15
4
4
營業時間
今日營業
10:00 - 23:00
星期一至日
10:00 - 23:00
以上資料只供參考, 請與餐廳確認詳情
去到佐敦想搵糖水食又唔想食對面嘅松記原來真係無咩糖水店就試下呢間豆腐花首先店鋪真係超級窄坐左bar枱都不能大動薏米銀杏豆花 $19🥜熱食夠滑但豆味唔夠🥜味道唔知點解有啲似焗西米布甸🥜銀杏不算多🥜薏米銀杏覺得同豆花唔係好夾🥜自己加左好多紅蓋樽嘅薑汁冰糖豆花 $16🥜凍嘅豆腐花用外賣兜無咁吸引下次想試經過的話都想試下紅豆或者芝麻糊同埋豆漿，仲要記得嗌熱食嘅，因為價錢都算平，都係一個糖水好選擇。
繼續閱讀
用餐日期：2023/11/24用餐時段：下午茶用餐費用(每人）：$15餐廳環境：室內座位不多 檯與檯之間較近 人多時要搭檯 服務：服務員服務態度極不友善 對客黑口黑面 味道：點了薑汁豆花+芝麻糊豆花1: 薑汁豆花：豆花上桌時是給了碗靜豆花沒薑汁在上也沒發現薑汁在桌上 問了店員 店員黑口黑面也沒解釋 只是從雪櫃中拿出一樽薑汁放在桌上 沒道歉沒解釋 好像漏了給薑汁是客人自己問題似的 薑汁味道很淡 味道不好 不推薦 2: 芝麻糊豆花：芝麻糊有芝麻香味 和豆花食味道不錯總結：這家店是無意中經過時發現+嘗試的 這家豆花價錢合理 味道一般 但女店員待客態度很差 從入店 落單 上豆花 埋單 女店員全種黑口黑面態度極不友善 像全世畀得罪了她似的 食東西除了食物味道本身外 最重要是服務員服務態度 這家服務態度惡劣 是不值得推薦的豆花店
繼續閱讀
經過入去嗌咗兩碗豆腐花，一入到坐低已經俾個員工問候，員工嘅態度極為惡劣。其他客人問餐牌套餐點計，員工即刻黑口黑面，俾哂面色同用言語串返客人。仲要唔係單一個案，用餐短短五分鐘已經聽到幾單衝突。好心唔憂做就唔好開鋪，真係貼錢買難受。單講食物而言，完全唔好食，所謂嘅豆腐花原來係碎上。特登叫薑汁豆腐花，但原來支薑汁放喺枱面個個都加得，咁洗鬼叫人專登嗌咩。環境迫，又有烏蠅。各位想去食嘅預咗心理準備去俾人問候。
繼續閱讀
經過佐敦，之前睇榴槤關注組有人post過，附近有榴槤豆腐花，即刻去試下坦白講，第一眼見到實物，打左個突🤣，其貌不揚，估唔到食落幾好，用左馬來西亞既榴槤，所以都幾重榴槤味，榴槤肉都幾多，差唔多每啖豆腐花都食到榴槤肉，豆腐花都幾滑，以呢個價錢來講，都幾合理😋除左榴槤豆腐花，仲有其他種類既豆腐花和小食選擇，可惜我食量唔大，唯有留返下次再試，臨走買左支豆漿，完滿的一餐，非常飽肚有機會下次經過都會再食呢個豆腐花👍
繼續閱讀
經過呢間豆腐花店好多次，次次都俾佢話用加拿大黃豆嘅字眼吸引住，今日終於入去試吓。因為時間尚早，叫個腸粉魚蛋套餐。估佢唔到腸粉都幾滑，醬汁就Standard，總括嚟講OK。套餐入邊有一杯豆漿，可以選擇加糖定唔加糖，都幾好。係我坐低咁耐周邊嘅枱人流不斷，朝早11點幾開始已經有人入嚟食糖水，買豆漿豆花，應該都算係信心嘅保證。
繼續閱讀