一豐味

營業中

休息中

窩蛋牛肉飯 64$牛肉冇咩味汁冇咩味 溝左同冇溝只係乾啲同濕潤啲既分別隻蛋正正常常 冇咩特別凍飲冇加錢幾好溝埋一齊變填飽肚 但64$填肚有啲貴因為呢間餐廳 我決定寫食評留比自己睇 以後避開唔食 唔洗再中伏

近日拜瑪娃所賜，氣溫持續升高，午膳時都要捨遠圖近，在公司附近搵到間「豐味」的食堂一進門口，姐姐九秒九就來到面前，熟練地遞上一杯水，場地係普通嘅食堂裝修。酸辣叉燒、蕃茄、韭菜餃米線 $56天口熱，冇乜胃口，這個米線可是首選，有大、中、小辣之分，我就叫咗小辣，湯底不太酸不油膩，伴有蕃茄、豆卜及韭菜餃，提供多種口感的選擇，叉燒新鮮，唔會好似部份茶餐廳用隔夜叉燒，乾憎憎兼暗啞色，睇到都唔開胃，並有芫茜的香味，可提高食慾，當然若部份人不喜芫茜，記得叫走芫茜。酸辣金菇、肥牛、韭菜餃米線 $56配金菇肥牛，食法稍有不同，冇咗蕃茄嘅清爽，但金菇同米線本來就絕配，湯底都係一樣味道，有酸菜的點綴，加上有冷氣的偉大發明，一大碗湯米線都可以瞬間消滅了。

第一次寫食評就係腐皮真係太過份早餐39蚊已經比平時貴個雪菜肉絲就淨係得一條肉基本上已經唔使講其他嘢不過佢話最少要80字所以我就同你講啲嘢啦炒蛋唔滑冇蛋汁多士ok味道得兩三分，係多士有四分cp值簡直係0 完全唔抵食

首次嚟到尼個柴灣工廠區全部都系工廠大廈及車房😅唔係朋友帶我嚟尼渡！真係唔知去得邊度食心想工廠大廈內嘅餐廳一定麻麻哋啦！又唔係想像中差喎不過價錢都唔平！午餐～蘿蔔牛腩飯（$50）～牛腩夠淋！不過少咗啲！🍋茶都夠濃地方都企理

在柴灣想吃米線，很多人也會去譚仔or雲貴香（雖然雲貴香一直被我批評為「罐頭湯底」，但是對於一個「米線沙漠」的地區，雲貴香絕對是蜀中無大將中的一名「中將」）可是雲貴香在最近倒閉了（因為柴灣真的沒有什麼酸辣米線店，所以你想吃酸辣米線的話只好去雲貴香！），對於一個喜歡吃酸辣米線的人來說，這是一個壞消息！但是幸好的是我找到一家可以取代雲貴香的米線店！一家位於工廈內的餐廳：雲南酸辣米線（小辣）＋肥牛＋豬軟骨 ＝ $47湯底偏淡味，酸味重過辣味，尚可接受。（因為最怕太重味精味的湯底，這個雖然淡口味，但是起碼味精味不濃）配料有：豆卜，木耳，肉碎，酸菜，花生黃金豆配料很多，味道又不錯！豆卜和木魚很入味，很好吃！最驚喜的是酸菜，他是炒過後再放進米線，酸味十足，超級惹味米線偏硬身，我喜歡！豬軟骨，份量很多有五塊，但是味道則一般，醃的時間不夠肥牛，份量也很多，味道則尚可，肉質沒有很老，正正常常總結來說，配菜很多吃又多，湯底剛正常，價錢也不貴，絕對會再來吃OR叫外賣！

每個星期都會黎柴灣一次，之前一直求其係附近士多食串燒賣醫肚就算，有次無意中比我發現咗一間冇門面嘅餐廳，「一豐味」裡面都幾乾淨、企理，初時諗住入去食件多士飲杯奶茶點知裡面冇呢D輕食，望下餐牌比我發現有麻辣米線，食過一次覺得幾ok 之後就成為咗我嘅食堂。今日又黎開餐，叫咗個四川麻辣湯蕃粉加豬頸肉同韮菜😋個麵低本身已經有花生，豆卜，木耳同炸菜肉碎，配菜𥚃面D花生我想講雖然浸咗湯但keep 住脆同好味👍🏻

在柴灣工業區上班的朋友，食lunch的選擇話多唔多，一般可能要到附近的屋苑商場去解決食晏問題。不過，其實工廠區內也有不少食堂，就如這次去的一豐味，外表是工廠大廈，但內裡卻是中檔茶餐廳的格局。這次點了薑䓤煎蛋雞扒飯，份量甚足，煎蛋共有兩隻，一般來說都夠飽的。然而，由於是中高檔茶餐廳格局，取價也配合其門面，一個大碗飯要四十多元，如要加飲品則要另加8元。在附近類似餐廳不多的情況下，也算是個可以的選擇吧！

活係柴灣工業城工作嘅同事們，應該都知道每日lunch又貴又唔好食又無選擇。一豐味嘅出現，我兩個星期lunch都食佢，質素高，味道好，新開乾淨，外賣就應該2個先會送。我最中意食《四川麻辣湯米線》，轉薯粉，加唔加菜都無乜所謂，因為佢本身跟花生、豆卜之類嘅配菜。我通常叫小辣或中辣，但師父手勢好浮，喜歡辣一點就中辣吧，怕佢小辣唔夠喉。食落真係有麻感覺。佢米線本身$26左右，加餸貴啲，試過加$10牛腩，得好少，但加$7定8蚊肥牛又正常份量。我通常轉紅薯粉，唔洗錢轉。成碗米線味道係唔錯。失落之處係下午茶時間野飲好似加$2，但lunch時間加$8，太貴了。另外我仲試過《煲仔豬扒是油煎旦飯》，外賣的，豬扒夠厚唔會乾爭爭，有兩隻小太陽旦，有菜，飯份量女仕剛好飽飽，男仕可能唔夠。但質素依然高！就講塊豬扒已經贏曬附近茶記！贏曬好多連鎖式餐廳(例如x棧)好多同事而家都由附近茶記轉食一豐味，係值得一試，忍唔住要打篇真心食評推介。