一鍋堂 (大鴻輝(荃灣)中心)

營業中

休息中

今晚放工後，約咗個frd一齊去打邊邊，我話去一鍋堂時先知道原來佢係未食過。今日可能星期一，比平時假期少d人，唔駛等好耐。 今日晚見到有個兩個新湯底話係同金寶湯合作，所以我哋就揀咗個鴛鴦湯底，一個就揀咗個新嘢蕃茄羅勒湯試吓(佢另一個新嘢係忌廉周打蜆湯) ，另一個就揀咗個沙參肉竹鯊魚骨湯。諗住買個保險，但之後試咗淡湯，都感覺幾ok, 成件事係好濃蕃茄味。 至於set, 就揀咗個中間價，安格斯牛。一睇安格斯牛當然有d保證，食係上嚟除咗有牛味之餘，肉質又幾滑，唔乾韌。另外睇到一款叫封門柳嘅肉，我估係牛，不過有就試埋佢喇，試咗之後，同個frd都覺得係好濃牛味，比安格斯更濃，鐘意濃味嘅朋友可以try try. 其他食物太多，唔逐一講哂，叫咗d蝦，扇貝，竹笙，魚滑，蝦膠，等等。。。一樣必叫就係花膠，堅厚，感覺好滿足。嘢飲就揀咗洛神花茶同冰糖燉檸檬。兩隻都唔甜，健康飲品清下火鍋的嘅油膩。唔錯！最後食埋雪。成件事好正！ 今晚食飽之後，又可以有能量迎接聽日嘅挑戰！！

冬意綿綿 ，第一時間諗到嘅就梗係打邊爐。黎到一間好多年前試過既任食火鍋店-一鍋堂呢間火鍋店好多年冇嚟，但係今次黎嘅感覺被上次大大進步（雖然上次感覺都唔錯）淨係入門口嘅位置都變得光鮮好多 ,入邊座位依然寬躺，坐嘅梳化就靚咗好多由於今次我哋係中午時間黎 所以價錢比夜晚平好多，我哋試咗中午100分鐘任食套餐B揀呢間店嘅主要原因係因為佢嘅肥牛都分好多唔同嘅部位，一般任食嘅火鍋店淨係得美國肥牛，冇得揀位置，淨係呢一點已經大大增加左我嘅食慾凍小食既部分選擇唔少有車厘茄 、沙律菜、醬油秋葵 、韓式醃蘿蔔 、麻辣豬耳同日式甜番薯 ，非常惹味 ，特別係車厘茄沙律菜都好新鮮湯底選擇都花多眼亂 最終選擇麻辣湯底同唔辣嘅豬骨湯底,店員所講佢哋嘅湯底係用豬肉新鮮熬製而成，所以係天然既奶白色，而麻辣湯底都好足料同大多數嘅火鍋店一樣，醬料都係自助形式自己拎，不過呢度勝在夠乾淨企理。而最令我驚訝嘅係呢度嘅蔬菜，有少少感覺似溫室培植咁，而最值得一讚嘅係呢度嘅蔬菜全部洗得又乾淨又新鮮，比起自己去街市買嘢都要新鮮飲品嘅選擇就好多你呢度最值得推介嘅係佢哋嘅自家制飲品幾款包括自家手作冰糖燉檸檬、蝶豆花茶、洛神花茶同薄荷烏龍茶丸

一鍋堂未轉鋪之前，都食過五六次，質素都好好，11月21號轉左新鋪就試下，叫左最貴個餐，m5和牛差左好多，同普通肥牛一樣，叫左好多牛都唔好食，之前食過葵芳一鍋堂，牛確實靚好多，好大對比，唔信可以去open rice既葵芳店睇下封門柳同荃灣店既封門柳，個樣都相差好遠，唔怪之得而家咁少人去荃灣個間食野，上次好快就入到去，都唔洗排隊咁制。而加新鋪無左我最中意既乳酪雪糕，，雖然其他野都冇咩變化，其他食物種類同埋飲品都算多，但係我同我朋友都話唔會再食呢間新鋪，我希望一鍋堂可以改善下，希望重回之前既牛肉質素。

今日同朋友行荃灣，經過大鴻輝大廈，見到食肆林立，朋友話想食火鍋，記得早前食過葵芳一鍋堂覺得唔錯，見到這裡有分店，咁就上去光顧。餐廳有15款湯底供應，入坐前先選定。有些蔬菜類及食品可自助式自取，其他精選食物就用手機落單。我同朋友都係牛魔王，只order牛類，有安格斯肥牛及牛板腱，封門柳，牛脷心托。餐廳選料尚盛，肉質鮮嫩，油脂均勻，牛味濃郁。其它如魚頭雲，生魚片，花膠，手打墨魚滑，鮮蝦，鮮枝竹，日本紅心蘿蔔，鮮淮山都非常新鮮，仲有我至愛炸魚皮就唔少得。自選即食物，我個人覺得黃金炸魚皮，白雲鳳爪及豬耳都是必食！飲品款式又非常多，除一般罐裝飲料外，仲有自家製飲品，朋友同我最鍾意洛神花同蝶豆花茶。甜品仲有自助芝麻雪糕供應，但我哋食得太飽，留番下次再來時先試了！結賬兩人祗是五百多元，認真超值！

凍凍地，今晚同Honey去一鍋堂打邊爐，質素唔錯，仍然保持水準～～入到去，order我至愛嘅金寶湯蕃茄羅勒湯底，湯底唔油膩，酸酸地，打邊爐都開胃啲～坐低用手機掃描QR code落完order後，就出去攞小食有數款熱食，有古法炆腩肉、臘味炒飯⋯⋯臘味炒飯，材料十足，用潤腸及臘腸炒，好好食古法炆腩肉，腩肉肥瘦適中，加埋木耳一齊炆，木耳索晒腩肉的肉汁，仲有其他小食，有麻辣豬耳、麻辣雞腎、泡菜蘿蔔、泡椒雞腳蕃茄羅勒湯底，依個湯底非常開胃西班牙穀飼豬，肉質鮮嫩，而羊肉冇羶味，非常好食冬菇釀蝦膠，蝦膠好彈牙出邊好少有羽衣甘藍食，依度可以任食最欣賞就係自家飲品，有洛神花茶、冰糖燉檸檬、薄荷烏龍茶、碟豆花茶～清清地幾好飲整體來說，配合價錢及服務，可以再encore

今日決定來一試午餐打邊爐。午餐可以有成日消化真不错哦~~~~~~好！一入去就選擇了我喜歡的一鍋麻辣湯底加豬肺湯底。滿足我又食辣又可飲豬肺湯的慾望!!!這間餐廳好特別。先有三種不同的選擇。我們選了中間-B款(特選安格斯牛）。有各式各款的牛不同部位。然後給我們選湯底。之後就是用QR code落單。出面有不同飲品及食物的buffet counter自助食物. All u can eat. 古法炆五花腩-蘿蔔牛腩-清湯蘿蔔牛丸也有不同配料！我已盡試每一款不同的牛封門柳牛脷心托牛肩........味道不錯。我比較喜歡牛肩！仲好有牛味.記住滾6-7秒就起.太耐會比較韌另外有海鮮包括脆肉鯇魚腩/片，蜆,蝦。。。手作白鱔片 ..所有食物都好好好新鮮呀~~~~我最喜歡手了打魚單，好彈牙。有不同手作花茶任君選擇。冰糖燉檸檬蝶豆花茶洛神花茶薄荷烏龍茶抵食過去酒店食buffet最後離開時竟然見到可以火鍋外賣送貨及自取 自取仲有9折下次家庭聚會有著落了！

難得天氣轉涼有少少凍，係時候打邊爐 一鍋堂係其中一間保持到高水準嘅放題火鍋，兩個人食可以多啲選擇。我哋揀咗100分鐘放題，加多$20仲可以海鮮任食添原來湯底選擇有15款，今次我哋揀咗新嘅 金寶蕃茄羅勒湯，本身金寶湯底好夠香濃再加上新鮮蕃茄同Basil打邊爐一流除咗配料區之外，仲有個自助小食吧，麻辣拌手作拉麵、麻辣雞腎片、古法炆五花腩、清湯蘿蔔牛丸、蘿蔔牛腩，非常多選擇。不過最吸睛係飲品區，有手作有營花果茶，自家手作蝶豆花茶、自家手作洛神花茶、自家手作薄荷烏龍茶，仲有至愛嘅自家手作冰糖燉檸檬第一round 我地先order 火鍋必食嘅牛，選擇多到眼花撩亂西班牙栗飼豬、封門柳、牛脷心托 呢啲貴價食材係火鍋放題比較少見… 梗係必試啦勁靚嘅油脂，封門柳夠林滑、牛脷心托 同一般牛舌好唔同，一啲都唔韌，爽爽哋又好香牛味第二round 海鮮時間，有手串生猛海蝦、手作白鱔片同是日推介海鮮 沙白，蟹子手打蝦滑，另外要個萵筍。海蝦夠新鮮、最欣賞嘅係白鱔片，夠爽口，滾一滾就食得荃灣店環境唔錯，坐窗邊都仲可以望到少少海景，以呢個價錢兩個唔駛$500…. 又坐得舒服，男朋友今次咁識揀真係要讚下埋單時見到 十二月

今次係我第二次食B餐🤔🤔咁首先講咗我哋嗌嘅湯底先啦我哋係嗌咗佢哋近排同金寶湯合作嘅蕃茄羅勒湯我自己就覺得蕃茄味都算幾濃🍅🍅咁首先呢個餐嘅牛肉先啦（分別主要係封門柳、牛脷芯托同埋美國安格斯牛肉）我覺得封門柳食落去真係幾入口即溶🥰🥰而且好滑得嚟一啲都唔Heavy而牛脷芯托嘅口感亦都完全係我想要嘅☺️☺️咬落去口感啱啱好最後嘅美國安格斯牛肉好重牛味😋😋薄切得嚟亦都唔肥膩之後就講吓我自己幾鍾意嘅火鍋配料啦首先一定係豬頸肉同埋麻辣撈雞柳‼️‼️因為兩者食落去都真係好嫩滑尤其係豬頸肉，更加高質😝😝之後清湯蘿蔔牛丸同香茹貢丸都係必食之選（我真係好鍾意打邊爐食丸😂😂）而清湯蘿蔔牛丸真係幾Juicy🤩🤩一咬落去勁多汁爆曬出嚟而且亦都有好多款海鮮係任食嘅我哋就主要嗌咗手串生猛海蝦、蜆肉、八爪魚同埋水魷海蝦同埋蜆肉食落去都好新鮮😜😜而八爪魚同埋水魷食落去幾彈牙不過今次嘅Menu有啲係我第一次見嘅分別係酥肉（熟食）同埋流心魚蛋前者食落去嘅口感同豬頸肉差唔多🤔🤔（我諗應該係豬頸肉嚟嘅）而我覺得嗰個流心魚蛋幾特別因為好少見鹹蛋黃Mix魚蛋😱😱口感食落去都幾唔錯最後一定要試嘅就係佢哋嘅自家製嘅花果茶我自己最鍾意飲嘅就係蝶豆

唔經唔覺又到十二月啦，天氣凍，就梗係打邊爐架啦。打邊爐嘅湯底真係相當重要，「一鍋堂」除左有15款特色湯底之外，仲有同金寶湯合作，係荃灣分店仲會提供忌廉周打蜆湯同埋蕃茄羅勒湯。用西湯打邊爐就真係未試過，所以一於揀左雙拼，一款係蕃茄羅勒湯，而另一個係杏汁豬肺湯試。蕃茄羅勒湯湯底呈偏橙色的，飲落有好清新嘅蕃茄味，非常特別，而杏汁豬肺湯聞落仲好似杏仁霜添。午市有3個餐選擇，我地揀左有牛、羊同豬肉嘅B 餐，另加＄20追加海鮮，scan QR code就可以揀自己想要嘅配料，肉類分別有：美國安格斯牛肉封門柳牛脷心托美國安格斯精選牛板腱西班牙栗飼豬紐西蘭羊卷肉蟹籽手打蝦滑老媽金錢肚手作陳皮鯪魚滑一鍋炸酥肉自家製鮮蝦雲吞野生竹笙手作麻辣豬肉餃紫淮山流心魚蛋日本紅心蘿蔔韓式BB八爪魚除左以上嘅配料之外，仲可以去自助區拎冷盤，醬料，丸類，飲品，蔬菜同熟食。肉類方面，個人認為封門柳同牛板健嘅牛味相當濃郁，肉質相當嫩，西班牙栗飼豬 都唔錯，脂肪分佈平均，肉味香濃，口感好鬆軟。海鮮方面，試左海蝦，沙香蜆，白鱔片同埋帆立貝，全部都好新鮮。蝦滑: 食到入面有蝦粒，入口相當彈牙。蔬菜：菜嘅選擇都好多，有油麥菜，菜心苗

其實一鍋堂之前已經食過幾次，因為覺得好抵食，所以今次決定介紹吓比大家…今日揀左平日既9pm來,因為比較少人，又唔洗等位等入去之前係cashier位置見到有金寶湯既湯底好特別呀！下次同我個蕃茄控朋友來試先呢度好多湯底揀最後揀左平時食開既蕃茄牛粒湯同麻辣湯底，蕃茄牛粒湯有羅宋湯既香味，蕃茄味夠濃，酸酸甜甜好開胃，而麻辣湯底我老公話都夠辣夠香同麻(因為我本身唔敢食辣，所以只能問佢)呢度好多卡位坐，所以食得好舒服，而一去到因為好餓，所以去左熟食果邊夾左啲前菜食住先，估唔到個炸魚卷都幾香口同彈牙，食左好多條呢度好多自家制清熱既手作有營花果茶品，好健康呀我最鐘意飲自家手作冰糖燉檸檬，感覺開胃同潤喉飲品仲有好多其他選擇用電話Order完好快就有得食啦我們每次必點:-手串生猛海蝦-手作白鱔片-野生竹笙-麻辣撈雞柳-自家製胡椒麵-自家制韭菜餃係我每次來都必點，韭菜非常新鮮，肉不會太多，每隻都充滿肉汁同鮮味手作白鱔片平時火鍋任食好少有得叫既鱔片，呢度都有得任食，好開心啲蝦都好新鮮牛肉都有唔同部位揀最後我老公仲食埋芝麻軟雪糕先走，埋單$580有找，同埋店員話1/12 三店增設火鍋外賣送貨及自取 自取9折，

今晚又心思思想食火鍋！約埋個老友去[ 一鍋堂 ] 打去 葵芳店book位點知冇位，唔緊要！再打去荃灣總店 ，食早啲，五點時段希望有位。 幸好！成功book到了！準時來到入座前喺十幾款湯底中揀定了的湯底～金寶湯的鴛鴦湯底～蕃茄羅勒湯 + 忌廉周打蜆湯鴛鴦湯底 + 5O元湯比較清唔係忌廉狀，沙白蜆鮮甜，清甜得來濃郁有茄香。再選個B套餐，西班牙粟飼豬，封門柳，牛脷心托，羊肉....等。牛肉質素不錯！QR Code 落單，快！靚！正！任點任食！食得好暢快！海鮮好新鮮！最鍾意嘅大魚頭，脆骨腩，鱔片都好對辦！仲有素食～香菇素貢丸，九份素綠糕，金蒜素韭菜餃等。必點嘅8吋長蟹柳！手打～蟹籽和黑松露墨魚滑～仲有好多手打丸同餃類都好好味！仲有自助食物吧嘅熟食都唔少選擇～清湯蘿蔔牛丸， 蘿蔔牛腩，麻辣雞腎片， 古法炆五花腩 ，糯米飯....等。自家手作飲品中我最愛這個～冰糖燉檸檬！唔喜歡凍飲仲可以自己沖唔同嘅茶葉同花茶！多款新鮮蔬菜柜，擺放乾淨衛生！食這個時段都唔錯！唔使同人迫！又抵食！埋單二位 491元120分鍾時間充裕食得自在滿足！12月起全綫火鍋外賣送貨及自取都有九折。聖誕，新年唔想同人迫

喺荃灣食飯通常去到大鴻輝都會揀到因為嘢食較多選擇夠集中睇完一輪啲名我哋揀咗去一鍋堂度食飯上到去個門面勁靚好彩早去所以暫時都唔多人仲可以有窗邊位坐夠光猛一入嚟整體感覺好乾淨衛生同事會安排好湯底先至安排入座見到佢哋同金寶湯合作出咗個忌廉周打蜆湯同埋蕃茄羅勒湯～ 就揀咗個忌廉周打蜆湯同一鍋潮汕湯試吓潮汕湯用大地魚煲嘅服務員還可以先飲咗個湯先再開始打邊爐另外佢都有成15個特色湯底俾你揀如果係鴛鴦鍋嘅話呢就要再加$50行入座位途中已經見到佢哋有大量飲品同菜同熟食同丸嘅選擇坐低之後就係用手機掃QR code落單等咗一陣啲嘢食就嚟到啦全部都好新鮮而且選擇真係有好多火鍋配料叫左西班牙栗飼豬，封門柳，美國安格斯牛小排而手作火鍋配料，有好多自家製嘅餃同丸麻辣豬肉餃，波菜皮韭菜餃，手作梅菜豬肉餃，香煎韭菜餃，潮州爽彈牛丸，手打孜然雞丸海鮮方面呢，手串生猛海蝦 同手作白鱔片仲有是日推介就係大蜆 冇沙得來仲要隻隻脹卜卜自助吧食物，即係趁你未識得打邊爐嘅嘢嘅時候即場攞嚟食嘅嘢食～ 麻辣拌手作拉麵，甜凍麵，麻辣雞腎片，古法炆五花腩，蘿蔔牛腩，清湯蘿蔔牛丸呢度仲照顧到素食人士嘅需要，有一堆素食，香菇素貢丸，九份素綠榚

蒲開荃灣都會知大鴻輝橦野有十九幾間火鍋，芸芸火鍋之中識揀一定揀十九樓既一鍋堂，性價比高食物質素有保證，一定唔會令你失望。環境舒服，窗口位係落地玻璃可以望荃灣市境，但要運氣先可坐到窗口位😂建議可以午餐黎，午餐時間唔會太多人，有100分鐘任食，價錢比較相宜同埋唔使點排就有得食，好過平時夜晚排到死先搭到lift。食物款式百多種，熟食都有十幾野樣，豬耳，沙律，蘿蔔粒，甜蕃薯，牛腩，豬腩，魚皮等等。 飲品都一大排櫃，有一排係自家制既茶飲，有烏龍茶碟豆花，樽身有埋自家lable，用心之作，要試下。重點推介以下食物必試牛脷心托切得好薄，淥兩淥就食得，好爽口一啲都唔韌，肉味濃紅心蘿蔔切薄片的紅心蘿蔔有啲似西瓜，因為薄片所以好快就淋，咬落同白蘿蔔口感差不多，好清甜冇渣真係鴨血鴨血好厚實，最啱打邊爐封門柳手切封門柳厚薄適中，牛味好濃，可以encore紐西蘭羊卷肉半肥瘦的羊卷肉，淥耐少少都唔韌，口感好軟滑，仲有羊脂味，值得一讚黃金炸魚皮雖然係小食，但都唔馬虎，魚皮佈滿咸蛋黃碎，大件香脆，就咁食又得，浸湯食亦得其餘打邊爐既丸菜餃盛百幾款又排揀，一定會再黎，食多幾次都唔會厭😊

同朋友係荃灣逛完街，朋友話天氣涼涼地去打邊爐，佢介紹我去一煱堂試下，真係唔錯喎.....🫕晚市套餐B任食2小時，每人$248，鴛鴦湯底加$50。🥣湯底選擇都幾特別：一鍋潮汕湯一鍋麻辣湯，金寶蕃茄羅勒湯。我地就揀左喇沙湯底同埋蕃茄牛肉粒湯底，真材實料又香又濃。火鍋配料選擇夠多又具特式🥩肉類新鮮又種類多美國安格斯牛肉,牛板腱,西班牙栗飼豬,封門柳,牛脷心托🥟餃類手作麻辣豬肉餃,波菜皮韭菜餃,手作梅菜豬肉餃,香煎韭菜餃🍡丸類潮州爽彈牛丸,手打孜然雞丸,手串生猛海蝦,蟹籽手打墨魚滑.....🍽特式食品手作白鱔片,老媽金錢肚,野生竹笙,麻辣撈雞柳,沙白蜆,帆立貝,花膠.....🍱自助吧食物有熱盤有丸類，都幾豐富，我就幾鐘意有饀料嘅特式丸類麻辣拌手作拉麵,甜凍麵,麻辣雞腎片古法炆五花腩,蘿蔔牛腩,清湯蘿蔔牛丸素食, 香菇素貢丸,九份素綠榚,金蒜素韭菜餃,自家製胡椒麵🍻飲品唔止有盒裝罐裝，手作飲品好值得推介，有營花果茶,自家手作冰糖燉檸檬,自家手作蝶豆花茶,自家手作洛神花茶 自家手作薄荷烏龍茶,款款都要飲番支。.🍦甜品有黑芝麻軟雪糕，幾香滑㗎！..而家惠顧火鍋外賣送貨及自取 自取9折優惠好啱聖誕節一

最近香港的天氣日夜溫差比較大，溫度也有15度，最適合也是打邊爐了.這食店有利用金寶湯，作為主打的湯底，今日一於嘗試一下.這餐廳利用QR code下單的，又環保，又減少漏單的情況，真是食放題最好的情況.這個放題分別有三款牛肉，各有各不同的特點，例如這一款牛味比較充足，另一款油脂分布比較平均，最尾一款就是綜合了以上兩款，真是各有長處，適合愛牛人仕.這個鱔肉十分之爽口.手打的墨魚滑配上爽脆的蝦籽也是十分之配合.這個放題各式各樣的飲料也是自由地去領取的.由於天氣轉涼比較特別，就是有臘味糯米飯，可供食客自由地領取，味道也十分之好.新鮮的海蝦十分之爽口.