊個好！特別係嗰個椰子雞湯底，真係要大大力推介，用新鮮椰子加埋嫩滑雞肉煮成，味道清甜香濃，飲一啖即刻覺得心情好好，簡直係一絕！成個過程都係滿足感爆棚！仲有啲新鮮海鮮，正到不得了，水上鮮墨魚、脆肉鱨段、鮮味瀨尿蝦、大頭蝦、超鮮生蠔同鮮甜大蜆樣樣齊，好啱鍾意海鮮嘅人嚟食，食火鍋加埋啲海鮮真係一流！肉類方面有澳洲純和牛、澳洲冠軍草飼羊，仲有丹麥梅花肉！每款肉都有提示最佳涮涮時間，真係貼心到極致！另外佢啲台式小食真係冇得輸，手作地瓜球、梅香地瓜條、古早鹽酥豆腐、滷水牛筋、古早滷肉飯同鹽酥雞，款款都好好味！飲品方面除咗黑

食過幾間台式火鍋，呢間最令我覺得驚艷！首先一人一鍋好方便，價錢不貴，「澳洲200日純穀飼牛 $349/set」120分鐘都超多野食！手機落單，可以揀多款牛肉、羊肉、豬肉同海鮮。喜歡清淡可揀椰子鷄，我覺得紅燒火牛超正好惹味，甜甜地辣辣地！幾款牛都好食，最推薦穀飼牛，其次係牛必，油脂分佈均勻，牛舌都好爽好食。海鮮推薦海蝦同沙白。海蝦大隻鮮甜，沙白超大粒新鮮。自助區仲有其他配菜、小食、飲品、雪糕。榴蓮炸彈、番薯條同麻薯都好好食。牛肚入味好食👍最欣賞台式茶飲，百香果好好飲，芝士琥珀奶蓋正，平時就甘叫都要$4x。總結來講，肉類全部都好薄好有肉味，絕對對得起個價錢。令人一去再去的邊爐放題👍🥢一鼎‧台式火鍋 (MOSTown新港城中心(4期)) 🌏馬鞍山鞍祿街18號MOSTown新港城中心(4期)2樓2001號舖

選擇了澳洲200日純穀飼牛吃到飽套餐，可於2小時內任飲任食。手機落單後，食物及飲品火速上枱，非常有效率！湯底有10款可選，一人一鍋，我們選擇了QQ骨膠原和蕃客為主，枱頭放有一瓶豬骨湯，方便自行補給。餐堂有多款醬料和配料，可以盡情地混醬。肉類選擇多，牛、豬、羊、雞都有。個人特別喜歡澳洲純和牛和澳洲冠軍草飼羊。海鮮方面有海蝦、生蠔、蜆、墨魚等，各樣皆新鮮。鍋物有水餃、各款滑、鴨血、串串鍋物等，另有台式小吃、台灣主食、滷水等。手機落單的食物選擇多，而餐堂上還有多款蔬菜、各式丸、腸、麵等，實在豐富。套餐有幾款茶飲可無限量翻點，和食物一樣，都是十分有效率地送到枱上，餐堂上也有一大個飲品櫃。飲品方面特別喜歡香水爆檸和牛乳冬瓜茶。前者檸香清新；後者奶香輕盈。結帳後送上代幣，可到門口的夾公仔機玩，從來極少玩夾公仔的我竟然一夾即中，大滿足！

早2日為咗慶祝2位小姐考完試，問佢地想食咩，2位異口同聲地話想打邊爐，好Ok ，一於帶佢哋出去食好西。位於屋企附近馬鞍山MOSTown 早排成日有街坊推介一間極出色嘅台式火鍋，今日我哋終於去朝聖。佢哋有ABCD餐揀，今次我哋揀咗嘅係 A餐【澳洲200日榖飼牛】120分鐘$349一位。A餐嘅價錢同時可以點食B同D餐嘅食物。湯底方面有八款，一人一鍋，自己可以揀選返自己鍾意嘅湯底，非常好啊😍講下佢哋嘅食材先，無論係牛、豬或羊，食得出樣樣都非常新鮮鮮嫩，海鮮方面都特出，有生蠔、鮮蝦、墨魚、大蜆等等，樣樣都鮮甜又肥美且大大件。另外佢哋有啲自家製材式都好特別又好味、例如：蘆筍和牛串、蘆筍豚肉串、手工栗米雞肉水餃、龍師傅招牌韭菜鮮肉水餃和台灣鮮製手工麵，大家一定要試試佢。而自助區有丸類、蔬菜、麵食、生果、飲品、自助啤酒機等等，仲有仲有最受小朋友歡迎嘅自助雪糕機，可以自己裝幾多食幾多。熟食款式方面，有好多台式美食，例如滷肉飯、鹽酥雞、滷味、金錢肚、肉鬆皮蛋豆腐、藤椒虎皮雞爪、冰釀梅汁蕃茄、古早蒜味小香腸、梅香地瓜條、煉奶炸油條等等。仲要賣點飲品方面，竟然可以任飲台式手搖飲品，我哋飲咗勁多黑糖珍珠奶茶、

火鍋為一人一鍋模式，有超多元化食物種類及飲品選擇，今次我地就試人氣Top 1 120分鐘任食澳洲200日穀飼牛火鍋餐肉類方面，有澳洲200日穀飼牛、澳洲純和牛、青花椒長牛舌、丹麥梅花肉、澳洲冠軍草飼羊等海鮮選擇亦非常豐富，有超鮮生蠔、蝦、鮮墨魚、海蜇花、美國大蜆等另外仲有蝦滑、蟹子花枝滑、牛柏葉、芫茜和牛串、露筍和牛串、金菇和牛串、豚肉小露筍、台灣特色水蓮菜等，仲有一系列前菜同埋台式小食，款式應有盡有，種類多到數都數唔完最驚喜係仲有台式茶飲同黑白神泡生啤都係可以免費飲到爽，連日本生雞蛋都係無限供應，真係性價比超高，絕對值得一去再去

呢間野比我想像中多野食囉，D款真係多到我食唔哂就已經飽左😅仲要一人一個鍋真係食得好安心，雖然話係台式火鍋但係就唔止火鍋選擇，仲有好多台灣菜，滷肉飯台灣麵台式小食都有，自助區仲有雪糕，生啤，蔬菜，素菇，配料醬汁同丸類火鍋料仲好新鮮，每款肉類都會教你煮食時間都幾細心🥰仲有佢哋個台式飲品可以無限添飲，最正有我最愛嘅黑糖形珠鮮奶，飲都飲多幾杯，最後記得食雪糕同糖水，雪糕仲有開心果粒，個糖水仲超級潤喉，唔會太甜啱啱好正

一人一鍋特別適合注重衛生嘅朋友，唔使擔心用公筷嘅問題。原來我朋友成日都黎呢間食。除左鍾意佢衛生之後，火鍋料都好新鮮，尤其係澳洲200日穀飼牛，肉質滑嫩。仲有一鼎穀飼牛、澳洲純和牛、冠軍草飼羊同丹麥梅花肉，肥瘦適中，而且刨得好薄，灼幾秒就食得。海鮮方面有鮮甜海蝦、鮮墨魚同生蠔，生蠔超鮮味，完全食唔到海鮮嘅腥味。自助區選擇多，尢其台式小食好吸引，三星蔥燒串花枝、紅噹噹蝦球、黑糖炸麻薯、紫米魔方小麻糬、肉鬆皮蛋豆腐都幾特別，唔係外面火鍋放題常見嘅選擇。最正係茶品，大部份都係任飲，黑糖珍珠牛乳同香水爆檸都幾好飲，搭配火鍋真係一流。餐廳整體乾淨舒適，服務到位，店員親切，上菜同收碟都好快。總體嚟講，呢間餐廳食材新鮮，味道好，值得再嚟！

今次食Top1套餐澳洲200日榖飼牛120分鐘$349湯底有 8 款選擇係1人1鍋我地揀咗藥膳椰子雞煲同麻痹鴨椰子雞煲會跟走地雞同新鮮椰子上好貼心教埋煮法，真係好新鮮麻痹鴨即係麻辣鴨血鍋，鴨血可以無限吸入，正每一款肉類都有卡仔介紹仲會教你涮多少時間澳洲純和牛 油花均勻 食落鮮嫩澳洲200日榖飼牛 柔嫩多汁一鼎榖飼牛 肉質緊實 有口感青藤椒牛舌 肉質Q彈 不停encore 丹麥梅花肉 肥瘦均勻 肉質嫩滑澳洲冠軍草飼羊 沒騷味 好吃海鮮我地encore左幾round鮮蝦好大隻彈牙有膏生蠔係鮮甜肥美蜆大大粒 蜆肉脹卜卜飲料 : 除咗自助櫃飲罐裝 ，紙包飲品外，有任飲生啤，黑啤，真露氣泡酒，仲可以飲一鼎指定手調飲品，例如香水爆檸，黑糖珍珠牛乳，芝土琥珀，牛乳冬瓜茶等自助區：蔬菜，丸類，炸魚皮，響鈴及麵等蔬菜有少見既水蓮，仲有個好得意嘅龍蝦風味魽。呢個Top1套餐野食有100款咁多前菜/台灣小食都勁多選擇會帶朋友再黎食

邊個再話馬鞍山係美食沙漠一鼎台式火鍋晚市有4個款吃到飽套餐仲可以任飲台式飲品同黑白神生啤甜品仲可以自己擠軟雪糕食完仲可以免費扭蛋太爽了！4款餐入面揀左澳洲穀飼牛200日湯底係一人一鍋模式如果著重湯底嘅一定會好鍾意呢間因為有好多款選擇仲唔使遷就朋友口味紅燒火牛、麻痺鴨、燻鰹魚、QQ骨膠原、甜醬油、蕃客為主、冬蔭公（限定）、椰子雞、牛油果藤椒麻辣（限定）想清清地可以揀QQ骨膠原如果濃味啲可以揀牛油果藤椒麻辣，麻味超出！澳洲穀飼牛200日套餐，仲可以食到澳洲純和牛（雪花好均勻，所以食落口感好正，絕對唔會乾柴）、澳洲冠軍草飼羊（好滑又唔臊）、丹麥梅花肉每款肉都會教埋最佳涮涮時間超貼心另外鍾意台式火鍋店就係因為會有台式小食同埋台式飲品手作地瓜球、梅香地瓜條、古早鹽酥豆腐、滷水牛筋、古早滷肉飯、鹽酥雞等都有除咗黑糖珍珠奶茶之外、芝士琥珀同埋香水爆檸都係好有特色嘅飲品真係好豐富入座嗰陣俾咗個代幣食完飯可以去扭蛋但係食完飯之後，我居然忘記咗呢樣嘢大家記住一收到代幣嘅時候就扭咗蛋先，費事好似我咁唔記得咗

位於馬鞍山新港城中心🚇有間台式火鍋平日晚市都排長龍湯底方面有八款,一人一鍋👍🏻👍🏻有四個級別既牛肉吃到飽有海鮮、肉類、鍋物、手工涮串、台灣小食、即沖手搖茶飲、甜品🔸我揀咗平日120分鐘任食澳洲200日穀飼牛火鍋餐 $349（另加一收費）澳洲200日穀飼牛🐮肉質嫩滑,色澤鮮紅海鮮有生蠔、鮮蝦、墨魚、大蜆生蠔好鮮甜又肥美🦪🦪鍋物必食鴨血 大大塊又嫩滑😍😍熟食款式都唔少,有10幾款小食我極推薦榴槤炸波波,好重榴槤味😋😋飲品方面可以揀台式手搖飲品,生啤,自助區雪櫃自取我就揀咗香水爆檸,飲落去酸酸地好開胃,味道似鴨屎香檸茶🥤出面自助區,有丸類、蔬菜、麵食等等仲有雪糕自己唧🍦有牛乳味同烤番薯味

好多人都有講起呢間食火鍋，今次第一之去咁遠，到呢一間台式火鍋，食全血和牛，之前都未知係咩嚟嘅，睇到YOUTUBER講去澳洲食全血和牛個時，先知道呢隻牛有幾矜貴！全血和牛係指和牛對上四代都係由純種嘅公牛同母牛配種而成，保證血統優良！呢隻牛故知然係重點，但係其他嘢都一樣咁好食！ 我自己最鍾意係風封門柳、藤椒牛舌、生蠔、帶子，大頭蝦其實我唔係食得好多嘢，鍾意食嘅就嗌得好多，但其實佢仲有好多唔同嘅嘢食！菜方面我超鍾意個紫背菜，第一次食，都幾特別！佢嘅麻辣魚皮作為小食都好正！另外竟然配手搖飲，都係第一次打邊爐嘢飲方面可以有新鮮整嘅手搖飲！我自己就最鍾意香水爆檸，黑糖牛乳都唔錯，佢上面仲會有層燒嘅芝士奶蓋！ 

企門口個個招呼都唔打 一句聲都冇講。同佢講任食90分鐘，佢就咁答咗句「咩餐」冇頭冇尾，唔講以為餐佢錢👎🏻👎🏻👎🏻食開放題，通常都係同佢講基本餐就明😅佢就咁樣答一句「咩基本餐」全程鞋口鞋面🫥好耐冇試過咁受氣👎🏻👎🏻👎🏻👎🏻食物種類味道冇咩問題，除咗門口嗰個疑似經理其他職員上菜都係就咁劈低。隔籬枱坐咗一對中學生男女，經理過嚟叫佢地埋單。佢哋話想用支付寶，經理即刻掉頭走去攞機。比完錢仲要加一句，你哋仲有5分鐘交枱🫨🫨總括嚟講 服務態度真係要正視 唔要求有啲咩驚喜。只求唔好驚嚇🫠🫠🫠🫠