一蔥味

西九龍中心嘅Food Court 好多好嘢食，特別係6樓好多社交平台新店，睇左社交平台咁耐，終於幫襯主打台式炸蛋蔥油餅嘅「#一蔥味」，店面以綠白色調嘅招牌好搶眼。金黃酥脆嘅餅皮加上半熟流心蛋黃，同大量新鮮青蔥，少少甜豉油調味，口感好有層次。有多款口味選擇，仲可以加蛋、芝士、泡菜或豬肉碎等配料，價錢親民又彈性。現場即炸，外脆內軟，蔥香濃郁。逛商場口痕必嚟掃街小食，記得早啲去免排隊。📸家姐味 (辣味) 加蛋 $33+4=37台式炸蔥油餅咁多款口味，本身有一隻蛋，不過再加蛋，口感比較豐富，令更加濕潤，香氣更加溢出🍳。脆餅上面加少少辣粉，  帶少少刺激感，配合青蔥碎同甜豉油提升清新滋味，鹹香辣味齊齊爆發，好惹味！媽咪味 (燒烤味) 加辣菜脯 $33+6=39同樣係炸蛋蔥油餅，今次呢份嘅蛋炸得比較蓬鬆，又繼續有流心蛋黃。加上燒烤粉嘅各種混合香料，味道濃郁惹味；辣菜脯帶微辣醒胃，不過餃子店唔係嗰種辣爆款。口感豐富，有香脆、鬆脆同爽脆層次，好有驚喜！🔥 細妹味 (蜜糖燒烤味) 加蛋 $33+4=37調味粉同燒烤味一樣，都有香料味，不過帶香甜味，好易入口🍯。餅皮香脆，蛋汁香濃，但其實冇必要再加太多蛋，加肉會更match，更有港式風味！👍細佬味 (沙律醬) 加蛋 $33+4=37呢款係唯一落醬唔落粉嘅款🍴餅皮依然香脆，蛋汁香濃，但沙律醬味淡淡地，好清新唔膩，超適合小朋友。加蛋會搶走沙律醬香味，建議加芝士，融化後多咗奶香同少少鹹味，味道更match！🧀凍檸茶 +$9呢度所有嘅飲品，都係預先沖好，放雪櫃雪住嘅。茶色混濁，原來就係有檸檬汁。茶味足夠，酸甜平衡，又唔算太甜，夠解炸蔥蛋餅嘅膩，真係非常抵飲。總數：$159…查看更多

外賣自取 嗌完去到舖頭等咗一陣先知 冇豬頸肉 等咗一段時間先拎到 即時有進行退款 即叫即整 但係俾我嘅時候成個蔥油餅已經係碎晒🥲 唔似食緊蔥油餅似食緊脆片 希望下次可以整得好啲🙏🏽…查看更多

放工陪閨蜜行街，行經西九龍中心搵食，無意中發現一間蔥油餅小店，menu勁有創意，忍唔住要試吓🤣炸蛋蔥油餅口味命名超有戲🤣• 爸爸味（原味）• 媽咪味（燒烤味）• 阿哥味（鹹蛋黃）• 細佬味（沙律醬）• 細妹味（蜜糖燒烤）• 家姐味（辣味）每個味道都好似代表咗一個家庭角色，睇menu已經笑咗🤣配料選擇都好豐富：蛋、芝士、泡菜、辣菜脯、豬肉碎、豬頸肉原來每塊蔥油餅都已經包咗炸蛋，唔好睇佢細細塊，真係幾飽肚👍🏻👧🏻細妹味（蜜糖燒烤）＋泡菜甜甜地再加少少辣，口感層次好豐富👨🏻爸爸味（原味）＋芝士簡單但唔失香濃，芝士控必試👦🏻阿哥味（鹹蛋黃）＋豬頸肉(必食)鹹香夠晒惹味，肉香十足🧒🏻家姐味（辣味）＋豬肉碎辣得啱啱好，唔食得辣嘅都食到，仲有少少似泰式生菜包嘅豬肉肉碎，好過癮🤣每款都有好香蔥味，又唔會冚過其他配料😋下次再去西九，一定要再食埋其他「家庭成員」🤣…查看更多

睇到 Openrice 的食評介紹，去咗西九龍中心6樓一葱味試咗原味葱油餅，真係超好味。 老闆很用心把葱油餅炸到脆卜卜，配上一個煎蛋和大量炒過的香葱。 外脆內軟，葱味香濃，一試難忘。 還有其他口味，都非常吸引，也可加配其他餡料。 下次想試咸蛋味加肉碎，相信會非常惹味。 😋😋😋可以用優惠價$12買一杯咸檸七，或$9一杯無冰凍檸茶，茶味香濃，甜度適中。 老闆非常好人，唔介意我們坐低食其他店的食物。 這間小店，值得推介。 👍👍👍💯…查看更多

行開發覺呢間好特別 個餅皮可以炸到脆身 唔似手抓餅同Wrap嗰隻 由於佢炸得都預咗佢比較油既 不過佢賣相都唔錯同食得好過癮一見到有鹹蛋黃味即刻想試🤤🤤果然望落去都好鹹蛋黃 對上一次食鹹蛋黃味已經係炸魚皮定炸薯條了so jenggg🤣 另外仲有隻蜜糖燒烤 都甜甜地咖 同泡菜撞埋一齊又幾夾🤍入面啲餡料可以自己諗加啲咩～～一嚟就冇晒豬肉碎同豬頸肉🥹真係喊出嚟 唯有加下芝士同蛋仲有泡菜啦個蔥餅其實都幾大份食到我好狼狽 幾乎食到塊面又汁又油 我仲特登問老細點樣識得優雅啲佢同我講冇㗎喎，聽完好傷心，等大家發明下試完話我知夏天一睇就知最適合飲鹹檸七🤍佢粒嘢真係好入味 浸極汽水都仲有味…查看更多