影片
更多
2021-09-02
410 瀏覽
尖沙咀老字號茶店香港經歷長時間嘅疫情，真係令到好多餐廳出現困難，特別好多老字號亦抵擋唔住結業收場。傳統茶店亦同樣如是，特別鍾意飲茶嘅朋友相信亦唔難發現呢一點。但好嘅茶總會有佢嘅粉絲，在香港眾多茶店之中，其實茶齡有番咁上下嘅朋友應該都會聽過呢間老店名稱，因為佢喺尖沙咀最少已經開咗二十多年，同時可能亦係香港最多老紫砂茶壺店舖，所以幫襯過咁多茶店，我亦覺得佢係香港茶店頭幾位。一茶軒One Tea House位於尖沙咀天星碼頭，店舖骨緻擺放著滿滿嘅老紫砂茶壺及各式各樣茶葉。當中比較多人喜愛嘅舊六安茶、生普洱、鐵觀音等亦相當出色，店內亦充滿著濃厚嘅茶香氣，相當古色古香。今次我就幫襯咗佢兩款茶，先飲就係佢嘅皇頂觀音，湯色清晰，味道回甘快夠厚身，茶味相當出色，最重要飲咗好多泡亦有茶味。另一款就係90年代雲南生茶，茶氣十足，飲三泡已經開始出汗，茶湯亦夠滑及厚身，相當醇厚。店舖內亦擺放咗好多舊紫砂茶壺，不同年代泥胎亦都有擺放，而且佢嘅古董茶壺坊間店舖亦好難搵到，鍾意紫砂茶壺嘅朋友相信見到都心心眼。
香港經歷長時間嘅疫情，真係令到好多餐廳出現困難，特別好多老字號亦抵擋唔住結業收場。傳統茶店亦同樣如是，特別鍾意飲茶嘅朋友相信亦唔難發現呢一點。
但好嘅茶總會有佢嘅粉絲，在香港眾多茶店之中，其實茶齡有番咁上下嘅朋友應該都會聽過呢間老店名稱，因為佢喺尖沙咀最少已經開咗二十多年，同時可能亦係香港最多老紫砂茶壺店舖，所以幫襯過咁多茶店，我亦覺得佢係香港茶店頭幾位。
一茶軒One Tea House位於尖沙咀天星碼頭，店舖骨緻擺放著滿滿嘅老紫砂茶壺及各式各樣茶葉。當中比較多人喜愛嘅舊六安茶、生普洱、鐵觀音等亦相當出色，店內亦充滿著濃厚嘅茶香氣，相當古色古香。
今次我就幫襯咗佢兩款茶，先飲就係佢嘅皇頂觀音，湯色清晰，味道回甘快夠厚身，茶味相當出色，最重要飲咗好多泡亦有茶味。
另一款就係90年代雲南生茶，
茶氣十足，飲三泡已經開始出汗，
茶湯亦夠滑及厚身，相當醇厚。
店舖內亦擺放咗好多舊紫砂茶壺，
不同年代泥胎亦都有擺放，
而且佢嘅古董茶壺坊間店舖亦好難搵到，
鍾意紫砂茶壺嘅朋友相信見到都心心眼。
張貼
