一豚豬手專門店 (匯景廣場) (已結業)

超大隻豬手呀🌸大板燒脆腩🌟🌟🌟🌟🌟超香脆既表皮，腩肉完全唔嚡口，配白飯食一流。🌸韓式滷水豬手🌟🌟🌟🌟🌟濃濃滷水，豬手超大隻，好多肉，肉質超快嫩，豬皮膠質豐富，小編連豬手骨都啜得乾乾淨。======詳情======一豚豬手專門店 (匯景廣場) (藍田)藍田匯景道8號匯景廣場3樓3A 40號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #藍田美食 #藍田好去處 #香港美食探店 #香港探店 #豬手 #滷水豬手 #韓式滷水豬手 #大板燒脆腩 #脆腩 #一豚豬手專門店

話說今晚有波睇，買定的野比老公邊睇邊食，下下食薯片雞翼真係唔得掂，去買左個黑椒豬手過佢嘆。依間野間中經過見到都幾吸引，行過幾次都想買，不過已經買到一手餸，下次下次，今次終於可以，豬手係招牌就點要買一買既，揀好即切！🔻黑椒豬手 $98🔻排得好靚仔，切好一片片之後上面再灑多層黑椒，仲配個甜酸辣醬。入口豬皮煙靭，肉質夠軟淋，仲好香黑椒味，而黑椒味又唔會太辣搶左味，同豬手好夾。🔻韓汁嫩雞髀 $30🔻隻髀都幾大隻，切開有成8件，食落啖啖肉，仲唔鞋口，個韓汁都幾好味，甜甜地，最正係雞皮，有油脂但唔膩，而且報滿醬汁，好好食。

今日去藍田探朋友，去介紹我嚟呢間舖頭斬料加餸帶返屋企。呢間舖頭喺匯景廣場，呢個商場入邊都好多間食店同埋小食店。響藍田地鐵站就通到過嚟，好方便。我買咗兩樣嘢試，分別係招牌黑椒豬手同埋滷水牛筋。招牌黑椒豬手$98豬手係即叫即斬，姐姐斬完之後整齊咁排列響個錫紙盒入面，入邊裝咗一盒酸醋。豬手一啲都唔肥膩，冇乜多餘嘅肥膏，豬手皮好煙韌，Q彈，充滿骨膠原，食落好有黑椒香味。豬手嘅肉好爽滑，唔會嚡。隻豬手都好大隻，啲肉裝滿咗一整盒，幾抵食。滷水牛筋$49/半磅牛筋超大條，超粗，炆得非常腍，啖啖骨膠原，而且非常入味，充滿咗五香滷水嘅香味，呢個牛筋如果用嚟伴麵一齊食會非常正。總括而言，呢間舖頭買嘅食物都非常適合斬料加餸，又或者做party food ，除咗有豬手，仲有脆腩，雞翼，鴨胸，雞髀等等。下次再嚟的話可以再買其他食品試吓。

朋友之前食過佢地嘅豬手🐷飯，覺得好食就推薦比我，今次一齊食飯，就去叫了兩個餐廳招牌餸加料😋⭐️招牌黑椒豬手🐷好香黑椒味，因為加了唔少黑椒，所以唔食辣嘅朋友/小朋友會覺得有少少🤏🏻辣，但個人就唔太覺，仲點埋佢個辣醬食，越食越香口。個皮仲好煙韌，好正😌⭐️大阪燒脆腩個皮燒得勁脆，個肉有點點🤏🏻咸，送飯送酒一流🍚🍻個肉係實肉，唔太多肥肉，所所啖啖肉😋啲分量都好足，5個人嘅晚飯加斬料加餸就好足夠

屋企間中都會斬料加餸，食燒味食到悶悶地，見到呢間一豚既豬手賣相好似唔錯，就試下買黎加餸。除左主打幾款口味既豬手之外，仲有脆豬腩、燒雞、豬助骨、焗鴨胸等等，款式有多種選擇。食物係即叫即斬，師傅都斬得幾靚，而且整齊pack好一豚脆皮豬手（$108/隻)份量都幾多，豬手外皮香脆，肉質紮實，幾腍，唔會好乾，鹹度適中，幾入味，點埋旁邊嘅泰式辣醬，酸甜開胃，食落冇咁膩😗大阪燒脆腩($59/半磅)成塊波板糖咁大，外皮燒到脆卜卜，肥瘦分明唔膩，肉質都算腍，無渣，唔會好鹹，有肉味，點埋芥末唔錯。

放假喺屋企食個飯，諗住斬料加個餸，就嚟呢間一豚買嘢啦；見佢廚櫃嘅燒雞立立令，燒得幾好咁，咁就叫返隻燒春雞試試！.點知一俾完錢，就心知不妙…😦😦😦佢唔係喺個廚櫃拎隻雞出嚟，而係喺後面唔知邊度拎咗隻雞出嚟…說時遲那時快，佢就已經斬好交到我手上🥲.一拎上手，我摸一摸盒底..凍嘅？！再摸一摸個蓋…又凍嘅？！冰凍燒雞真係第一次聽，創新料理❄️🐔.返到去食，真係夠晒凍，可能怕客人夏天太熱啩～肉質硬，汁又唔知點解勁甜…凍燒雞我真係唔識食，中一次伏算😪.大家想買就自己睇路喇🫠